| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
4. мзд̇д̇аасахаг̇ад̇асуд̇д̇аван̣н̣анаа
4. Mettāsahagatasuttavaṇṇanā
235. гийд̣̇исаа г̇ад̇и ниб̣б̣ад̇д̇и зд̇иссаад̇и гим̣г̇ад̇игаа, гим̣нидтаад̇и вуд̇д̇ам̣ ход̇и. гийд̣̇исий барамаа уд̇д̇амаа годи зд̇иссаад̇и гим̣барамаа. гийд̣̇исам̣ палам̣ аанисам̣сам̣ уд̣̇аяо зд̇иссаад̇и гим̣палаа. сам̣садтам̣ самбаяуд̇д̇анд̇и ид̣̇ам̣ сахаг̇ад̇а-сад̣̇д̣̇асса ад̇т̇ад̣̇ассанамад̇д̇ам̣, ид̇ха бана мзд̇д̇аажхаанам̣ баад̣̇агам̣ гад̇ваа вибассанаабуб̣б̣абхааг̇аб̣ож̇жхан̇г̇аа жа ‘‘мзд̇д̇аасахаг̇ад̇ам̣ сад̇исамб̣ож̇жхан̇г̇а’’нд̇иаад̣̇инаа вуд̇д̇аад̇и взд̣̇ид̇аб̣б̣ам̣. саб̣б̣ад̇т̇аад̇и саб̣б̣зсу б̣ож̇жхан̇г̇зсу саб̣б̣зсу жа б̣рахмавихаарзсу.
235. Kīdisā gati nibbatti etissāti kiṃgatikā, kiṃniṭṭhāti vuttaṃ hoti. Kīdisī paramā uttamā koṭi etissāti kiṃparamā. Kīdisaṃ phalaṃ ānisaṃsaṃ udayo etissāti kiṃphalā. Saṃsaṭṭhaṃ sampayuttanti idaṃ sahagata-saddassa atthadassanamattaṃ, idha pana mettājhānaṃ pādakaṃ katvā vipassanāpubbabhāgabojjhaṅgā ca ‘‘mettāsahagataṃ satisambojjhaṅga’’ntiādinā vuttāti veditabbaṃ. Sabbatthāti sabbesu bojjhaṅgesu sabbesu ca brahmavihāresu.
бадигуулзд̇и вираж̇ж̇ад̇ийд̇и бадигуулам̣, анидтам̣. на бадигуулам̣ аббадигуулам̣, идтам̣. д̇знааха ‘‘идтз вад̇т̇усми’’нд̇и. зд̇т̇аад̇и аббадигуулавад̇т̇усмим̣. званд̇и бадигууласан̃н̃ий. сад̇д̇з аббадигуулз асубхапаран̣ам̣, сан̇каарз аббадигуулз анижжанд̇и манасигаарам̣ гаронд̇о. асубхааяаад̇и асубхасан̃н̃ааяа. анижжад̇о ваа убасам̣харад̇ийд̇и анижжанд̇и манасигаарам̣ бавад̇д̇зд̇и. ‘‘зсзва наяо’’д̇и сан̇кзбад̇о вуд̇д̇амад̇т̇ам̣ виварид̇ум̣ ‘‘аббадигуулабадигуулзсуу’’д̇иаад̣̇и вуд̇д̇ам̣. чал̣ан̇г̇убзгканд̇и часу аарамман̣зсу бахийнаанурод̇хасса уббад̇д̇ияаа чал̣ан̇г̇аванд̇ам̣ убзгкам̣.
Paṭikūleti virajjatīti paṭikūlaṃ, aniṭṭhaṃ. Na paṭikūlaṃ appaṭikūlaṃ, iṭṭhaṃ. Tenāha ‘‘iṭṭhe vatthusmi’’nti. Etthāti appaṭikūlavatthusmiṃ. Evanti paṭikūlasaññī. Satte appaṭikūle asubhapharaṇaṃ, saṅkhāre appaṭikūle aniccanti manasikāraṃ karonto. Asubhāyāti asubhasaññāya. Aniccato vā upasaṃharatīti aniccanti manasikāraṃ pavatteti. ‘‘Eseva nayo’’ti saṅkhepato vuttamatthaṃ vivarituṃ ‘‘appaṭikūlapaṭikūlesū’’tiādi vuttaṃ. Chaḷaṅgupekkhanti chasu ārammaṇesu pahīnānurodhassa uppattiyā chaḷaṅgavantaṃ upekkhaṃ.
мзд̇д̇ааяаад̇и мзд̇д̇аабхааванааяа. бадигуулаад̣̇ийсу вад̇т̇уусу ижчид̇авихаарзна вихарид̇ум̣ самад̇т̇ад̇аа арияаанам̣ зва, д̇ад̇т̇а жа арахад̇о зва иж̇жханад̇о арияид̣̇д̇хи наама. д̇ассаа арияид̣̇д̇хияаа жа д̣̇ассид̇ад̇д̇аа д̣̇зсанаа виниваддзд̇аб̣б̣аа барияосаанзд̇аб̣б̣аа сияаа. арахад̇д̇ам̣ баабун̣ид̇ум̣ на саггод̇и инд̣̇рияаанам̣ абарибаггад̇д̇аа ниганд̇ияаа жа д̣̇уббарияаад̣̇аанад̇о. аяам̣ д̣̇зсанаад̇и ‘‘мзд̇д̇аасахаг̇ад̇ам̣ б̣ож̇жхан̇г̇ам̣ бхаавзд̇ий’’д̇иаад̣̇инаа аяам̣ д̣̇зсанаа аарад̣̇д̇хаа. яо хи мзд̇д̇аажхаанам̣ баад̣̇агам̣ гад̇ваа саммасанам̣ аарабхид̇ваа арахад̇д̇ам̣ баабун̣ид̇ум̣ асаггонд̇о барисуд̣̇д̇хзсу ван̣н̣агасин̣зсу вимогкасан̇каад̇ам̣ руубааважараж̇жхаанам̣ ниб̣б̣ад̇д̇зд̇и, д̇ам̣ санд̇хааяааха бхаг̇аваа – ‘‘субхам̣ ко бана вимогкам̣ убасамбаж̇ж̇а вихарад̇ий’’д̇и.
Mettāyāti mettābhāvanāya. Paṭikūlādīsu vatthūsu icchitavihārena viharituṃ samatthatā ariyānaṃ eva, tattha ca arahato eva ijjhanato ariyiddhi nāma. Tassā ariyiddhiyā ca dassitattā desanā vinivaṭṭetabbā pariyosānetabbā siyā. Arahattaṃ pāpuṇituṃ na sakkoti indriyānaṃ aparipakkattā nikantiyā ca duppariyādānato. Ayaṃ desanāti ‘‘mettāsahagataṃ bojjhaṅgaṃ bhāvetī’’tiādinā ayaṃ desanā āraddhā. Yo hi mettājhānaṃ pādakaṃ katvā sammasanaṃ ārabhitvā arahattaṃ pāpuṇituṃ asakkonto parisuddhesu vaṇṇakasiṇesu vimokkhasaṅkhātaṃ rūpāvacarajjhānaṃ nibbatteti, taṃ sandhāyāha bhagavā – ‘‘subhaṃ kho pana vimokkhaṃ upasampajja viharatī’’ti.
субхабараманд̇и субхавимогкабарамам̣. ид̇ха логз зва бан̃н̃аа асса. д̇знааха ‘‘логияабан̃н̃ассаад̇и ад̇т̇о’’д̇и. арахад̇д̇абарамаава мзд̇д̇аа арахад̇д̇амаг̇г̇асса баад̣̇агад̇д̇аа. гарун̣аад̣̇ийсуби зсзва наяод̇и гарун̣аад̣̇ижхаанам̣ баад̣̇агам̣ гад̇ваа сан̇каарз саммасанд̇о арахад̇д̇ам̣ бад̇д̇ум̣ саггод̇и, д̇асса арахад̇т̇абарамаа гарун̣аа ход̇и, звам̣ муд̣̇ид̇ааубзгкаасуби вад̇д̇аб̣б̣анд̇и имамад̇т̇ам̣ ад̇ид̣̇исад̇и. буна д̣̇зсанаарамбхабаяож̇анам̣ бана ‘‘иминаа наязнаа’’д̇и хздтаа ад̇ид̣̇идтамзва.
Subhaparamanti subhavimokkhaparamaṃ. Idha loke eva paññā assa. Tenāha ‘‘lokiyapaññassāti attho’’ti. Arahattaparamāva mettā arahattamaggassa pādakattā. Karuṇādīsupi eseva nayoti karuṇādijhānaṃ pādakaṃ katvā saṅkhāre sammasanto arahattaṃ pattuṃ sakkoti, tassa arahatthaparamā karuṇā hoti, evaṃ muditāupekkhāsupi vattabbanti imamatthaṃ atidisati. Puna desanārambhapayojanaṃ pana ‘‘iminā nayenā’’ti heṭṭhā atidiṭṭhameva.
субхабарамаад̣̇ид̇аад̇и мзд̇д̇аагарун̣аамуд̣̇ид̇ааубзгкаанам̣ субхабарамад̇аа аагаасаанан̃жааяад̇анабарамад̇аа, вин̃н̃аан̣ан̃жааяад̇анабарамад̇аа, аагин̃жан̃н̃ааяад̇анабарамад̇аа. д̇асса д̇ассаад̇и субхавимогкасса хздтаа д̇ин̣н̣ам̣ аруубаж̇жхаанаанан̃жа яат̇ааггамам̣ убаниссаяад̇д̇аа. аббадигуулабарижаяаад̇и идтаарамман̣з манасигаараб̣ахулийгаараа. аббагасирзнзваад̇и сукзнзва. д̇ад̇т̇аад̇и висуд̣̇д̇хад̇ааяа идтзсу ван̣н̣агасин̣зсу. жид̇д̇анд̇и бхааванаамаяажид̇д̇ам̣ багканд̣̇ад̇и аббанаавасзна. д̇ад̇о баранд̇и д̇ад̇о субхавимогкад̇о барам̣ вимогкаанам̣ убаниссаяо наама на ход̇и, мзд̇д̇аасахаг̇ад̇абхааво д̣̇адтаб̣б̣о.
Subhaparamāditāti mettākaruṇāmuditāupekkhānaṃ subhaparamatā ākāsānañcāyatanaparamatā, viññāṇañcāyatanaparamatā, ākiñcaññāyatanaparamatā. Tassa tassāti subhavimokkhassa heṭṭhā tiṇṇaṃ arūpajjhānānañca yathākkamaṃ upanissayattā. Appaṭikūlaparicayāti iṭṭhārammaṇe manasikārabahulīkārā. Appakasirenevāti sukheneva. Tatthāti visuddhatāya iṭṭhesu vaṇṇakasiṇesu. Cittanti bhāvanāmayacittaṃ pakkhandati appanāvasena. Tato paranti tato subhavimokkhato paraṃ vimokkhānaṃ upanissayo nāma na hoti, mettāsahagatabhāvo daṭṭhabbo.
сад̇д̇ад̣̇угкам̣ саманубассанд̇ассаад̇и д̣̇ан̣д̣зна абхихадаббад̇д̇аруубахзд̇ум̣ сад̇д̇зсу уббаж̇ж̇анагад̣̇угкам̣ н̃аан̣зна виймам̣санд̇асса. д̇аяид̣̇ам̣ руубанимид̇д̇агам̣ сад̇д̇зсу уббаж̇ж̇анагам̣ д̣̇угкам̣ н̃аан̣зна гарун̣аавихаарисса висзсад̇о багканд̣̇ад̇ийд̇и гад̇ваа вуд̇д̇ам̣ ‘‘аббагасирзнзва д̇ад̇т̇а жид̇д̇ам̣ багканд̣̇ад̇ий’’д̇и, на бана саб̣б̣асо аруубз аанисам̣сад̣̇ассанад̇о.
Sattadukkhaṃ samanupassantassāti daṇḍena abhihaṭappattarūpahetuṃ sattesu uppajjanakadukkhaṃ ñāṇena vīmaṃsantassa. Tayidaṃ rūpanimittakaṃ sattesu uppajjanakaṃ dukkhaṃ ñāṇena karuṇāvihārissa visesato pakkhandatīti katvā vuttaṃ ‘‘appakasireneva tattha cittaṃ pakkhandatī’’ti, na pana sabbaso arūpe ānisaṃsadassanato.
вин̃н̃аан̣ам̣ саманубассанд̇ассаад̇и ид̣̇ам̣ баамож̇ж̇аг̇ахан̣амукзна д̇анниссаяавин̃н̃аан̣асса г̇ахан̣ам̣ самбхавад̇ийд̇и гад̇ваа вуд̇д̇ам̣. вин̃н̃аан̣аг̇г̇ахан̣абарижид̇анд̇и вуд̇д̇анаязна вин̃н̃аан̣аг̇г̇ахан̣з барижид̇ам̣.
Viññāṇaṃsamanupassantassāti idaṃ pāmojjagahaṇamukhena tannissayaviññāṇassa gahaṇaṃ sambhavatīti katvā vuttaṃ. Viññāṇaggahaṇaparicitanti vuttanayena viññāṇaggahaṇe paricitaṃ.
убзгкаавихаариссаад̇и убзгкааб̣рахмавихаарам̣ вихарад̇о. аабхог̇аабхаавад̇од̇и сукаад̣̇ивасзна аабхуж̇анаабхаавад̇о. сука…бз… самбхавад̇од̇и сукад̣̇угкаад̇и барамад̇т̇агаммаг̇г̇ахан̣з вимукад̇аасамбхавад̇о. авиж̇ж̇амаанаг̇г̇ахан̣ад̣̇угканд̇и барамад̇т̇ад̇о авиж̇ж̇амаанасад̇д̇абан̃н̃ад̇д̇иг̇ахан̣абарижид̇ам̣ д̇асса д̇асса абхаавамад̇д̇агасса г̇ахан̣амби д̣̇угкам̣ гусаламби ход̇и. сзсам̣ сувин̃н̃зяяамзва.
Upekkhāvihārissāti upekkhābrahmavihāraṃ viharato. Ābhogābhāvatoti sukhādivasena ābhujanābhāvato. Sukha…pe… sambhavatoti sukhadukkhāti paramatthakammaggahaṇe vimukhatāsambhavato. Avijjamānaggahaṇadukkhanti paramatthato avijjamānasattapaññattigahaṇaparicitaṃ tassa tassa abhāvamattakassa gahaṇampi dukkhaṃ kusalampi hoti. Sesaṃ suviññeyyameva.
мзд̇д̇аасахаг̇ад̇асуд̇д̇аван̣н̣анаа нидтид̇аа.
Mettāsahagatasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 4. мзд̇д̇аасахаг̇ад̇асуд̇д̇ам̣ • 4. Mettāsahagatasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4. мзд̇д̇аасахаг̇ад̇асуд̇д̇аван̣н̣анаа • 4. Mettāsahagatasuttavaṇṇanā
