| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. мзд̇д̇аж̇ид̇т̇зраг̇аат̇ааван̣н̣анаа
4. Mettajittheragāthāvaṇṇanā
намо хи д̇асса бхаг̇авад̇од̇и ааяасмад̇о мзд̇д̇аж̇ид̇т̇зрасса г̇аат̇аа. гаа уббад̇д̇и? со гира аномад̣̇ассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о саасанз абхиббасанно худ̇ваа б̣од̇хиругкасса идтагаахи взд̣̇игам̣ жинид̇ваа суд̇хаабаригаммам̣ гаарзси. сад̇т̇аа д̇асса анумод̣̇анам̣ агааси. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ бун̃н̃аани гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з маг̇ад̇харадтз ан̃н̃ад̇арасса б̣раахман̣асса буд̇д̇о худ̇ваа ниб̣б̣ад̇д̇и, мзд̇д̇аж̇ийд̇исса наамам̣ ахоси. со ваяаббад̇д̇о гаамзсу аад̣̇ийнавам̣ д̣̇исваа д̇аабасабаб̣б̣аж̇ж̇ам̣ баб̣б̣аж̇ид̇ваа аран̃н̃з вихаранд̇о б̣уд̣̇д̇хуббаад̣̇ам̣ суд̇ваа буб̣б̣ахзд̇унаа жод̣̇ияамаано сад̇т̇у санд̇игам̣ г̇анд̇ваа бавад̇д̇инивад̇д̇ияо аараб̣бха бан̃хам̣ бужчид̇ваа сад̇т̇аараа бан̃хз виссаж̇ж̇ид̇з бадилад̣̇д̇хасад̣̇д̇хо баб̣б̣аж̇ид̇ваа вибассанам̣ бадтабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.15.26-31) –
Namohi tassa bhagavatoti āyasmato mettajittherassa gāthā. Kā uppatti? So kira anomadassissa bhagavato kāle kulagehe nibbattitvā viññutaṃ patto sāsane abhippasanno hutvā bodhirukkhassa iṭṭhakāhi vedikaṃ cinitvā sudhāparikammaṃ kāresi. Satthā tassa anumodanaṃ akāsi. So tena puññakammena devaloke nibbattitvā aparāparaṃ puññāni katvā devamanussesu saṃsaranto imasmiṃ buddhuppāde magadharaṭṭhe aññatarassa brāhmaṇassa putto hutvā nibbatti, mettajītissa nāmaṃ ahosi. So vayappatto kāmesu ādīnavaṃ disvā tāpasapabbajjaṃ pabbajitvā araññe viharanto buddhuppādaṃ sutvā pubbahetunā codiyamāno satthu santikaṃ gantvā pavattinivattiyo ārabbha pañhaṃ pucchitvā satthārā pañhe vissajjite paṭiladdhasaddho pabbajitvā vipassanaṃ paṭṭhapetvā arahattaṃ pāpuṇi. Tena vuttaṃ apadāne (apa. thera 1.15.26-31) –
‘‘аномад̣̇ассиймунино, б̣од̇хивзд̣̇имагаасахам̣;
‘‘Anomadassīmunino, bodhivedimakāsahaṃ;
суд̇хааяа бин̣д̣ам̣ д̣̇ад̇ваана, баан̣игаммам̣ агаасахам̣.
Sudhāya piṇḍaṃ datvāna, pāṇikammaṃ akāsahaṃ.
‘‘д̣̇исваа д̇ам̣ сугад̇ам̣ гаммам̣, аномад̣̇ассий наруд̇д̇амо;
‘‘Disvā taṃ sukataṃ kammaṃ, anomadassī naruttamo;
бхигкусан̇гхз тид̇о сад̇т̇аа, имаа г̇аат̇аа абхаасат̇а.
Bhikkhusaṅghe ṭhito satthā, imā gāthā abhāsatha.
‘‘иминаа суд̇хагаммзна, жзд̇анаабан̣ид̇хийхи жа;
‘‘Iminā sudhakammena, cetanāpaṇidhīhi ca;
самбад̇д̇им̣ анубход̇ваана, д̣̇угкассанд̇ам̣ гариссад̇и.
Sampattiṃ anubhotvāna, dukkhassantaṃ karissati.
‘‘басаннамукаван̣н̣омхи, згаг̇г̇о сусамаахид̇о;
‘‘Pasannamukhavaṇṇomhi, ekaggo susamāhito;
д̇хаарзми анд̇имам̣ д̣̇зхам̣, саммаасамб̣уд̣̇д̇хасаасанз.
Dhāremi antimaṃ dehaṃ, sammāsambuddhasāsane.
‘‘ид̇о габбасад̇з аасим̣, барибун̣н̣з ануунагз;
‘‘Ito kappasate āsiṃ, paripuṇṇe anūnake;
рааж̇аа саб̣б̣агхано наама, жаггавад̇д̇ий махаб̣б̣ало.
Rājā sabbaghano nāma, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа сад̇т̇аарам̣ т̇омзнд̇о –
Arahattaṃ pana patvā satthāraṃ thomento –
94.
94.
‘‘намо хи д̇асса бхаг̇авад̇о, сагяабуд̇д̇асса сириймад̇о;
‘‘Namo hi tassa bhagavato, sakyaputtassa sirīmato;
д̇знааяам̣ аг̇г̇аббад̇д̇зна, аг̇г̇ад̇хаммо суд̣̇зсид̇о’’д̇и. – г̇аат̇ам̣ абхааси;
Tenāyaṃ aggappattena, aggadhammo sudesito’’ti. – gāthaṃ abhāsi;
д̇ад̇т̇а намод̇и намаггааро. хийд̇и нибаад̇амад̇д̇ам̣. д̇ассаад̇и яо со бхаг̇аваа самад̇д̇им̣сабаарамияо буурзд̇ваа саб̣б̣агилзсз бхан̃ж̇ид̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇хо, сагяарааж̇асса буд̇д̇од̇и сагяабуд̇д̇о. анан̃н̃асаад̇хааран̣ааяа бун̃н̃асамбад̇д̇ияаа жа самбхаавид̇о уд̇д̇амааяа руубагааяасирияаа д̇хаммагааяасирияаа жа саманнааг̇ад̇ад̇д̇аа сириймаа, д̇асса бхаг̇авад̇о сагяабуд̇д̇асса сириймад̇о намо ад̇т̇у, д̇ам̣ намаамийд̇и ад̇т̇о. д̇знаад̇и д̇зна бхаг̇авад̇аа. аяанд̇и д̇асса д̇хаммасса ад̇д̇ано бажжагкад̇ааяа вад̣̇ад̇и. аг̇г̇аббад̇д̇знаад̇и аг̇г̇ам̣ саб̣б̣ан̃н̃уд̇ам̣, саб̣б̣зхи ваа г̇ун̣зхи аг̇г̇абхаавам̣ сздтабхаавам̣ бад̇д̇зна. аг̇г̇ад̇хаммод̇и аг̇г̇о уд̇д̇амо нававид̇халогуд̇д̇аро д̇хаммо судту авибарийд̇ам̣ д̣̇зсид̇о бавзд̣̇ид̇од̇и.
Tattha namoti namakkāro. Hīti nipātamattaṃ. Tassāti yo so bhagavā samattiṃsapāramiyo pūretvā sabbakilese bhañjitvā anuttaraṃ sammāsambodhiṃ abhisambuddho, sakyarājassa puttoti sakyaputto. Anaññasādhāraṇāya puññasampattiyā ca sambhāvito uttamāya rūpakāyasiriyā dhammakāyasiriyā ca samannāgatattā sirīmā, tassa bhagavato sakyaputtassa sirīmato namo atthu, taṃ namāmīti attho. Tenāti tena bhagavatā. Ayanti tassa dhammassa attano paccakkhatāya vadati. Aggappattenāti aggaṃ sabbaññutaṃ, sabbehi vā guṇehi aggabhāvaṃ seṭṭhabhāvaṃ pattena. Aggadhammoti aggo uttamo navavidhalokuttaro dhammo suṭṭhu aviparītaṃ desito paveditoti.
мзд̇д̇аж̇ид̇т̇зраг̇аат̇ааван̣н̣анаа нидтид̇аа.
Mettajittheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 4. мзд̇д̇аж̇ид̇т̇зраг̇аат̇аа • 4. Mettajittheragāthā
