| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. мзд̇д̇асуд̇д̇ам̣
9. Mettasuttaṃ
62. 1 ‘‘маа , бхигкавз, бун̃н̃аанам̣ бхааяид̇т̇а. сукассзд̇ам̣, бхигкавз , ад̇хиважанам̣ яад̣̇ид̣̇ам̣ бун̃н̃аани 2. абхиж̇аанаами ко банаахам̣ 3, бхигкавз, д̣̇ийгхарад̇д̇ам̣ гад̇аанам̣ бун̃н̃аанам̣ д̣̇ийгхарад̇д̇ам̣ идтам̣ 4 ганд̇ам̣ манаабам̣ вибаагам̣ бажжанубхууд̇ам̣. сад̇д̇а вассаани мзд̇д̇ам̣ жид̇д̇ам̣ бхаавзсим̣ . сад̇д̇а вассаани мзд̇д̇ам̣ жид̇д̇ам̣ бхаавзд̇ваа сад̇д̇а сам̣ваддавиваддагаббз наяимам̣ логам̣ бунааг̇амаасим̣. сам̣ваддамаанз суд̣̇аахам̣ 5, бхигкавз, логз аабхассаруубаг̇о хоми, виваддамаанз логз сун̃н̃ам̣ б̣рахмавимаанам̣ убабаж̇ж̇аами.
62.6 ‘‘Mā , bhikkhave, puññānaṃ bhāyittha. Sukhassetaṃ, bhikkhave , adhivacanaṃ yadidaṃ puññāni 7. Abhijānāmi kho panāhaṃ 8, bhikkhave, dīgharattaṃ katānaṃ puññānaṃ dīgharattaṃ iṭṭhaṃ 9 kantaṃ manāpaṃ vipākaṃ paccanubhūtaṃ. Satta vassāni mettaṃ cittaṃ bhāvesiṃ . Satta vassāni mettaṃ cittaṃ bhāvetvā satta saṃvaṭṭavivaṭṭakappe nayimaṃ lokaṃ punāgamāsiṃ. Saṃvaṭṭamāne sudāhaṃ 10, bhikkhave, loke ābhassarūpago homi, vivaṭṭamāne loke suññaṃ brahmavimānaṃ upapajjāmi.
‘‘д̇ад̇ра суд̣̇ам̣, бхигкавз, б̣рахмаа хоми махааб̣рахмаа абхибхуу анабхибхууд̇о ан̃н̃ад̣̇ад̇т̇уд̣̇асо васавад̇д̇ий. чад̇д̇им̣сагкад̇д̇ум̣ ко банаахам̣, бхигкавз, сагго ахосим̣ д̣̇зваанаминд̣̇о; анзгасад̇агкад̇д̇ум̣ рааж̇аа ахосим̣ жаггавад̇д̇ий д̇хаммиго д̇хаммарааж̇аа жаад̇уранд̇о виж̇ид̇аавий ж̇анабад̣̇ад̇т̇ааварияаббад̇д̇о сад̇д̇арад̇анасаманнааг̇ад̇о. д̇асса маяхам̣, бхигкавз, имаани сад̇д̇а рад̇анаани ахзсум̣, сзяяат̇ид̣̇ам̣ – жаггарад̇анам̣, хад̇т̇ирад̇анам̣, ассарад̇анам̣, ман̣ирад̇анам̣, ид̇т̇ирад̇анам̣, г̇ахабад̇ирад̇анам̣, барин̣ааяагарад̇анамзва сад̇д̇амам̣. баросахассам̣ ко бана мз, бхигкавз, буд̇д̇аа ахзсум̣ суураа вийран̇г̇аруубаа барасзнаббамад̣̇д̣̇анаа. со имам̣ бат̇авим̣ сааг̇арабарияанд̇ам̣ ад̣̇ан̣д̣зна асад̇т̇зна д̇хаммзна абхивиж̇ияа аж̇жхааваси’’нд̇и 11.
‘‘Tatra sudaṃ, bhikkhave, brahmā homi mahābrahmā abhibhū anabhibhūto aññadatthudaso vasavattī. Chattiṃsakkhattuṃ kho panāhaṃ, bhikkhave, sakko ahosiṃ devānamindo; anekasatakkhattuṃ rājā ahosiṃ cakkavattī dhammiko dhammarājā cāturanto vijitāvī janapadatthāvariyappatto sattaratanasamannāgato. Tassa mayhaṃ, bhikkhave, imāni satta ratanāni ahesuṃ, seyyathidaṃ – cakkaratanaṃ, hatthiratanaṃ, assaratanaṃ, maṇiratanaṃ, itthiratanaṃ, gahapatiratanaṃ, pariṇāyakaratanameva sattamaṃ. Parosahassaṃ kho pana me, bhikkhave, puttā ahesuṃ sūrā vīraṅgarūpā parasenappamaddanā. So imaṃ pathaviṃ sāgarapariyantaṃ adaṇḍena asatthena dhammena abhivijiya ajjhāvasi’’nti 12.
‘‘басса бун̃н̃аанам̣ вибаагам̣, гусалаанам̣ сукзсино 13;
‘‘Passa puññānaṃ vipākaṃ, kusalānaṃ sukhesino 14;
мзд̇д̇ам̣ жид̇д̇ам̣ вибхаавзд̇ваа, сад̇д̇а вассаани бхигкаво 15;
Mettaṃ cittaṃ vibhāvetvā, satta vassāni bhikkhavo 16;
сад̇д̇асам̣ваддавиваддагаббз , наяимам̣ логам̣ бунааг̇амим̣ 17.
Sattasaṃvaṭṭavivaṭṭakappe , nayimaṃ lokaṃ punāgamiṃ 18.
‘‘сам̣ваддамаанз логамхи, хоми аабхассаруубаг̇о;
‘‘Saṃvaṭṭamāne lokamhi, homi ābhassarūpago;
виваддамаанз логасмим̣, сун̃н̃аб̣рахмуубаг̇о ахум̣.
Vivaṭṭamāne lokasmiṃ, suññabrahmūpago ahuṃ.
‘‘сад̇д̇агкад̇д̇ум̣ махааб̣рахмаа, васавад̇д̇ий д̇ад̣̇аа ахум̣;
‘‘Sattakkhattuṃ mahābrahmā, vasavattī tadā ahuṃ;
чад̇д̇им̣сагкад̇д̇ум̣ д̣̇звинд̣̇о, д̣̇звараж̇ж̇амагаараяим̣.
Chattiṃsakkhattuṃ devindo, devarajjamakārayiṃ.
‘‘жаггавад̇д̇ий ахум̣ рааж̇аа, ж̇амб̣уман̣д̣асса 19 иссаро;
‘‘Cakkavattī ahuṃ rājā, jambumaṇḍassa 20 issaro;
муд̣̇д̇хаавасид̇д̇о 21 кад̇д̇ияо, мануссаад̇хибад̇ий ахум̣.
Muddhāvasitto 22 khattiyo, manussādhipatī ahuṃ.
‘‘ад̣̇ан̣д̣зна асад̇т̇зна, виж̇зяяа бат̇авим̣ имам̣;
‘‘Adaṇḍena asatthena, vijeyya pathaviṃ imaṃ;
‘‘д̇хаммзна раж̇ж̇ам̣ гаарзд̇ваа, асмим̣ бат̇авиман̣д̣алз;
‘‘Dhammena rajjaṃ kāretvā, asmiṃ pathavimaṇḍale;
махад̣̇д̇ханз махаабхог̇з, ад̣дхз аж̇ааяихам̣ гулз.
Mahaddhane mahābhoge, aḍḍhe ajāyihaṃ kule.
‘‘саб̣б̣агаамзхи самбаннз 25, рад̇анзхи жа сад̇д̇ахи;
‘‘Sabbakāmehi sampanne 26, ratanehi ca sattahi;
б̣уд̣̇д̇хаа сан̇г̇аахагаа логз, д̇зхи зд̇ам̣ суд̣̇зсид̇ам̣.
Buddhā saṅgāhakā loke, tehi etaṃ sudesitaṃ.
‘‘зсо хзд̇у маханд̇асса, бат̇аб̣яо мз на вибаж̇ж̇ад̇и 27;
‘‘Eso hetu mahantassa, pathabyo me na vipajjati 28;
бахууд̇авид̇д̇уубагаран̣о, рааж̇аа ход̇и 29 бад̇аабаваа.
Pahūtavittūpakaraṇo, rājā hoti 30 patāpavā.
го суд̇ваа наббасийд̣̇зяяа, аби ган̣хаабхиж̇аад̇ияо.
Ko sutvā nappasīdeyya, api kaṇhābhijātiyo.
‘‘д̇асмаа хи ад̇д̇агаамзна 35, махад̇д̇амабхиган̇кад̇аа;
‘‘Tasmā hi attakāmena 36, mahattamabhikaṅkhatā;
сад̣̇д̇хаммо г̇аругаад̇аб̣б̣о, сарам̣ б̣уд̣̇д̇хаанасаасана’’нд̇и. навамам̣;
Saddhammo garukātabbo, saraṃ buddhānasāsana’’nti. navamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. мзд̇д̇асуд̇д̇аван̣н̣анаа • 9. Mettasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. мзд̇д̇асуд̇д̇аван̣н̣анаа • 9. Mettasuttavaṇṇanā
