| Library / Tipiṭaka / তিপিটক • Tipiṭaka / খুদ্দকপাঠপাল়ি • Khuddakapāṭhapāḷi |
৯. মেত্তসুত্তং
9. Mettasuttaṃ
১.
1.
করণীযমত্থকুসলেন , যন্তসন্তং পদং অভিসমেচ্চ।
Karaṇīyamatthakusalena , yantasantaṃ padaṃ abhisamecca;
সক্কো উজূ চ সুহুজূ 1 চ, সুৰচো চস্স মুদু অনতিমানী॥
Sakko ujū ca suhujū 2 ca, suvaco cassa mudu anatimānī.
২.
2.
সন্তুস্সকো চ সুভরো চ, অপ্পকিচ্চো চ সল্লহুকৰুত্তি।
Santussako ca subharo ca, appakicco ca sallahukavutti;
সন্তিন্দ্রিযো চ নিপকো চ, অপ্পগব্ভো কুলেস্ৰননুগিদ্ধো॥
Santindriyo ca nipako ca, appagabbho kulesvananugiddho.
৩.
3.
ন চ খুদ্দমাচরে কিঞ্চি, যেন ৰিঞ্ঞূ পরে উপৰদেয্যুং।
Na ca khuddamācare kiñci, yena viññū pare upavadeyyuṃ;
সুখিনোৰ খেমিনো হোন্তু, সব্বসত্তা 3 ভৰন্তু সুখিতত্তা॥
Sukhinova khemino hontu, sabbasattā 4 bhavantu sukhitattā.
৪.
4.
যে কেচি পাণভূতত্থি, তসা ৰা থাৰরা ৰনৰসেসা।
Ye keci pāṇabhūtatthi, tasā vā thāvarā vanavasesā;
দীঘা ৰা যেৰ মহন্তা 5, মজ্ঝিমা রস্সকা অণুকথূলা॥
Dīghā vā yeva mahantā 6, majjhimā rassakā aṇukathūlā.
৫.
5.
৬.
6.
ন পরো পরং নিকুব্বেথ, নাতিমঞ্ঞেথ কত্থচি ন কঞ্চি 15।
Na paro paraṃ nikubbetha, nātimaññetha katthaci na kañci 16;
ব্যারোসনা পটিঘসঞ্ঞা, নাঞ্ঞমঞ্ঞস্স দুক্খমিচ্ছেয্য॥
Byārosanā paṭighasaññā, nāññamaññassa dukkhamiccheyya.
৭.
7.
মাতা যথা নিযং পুত্তমাযুসা একপুত্তমনুরক্খে।
Mātā yathā niyaṃ puttamāyusā ekaputtamanurakkhe;
এৰম্পি সব্বভূতেসু, মানসং ভাৰযে অপরিমাণং॥
Evampi sabbabhūtesu, mānasaṃ bhāvaye aparimāṇaṃ.
৮.
8.
মেত্তঞ্চ সব্বলোকস্মি, মানসং ভাৰযে অপরিমাণং।
Mettañca sabbalokasmi, mānasaṃ bhāvaye aparimāṇaṃ;
উদ্ধং অধো চ তিরিযঞ্চ, অসম্বাধং অৰেরমসপত্তং॥
Uddhaṃ adho ca tiriyañca, asambādhaṃ averamasapattaṃ.
৯.
9.
এতং সতিং অধিট্ঠেয্য, ব্রহ্মমেতং ৰিহারমিধমাহু॥
Etaṃ satiṃ adhiṭṭheyya, brahmametaṃ vihāramidhamāhu.
১০.
10.
দিট্ঠিঞ্চ অনুপগ্গম্ম, সীলৰা দস্সনেন সম্পন্নো।
Diṭṭhiñca anupaggamma, sīlavā dassanena sampanno;
কামেসু ৰিনয 21 গেধং, ন হি জাতুগ্গব্ভসেয্য পুন রেতীতি॥
Kāmesu vinaya 22 gedhaṃ, na hi jātuggabbhaseyya puna retīti.
মেত্তসুত্তং নিট্ঠিতং।
Mettasuttaṃ niṭṭhitaṃ.
খুদ্দকপাঠপাল়ি নিট্ঠিতা।
Khuddakapāṭhapāḷi niṭṭhitā.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / খুদ্দকপাঠ-অট্ঠকথা • Khuddakapāṭha-aṭṭhakathā / ৯. মেত্তসুত্তৰণ্ণনা • 9. Mettasuttavaṇṇanā
