| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
॥ নমো তস্স ভগৰতো অরহতো সম্মাসম্বুদ্ধস্স॥
Namo tassa bhagavato arahato sammāsambuddhassa
অঙ্গুত্তরনিকাযো
Aṅguttaranikāyo
অট্ঠকনিপাতপাল়ি
Aṭṭhakanipātapāḷi
১. পঠমপণ্ণাসকং
1. Paṭhamapaṇṇāsakaṃ
১. মেত্তাৰগ্গো
1. Mettāvaggo
১. মেত্তাসুত্তং
1. Mettāsuttaṃ
১. এৰং মে সুতং – একং সমযং ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তত্র খো ভগৰা ভিক্খূ আমন্তেসি – ‘‘ভিক্খৰো’’তি। ‘‘ভদন্তে’’তি তে ভিক্খূ ভগৰতো পচ্চস্সোসুং। ভগৰা এতদৰোচ –
1. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
1 ‘‘মেত্তায, ভিক্খৰে, চেতোৰিমুত্তিযা আসেৰিতায ভাৰিতায বহুলীকতায যানীকতায ৰত্থুকতায অনুট্ঠিতায পরিচিতায সুসমারদ্ধায অট্ঠানিসংসা পাটিকঙ্খা। কতমে অট্ঠ? সুখং সুপতি, সুখং পটিবুজ্ঝতি, ন পাপকং সুপিনং পস্সতি, মনুস্সানং পিযো হোতি, অমনুস্সানং পিযো হোতি, দেৰতা রক্খন্তি, নাস্স অগ্গি ৰা ৰিসং ৰা সত্থং ৰা কমতি, উত্তরিং অপ্পটিৰিজ্ঝন্তো ব্রহ্মলোকূপগো হোতি। মেত্তায, ভিক্খৰে, চেতোৰিমুত্তিযা আসেৰিতায ভাৰিতায বহুলীকতায যানীকতায ৰত্থুকতায অনুট্ঠিতায পরিচিতায সুসমারদ্ধায ইমে অট্ঠানিসংসা পাটিকঙ্খা’’তি।
2 ‘‘Mettāya, bhikkhave, cetovimuttiyā āsevitāya bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya aṭṭhānisaṃsā pāṭikaṅkhā. Katame aṭṭha? Sukhaṃ supati, sukhaṃ paṭibujjhati, na pāpakaṃ supinaṃ passati, manussānaṃ piyo hoti, amanussānaṃ piyo hoti, devatā rakkhanti, nāssa aggi vā visaṃ vā satthaṃ vā kamati, uttariṃ appaṭivijjhanto brahmalokūpago hoti. Mettāya, bhikkhave, cetovimuttiyā āsevitāya bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya ime aṭṭhānisaṃsā pāṭikaṅkhā’’ti.
তনূ সংযোজনা হোন্তি, পস্সতো উপধিক্খযং॥
Tanū saṃyojanā honti, passato upadhikkhayaṃ.
‘‘একম্পি চে পাণমদুট্ঠচিত্তো,
‘‘Ekampi ce pāṇamaduṭṭhacitto,
মেত্তাযতি কুসলী তেন হোতি।
Mettāyati kusalī tena hoti;
সব্বে চ পাণে মনসানুকম্পী,
Sabbe ca pāṇe manasānukampī,
পহূতমরিযো পকরোতি পুঞ্ঞং॥
Pahūtamariyo pakaroti puññaṃ.
‘‘যে সত্তসণ্ডং পথৰিং ৰিজেত্ৰা,
‘‘Ye sattasaṇḍaṃ pathaviṃ vijetvā,
রাজিসযো যজমানা অনুপরিযগা।
Rājisayo yajamānā anupariyagā;
অস্সমেধং পুরিসমেধং,
Assamedhaṃ purisamedhaṃ,
সম্মাপাসং ৰাজপেয্যং নিরগ্গল়ং॥
Sammāpāsaṃ vājapeyyaṃ niraggaḷaṃ.
‘‘মেত্তস্স চিত্তস্স সুভাৰিতস্স,
‘‘Mettassa cittassa subhāvitassa,
কলম্পি তে নানুভৰন্তি সোল়সিং।
Kalampi te nānubhavanti soḷasiṃ;
চন্দপ্পভা তারগণাৰ সব্বে,
Candappabhā tāragaṇāva sabbe,
‘‘যো ন হন্তি ন ঘাতেতি, ন জিনাতি ন জাপযে।
‘‘Yo na hanti na ghāteti, na jināti na jāpaye;
মেত্তংসো সব্বভূতানং, ৰেরং তস্স ন কেনচী’’তি॥ পঠমং।
Mettaṃso sabbabhūtānaṃ, veraṃ tassa na kenacī’’ti. paṭhamaṃ;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১. মেত্তাসুত্তৰণ্ণনা • 1. Mettāsuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১. মেত্তাসুত্তৰণ্ণনা • 1. Mettāsuttavaṇṇanā
