| Library / Tipiṭaka / д̇ибидага • Tipiṭaka / жуул̣анид̣̇д̣̇зса-адтагат̇аа • Cūḷaniddesa-aṭṭhakathā |
4. мзд̇д̇аг̇уумаан̣авасуд̇д̇анид̣̇д̣̇зсаван̣н̣анаа
4. Mettagūmāṇavasuttaniddesavaṇṇanā
18. жад̇уд̇т̇з мзд̇д̇аг̇уусуд̇д̇з – ман̃н̃аами д̇ам̣ взд̣̇аг̇уу бхаавид̇ад̇д̇анд̇и ‘‘аяам̣ взд̣̇аг̇уу’’д̇и жа ‘‘бхаавид̇ад̇д̇о’’д̇и жа звам̣ д̇ам̣ ман̃н̃аами.
18. Catutthe mettagūsutte – maññāmi taṃ vedagū bhāvitattanti ‘‘ayaṃ vedagū’’ti ca ‘‘bhāvitatto’’ti ca evaṃ taṃ maññāmi.
абарид̇д̇од̇и на аббо. маханд̇од̇и на куд̣̇д̣̇аго. г̇амбхийрод̇и на уд̇д̇аано. аббамзяяод̇и минид̇ум̣ на саггун̣зяяо. д̣̇уббарияог̇аал̣ход̇и аваг̇аахид̇ум̣ од̇арид̇ум̣ д̣̇угко. б̣ахурад̇ано сааг̇аруубамод̇и б̣ахуунам̣ д̇хаммарад̇анаанам̣ аагарад̇д̇аа анзгавид̇харад̇анасамбанно махаасамуд̣̇д̣̇о вияа б̣ахурад̇ано сааг̇арасад̣̇исо.
Aparittoti na appo. Mahantoti na khuddako. Gambhīroti na uttāno. Appameyyoti minituṃ na sakkuṇeyyo. Duppariyogāḷhoti avagāhituṃ otarituṃ dukkho. Bahuratano sāgarūpamoti bahūnaṃ dhammaratanānaṃ ākarattā anekavidharatanasampanno mahāsamuddo viya bahuratano sāgarasadiso.
на ман̇гу ход̇ийд̇и на вигун̣ид̇амуко ход̇и. аббад̇идтид̇ажид̇д̇од̇и д̣̇осавасзна на гханийбхууд̇ажид̇д̇о. алийнаманасод̇и на сан̇гужид̇ажид̇д̇о. аб̣яаабаннажзд̇асод̇и на бууд̇ижид̇д̇о.
Na maṅku hotīti na vikuṇitamukho hoti. Appatiṭṭhitacittoti dosavasena na ghanībhūtacitto. Alīnamanasoti na saṅkucitacitto. Abyāpannacetasoti na pūticitto.
д̣̇идтз д̣̇идтамад̇д̇од̇и жагкувисаяз руубаарамман̣з д̣̇идтамад̇д̇оязва д̇ам̣ аарамман̣ам̣ бхависсад̇и, гад̇д̇аа ваа гаарзд̇аа ваа над̇т̇и. яам̣ жагкунаа д̣̇идтам̣ ван̣н̣ааяад̇анамзва. суд̇аад̣̇ийсуби зсзва наяо. аби жа д̣̇идтзд̇и д̣̇ассанаяог̇зна ван̣н̣ааяад̇анам̣, саванаяог̇зна сад̣̇д̣̇ааяад̇анам̣, муд̇аяог̇зна гхаанаж̇ивхаагааяааяад̇анаани д̣̇ассзд̇и. гхаанасса г̇анд̇хааяад̇анам̣, ж̇ивхааяа расааяад̇анам̣, гааяасса бат̇авий д̇зж̇о вааяууд̇и подтаб̣б̣ааяад̇анам̣, вин̃н̃аад̇аяог̇зна д̇хаммааяад̇анам̣ д̣̇ассзд̇и. д̣̇идтз ануубаяод̇и жагкувин̃н̃аан̣зна д̣̇идтз рааг̇уубаяавирахид̇о. анабааяод̇и год̇хавирахид̇о аббадигхо . аниссид̇од̇и д̇ан̣хааяа аналлийно. аббадиб̣ад̣̇д̇ход̇и маанзна на б̣ад̣̇д̇хо. виббамуд̇д̇од̇и саб̣б̣аарамман̣ад̇о муд̇д̇о. висан̃н̃уд̇д̇од̇и гилзсзхи вияуд̇д̇о худ̇ваа тид̇о.
Diṭṭhe diṭṭhamattoti cakkhuvisaye rūpārammaṇe diṭṭhamattoyeva taṃ ārammaṇaṃ bhavissati, kattā vā kāretā vā natthi. Yaṃ cakkhunā diṭṭhaṃ vaṇṇāyatanameva. Sutādīsupi eseva nayo. Api ca diṭṭheti dassanayogena vaṇṇāyatanaṃ, savanayogena saddāyatanaṃ, mutayogena ghānajivhākāyāyatanāni dasseti. Ghānassa gandhāyatanaṃ, jivhāya rasāyatanaṃ, kāyassa pathavī tejo vāyūti phoṭṭhabbāyatanaṃ, viññātayogena dhammāyatanaṃ dasseti. Diṭṭhe anūpayoti cakkhuviññāṇena diṭṭhe rāgūpayavirahito. Anapāyoti kodhavirahito appaṭigho . Anissitoti taṇhāya anallīno. Appaṭibaddhoti mānena na baddho. Vippamuttoti sabbārammaṇato mutto. Visaññuttoti kilesehi viyutto hutvā ṭhito.
сам̣виж̇ж̇ад̇и бхаг̇авад̇о жагкууд̇и б̣уд̣̇д̇хасса бхаг̇авад̇о багад̇имам̣сажагку убалаб̣бхад̇и. бассад̇ийд̇и д̣̇агкад̇и ологзд̇и. жагкунаа руубанд̇и жагкувин̃н̃аан̣зна руубаарамман̣ам̣. чанд̣̇арааг̇од̇и д̇ан̣хаачанд̣̇о.
Saṃvijjati bhagavato cakkhūti buddhassa bhagavato pakatimaṃsacakkhu upalabbhati. Passatīti dakkhati oloketi. Cakkhunā rūpanti cakkhuviññāṇena rūpārammaṇaṃ. Chandarāgoti taṇhāchando.
д̣̇анд̇ам̣ наяанд̇и самид̇инд̇и уяяаанагийл̣ааман̣д̣алаад̣̇ийсу хи махааж̇анамаж̇жхам̣ г̇ажчанд̇аа д̣̇анд̇амзва г̇он̣ам̣ ваа д̣̇анд̇ам̣ ассааж̇аанийяам̣ ваа яаанз яож̇зд̇ваа наяанд̇и. рааж̇аад̇и д̇ат̇ааруубаанзва таанаани г̇ажчанд̇о рааж̇ааби д̣̇анд̇амзва абхирухад̇и. мануссзсууд̇и мануссзсуби жад̇уухи арияамаг̇г̇зхи д̣̇анд̇о ниб̣б̣исзванова сздто. яод̇иваагяанд̇и зваруубам̣ ад̇иггаммаважанам̣ бунаббунам̣ вужжамаанамби д̇ид̇игкад̇и наббад̇ибпарад̇и на вихан̃н̃ад̇и, зваруубо д̣̇анд̇о сздтод̇и ад̇т̇о.
Dantaṃ nayanti samitinti uyyānakīḷāmaṇḍalādīsu hi mahājanamajjhaṃ gacchantā dantameva goṇaṃ vā dantaṃ assājānīyaṃ vā yāne yojetvā nayanti. Rājāti tathārūpāneva ṭhānāni gacchanto rājāpi dantameva abhiruhati. Manussesūti manussesupi catūhi ariyamaggehi danto nibbisevanova seṭṭho. Yotivākyanti evarūpaṃ atikkammavacanaṃ punappunaṃ vuccamānampi titikkhati nappatippharati na vihaññati, evarūpo danto seṭṭhoti attho.
ассад̇араад̇и вал̣авааяа г̇ад̣̇рабхзна ж̇аад̇аа. ааж̇аанийяаад̇и яам̣ ассад̣̇аммасаарат̇и гааран̣ам̣ гаарзд̇и, д̇асса киббам̣ ж̇аананасамад̇т̇аа. синд̇хаваад̇и синд̇хаварадтз ж̇аад̇аа ассаа. махаанааг̇аад̇и гун̃ж̇арасан̇каад̇аа махаахад̇т̇ино. ад̇д̇ад̣̇анд̇од̇и зд̇з ассад̇араа ваа синд̇хаваа ваа гун̃ж̇араа ваа д̣̇анд̇аава, на ад̣̇анд̇аа. яо бана жад̇умаг̇г̇асан̇каад̇зна ад̇д̇ано д̣̇анд̇ад̇ааяа ад̇д̇ад̣̇анд̇о ниб̣б̣исзвано, аяам̣ д̇ад̇оби варам̣, саб̣б̣зхиби зд̇зхи уд̇д̇арид̇арод̇и ад̇т̇о.
Assatarāti vaḷavāya gadrabhena jātā. Ājānīyāti yaṃ assadammasārathi kāraṇaṃ kāreti, tassa khippaṃ jānanasamatthā. Sindhavāti sindhavaraṭṭhe jātā assā. Mahānāgāti kuñjarasaṅkhātā mahāhatthino. Attadantoti ete assatarā vā sindhavā vā kuñjarā vā dantāva, na adantā. Yo pana catumaggasaṅkhātena attano dantatāya attadanto nibbisevano, ayaṃ tatopi varaṃ, sabbehipi etehi uttaritaroti attho.
на хи зд̇зхи яаанзхийд̇и яаани зд̇аани хад̇т̇ияаанаад̣̇ийни уд̇д̇амаяаанаани, зд̇зхи яаанзхи гожи буг̇г̇ало субинанд̇знаби аг̇ад̇абуб̣б̣ад̇д̇аа ‘‘аг̇ад̇а’’нд̇и сан̇каад̇ам̣ ниб̣б̣аанад̣̇исам̣ д̇ат̇аа на г̇ажчзяяа. яат̇аа буб̣б̣абхааг̇з инд̣̇рияад̣̇амзна д̣̇анд̇зна, абарабхааг̇з арияамаг̇г̇абхааванааяа суд̣̇анд̇зна д̣̇анд̇о ниб̣б̣исзвано саббан̃н̃о буг̇г̇ало д̇ам̣ аг̇ад̇абуб̣б̣ам̣ д̣̇исам̣ г̇ажчад̇и, д̣̇анд̇абхуумим̣ баабун̣аад̇и, д̇асмаа ад̇д̇ад̣̇аманамзва варад̇аранд̇и ад̇т̇о (д̇ха. ба. адта. 2.322; махаани. адта. 90).
Na hi etehi yānehīti yāni etāni hatthiyānādīni uttamayānāni, etehi yānehi koci puggalo supinantenapi agatapubbattā ‘‘agata’’nti saṅkhātaṃ nibbānadisaṃ tathā na gaccheyya. Yathā pubbabhāge indriyadamena dantena, aparabhāge ariyamaggabhāvanāya sudantena danto nibbisevano sappañño puggalo taṃ agatapubbaṃ disaṃ gacchati, dantabhūmiṃ pāpuṇāti, tasmā attadamanameva varataranti attho (dha. pa. aṭṭha. 2.322; mahāni. aṭṭha. 90).
вид̇хаасу на вигамбанд̇ийд̇и нававид̇хамаанагодтаасзсу на жаланд̇и на взд̇хзнд̇и. виббамуд̇д̇аа бунаб̣бхаваад̇и гаммагилзсад̇о самужчзд̣̇авимуд̇д̇ияаа судту муд̇д̇аа. д̣̇анд̇абхуумим̣ ануббад̇д̇аад̇и арахад̇д̇апалам̣ баабун̣ид̇ваа тид̇аа. д̇з логз виж̇ид̇аавинод̇и д̇з вуд̇д̇аббагаараа кийн̣аасаваа сад̇д̇алогз виж̇ид̇авиж̇аяаа наама (сам̣. ни. адта. 2.3.76; махаани. адта. 90).
Vidhāsu na vikampantīti navavidhamānakoṭṭhāsesu na calanti na vedhenti. Vippamuttā punabbhavāti kammakilesato samucchedavimuttiyā suṭṭhu muttā. Dantabhūmiṃ anuppattāti arahattaphalaṃ pāpuṇitvā ṭhitā. Te loke vijitāvinoti te vuttappakārā khīṇāsavā sattaloke vijitavijayā nāma (saṃ. ni. aṭṭha. 2.3.76; mahāni. aṭṭha. 90).
яассинд̣̇рияаани бхаавид̇аанийд̇и яасса кийн̣аасавасса сад̣̇д̇хаад̣̇ибан̃жинд̣̇рияаани арахад̇д̇апалам̣ баабзд̇ваа вад̣дхид̇аани. аж̇жхад̇д̇ан̃жа б̣ахид̣̇д̇хаа жаад̇и жагкаад̣̇иаж̇жхад̇д̇ааяад̇анаани жа руубаад̣̇иб̣ахид̣̇д̇хааяад̇анаани жа ниб̣б̣исзванаани гад̇аани. саб̣б̣алогзд̇и сагалад̇зд̇хаад̇угз логз жа. ниб̣б̣иж̇жха имам̣ баран̃жа логанд̇и иман̃жа ад̇д̇абхаавам̣ баралогз жа ад̇д̇абхаавам̣ ад̇иггамид̇ваа тид̇о кийн̣аасаво . гаалам̣ ган̇кад̇и бхаавид̇о са д̣̇анд̇од̇и со кийн̣аасаво жагкаад̣̇ид̇о д̣̇анд̇о вад̣дхид̇ажид̇д̇о маран̣агаалам̣ бад̇т̇зд̇и (су. ни. адта. 2.522; махаани. адта. 90).
Yassindriyāni bhāvitānīti yassa khīṇāsavassa saddhādipañcindriyāni arahattaphalaṃ pāpetvā vaḍḍhitāni. Ajjhattañca bahiddhā cāti cakkhādiajjhattāyatanāni ca rūpādibahiddhāyatanāni ca nibbisevanāni katāni. Sabbaloketi sakalatedhātuke loke ca. Nibbijjha imaṃ parañca lokanti imañca attabhāvaṃ paraloke ca attabhāvaṃ atikkamitvā ṭhito khīṇāsavo . Kālaṃ kaṅkhati bhāvito sa dantoti so khīṇāsavo cakkhādito danto vaḍḍhitacitto maraṇakālaṃ pattheti (su. ni. aṭṭha. 2.522; mahāni. aṭṭha. 90).
язсам̣ д̇хаммаанам̣ аад̣̇ид̇о самуд̣̇ааг̇аманам̣ бан̃н̃ааяад̇ийд̇и язсам̣ канд̇хаад̣̇ид̇хаммаанам̣ уббад̇д̇и бан̃н̃ааяад̇и. ад̇т̇ан̇г̇амад̇о нирод̇ход̇и ад̇т̇ан̇г̇аманавасзна д̇зсам̣язва абхааво бан̃н̃ааяад̇и. гаммасанниссид̇о вибаагод̇и гусалаагусалагамманиссид̇о вибааго гаммам̣ амун̃жид̇ваа бавад̇д̇анад̇о вибаагоби гаммасанниссид̇ова наама. наамасанниссид̇ам̣ руубанд̇и саб̣б̣аруубам̣ наамам̣ г̇ахзд̇ваа бавад̇д̇анад̇о наамасанниссид̇ам̣ наама ж̇аад̇ам̣. ж̇аад̇ияаа ануг̇ад̇анд̇и саб̣б̣ам̣ гаммаад̣̇игам̣ ж̇аад̇ияаа анубавидтам̣. ж̇арааяа анусаданд̇и ж̇арааяа бад̇т̇адам̣. б̣яаад̇хинаа абхибхууд̇анд̇и б̣яаад̇хид̣̇угкзна абхимад̣̇д̣̇ид̇ам̣. маран̣зна аб̣бхаахад̇анд̇и мажжунаа абхихадам̣ бахадам̣. ад̇аан̣анд̇и буд̇д̇аад̣̇ийхиби д̇ааяанасса абхаавад̇о ад̇ааяанам̣ анаарагкам̣ алаб̣бхан̣зяяам̣ кзмам̣ ваа. алзн̣анд̇и аллийяид̇ум̣ ниссаяид̇ум̣ анарахам̣, аллийнаанамби на лзн̣агижжагаран̣ам̣. асаран̣анд̇и ниссид̇аанам̣ на бхаяахаарагам̣, на бхаяавинаасагам̣. асаран̣ийбхууд̇анд̇и бурз уббад̇д̇ияаа ад̇д̇ано абхаавзнзва асаран̣ам̣, уббад̇д̇исамагааламзва асаран̣абхууд̇анд̇и ад̇т̇о.
Yesaṃ dhammānaṃ ādito samudāgamanaṃ paññāyatīti yesaṃ khandhādidhammānaṃ uppatti paññāyati. Atthaṅgamato nirodhoti atthaṅgamanavasena tesaṃyeva abhāvo paññāyati. Kammasannissito vipākoti kusalākusalakammanissito vipāko kammaṃ amuñcitvā pavattanato vipākopi kammasannissitova nāma. Nāmasannissitaṃ rūpanti sabbarūpaṃ nāmaṃ gahetvā pavattanato nāmasannissitaṃ nāma jātaṃ. Jātiyā anugatanti sabbaṃ kammādikaṃ jātiyā anupaviṭṭhaṃ. Jarāya anusaṭanti jarāya patthaṭaṃ. Byādhinā abhibhūtanti byādhidukkhena abhimadditaṃ. Maraṇena abbhāhatanti maccunā abhihaṭaṃ pahaṭaṃ. Atāṇanti puttādīhipi tāyanassa abhāvato atāyanaṃ anārakkhaṃ alabbhaṇeyyaṃ khemaṃ vā. Aleṇanti allīyituṃ nissayituṃ anarahaṃ, allīnānampi na leṇakiccakaraṇaṃ. Asaraṇanti nissitānaṃ na bhayahārakaṃ, na bhayavināsakaṃ. Asaraṇībhūtanti pure uppattiyā attano abhāveneva asaraṇaṃ, uppattisamakālameva asaraṇabhūtanti attho.
19. абужчасийд̇и зд̇т̇а а-ид̇и бад̣̇абууран̣амад̇д̇з нибаад̇о, бужчасид̇взва ад̇т̇о. бавагкаами яат̇аа баж̇аананд̇и яат̇аа баж̇аананд̇о аажигкад̇и, звам̣ аажигкиссаами. убад̇хинид̣̇аанаа бабхаванд̇и д̣̇угкаад̇и д̇ан̣хаад̣̇иубад̇хинид̣̇аанаа ж̇аад̇иаад̣̇ид̣̇угкависзсаа бабхаванд̇и.
19.Apucchasīti ettha a-iti padapūraṇamatte nipāto, pucchasitveva attho. Pavakkhāmi yathā pajānanti yathā pajānanto ācikkhati, evaṃ ācikkhissāmi. Upadhinidānā pabhavanti dukkhāti taṇhādiupadhinidānā jātiādidukkhavisesā pabhavanti.
д̇ан̣хуубад̇хийд̇и д̇ан̣хаа зва д̇ан̣хуубад̇хи. сассад̇ужчзд̣̇ад̣̇идти зва д̣̇идтуубад̇хи. рааг̇аад̣̇игилзсаа зва гилзсуубад̇хи. бун̃н̃аад̣̇игаммаани зва гаммуубад̇хи. д̇ивид̇хад̣̇ужжарид̇ааниязва д̣̇ужжарид̇уубад̇хи. габ̣ал̣ийгаараад̣̇аяо аахаараа зва аахааруубад̇хи. д̣̇осабадигхо зва бадигхуубад̇хи. гаммасамудтаанаа гаммзнзва г̇ахид̇аа бат̇аваад̣̇аяо жад̇ассо д̇хаад̇уяова жад̇ассо убаад̣̇иннад̇хаад̇уяо убад̇хий. жагкаад̣̇ичааж̇жхад̇д̇игаани ааяад̇анаани зва ча аж̇жхад̇д̇игаани ааяад̇анаани убад̇хий. жагкувин̃н̃аан̣аад̣̇ичавин̃н̃аан̣агааяаава ча вин̃н̃аан̣агааяаа убад̇хий. саб̣б̣амби д̣̇угкам̣ д̣̇угкаманадтзнаад̇и саб̣б̣ад̇збхуумагам̣ д̣̇угкам̣ д̣̇уссаханадтзна убад̇хи.
Taṇhūpadhīti taṇhā eva taṇhūpadhi. Sassatucchedadiṭṭhi eva diṭṭhūpadhi. Rāgādikilesā eva kilesūpadhi. Puññādikammāni eva kammūpadhi. Tividhaduccaritāniyeva duccaritūpadhi. Kabaḷīkārādayo āhārā eva āhārūpadhi. Dosapaṭigho eva paṭighūpadhi. Kammasamuṭṭhānā kammeneva gahitā pathavādayo catasso dhātuyova catasso upādinnadhātuyo upadhī. Cakkhādichaajjhattikāni āyatanāni eva cha ajjhattikāni āyatanāni upadhī. Cakkhuviññāṇādichaviññāṇakāyāva cha viññāṇakāyā upadhī. Sabbampi dukkhaṃ dukkhamanaṭṭhenāti sabbatebhūmakaṃ dukkhaṃ dussahanaṭṭhena upadhi.
20. звам̣ убад̇хинид̣̇аанад̇о бабхаванд̇зсу д̣̇угкзсу – яо вз авид̣̇ваад̇и г̇аат̇аа. д̇ад̇т̇а баж̇аананд̇и сан̇каарз анижжаад̣̇ивасзна ж̇аананд̇о. д̣̇угкасса ж̇аад̇иббабхаваанубассийд̇и ваддад̣̇угкасса ж̇аад̇игааран̣ам̣ ‘‘убад̇хий’’д̇и анубассанд̇о. имиссаа г̇аат̇ааяа нид̣̇д̣̇зсз вад̇д̇аб̣б̣ам̣ над̇т̇и.
20. Evaṃ upadhinidānato pabhavantesu dukkhesu – yo ve avidvāti gāthā. Tattha pajānanti saṅkhāre aniccādivasena jānanto. Dukkhassa jātippabhavānupassīti vaṭṭadukkhassa jātikāraṇaṃ ‘‘upadhī’’ti anupassanto. Imissā gāthāya niddese vattabbaṃ natthi.
21. согабарид̣̇д̣̇аван̃жаад̇и соган̃жа барид̣̇зван̃жа. д̇ат̇аа хи д̇з вид̣̇ид̇о зса д̇хаммод̇и яат̇аа яат̇аа сад̇д̇аа ж̇аананд̇и, д̇ат̇аа д̇ат̇аа н̃аабанавасзна вид̣̇ид̇о зса д̇аяаа д̇хаммод̇и.
21.Sokapariddavañcāti sokañca paridevañca. Tathā hi te vidito esa dhammoti yathā yathā sattā jānanti, tathā tathā ñāpanavasena vidito esa tayā dhammoti.
д̇ад̇т̇а д̇аранд̇ийд̇и батамамаг̇г̇зна д̣̇идтогхам̣ д̇аранд̇и. уд̇д̇аранд̇ийд̇и д̣̇уд̇ияамаг̇г̇зна гаамогхам̣ д̇анугаран̣авасзна уг̇г̇анд̇ваа д̇аранд̇и. бад̇аранд̇ийд̇и д̇амзва ниравасзсаббахаанавасзна д̇ад̇ияамаг̇г̇зна висзсзна д̇аранд̇и. самад̇иггаманд̇ийд̇и бхавогхаавиж̇ж̇огхаббахаанавасзна жад̇уд̇т̇амаг̇г̇зна саммаа ад̇иггаманд̇и. вийд̇ивад̇д̇анд̇ийд̇и палам̣ баабун̣ид̇ваа д̇идтанд̇и.
Tattha tarantīti paṭhamamaggena diṭṭhoghaṃ taranti. Uttarantīti dutiyamaggena kāmoghaṃ tanukaraṇavasena uggantvā taranti. Patarantīti tameva niravasesappahānavasena tatiyamaggena visesena taranti. Samatikkamantīti bhavoghaavijjoghappahānavasena catutthamaggena sammā atikkamanti. Vītivattantīti phalaṃ pāpuṇitvā tiṭṭhanti.
22. гид̇д̇аяиссаами д̇з д̇хамманд̇и ниб̣б̣аанад̇хаммам̣ ниб̣б̣аанаг̇ааминибадибад̣̇аад̇хамман̃жа д̇з д̣̇зсаяиссаами. д̣̇идтз д̇хаммзд̇и д̣̇идтзва д̣̇угкаад̣̇ид̇хаммз, имасмим̣язва ваа ад̇д̇абхаавз. анийд̇иханд̇и ад̇д̇абажжагкам̣. яам̣ вид̣̇ид̇ваад̇и яам̣ д̇хаммам̣ ‘‘саб̣б̣з сан̇каараа анижжаа’’д̇иаад̣̇инаа (д̇ха. ба. 277; т̇зраг̇аа. 676; гат̇аа. 753) наязна саммасанд̇о вид̣̇ид̇ваа.
22.Kittayissāmi te dhammanti nibbānadhammaṃ nibbānagāminipaṭipadādhammañca te desayissāmi. Diṭṭhe dhammeti diṭṭheva dukkhādidhamme, imasmiṃyeva vā attabhāve. Anītihanti attapaccakkhaṃ. Yaṃ viditvāti yaṃ dhammaṃ ‘‘sabbe saṅkhārā aniccā’’tiādinā (dha. pa. 277; theragā. 676; kathā. 753) nayena sammasanto viditvā.
д̇ад̇т̇а аад̣̇игаляаан̣анд̇и хид̇вааби ануд̇д̇арам̣ вивзгасукам̣ д̇хаммам̣ д̇ава гид̇д̇аяиссаами, д̇ан̃жа ко аббам̣ ваа б̣ахум̣ ваа гид̇д̇аяанд̇о аад̣̇игаляаан̣аад̣̇иббагаарамзва гид̇д̇аяиссаами. аад̣̇имхи галяаан̣ам̣ бхад̣̇д̣̇агам̣ анаваж̇ж̇амзва гад̇ваа гид̇д̇аяиссаами . маж̇жхзби. барияосаанзби бхад̣̇д̣̇агам̣ анаваж̇ж̇амзва гад̇ваа гид̇д̇аяиссаамийд̇и вуд̇д̇ам̣ ход̇и. яасмин̃хи бхаг̇аваа згаг̇аат̇амби д̣̇зсзси, саа саманд̇абхад̣̇д̣̇агад̇д̇аа д̇хаммасса батамабаад̣̇зна аад̣̇игаляаан̣аа, д̣̇уд̇ияад̇ад̇ияабаад̣̇зхи маж̇жхзгаляаан̣аа, бажчимабаад̣̇зна барияосаанагаляаан̣аа. згаанусанд̇хигам̣ суд̇д̇ам̣ нид̣̇аанзна аад̣̇игаляаан̣ам̣, ниг̇аманзна барияосаанагаляаан̣ам̣, сзсзна маж̇жхзгаляаан̣ам̣. наанаанусанд̇хигам̣ суд̇д̇ам̣ батамаанусанд̇хинаа аад̣̇игаляаан̣ам̣, бажчимзна барияосаанагаляаан̣ам̣, сзсзхи маж̇жхзгаляаан̣ам̣.
Tattha ādikalyāṇanti hitvāpi anuttaraṃ vivekasukhaṃ dhammaṃ tava kittayissāmi, tañca kho appaṃ vā bahuṃ vā kittayanto ādikalyāṇādippakārameva kittayissāmi. Ādimhi kalyāṇaṃ bhaddakaṃ anavajjameva katvā kittayissāmi . Majjhepi. Pariyosānepi bhaddakaṃ anavajjameva katvā kittayissāmīti vuttaṃ hoti. Yasmiñhi bhagavā ekagāthampi desesi, sā samantabhaddakattā dhammassa paṭhamapādena ādikalyāṇā, dutiyatatiyapādehi majjhekalyāṇā, pacchimapādena pariyosānakalyāṇā. Ekānusandhikaṃ suttaṃ nidānena ādikalyāṇaṃ, nigamanena pariyosānakalyāṇaṃ, sesena majjhekalyāṇaṃ. Nānānusandhikaṃ suttaṃ paṭhamānusandhinā ādikalyāṇaṃ, pacchimena pariyosānakalyāṇaṃ, sesehi majjhekalyāṇaṃ.
аби жа санид̣̇аанауббад̇д̇ид̇д̇аа аад̣̇игаляаан̣ам̣, взнзяяаанам̣ ануруубад̇о ад̇т̇асса авибарийд̇ад̇ааяа жа хзд̇уд̣̇аахаран̣аяуд̇д̇ад̇о жа маж̇жхзгаляаан̣ам̣, сод̇уунам̣ сад̣̇д̇хаабадилаабхаж̇ананзна ниг̇аманзна жа барияосаанагаляаан̣ам̣.
Api ca sanidānauppattittā ādikalyāṇaṃ, veneyyānaṃ anurūpato atthassa aviparītatāya ca hetudāharaṇayuttato ca majjhekalyāṇaṃ, sotūnaṃ saddhāpaṭilābhajananena nigamanena ca pariyosānakalyāṇaṃ.
сагало хи саасанад̇хаммо ад̇д̇ано ад̇т̇абхууд̇зна сийлзна аад̣̇игаляаан̣о, самат̇авибассанаамаг̇г̇апалзхи маж̇жхзгаляаан̣о, ниб̣б̣аанзна барияосаанагаляаан̣о. сийласамаад̇хийхи ваа аад̣̇игаляаан̣о, вибассанаамаг̇г̇зхи маж̇жхзгаляаан̣о, паланиб̣б̣аанзхи барияосаанагаляаан̣о. б̣уд̣̇д̇хасуб̣од̇хид̇ааяа ваа аад̣̇игаляаан̣о, д̇хаммасуд̇хаммад̇ааяа маж̇жхзгаляаан̣о, сан̇гхасуббадибад̇д̇ияаа барияосаанагаляаан̣о . д̇ам̣ суд̇ваа д̇ат̇ад̇д̇ааяа бадибаннзна ад̇хиг̇анд̇аб̣б̣ааяа абхисамб̣од̇хияаа ваа аад̣̇игаляаан̣о, бажжзгаб̣од̇хияаа маж̇жхзгаляаан̣о, саавагаб̣од̇хияаа барияосаанагаляаан̣о.
Sakalo hi sāsanadhammo attano atthabhūtena sīlena ādikalyāṇo, samathavipassanāmaggaphalehi majjhekalyāṇo, nibbānena pariyosānakalyāṇo. Sīlasamādhīhi vā ādikalyāṇo, vipassanāmaggehi majjhekalyāṇo, phalanibbānehi pariyosānakalyāṇo. Buddhasubodhitāya vā ādikalyāṇo, dhammasudhammatāya majjhekalyāṇo, saṅghasuppaṭipattiyā pariyosānakalyāṇo . Taṃ sutvā tathattāya paṭipannena adhigantabbāya abhisambodhiyā vā ādikalyāṇo, paccekabodhiyā majjhekalyāṇo, sāvakabodhiyā pariyosānakalyāṇo.
суяяамаано жзса нийваран̣авигкамбханад̇о бхаванзнаби галяаан̣амзва аавахад̇ийд̇и аад̣̇игаляаан̣о, бадибаж̇ж̇ияамаано самат̇авибассанаасукааваханад̇о бадибад̇д̇ияааби галяаан̣амзва аавахад̇ийд̇и маж̇жхзгаляаан̣о, д̇ат̇аабадибанно (баараа. адта. 1.1) жа бадибад̇д̇ипалз нидтид̇з д̇аад̣̇ибхаавааваханад̇о бадибад̇д̇ипалзнаби галяаан̣амзва аавахад̇ийд̇и барияосаанагаляаан̣од̇и.
Suyyamāno cesa nīvaraṇavikkhambhanato bhavanenapi kalyāṇameva āvahatīti ādikalyāṇo, paṭipajjiyamāno samathavipassanāsukhāvahanato paṭipattiyāpi kalyāṇameva āvahatīti majjhekalyāṇo, tathāpaṭipanno (pārā. aṭṭha. 1.1) ca paṭipattiphale niṭṭhite tādibhāvāvahanato paṭipattiphalenapi kalyāṇameva āvahatīti pariyosānakalyāṇoti.
яам̣ банзса бхаг̇аваа д̇хаммам̣ д̣̇зсзнд̇о саасанаб̣рахмажарияам̣ маг̇г̇аб̣рахмажарияан̃жа багаасзд̇и, наанаанаязхи д̣̇ийбзд̇и. д̇ам̣ яат̇аануруубам̣ ад̇т̇асамбад̇д̇ияаа саад̇т̇ам̣. б̣яан̃ж̇анасамбад̇д̇ияаа саб̣яан̃ж̇анам̣. сан̇гаасанабагаасанавиваран̣авибхаж̇анауд̇д̇аанийгаран̣абан̃н̃ад̇д̇иад̇т̇абад̣̇асамааяог̇ад̇о саад̇т̇ам̣. агкарабад̣̇аб̣яан̃ж̇анаагааранируд̇д̇инид̣̇д̣̇зсасамбад̇д̇ияаа саб̣яан̃ж̇анам̣. ад̇т̇аг̇амбхийрад̇аабадивзд̇хаг̇амбхийрад̇аахи саад̇т̇ам̣ . д̇хаммаг̇амбхийрад̇аад̣̇зсанааг̇амбхийрад̇аахи саб̣яан̃ж̇анам̣. ад̇т̇абадибхаанабадисамбхид̣̇аависаяад̇о саад̇т̇ам̣. д̇хамманируд̇д̇ибадисамбхид̣̇аависаяад̇о саб̣яан̃ж̇анам̣. бан̣д̣ид̇авзд̣̇анийяад̇о саригкагаж̇анаббасаад̣̇аганд̇и саад̇т̇ам̣. сад̣̇д̇хзяяад̇о логияаж̇анаббасаад̣̇аганд̇и саб̣яан̃ж̇анам̣. г̇амбхийраад̇хиббааяад̇о саад̇т̇ам̣. уд̇д̇аанабад̣̇ад̇о саб̣яан̃ж̇анам̣. убанзд̇аб̣б̣асса абхаавад̇о сагалабарибун̣н̣абхаавзна гзвалабарибун̣н̣ам̣. абанзд̇аб̣б̣асса абхаавад̇о нид̣̇д̣̇осабхаавзна барисуд̣̇д̇хам̣.
Yaṃ panesa bhagavā dhammaṃ desento sāsanabrahmacariyaṃ maggabrahmacariyañca pakāseti, nānānayehi dīpeti. Taṃ yathānurūpaṃ atthasampattiyā sātthaṃ. Byañjanasampattiyā sabyañjanaṃ. Saṅkāsanapakāsanavivaraṇavibhajanauttānīkaraṇapaññattiatthapadasamāyogato sātthaṃ. Akkharapadabyañjanākāraniruttiniddesasampattiyā sabyañjanaṃ. Atthagambhīratāpaṭivedhagambhīratāhi sātthaṃ. Dhammagambhīratādesanāgambhīratāhi sabyañjanaṃ. Atthapaṭibhānapaṭisambhidāvisayato sātthaṃ. Dhammaniruttipaṭisambhidāvisayato sabyañjanaṃ. Paṇḍitavedanīyato sarikkhakajanappasādakanti sātthaṃ. Saddheyyato lokiyajanappasādakanti sabyañjanaṃ. Gambhīrādhippāyato sātthaṃ. Uttānapadato sabyañjanaṃ. Upanetabbassa abhāvato sakalaparipuṇṇabhāvena kevalaparipuṇṇaṃ. Apanetabbassa abhāvato niddosabhāvena parisuddhaṃ.
аби жа – бадибад̇д̇ияаа ад̇хиг̇амаб̣яад̇д̇ид̇о саад̇т̇ам̣. барияад̇д̇ияаа ааг̇амаб̣яад̇д̇ид̇о саб̣яан̃ж̇анам̣. сийлаад̣̇ибан̃жад̇хаммагканд̇хаяуд̇д̇ад̇о гзвалабарибун̣н̣ам̣. нирубаггилзсад̇о нид̇т̇аран̣ад̇т̇ааяа бавад̇д̇ид̇о логаамисанирабзгкад̇о жа барисуд̣̇д̇хам̣. сигкад̇д̇аяабариг̇г̇ахид̇ад̇д̇аа б̣рахмабхууд̇зхи сздтзхи жарид̇аб̣б̣ад̇о, д̇зсан̃жа жарияабхаавад̇о б̣рахмажарияам̣ (баараа. адта. 1.1).
Api ca – paṭipattiyā adhigamabyattito sātthaṃ. Pariyattiyā āgamabyattito sabyañjanaṃ. Sīlādipañcadhammakkhandhayuttato kevalaparipuṇṇaṃ. Nirupakkilesato nittharaṇatthāya pavattito lokāmisanirapekkhato ca parisuddhaṃ. Sikkhattayapariggahitattā brahmabhūtehi seṭṭhehi caritabbato, tesañca cariyabhāvato brahmacariyaṃ (pārā. aṭṭha. 1.1).
звам̣ барияад̇д̇ид̇хаммам̣ д̣̇ассзд̇ваа ид̣̇аани логуд̇д̇арад̇хаммам̣ д̣̇ассзд̇ум̣ ‘‘жад̇д̇ааро сад̇ибадтаанз’’д̇и ааха. сад̇д̇ад̇им̣саб̣од̇хибагкияад̇хаммз д̣̇ассзд̇ваа ниб̣б̣ад̇д̇ид̇алогуд̇д̇арам̣ д̣̇ассзд̇ум̣ ‘‘ниб̣б̣аанан̃жаа’’д̇и ааха. ниб̣б̣аанаг̇ааминин̃жа бадибад̣̇анд̇и буб̣б̣абхааг̇асийласамаад̇хивибассанаад̇хамман̃жа гид̇д̇аяиссаами.
Evaṃ pariyattidhammaṃ dassetvā idāni lokuttaradhammaṃ dassetuṃ ‘‘cattāro satipaṭṭhāne’’ti āha. Sattatiṃsabodhipakkhiyadhamme dassetvā nibbattitalokuttaraṃ dassetuṃ ‘‘nibbānañcā’’ti āha. Nibbānagāminiñca paṭipadanti pubbabhāgasīlasamādhivipassanādhammañca kittayissāmi.
д̣̇угкз д̣̇идтзд̇и д̣̇угкасажжз сарасалагкан̣зна д̣̇идтз д̣̇угкасажжам̣ багаасзссаами. самуд̣̇аяаад̣̇ийсуби зсзва наяо.
Dukkhe diṭṭheti dukkhasacce sarasalakkhaṇena diṭṭhe dukkhasaccaṃ pakāsessāmi. Samudayādīsupi eseva nayo.
23. д̇ан̃жаахам̣ абхинанд̣̇аамийд̇и д̇ам̣ вуд̇д̇аббагаарад̇хаммаж̇од̇агам̣ д̇ава важанам̣ ахам̣ бад̇т̇аяаами. д̇хаммамуд̇д̇аманд̇и д̇ан̃жа д̇хаммамуд̇д̇амам̣ абхинанд̣̇аами.
23.Tañcāhaṃabhinandāmīti taṃ vuttappakāradhammajotakaṃ tava vacanaṃ ahaṃ patthayāmi. Dhammamuttamanti tañca dhammamuttamaṃ abhinandāmi.
д̇ад̇т̇а махад̇о д̇амогааяасса бад̣̇аалананд̇и махад̇о авиж̇ж̇аараасисса чзд̣̇анам̣. анижжалагкан̣авасзна зсий. д̣̇угкалагкан̣авасзна г̇авзсий. анад̇д̇алагкан̣авасзна саманд̇ад̇о бариязсий. махад̇о вибаллаасасса бабхзд̣̇ананд̇и маханд̇асса асубхз субханд̇иаад̣̇ид̣̇ваад̣̇асавид̇хасса вибаллаасасса бхзд̣̇анам̣. махад̇о д̇ан̣хаасалласса аб̣б̣ахананд̇и маханд̇асса анд̇од̇уд̣̇анадтзна д̇ан̣хааган̣дагасса лун̃жанам̣. д̣̇идтисан̇гхаадасса винивзтананд̇и д̣̇идтиязва аб̣б̣ожчиннаббавад̇д̇ид̇о сан̇гхадид̇адтзна сан̇гхаадо, д̇асса д̣̇идтисан̇гхаадасса нивад̇д̇анам̣. маанад̇хаж̇асса баад̇ананд̇и уссид̇адтзна уннад̇илагкан̣асса маанад̣̇д̇хаж̇асса баад̇анам̣. абхисан̇каарасса вуубасаманд̇и бун̃н̃аад̣̇иабхисан̇каарасса убасаманам̣. огхасса нид̇т̇аран̣анд̇и ваддз осийд̣̇аабанасса гаамогхаад̣̇иогхасса нид̇т̇аран̣ам̣ нигкаманам̣. бхаарасса нигкзбананд̇и руубаад̣̇ибан̃жагканд̇хабхаарасса кибанам̣ чад̣д̣анам̣. сам̣саараваддасса убажчзд̣̇анд̇и канд̇хаад̣̇ибадибаадисам̣саараваддасса хзд̇унассанзна ужчиж̇ж̇анам̣. санд̇аабасса ниб̣б̣аабананд̇и гилзсасанд̇аабасса ниб̣б̣уд̇им̣. барил̣аахасса бадибассад̣̇д̇ханд̇и гилзсабарил̣аахасса вуубасамам̣ бадибассамбханам̣. д̇хаммад̇хаж̇асса уссаабананд̇и нававид̇халогуд̇д̇арад̇хаммасса уссаабзд̇ваа табанам̣. барамад̇т̇ам̣ амад̇ам̣ ниб̣б̣аананд̇и уд̇д̇амадтзна барамад̇т̇ам̣. над̇т̇и зд̇асса маран̣асан̇каад̇ам̣ мад̇анд̇и амад̇ам̣. гилзсависабадибагкад̇д̇аа аг̇ад̣̇анд̇иби амад̇ам̣. сам̣саарад̣̇угкабадибагкабхууд̇ад̇д̇аа ниб̣б̣уд̇анд̇и ниб̣б̣аанам̣. над̇т̇зд̇т̇а д̇ан̣хаасан̇каад̇ам̣ ваананд̇иби ниб̣б̣аанам̣.
Tattha mahato tamokāyassa padālananti mahato avijjārāsissa chedanaṃ. Aniccalakkhaṇavasena esī. Dukkhalakkhaṇavasena gavesī. Anattalakkhaṇavasena samantato pariyesī. Mahato vipallāsassa pabhedananti mahantassa asubhe subhantiādidvādasavidhassa vipallāsassa bhedanaṃ. Mahato taṇhāsallassa abbahananti mahantassa antotudanaṭṭhena taṇhākaṇṭakassa luñcanaṃ. Diṭṭhisaṅghāṭassa viniveṭhananti diṭṭhiyeva abbocchinnappavattito saṅghaṭitaṭṭhena saṅghāṭo, tassa diṭṭhisaṅghāṭassa nivattanaṃ. Mānadhajassa pātananti ussitaṭṭhena unnatilakkhaṇassa mānaddhajassa pātanaṃ. Abhisaṅkhārassa vūpasamanti puññādiabhisaṅkhārassa upasamanaṃ. Oghassa nittharaṇanti vaṭṭe osīdāpanassa kāmoghādioghassa nittharaṇaṃ nikkhamanaṃ. Bhārassa nikkhepananti rūpādipañcakkhandhabhārassa khipanaṃ chaḍḍanaṃ. Saṃsāravaṭṭassa upacchedanti khandhādipaṭipāṭisaṃsāravaṭṭassa hetunassanena ucchijjanaṃ. Santāpassa nibbāpananti kilesasantāpassa nibbutiṃ. Pariḷāhassa paṭipassaddhanti kilesapariḷāhassa vūpasamaṃ paṭipassambhanaṃ. Dhammadhajassa ussāpananti navavidhalokuttaradhammassa ussāpetvā ṭhapanaṃ. Paramatthaṃ amataṃ nibbānanti uttamaṭṭhena paramatthaṃ. Natthi etassa maraṇasaṅkhātaṃ matanti amataṃ. Kilesavisapaṭipakkhattā agadantipi amataṃ. Saṃsāradukkhapaṭipakkhabhūtattā nibbutanti nibbānaṃ. Natthettha taṇhāsaṅkhātaṃ vānantipi nibbānaṃ.
махзсагкзхи сад̇д̇зхийд̇и махаанубхаавзхи саггаад̣̇ийхи сад̇д̇зхи. бариязсид̇од̇и барияидто. гахам̣ д̣̇звад̣̇звод̇и д̣̇зваанам̣ ад̇ид̣̇зво гухим̣. гахам̣ нараасабход̇и уд̇д̇амабурисо.
Mahesakkhehi sattehīti mahānubhāvehi sakkādīhi sattehi. Pariyesitoti pariyiṭṭho. Kahaṃ devadevoti devānaṃ atidevo kuhiṃ. Kahaṃ narāsabhoti uttamapuriso.
24. уд̣̇д̇хам̣ ад̇хо д̇ирияан̃жааби маж̇жхзд̇и зд̇т̇а уд̣̇д̇ханд̇и анааг̇ад̇ад̣̇д̇хаа вужжад̇и. ад̇ход̇и ад̇ийд̇ад̣̇д̇хаа. д̇ирияан̃жааби маж̇жхзд̇и бажжуббаннад̣̇д̇хаа. зд̇зсу нанд̣̇ин̃жа нивзсанан̃жа, бануж̇ж̇а вин̃н̃аан̣анд̇и зд̇зсу уд̣̇д̇хаад̣̇ийсу д̇ан̣хан̃жа д̣̇идтинивзсанан̃жа абхисан̇кааравин̃н̃аан̣ан̃жа бануд̣̇зхи. бануд̣̇ид̇ваа жа бхавз на д̇идтзд̇и звам̣ санд̇з д̣̇увид̇хзби бхавз на д̇идтзяяа. звам̣ д̇аава бануж̇ж̇асад̣̇д̣̇асса бануд̣̇зхийд̇и имасмим̣ ад̇т̇авигаббз самб̣анд̇хо. бануд̣̇ид̇ваад̇и зд̇асмим̣ бана ад̇т̇авигаббз бхавз на д̇идтзд̇и аяамзва самб̣анд̇хо. зд̇аани нанд̣̇ийнивзсанавин̃н̃аан̣аани бануд̣̇ид̇ваа д̣̇увид̇хзби бхавз на д̇идтзяяаад̇и.
24.Uddhaṃ adho tiriyañcāpi majjheti ettha uddhanti anāgataddhā vuccati. Adhoti atītaddhā. Tiriyañcāpi majjheti paccuppannaddhā. Etesu nandiñca nivesanañca, panujja viññāṇanti etesu uddhādīsu taṇhañca diṭṭhinivesanañca abhisaṅkhāraviññāṇañca panudehi. Panuditvā ca bhave na tiṭṭheti evaṃ sante duvidhepi bhave na tiṭṭheyya. Evaṃ tāva panujjasaddassa panudehīti imasmiṃ atthavikappe sambandho. Panuditvāti etasmiṃ pana atthavikappe bhave na tiṭṭheti ayameva sambandho. Etāni nandīnivesanaviññāṇāni panuditvā duvidhepi bhave na tiṭṭheyyāti.
сахогаасавасзна д̣̇звалого уд̣̇д̇хам̣. абааяалого ад̇хо. мануссалого маж̇жхз. д̇ад̇т̇а гусалаа д̇хаммаад̇и абааяам̣ мун̃жид̇ваа убари бадисанд̇хид̣̇аанад̇о гусалаа д̇хаммаа уд̣̇д̇ханд̇и вужжанд̇и. агусалаа д̇хаммаа абааязсу бадисанд̇хид̣̇аанад̇о ад̇ход̇и. д̇ад̣̇убхаяавимуд̇д̇ад̇д̇аа аб̣яаагад̇аа д̇хаммаа д̇ирияан̃жааби маж̇жхзд̇и вужжанд̇и. саб̣б̣обаривасзна аруубад̇хаад̇у уд̣̇д̇хам̣. саб̣б̣аад̇ховасзна гаамад̇хаад̇у ад̇хо. д̇ад̣̇убхаяанд̇аравасзна руубад̇хаад̇у маж̇жхз. гааяажид̇д̇ааб̣аад̇хакананавасзна сукаа взд̣̇анаа уд̣̇д̇хам̣ . д̣̇угкаманавасзна д̣̇угкаа взд̣̇анаа ад̇хо. ад̣̇угкамасукаа взд̣̇анаа маж̇жхз. ад̇д̇абхаававасзна барижчзд̣̇ам̣ д̣̇ассзнд̇о ‘‘уд̣̇д̇ханд̇и уд̣̇д̇хам̣ баад̣̇ад̇алаа’’д̇иаад̣̇имааха. д̇ад̇т̇а уд̣̇д̇хам̣ баад̣̇ад̇алаад̇и баад̣̇ад̇алад̇о убари. ад̇хо гзсамад̇т̇агаад̇и гзсамад̇т̇агад̇о ад̇хо. маж̇жхзд̇и д̣̇виннам̣ анд̇арам̣.
Sahokāsavasena devaloko uddhaṃ. Apāyaloko adho. Manussaloko majjhe. Tattha kusalā dhammāti apāyaṃ muñcitvā upari paṭisandhidānato kusalā dhammā uddhanti vuccanti. Akusalādhammā apāyesu paṭisandhidānato adhoti. Tadubhayavimuttattā abyākatā dhammā tiriyañcāpi majjheti vuccanti. Sabboparivasena arūpadhātu uddhaṃ. Sabbaadhovasena kāmadhātu adho. Tadubhayantaravasena rūpadhātu majjhe. Kāyacittābādhakhananavasena sukhā vedanā uddhaṃ . Dukkhamanavasena dukkhā vedanā adho. Adukkhamasukhā vedanā majjhe. Attabhāvavasena paricchedaṃ dassento ‘‘uddhanti uddhaṃ pādatalā’’tiādimāha. Tattha uddhaṃ pādatalāti pādatalato upari. Adho kesamatthakāti kesamatthakato adho. Majjheti dvinnaṃ antaraṃ.
бун̃н̃аабхисан̇каарасахаг̇ад̇ам̣ вин̃н̃аан̣анд̇и д̇зрасавид̇хабун̃н̃аабхисан̇каарасамбаяуд̇д̇ам̣ гаммавин̃н̃аан̣ам̣. абун̃н̃аабхисан̇каарасахаг̇ад̇ам̣ вин̃н̃аан̣анд̇и д̣̇ваад̣̇асавид̇хаабун̃н̃аабхисан̇каарасамбаяуд̇д̇ам̣ гаммавин̃н̃аан̣ам̣. аанзн̃ж̇аабхисан̇каарасахаг̇ад̇ам̣ вин̃н̃аан̣анд̇и жад̇уб̣б̣ид̇хам̣ аанзн̃ж̇аабхисан̇каарасахаг̇ад̇ам̣ гаммавин̃н̃аан̣ам̣. нуж̇ж̇аад̇и киба. бануж̇ж̇аад̇и ад̇ийва киба. нуд̣̇аад̇и лун̃жа. бануд̣̇аад̇и ад̇ийва лун̃жа. баж̇ахаад̇и чад̣д̣зхи. винод̣̇зхийд̇и д̣̇уурам̣ гарохи.
Puññābhisaṅkhārasahagataṃviññāṇanti terasavidhapuññābhisaṅkhārasampayuttaṃ kammaviññāṇaṃ. Apuññābhisaṅkhārasahagataṃ viññāṇanti dvādasavidhaapuññābhisaṅkhārasampayuttaṃ kammaviññāṇaṃ. Āneñjābhisaṅkhārasahagataṃ viññāṇanti catubbidhaṃ āneñjābhisaṅkhārasahagataṃ kammaviññāṇaṃ. Nujjāti khipa. Panujjāti atīva khipa. Nudāti luñca. Panudāti atīva luñca. Pajahāti chaḍḍehi. Vinodehīti dūraṃ karohi.
гаммабхаван̃жаад̇и бун̃н̃аабхисан̇кааражзд̇анаава. бадисанд̇хиган̃жа бунаб̣бхаванд̇и бадисанд̇хияаа руубаад̣̇ибунаб̣бхаван̃жа. баж̇аханд̇о батамамаг̇г̇зна, винод̣̇знд̇о д̣̇уд̇ияамаг̇г̇зна, б̣яанд̇ий гаронд̇о д̇ад̇ияамаг̇г̇зна, анабхаавам̣ г̇амзнд̇о жад̇уд̇т̇амаг̇г̇зна. гаммабхавз на д̇идтзяяаад̇и бун̃н̃аад̣̇иабхисан̇каарз на д̇идтзяяа.
Kammabhavañcāti puññābhisaṅkhāracetanāva. Paṭisandhikañca punabbhavanti paṭisandhiyā rūpādipunabbhavañca. Pajahanto paṭhamamaggena, vinodento dutiyamaggena, byantī karonto tatiyamaggena, anabhāvaṃ gamento catutthamaggena. Kammabhave na tiṭṭheyyāti puññādiabhisaṅkhāre na tiṭṭheyya.
25. зд̇аани винод̣̇зд̇ваа бхавз ад̇идтанд̇о зсо – звам̣ вихаарийд̇и г̇аат̇аа. д̇ад̇т̇а ид̇хзваад̇и имасмим̣язва саасанз, имасмим̣язва ваа ад̇д̇абхаавз. имиссаа г̇аат̇ааяа нид̣̇д̣̇зсо уд̇д̇аанад̇т̇ова.
25. Etāni vinodetvā bhave atiṭṭhanto eso – evaṃ vihārīti gāthā. Tattha idhevāti imasmiṃyeva sāsane, imasmiṃyeva vā attabhāve. Imissā gāthāya niddeso uttānatthova.
26. сугид̇д̇ид̇ам̣ г̇од̇амануубад̇хийганд̇и зд̇т̇а ануубад̇хийганд̇и ниб̣б̣аанам̣, д̇ам̣ санд̇хааяа бхаг̇аванд̇ам̣ аалабанд̇о ааха – ‘‘сугид̇д̇ид̇ам̣ г̇од̇амануубад̇хийга’’нд̇и.
26.Sukittitaṃ gotamanūpadhīkanti ettha anūpadhīkanti nibbānaṃ, taṃ sandhāya bhagavantaṃ ālapanto āha – ‘‘sukittitaṃ gotamanūpadhīka’’nti.
нид̣̇д̣̇зсз гилзсаа жаад̇и убад̇аабанадтзна рааг̇аад̣̇аяо гилзсаа жа раасадтзна вибаагабхууд̇аа бан̃жагканд̇хаа жа гусалаад̣̇иабхисан̇каараа жзд̇анаа жа ‘‘убад̇хий’’д̇и вужжанд̇и гат̇ийяанд̇и. убад̇хиббахаанам̣ д̇ад̣̇ан̇г̇аббахаанзна, убад̇хивуубасамам̣ вигкамбханаббахаанзна, убад̇хибадиниссаг̇г̇ам̣ самужчзд̣̇аббахаанзна убад̇хибадибассад̣̇д̇хам̣ палзнаад̇и.
Niddese kilesā cāti upatāpanaṭṭhena rāgādayo kilesā ca rāsaṭṭhena vipākabhūtā pañcakkhandhā ca kusalādiabhisaṅkhārā cetanā ca ‘‘upadhī’’ti vuccanti kathīyanti. Upadhippahānaṃ tadaṅgappahānena, upadhivūpasamaṃ vikkhambhanappahānena, upadhipaṭinissaggaṃ samucchedappahānena upadhipaṭipassaddhaṃ phalenāti.
27. на гзвалам̣ д̣̇угкамзва бахааси – д̇з жаабийд̇и г̇аат̇аа. д̇ад̇т̇а адтид̇анд̇и саггажжам̣, сад̣̇аа ваа. д̇ам̣ д̇ам̣ намассаамийд̇и д̇асмаа д̇ам̣ намассаами. самзжжаад̇и убаг̇анд̇ваа. нааг̇аад̇и бхаг̇аванд̇ам̣ аалабанд̇о ааха.
27. Na kevalaṃ dukkhameva pahāsi – te cāpīti gāthā. Tattha aṭṭhitanti sakkaccaṃ, sadā vā. Taṃ taṃ namassāmīti tasmā taṃ namassāmi. Sameccāti upagantvā. Nāgāti bhagavantaṃ ālapanto āha.
нид̣̇д̣̇зсз самзжжаад̇и ж̇аанид̇ваа, згад̇о худ̇ваа ваа. абхисамзжжаад̇и бадивиж̇жхид̇ваа. самааг̇анд̇ваад̇и саммукаа худ̇ваа. абхисамааг̇анд̇ваад̇и самийбам̣ г̇анд̇ваа. саммукаад̇и саммукз. ааг̇ум̣ на гарод̇ийд̇и баабам̣ на гарод̇и.
Niddese sameccāti jānitvā, ekato hutvā vā. Abhisameccāti paṭivijjhitvā. Samāgantvāti sammukhā hutvā. Abhisamāgantvāti samīpaṃ gantvā. Sammukhāti sammukhe. Āguṃ na karotīti pāpaṃ na karoti.
28. ид̣̇аани нам̣ бхаг̇аваа ‘‘ад̣̇д̇хаа хи бхаг̇аваа бахааси д̣̇угка’’нд̇и звам̣ д̇зна б̣раахман̣зна вид̣̇ид̇оби ад̇д̇аанам̣ анубанзд̇ваава бахийнад̣̇угкзна буг̇г̇алзна овад̣̇анд̇о ‘‘яам̣ б̣раахман̣а’’нд̇и г̇аат̇амааха. д̇ассад̇т̇о – яам̣ д̇ам̣ абхиж̇аананд̇о ‘‘аяам̣ б̣аахид̇абаабад̇д̇аа б̣раахман̣о, взд̣̇зхи г̇ад̇ад̇д̇аа взд̣̇аг̇уу, гин̃жанаабхааваа агин̃жано, гаамзсу жа бхавзсу жа асад̇д̇ад̇д̇аа гаамабхавз асад̇д̇о’’д̇и ж̇ан̃н̃аа ж̇аанзяяааси. ад̣̇д̇хаа хи со огхамимам̣ ад̇аари, д̇ин̣н̣о жа баарам̣ акило аган̇ко.
28. Idāni naṃ bhagavā ‘‘addhā hi bhagavā pahāsi dukkha’’nti evaṃ tena brāhmaṇena viditopi attānaṃ anupanetvāva pahīnadukkhena puggalena ovadanto ‘‘yaṃ brāhmaṇa’’nti gāthamāha. Tassattho – yaṃ taṃ abhijānanto ‘‘ayaṃ bāhitapāpattā brāhmaṇo, vedehi gatattā vedagū, kiñcanābhāvā akiñcano, kāmesu ca bhavesu ca asattattā kāmabhave asatto’’ti jaññā jāneyyāsi. Addhā hi so oghamimaṃ atāri, tiṇṇo ca pāraṃ akhilo akaṅkho.
нид̣̇д̣̇зсз рааг̇агин̃жананд̇и рааг̇абалиб̣од̇хам̣. д̣̇осагин̃жананд̇иаад̣̇иби зсзва наяо. гаамогхам̣ д̇ин̣н̣о анааг̇аамимаг̇г̇зна. бхавогхам̣ д̇ин̣н̣о арахад̇д̇амаг̇г̇зна. д̣̇идтогхам̣ д̇ин̣н̣о сод̇аабад̇д̇имаг̇г̇зна. авиж̇ж̇огхам̣ д̇ин̣н̣о арахад̇д̇амаг̇г̇зна. сам̣саарабат̇ам̣ д̇ин̣н̣о гусалаагусалагаммаббабхзд̣̇знаад̇и. уд̇д̇ин̣н̣о батамамаг̇г̇зна. нид̇д̇ин̣н̣о д̣̇уд̇ияамаг̇г̇зна. ад̇игганд̇о д̇ад̇ияамаг̇г̇зна. самад̇игганд̇о жад̇уд̇т̇амаг̇г̇зна.вийд̇ивад̇д̇о палзна.
Niddese rāgakiñcananti rāgapalibodhaṃ. Dosakiñcanantiādipi eseva nayo. Kāmoghaṃ tiṇṇo anāgāmimaggena. Bhavoghaṃ tiṇṇo arahattamaggena. Diṭṭhoghaṃ tiṇṇo sotāpattimaggena. Avijjoghaṃ tiṇṇo arahattamaggena. Saṃsārapathaṃ tiṇṇo kusalākusalakammappabhedenāti. Uttiṇṇo paṭhamamaggena. Nittiṇṇo dutiyamaggena. Atikkanto tatiyamaggena. Samatikkanto catutthamaggena.Vītivatto phalena.
29. гин̃жа бхияяо – вид̣̇ваа жа яод̇и г̇аат̇аа. д̇ад̇т̇а ид̇хаад̇и имасмим̣ саасанз, ад̇д̇абхаавз ваа. висаж̇ж̇аад̇и восаж̇ж̇ид̇ваа.
29. Kiñca bhiyyo – vidvā ca yoti gāthā. Tattha idhāti imasmiṃ sāsane, attabhāve vā. Visajjāti vosajjitvā.
нид̣̇д̣̇зсз саж̇ж̇анд̇и мун̃жанам̣. висаж̇ж̇анд̇и восаж̇ж̇анам̣. сзсам̣ саб̣б̣ад̇т̇а баагадамзва. звам̣ бхаг̇аваа ид̣̇амби суд̇д̇ам̣ арахад̇д̇анигуудзнзва д̣̇зсзси. д̣̇зсанаабарияосаанз жа вуд̇д̇асад̣̇исо зва д̇хаммаабхисамаяо ахосийд̇и.
Niddese sajjanti muñcanaṃ. Visajjanti vosajjanaṃ. Sesaṃ sabbattha pākaṭameva. Evaṃ bhagavā idampi suttaṃ arahattanikūṭeneva desesi. Desanāpariyosāne ca vuttasadiso eva dhammābhisamayo ahosīti.
сад̣̇д̇хаммаббаж̇ж̇од̇игааяа жуул̣анид̣̇д̣̇зса-адтагат̇ааяа
Saddhammappajjotikāya cūḷaniddesa-aṭṭhakathāya
мзд̇д̇аг̇уумаан̣авасуд̇д̇анид̣̇д̣̇зсаван̣н̣анаа нидтид̇аа.
Mettagūmāṇavasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жуул̣анид̣̇д̣̇зсабаал̣и • Cūḷaniddesapāḷi
4. мзд̇д̇аг̇уумаан̣авабужчаа • 4. Mettagūmāṇavapucchā
4. мзд̇д̇аг̇уумаан̣авабужчаанид̣̇д̣̇зсо • 4. Mettagūmāṇavapucchāniddeso
