| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
4. мзд̇д̇аагат̇аа
4. Mettākathā
мзд̇д̇аагат̇ааван̣н̣анаа
Mettākathāvaṇṇanā
22. ид̣̇аани б̣ож̇жхан̇г̇агат̇аананд̇арам̣ гат̇ид̇ааяа б̣ож̇жхан̇г̇агат̇ааг̇ад̇ияаа суд̇д̇анд̇абуб̣б̣ан̇г̇амааяа мзд̇д̇аагат̇ааяа абуб̣б̣ад̇т̇аануван̣н̣анаа. д̇ад̇т̇а суд̇д̇анд̇з д̇аава аасзвид̇ааяаад̇и аад̣̇арзна сзвид̇ааяа. бхаавид̇ааяаад̇и вад̣дхид̇ааяа. б̣ахулийгад̇ааяаад̇и бунаббунам̣ гад̇ааяа. яаанийгад̇ааяаад̇и яуд̇д̇аяаанасад̣̇исааяа гад̇ааяа. вад̇т̇угад̇ааяаад̇и бад̇идтаанадтзна вад̇т̇у вияа гад̇ааяа. анудтид̇ааяаад̇и бажжубадтид̇ааяа. барижид̇ааяаад̇и саманд̇ад̇о жид̇ааяа убажид̇ааяа. сусамаарад̣̇д̇хааяаад̇и судту самаарад̣̇д̇хааяа сугад̇ааяа . аанисам̣саад̇и г̇ун̣аа. баадиган̇каад̇и бадиган̇кид̇аб̣б̣аа ижчид̇аб̣б̣аа. сукам̣ субад̇ийд̇и яат̇аа сзсаж̇анаа самбаривад̇д̇амаанаа гаагажчамаанаа д̣̇угкам̣ субанд̇и, звам̣ асубид̇ваа сукам̣ субад̇и. нид̣̇д̣̇ам̣ огганд̇оби самаабад̇д̇им̣ самаабанно вияа ход̇и. сукам̣ бадиб̣уж̇жхад̇ийд̇и яат̇аа ан̃н̃з нид̇т̇унанд̇аа виж̇амбханд̇аа самбаривад̇д̇анд̇аа д̣̇угкам̣ бадиб̣уж̇жханд̇и, звам̣ абадиб̣уж̇жхид̇ваа вигасамаанамива бад̣̇умам̣ сукам̣ ниб̣б̣игаарам̣ бадиб̣уж̇жхад̇и. на баабагам̣ субинам̣ бассад̇ийд̇и субинам̣ бассанд̇оби бхад̣̇д̣̇агамзва субинам̣ бассад̇и. жзд̇ияам̣ ванд̣̇анд̇о вияа бууж̇ам̣ гаронд̇о вияа д̇хаммам̣ сун̣анд̇о вияа жа ход̇и. яат̇аа банан̃н̃з ад̇д̇аанам̣ жорзхи бариваарид̇ам̣ вияа ваал̣зхи убад̣̇д̣̇уд̇ам̣ вияа бабаад̇з бад̇анд̇ам̣ вияа жа бассанд̇и, на звам̣ баабагам̣ субинам̣ бассад̇и. мануссаанам̣ бияо ход̇ийд̇и урз аамуд̇д̇амуд̇д̇аахааро вияа сийсз бил̣анд̇хамаалаа вияа жа мануссаанам̣ бияо ход̇и манаабо. амануссаанам̣ бияо ход̇ийд̇и яат̇зва жа мануссаанам̣, звам̣ амануссаанамби бияо ход̇и. д̣̇звад̇аа рагканд̇ийд̇и буд̇д̇амива маад̇аабид̇аро д̣̇звад̇аа рагканд̇и. наасса аг̇г̇и ваа висам̣ ваа сад̇т̇ам̣ ваа гамад̇ийд̇и мзд̇д̇аавихаарисса гааяз аг̇г̇и ваа висам̣ ваа сад̇т̇ам̣ ваа на гамад̇и на бависад̇и, наасса гааяам̣ вигобзд̇ийд̇и вуд̇д̇ам̣ ход̇и. д̇увадам̣ жид̇д̇ам̣ самаад̇хияад̇ийд̇и мзд̇д̇аавихаарино киббамзва жид̇д̇ам̣ самаад̇хияад̇и, над̇т̇и д̇асса д̣̇анд̇хааяид̇ад̇д̇ам̣. мукаван̣н̣о виббасийд̣̇ад̇ийд̇и б̣анд̇ханаа бамуд̇д̇ад̇аалабаггам̣ вияа жасса виббасаннаван̣н̣ам̣ мукам̣ ход̇и. асаммуул̣хо гаалам̣ гарод̇ийд̇и мзд̇д̇аавихаарино саммохамаран̣ам̣ наама над̇т̇и, асаммуул̣хо нид̣̇д̣̇ам̣ оггаманд̇о вияа гаалам̣ гарод̇и. уд̇д̇ари аббадивиж̇жханд̇од̇и мзд̇д̇аасамаабад̇д̇ид̇о уд̇д̇арим̣ арахад̇д̇ам̣ ад̇хиг̇анд̇ум̣ асаггонд̇о ид̇о жавид̇ваа суд̇д̇аббаб̣уд̣̇д̇хо вияа б̣рахмалогуубаг̇о ход̇ийд̇и б̣рахмалогам̣ убабаж̇ж̇ад̇ийд̇и ад̇т̇о.
22. Idāni bojjhaṅgakathānantaraṃ kathitāya bojjhaṅgakathāgatiyā suttantapubbaṅgamāya mettākathāya apubbatthānuvaṇṇanā. Tattha suttante tāva āsevitāyāti ādarena sevitāya. Bhāvitāyāti vaḍḍhitāya. Bahulīkatāyāti punappunaṃ katāya. Yānīkatāyāti yuttayānasadisāya katāya. Vatthukatāyāti patiṭṭhānaṭṭhena vatthu viya katāya. Anuṭṭhitāyāti paccupaṭṭhitāya. Paricitāyāti samantato citāya upacitāya. Susamāraddhāyāti suṭṭhu samāraddhāya sukatāya . Ānisaṃsāti guṇā. Pāṭikaṅkhāti paṭikaṅkhitabbā icchitabbā. Sukhaṃ supatīti yathā sesajanā samparivattamānā kākacchamānā dukkhaṃ supanti, evaṃ asupitvā sukhaṃ supati. Niddaṃ okkantopi samāpattiṃ samāpanno viya hoti. Sukhaṃ paṭibujjhatīti yathā aññe nitthunantā vijambhantā samparivattantā dukkhaṃ paṭibujjhanti, evaṃ apaṭibujjhitvā vikasamānamiva padumaṃ sukhaṃ nibbikāraṃ paṭibujjhati. Na pāpakaṃ supinaṃ passatīti supinaṃ passantopi bhaddakameva supinaṃ passati. Cetiyaṃ vandanto viya pūjaṃ karonto viya dhammaṃ suṇanto viya ca hoti. Yathā panaññe attānaṃ corehi parivāritaṃ viya vāḷehi upaddutaṃ viya papāte patantaṃ viya ca passanti, na evaṃ pāpakaṃ supinaṃ passati. Manussānaṃ piyo hotīti ure āmuttamuttāhāro viya sīse piḷandhamālā viya ca manussānaṃ piyo hoti manāpo. Amanussānaṃ piyo hotīti yatheva ca manussānaṃ, evaṃ amanussānampi piyo hoti. Devatā rakkhantīti puttamiva mātāpitaro devatā rakkhanti. Nāssa aggi vā visaṃ vā satthaṃ vā kamatīti mettāvihārissa kāye aggi vā visaṃ vā satthaṃ vā na kamati na pavisati, nāssa kāyaṃ vikopetīti vuttaṃ hoti. Tuvaṭaṃ cittaṃ samādhiyatīti mettāvihārino khippameva cittaṃ samādhiyati, natthi tassa dandhāyitattaṃ. Mukhavaṇṇo vippasīdatīti bandhanā pamuttatālapakkaṃ viya cassa vippasannavaṇṇaṃ mukhaṃ hoti. Asammūḷho kālaṃ karotīti mettāvihārino sammohamaraṇaṃ nāma natthi, asammūḷho niddaṃ okkamanto viya kālaṃ karoti. Uttari appaṭivijjhantoti mettāsamāpattito uttariṃ arahattaṃ adhigantuṃ asakkonto ito cavitvā suttappabuddho viya brahmalokūpago hotīti brahmalokaṃ upapajjatīti attho.
мзд̇д̇аанид̣̇д̣̇зсз анод̇хисо паран̣аад̇и од̇хи марияаад̣̇аа, на од̇хи анод̇хи. д̇ад̇о анод̇хисо, анод̇хид̇од̇и ад̇т̇о, ниббад̣̇зсад̇о пусанаад̇и вуд̇д̇ам̣ ход̇и. од̇хисод̇и бад̣̇зсавасзна. д̣̇исаапаран̣аад̇и д̣̇исаасу паран̣аа. саб̣б̣зд̇и анавасзсабарияаад̣̇аанам̣. сад̇д̇аад̇ибад̣̇асса ад̇т̇о н̃аан̣агат̇аамаад̇игааван̣н̣анааяам̣ вуд̇д̇о, рул̣хийсад̣̇д̣̇зна бана вийд̇арааг̇зсуби аяам̣ вохааро вад̇д̇ад̇и вилийвамаязби б̣ийж̇анивисзсз д̇аалаван̣давохааро вияа. авзраад̇и взрарахид̇аа. аб̣яаабаж̇ж̇аад̇и б̣яаабаад̣̇арахид̇аа. анийгхаад̇и нид̣̇д̣̇угкаа. аниг̇гхаад̇иби баато. сукий ад̇д̇аанам̣ барихаранд̇ууд̇и сукид̇аа худ̇ваа ад̇д̇абхаавам̣ вад̇д̇аяанд̇у. ‘‘авзраа’’д̇и жа сагасанд̇аанз жа барз бадижжа, барасанд̇аанз жа ид̇арз бадижжа взраабхааво д̣̇ассид̇о, ‘‘аб̣яаабаж̇ж̇аа’’д̇иаад̣̇ийсу взраабхааваа д̇аммуулагаб̣яаабаад̣̇аабхааво, ‘‘анийгхаа’’д̇и б̣яаабаад̣̇аабхааваа д̇аммуулагад̣̇угкаабхааво, ‘‘сукий ад̇д̇аанам̣ барихаранд̇уу’’д̇и д̣̇угкаабхааваасукзна ад̇д̇абхаавабарихаран̣ам̣ д̣̇ассид̇анд̇и звамзд̇т̇а важанасамб̣анд̇хо взд̣̇ид̇аб̣б̣од̇и. имзсу жа ‘‘авзраа хонд̇уу’’д̇иаад̣̇ийсу жад̇уусуби важанзсу яам̣ яам̣ баагадам̣ ход̇и, д̇асса д̇асса васзна мзд̇д̇ааяа парад̇и.
Mettāniddese anodhiso pharaṇāti odhi mariyādā, na odhi anodhi. Tato anodhiso, anodhitoti attho, nippadesato phusanāti vuttaṃ hoti. Odhisoti padesavasena. Disāpharaṇāti disāsu pharaṇā. Sabbeti anavasesapariyādānaṃ. Sattātipadassa attho ñāṇakathāmātikāvaṇṇanāyaṃ vutto, ruḷhīsaddena pana vītarāgesupi ayaṃ vohāro vattati vilīvamayepi bījanivisese tālavaṇṭavohāro viya. Averāti verarahitā. Abyāpajjāti byāpādarahitā. Anīghāti niddukkhā. Anigghātipi pāṭho. Sukhī attānaṃpariharantūti sukhitā hutvā attabhāvaṃ vattayantu. ‘‘Averā’’ti ca sakasantāne ca pare paṭicca, parasantāne ca itare paṭicca verābhāvo dassito, ‘‘abyāpajjā’’tiādīsu verābhāvā tammūlakabyāpādābhāvo, ‘‘anīghā’’ti byāpādābhāvā tammūlakadukkhābhāvo, ‘‘sukhī attānaṃ pariharantū’’ti dukkhābhāvāsukhena attabhāvapariharaṇaṃ dassitanti evamettha vacanasambandho veditabboti. Imesu ca ‘‘averā hontū’’tiādīsu catūsupi vacanesu yaṃ yaṃ pākaṭaṃ hoti, tassa tassa vasena mettāya pharati.
баан̣аад̇иаад̣̇ийсу баан̣анад̇ааяа баан̣аа, ассаасабассаасааяад̇д̇авуд̇д̇ид̇ааяаад̇и ад̇т̇о. бхууд̇ад̇д̇аа бхууд̇аа, абхиниб̣б̣ад̇д̇аад̇и ад̇т̇о. бум̣ вужжад̇и нираяо, д̇ам̣ бум̣ г̇аланд̇и г̇ажчанд̇ийд̇и буг̇г̇алаа. ад̇д̇абхааво вужжад̇и сарийрам̣, канд̇хабан̃жагамзва ваа, д̇ам̣ убаад̣̇ааяа бан̃н̃ад̇д̇имад̇д̇асаб̣бхаавад̇о, д̇асмим̣ ад̇д̇абхаавз барияаабаннаа барижчиннаа анд̇ог̇ад̇хаад̇и ад̇д̇абхаавабарияаабаннаа. яат̇аа жа сад̇д̇аад̇и важанам̣, звам̣ сзсааниби рул̣хийвасзна ааробзд̇ваа саб̣б̣аанзд̇аани саб̣б̣асад̇д̇авзважанаанийд̇и взд̣̇ид̇аб̣б̣аани. гааман̃жа ан̃н̃ааниби ‘‘саб̣б̣з ж̇анд̇уу саб̣б̣з ж̇ийваа’’д̇иаад̣̇ийни саб̣б̣асад̇д̇авзважанаани ад̇т̇и, баагадавасзна бана имаанзва бан̃жа г̇ахзд̇ваа ‘‘бан̃жахаагаарзхи анод̇хисо паран̣аа мзд̇д̇аажзд̇овимуд̇д̇ий’’д̇и вужжад̇и. яз бана ‘‘сад̇д̇аа баан̣аа’’д̇иаад̣̇ийнам̣ на гзвалам̣ важанамад̇д̇ад̇ова, ат̇а ко ад̇т̇ад̇оби наанад̇д̇амзва ижчзяяум̣, д̇зсам̣ анод̇хисо паран̣аа вируж̇жхад̇и. д̇асмаа д̇ат̇аа ад̇т̇ам̣ аг̇г̇ахзд̇ваа имзсу бан̃жасу аагаарзсу ан̃н̃ад̇аравасзна анод̇хисо мзд̇д̇ааяа парад̇и.
Pāṇātiādīsu pāṇanatāya pāṇā, assāsapassāsāyattavuttitāyāti attho. Bhūtattā bhūtā, abhinibbattāti attho. Puṃ vuccati nirayo, taṃ puṃ galanti gacchantīti puggalā. Attabhāvo vuccati sarīraṃ, khandhapañcakameva vā, taṃ upādāya paññattimattasabbhāvato, tasmiṃ attabhāve pariyāpannā paricchinnā antogadhāti attabhāvapariyāpannā. Yathā ca sattāti vacanaṃ, evaṃ sesānipi ruḷhīvasena āropetvā sabbānetāni sabbasattavevacanānīti veditabbāni. Kāmañca aññānipi ‘‘sabbe jantū sabbe jīvā’’tiādīni sabbasattavevacanāni atthi, pākaṭavasena pana imāneva pañca gahetvā ‘‘pañcahākārehi anodhiso pharaṇā mettācetovimuttī’’ti vuccati. Ye pana ‘‘sattā pāṇā’’tiādīnaṃ na kevalaṃ vacanamattatova, atha kho atthatopi nānattameva iccheyyuṃ, tesaṃ anodhiso pharaṇā virujjhati. Tasmā tathā atthaṃ aggahetvā imesu pañcasu ākāresu aññataravasena anodhiso mettāya pharati.
од̇хисо паран̣з бана ид̇т̇ияо бурисаад̇и лин̇г̇авасзна вуд̇д̇ам̣, арияаа анарияаад̇и арияабут̇уж̇ж̇анавасзна, д̣̇зваамануссаа винибаад̇игаад̇и убабад̇д̇ивасзна. д̣̇исаапаран̣зби д̣̇исаавибхааг̇ам̣ агад̇ваа саб̣б̣ад̣̇исаасу ‘‘саб̣б̣з сад̇д̇аа’’д̇иаад̣̇инаа наязна паран̣ад̇о анод̇хисо паран̣аа ход̇и, саб̣б̣ад̣̇исаасу ‘‘саб̣б̣аа ид̇т̇ияо’’д̇иаад̣̇инаа наязна паран̣ад̇о од̇хисо паран̣аа.
Odhiso pharaṇe pana itthiyo purisāti liṅgavasena vuttaṃ, ariyā anariyāti ariyaputhujjanavasena, devāmanussā vinipātikāti upapattivasena. Disāpharaṇepi disāvibhāgaṃ akatvā sabbadisāsu ‘‘sabbe sattā’’tiādinā nayena pharaṇato anodhiso pharaṇā hoti, sabbadisāsu ‘‘sabbā itthiyo’’tiādinā nayena pharaṇato odhiso pharaṇā.
яасмаа бана аяам̣ д̇ивид̇хааби мзд̇д̇аапаран̣аа аббанаабад̇д̇ажид̇д̇асса васзна вуд̇д̇аа, д̇асмаа д̇ийсу ваарзсу аббанаа г̇ахзд̇аб̣б̣аа. анод̇хисо паран̣з д̇аава ‘‘саб̣б̣з сад̇д̇аа авзраа хонд̇уу’’д̇и згаа, ‘‘аб̣яаабаж̇ж̇аа хонд̇уу’’д̇и згаа ‘‘анийгхаа хонд̇уу’’д̇и згаа, ‘‘сукий ад̇д̇аанам̣ барихаранд̇уу’’д̇и згаа. д̇ааниби хи жад̇д̇аари хид̇обасам̣хааравасзнзва вуд̇д̇аани. хид̇обасам̣хааралагкан̣аа хи мзд̇д̇аа. ид̇и ‘‘сад̇д̇аа’’д̇иаад̣̇ийсу бан̃жасу аагаарзсу жад̇ассаннам̣ жад̇ассаннам̣ аббанаанам̣ васзна вийсад̇и аббанаа хонд̇и, од̇хисо паран̣з ‘‘саб̣б̣аа ид̇т̇ияо’’д̇иаад̣̇ийсу сад̇д̇асу аагаарзсу жад̇ассаннам̣ жад̇ассаннам̣ васзна адтавийсад̇и аббанаа. д̣̇исаапаран̣з бана ‘‘саб̣б̣з бурад̇т̇имааяа д̣̇исааяа сад̇д̇аа’’д̇иаад̣̇инаа наязна згамзгиссаа д̣̇исааяа вийсад̇и вийсад̇и гад̇ваа д̣̇вз сад̇аани, ‘‘саб̣б̣аа бурад̇т̇имааяа д̣̇исааяа ид̇т̇ияо’’д̇иаад̣̇инаа наязна згамзгиссаа д̣̇исааяа адтавийсад̇и адтавийсад̇и гад̇ваа асийд̇и д̣̇вз сад̇аанийд̇и жад̇д̇аари сад̇аани асийд̇и жа аббанаа. ид̇и саб̣б̣ааниби ид̇ха вуд̇д̇аани адтавийсаад̇хигаани бан̃жа аббанаасад̇аани хонд̇и. яат̇аа жа мзд̇д̇ааяа д̇ивид̇хзна паран̣аа вуд̇д̇аа, д̇ат̇аа гарун̣аамуд̣̇ид̇ааубзгкаанамби вуд̇д̇аава ход̇ийд̇и взд̣̇ид̇аб̣б̣ам̣.
Yasmā pana ayaṃ tividhāpi mettāpharaṇā appanāpattacittassa vasena vuttā, tasmā tīsu vāresu appanā gahetabbā. Anodhiso pharaṇe tāva ‘‘sabbe sattā averā hontū’’ti ekā, ‘‘abyāpajjā hontū’’ti ekā ‘‘anīghā hontū’’ti ekā, ‘‘sukhī attānaṃ pariharantū’’ti ekā. Tānipi hi cattāri hitopasaṃhāravaseneva vuttāni. Hitopasaṃhāralakkhaṇā hi mettā. Iti ‘‘sattā’’tiādīsu pañcasu ākāresu catassannaṃ catassannaṃ appanānaṃ vasena vīsati appanā honti, odhiso pharaṇe ‘‘sabbā itthiyo’’tiādīsu sattasu ākāresu catassannaṃ catassannaṃ vasena aṭṭhavīsati appanā. Disāpharaṇe pana ‘‘sabbe puratthimāya disāya sattā’’tiādinā nayena ekamekissā disāya vīsati vīsati katvā dve satāni, ‘‘sabbā puratthimāya disāya itthiyo’’tiādinā nayena ekamekissā disāya aṭṭhavīsati aṭṭhavīsati katvā asīti dve satānīti cattāri satāni asīti ca appanā. Iti sabbānipi idha vuttāni aṭṭhavīsādhikāni pañca appanāsatāni honti. Yathā ca mettāya tividhena pharaṇā vuttā, tathā karuṇāmuditāupekkhānampi vuttāva hotīti veditabbaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 4. мзд̇д̇аагат̇аа • 4. Mettākathā
