| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੪. ਮੇਤ੍ਤਾਕਥਾ
4. Mettākathā
੨੨. ਸਾવਤ੍ਥਿਨਿਦਾਨਂ । ‘‘ਮੇਤ੍ਤਾਯ , ਭਿਕ੍ਖવੇ, ਚੇਤੋવਿਮੁਤ੍ਤਿਯਾ ਆਸੇવਿਤਾਯ ਭਾવਿਤਾਯ ਬਹੁਲੀਕਤਾਯ ਯਾਨੀਕਤਾਯ વਤ੍ਥੁਕਤਾਯ ਅਨੁਟ੍ਠਿਤਾਯ ਪਰਿਚਿਤਾਯ ਸੁਸਮਾਰਦ੍ਧਾਯ ਏਕਾਦਸਾਨਿਸਂਸਾ ਪਾਟਿਕਙ੍ਖਾ। ਕਤਮੇ ਏਕਾਦਸ? ਸੁਖਂ ਸੁਪਤਿ, ਸੁਖਂ ਪਟਿਬੁਜ੍ਝਤਿ, ਨ ਪਾਪਕਂ ਸੁਪਿਨਂ ਪਸ੍ਸਤਿ, ਮਨੁਸ੍ਸਾਨਂ ਪਿਯੋ ਹੋਤਿ, ਅਮਨੁਸ੍ਸਾਨਂ ਪਿਯੋ ਹੋਤਿ, ਦੇવਤਾ ਰਕ੍ਖਨ੍ਤਿ, ਨਾਸ੍ਸ ਅਗ੍ਗਿ વਾ વਿਸਂ વਾ ਸਤ੍ਥਂ વਾ ਕਮਤਿ, ਤੁવਟਂ ਚਿਤ੍ਤਂ ਸਮਾਧਿਯਤਿ, ਮੁਖવਣ੍ਣੋ વਿਪ੍ਪਸੀਦਤਿ, ਅਸਮ੍ਮੂਲ਼੍ਹੋ ਕਾਲਙ੍ਕਰੋਤਿ, ਉਤ੍ਤਰਿ 1 ਅਪ੍ਪਟਿવਿਜ੍ਝਨ੍ਤੋ ਬ੍ਰਹ੍ਮਲੋਕੂਪਗੋ ਹੋਤਿ। ਮੇਤ੍ਤਾਯ, ਭਿਕ੍ਖવੇ, ਚੇਤੋવਿਮੁਤ੍ਤਿਯਾ ਆਸੇવਿਤਾਯ ਭਾવਿਤਾਯ ਬਹੁਲੀਕਤਾਯ ਯਾਨੀਕਤਾਯ વਤ੍ਥੁਕਤਾਯ ਅਨੁਟ੍ਠਿਤਾਯ ਪਰਿਚਿਤਾਯ ਸੁਸਮਾਰਦ੍ਧਾਯ – ਇਮੇ ਏਕਾਦਸਾਨਿਸਂਸਾ ਪਾਟਿਕਙ੍ਖਾ’’ ।
22. Sāvatthinidānaṃ . ‘‘Mettāya , bhikkhave, cetovimuttiyā āsevitāya bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya ekādasānisaṃsā pāṭikaṅkhā. Katame ekādasa? Sukhaṃ supati, sukhaṃ paṭibujjhati, na pāpakaṃ supinaṃ passati, manussānaṃ piyo hoti, amanussānaṃ piyo hoti, devatā rakkhanti, nāssa aggi vā visaṃ vā satthaṃ vā kamati, tuvaṭaṃ cittaṃ samādhiyati, mukhavaṇṇo vippasīdati, asammūḷho kālaṅkaroti, uttari 2 appaṭivijjhanto brahmalokūpago hoti. Mettāya, bhikkhave, cetovimuttiyā āsevitāya bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya – ime ekādasānisaṃsā pāṭikaṅkhā’’ .
ਅਤ੍ਥਿ ਅਨੋਧਿਸੋ ਫਰਣਾ ਮੇਤ੍ਤਾਚੇਤੋવਿਮੁਤ੍ਤਿ, ਅਤ੍ਥਿ ਓਧਿਸੋ ਫਰਣਾ ਮੇਤ੍ਤਾਚੇਤੋવਿਮੁਤ੍ਤਿ, ਅਤ੍ਥਿ ਦਿਸਾਫਰਣਾ ਮੇਤ੍ਤਾਚੇਤੋવਿਮੁਤ੍ਤਿ। ਕਤਿਹਾਕਾਰੇਹਿ ਅਨੋਧਿਸੋ ਫਰਣਾ ਮੇਤ੍ਤਾਚੇਤੋવਿਮੁਤ੍ਤਿ, ਕਤਿਹਾਕਾਰੇਹਿ ਓਧਿਸੋ ਫਰਣਾ ਮੇਤ੍ਤਾਚੇਤੋવਿਮੁਤ੍ਤਿ, ਕਤਿਹਾਕਾਰੇਹਿ ਦਿਸਾਫਰਣਾ ਮੇਤ੍ਤਾਚੇਤੋવਿਮੁਤ੍ਤਿ? ਪਞ੍ਚਹਾਕਾਰੇਹਿ ਅਨੋਧਿਸੋ ਫਰਣਾ ਮੇਤ੍ਤਾਚੇਤੋવਿਮੁਤ੍ਤਿ, ਸਤ੍ਤਹਾਕਾਰੇਹਿ ਓਧਿਸੋ ਫਰਣਾ ਮੇਤ੍ਤਾਚੇਤੋવਿਮੁਤ੍ਤਿ, ਦਸਹਾਕਾਰੇਹਿ ਦਿਸਾਫਰਣਾ ਮੇਤ੍ਤਾਚੇਤੋવਿਮੁਤ੍ਤਿ।
Atthi anodhiso pharaṇā mettācetovimutti, atthi odhiso pharaṇā mettācetovimutti, atthi disāpharaṇā mettācetovimutti. Katihākārehi anodhiso pharaṇā mettācetovimutti, katihākārehi odhiso pharaṇā mettācetovimutti, katihākārehi disāpharaṇā mettācetovimutti? Pañcahākārehi anodhiso pharaṇā mettācetovimutti, sattahākārehi odhiso pharaṇā mettācetovimutti, dasahākārehi disāpharaṇā mettācetovimutti.
ਕਤਮੇਹਿ ਪਞ੍ਚਹਾਕਾਰੇਹਿ ਅਨੋਧਿਸੋ ਫਰਣਾ ਮੇਤ੍ਤਾਚੇਤੋવਿਮੁਤ੍ਤਿ? ਸਬ੍ਬੇ ਸਤ੍ਤਾ ਅવੇਰਾ ਅਬ੍ਯਾਪਜ੍ਜਾ 3 ਅਨੀਘਾ ਸੁਖੀ ਅਤ੍ਤਾਨਂ ਪਰਿਹਰਨ੍ਤੁ। ਸਬ੍ਬੇ ਪਾਣਾ…ਪੇ॰… ਸਬ੍ਬੇ ਭੂਤਾ…ਪੇ॰… ਸਬ੍ਬੇ ਪੁਗ੍ਗਲਾ…ਪੇ॰… ਸਬ੍ਬੇ ਅਤ੍ਤਭਾવਪਰਿਯਾਪਨ੍ਨਾ ਅવੇਰਾ ਅਬ੍ਯਾਪਜ੍ਜਾ ਅਨੀਘਾ ਸੁਖੀ ਅਤ੍ਤਾਨਂ ਪਰਿਹਰਨ੍ਤੂਤਿ। ਇਮੇਹਿ ਪਞ੍ਚਹਾਕਾਰੇਹਿ ਅਨੋਧਿਸੋ ਫਰਣਾ ਮੇਤ੍ਤਾਚੇਤੋવਿਮੁਤ੍ਤਿ।
Katamehi pañcahākārehi anodhiso pharaṇā mettācetovimutti? Sabbe sattā averā abyāpajjā 4 anīghā sukhī attānaṃ pariharantu. Sabbe pāṇā…pe… sabbe bhūtā…pe… sabbe puggalā…pe… sabbe attabhāvapariyāpannā averā abyāpajjā anīghā sukhī attānaṃ pariharantūti. Imehi pañcahākārehi anodhiso pharaṇā mettācetovimutti.
ਕਤਮੇਹਿ ਸਤ੍ਤਹਾਕਾਰੇਹਿ ਓਧਿਸੋ ਫਰਣਾ ਮੇਤ੍ਤਾਚੇਤੋવਿਮੁਤ੍ਤਿ? ਸਬ੍ਬਾ ਇਤ੍ਥਿਯੋ ਅવੇਰਾ ਅਬ੍ਯਾਪਜ੍ਜਾ ਅਨੀਘਾ ਸੁਖੀ ਅਤ੍ਤਾਨਂ ਪਰਿਹਰਨ੍ਤੁ। ਸਬ੍ਬੇ ਪੁਰਿਸਾ…ਪੇ॰… ਸਬ੍ਬੇ ਅਰਿਯਾ…ਪੇ॰… ਸਬ੍ਬੇ ਅਨਰਿਯਾ…ਪੇ॰… ਸਬ੍ਬੇ ਦੇવਾ…ਪੇ॰… ਸਬ੍ਬੇ ਮਨੁਸ੍ਸਾ…ਪੇ॰… ਸਬ੍ਬੇ વਿਨਿਪਾਤਿਕਾ ਅવੇਰਾ ਅਬ੍ਯਾਪਜ੍ਜਾ ਅਨੀਘਾ ਸੁਖੀ ਅਤ੍ਤਾਨਂ ਪਰਿਹਰਨ੍ਤੂਤਿ। ਇਮੇਹਿ ਸਤ੍ਤਹਾਕਾਰੇਹਿ ਓਧਿਸੋ ਫਰਣਾ ਮੇਤ੍ਤਾਚੇਤੋવਿਮੁਤ੍ਤਿ।
Katamehi sattahākārehi odhiso pharaṇā mettācetovimutti? Sabbā itthiyo averā abyāpajjā anīghā sukhī attānaṃ pariharantu. Sabbe purisā…pe… sabbe ariyā…pe… sabbe anariyā…pe… sabbe devā…pe… sabbe manussā…pe… sabbe vinipātikā averā abyāpajjā anīghā sukhī attānaṃ pariharantūti. Imehi sattahākārehi odhiso pharaṇā mettācetovimutti.
ਕਤਮੇਹਿ ਦਸਹਾਕਾਰੇਹਿ ਦਿਸਾਫਰਣਾ ਮੇਤ੍ਤਾਚੇਤੋવਿਮੁਤ੍ਤਿ? ਸਬ੍ਬੇ ਪੁਰਤ੍ਥਿਮਾਯ ਦਿਸਾਯ ਸਤ੍ਤਾ ਅવੇਰਾ ਅਬ੍ਯਾਪਜ੍ਜਾ ਅਨੀਘਾ ਸੁਖੀ ਅਤ੍ਤਾਨਂ ਪਰਿਹਰਨ੍ਤੁ । ਸਬ੍ਬੇ ਪਚ੍ਛਿਮਾਯ ਦਿਸਾਯ ਸਤ੍ਤਾ…ਪੇ॰… ਸਬ੍ਬੇ ਉਤ੍ਤਰਾਯ ਦਿਸਾਯ ਸਤ੍ਤਾ…ਪੇ॰… ਸਬ੍ਬੇ ਦਕ੍ਖਿਣਾਯ ਦਿਸਾਯ ਸਤ੍ਤਾ…ਪੇ॰… ਸਬ੍ਬੇ ਪੁਰਤ੍ਥਿਮਾਯ ਅਨੁਦਿਸਾਯ ਸਤ੍ਤਾ…ਪੇ॰… ਸਬ੍ਬੇ ਪਚ੍ਛਿਮਾਯ ਅਨੁਦਿਸਾਯ ਸਤ੍ਤਾ…ਪੇ॰… ਸਬ੍ਬੇ ਉਤ੍ਤਰਾਯ ਅਨੁਦਿਸਾਯ ਸਤ੍ਤਾ…ਪੇ॰… ਸਬ੍ਬੇ ਦਕ੍ਖਿਣਾਯ ਅਨੁਦਿਸਾਯ ਸਤ੍ਤਾ…ਪੇ॰… ਸਬ੍ਬੇ ਹੇਟ੍ਠਿਮਾਯ ਦਿਸਾਯ ਸਤ੍ਤਾ…ਪੇ॰… ਸਬ੍ਬੇ ਉਪਰਿਮਾਯ ਦਿਸਾਯ ਸਤ੍ਤਾ ਅવੇਰਾ ਅਬ੍ਯਾਪਜ੍ਜਾ ਅਨੀਘਾ ਸੁਖੀ ਅਤ੍ਤਾਨਂ ਪਰਿਹਰਨ੍ਤੁ। ਸਬ੍ਬੇ ਪੁਰਤ੍ਥਿਮਾਯ ਦਿਸਾਯ ਪਾਣਾ…ਪੇ॰… ਭੂਤਾ… ਪੁਗ੍ਗਲਾ… ਅਤ੍ਤਭਾવਪਰਿਯਾਪਨ੍ਨਾ… ਸਬ੍ਬਾ ਇਤ੍ਥਿਯੋ… ਸਬ੍ਬੇ ਪੁਰਿਸਾ… ਸਬ੍ਬੇ ਅਰਿਯਾ… ਸਬ੍ਬੇ ਅਨਰਿਯਾ… ਸਬ੍ਬੇ ਦੇવਾ… ਸਬ੍ਬੇ ਮਨੁਸ੍ਸਾ… ਸਬ੍ਬੇ વਿਨਿਪਾਤਿਕਾ ਅવੇਰਾ ਅਬ੍ਯਾਪਜ੍ਜਾ ਅਨੀਘਾ ਸੁਖੀ ਅਤ੍ਤਾਨਂ ਪਰਿਹਰਨ੍ਤੁ। ਸਬ੍ਬੇ ਪਚ੍ਛਿਮਾਯ ਦਿਸਾਯ વਿਨਿਪਾਤਿਕਾ…ਪੇ॰… ਸਬ੍ਬੇ ਉਤ੍ਤਰਾਯ ਦਿਸਾਯ વਿਨਿਪਾਤਿਕਾ… ਸਬ੍ਬੇ ਦਕ੍ਖਿਣਾਯ ਦਿਸਾਯ વਿਨਿਪਾਤਿਕਾ… ਸਬ੍ਬੇ ਪੁਰਤ੍ਥਿਮਾਯ ਅਨੁਦਿਸਾਯ વਿਨਿਪਾਤਿਕਾ… ਸਬ੍ਬੇ ਪਚ੍ਛਿਮਾਯ ਅਨੁਦਿਸਾਯ વਿਨਿਪਾਤਿਕਾ… ਸਬ੍ਬੇ ਉਤ੍ਤਰਾਯ ਅਨੁਦਿਸਾਯ વਿਨਿਪਾਤਿਕਾ… ਸਬ੍ਬੇ ਦਕ੍ਖਿਣਾਯ ਅਨੁਦਿਸਾਯ વਿਨਿਪਾਤਿਕਾ… ਸਬ੍ਬੇ ਹੇਟ੍ਠਿਮਾਯ ਦਿਸਾਯ વਿਨਿਪਾਤਿਕਾ… ਸਬ੍ਬੇ ਉਪਰਿਮਾਯ ਦਿਸਾਯ વਿਨਿਪਾਤਿਕਾ ਅવੇਰਾ ਅਬ੍ਯਾਪਜ੍ਜਾ ਅਨੀਘਾ ਸੁਖੀ ਅਤ੍ਤਾਨਂ ਪਰਿਹਰਨ੍ਤੂਤਿ। ਇਮੇਹਿ ਦਸਹਾਕਾਰੇਹਿ ਦਿਸਾਫਰਣਾ ਮੇਤ੍ਤਾਚੇਤੋવਿਮੁਤ੍ਤਿ।
Katamehi dasahākārehi disāpharaṇā mettācetovimutti? Sabbe puratthimāya disāya sattā averā abyāpajjā anīghā sukhī attānaṃ pariharantu . Sabbe pacchimāya disāya sattā…pe… sabbe uttarāya disāya sattā…pe… sabbe dakkhiṇāya disāya sattā…pe… sabbe puratthimāya anudisāya sattā…pe… sabbe pacchimāya anudisāya sattā…pe… sabbe uttarāya anudisāya sattā…pe… sabbe dakkhiṇāya anudisāya sattā…pe… sabbe heṭṭhimāya disāya sattā…pe… sabbe uparimāya disāya sattā averā abyāpajjā anīghā sukhī attānaṃ pariharantu. Sabbe puratthimāya disāya pāṇā…pe… bhūtā… puggalā… attabhāvapariyāpannā… sabbā itthiyo… sabbe purisā… sabbe ariyā… sabbe anariyā… sabbe devā… sabbe manussā… sabbe vinipātikā averā abyāpajjā anīghā sukhī attānaṃ pariharantu. Sabbe pacchimāya disāya vinipātikā…pe… sabbe uttarāya disāya vinipātikā… sabbe dakkhiṇāya disāya vinipātikā… sabbe puratthimāya anudisāya vinipātikā… sabbe pacchimāya anudisāya vinipātikā… sabbe uttarāya anudisāya vinipātikā… sabbe dakkhiṇāya anudisāya vinipātikā… sabbe heṭṭhimāya disāya vinipātikā… sabbe uparimāya disāya vinipātikā averā abyāpajjā anīghā sukhī attānaṃ pariharantūti. Imehi dasahākārehi disāpharaṇā mettācetovimutti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ਮੇਤ੍ਤਾਕਥਾવਣ੍ਣਨਾ • Mettākathāvaṇṇanā
