| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
2. мзд̇д̇асуд̇д̇ам̣
2. Mettasuttaṃ
22. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
22. Vuttañhetaṃ bhagavatā, vuttamarahatāti me sutaṃ –
‘‘маа, бхигкавз, бун̃н̃аанам̣ бхааяид̇т̇а . сукассзд̇ам̣, бхигкавз, ад̇хиважанам̣ идтасса ганд̇асса бияасса манаабасса яад̣̇ид̣̇ам̣ бун̃н̃аани 1. абхиж̇аанаами ко банаахам̣, бхигкавз, д̣̇ийгхарад̇д̇ам̣ гад̇аанам̣ бун̃н̃аанам̣ идтам̣ ганд̇ам̣ бияам̣ манаабам̣ вибаагам̣ бажжанубхууд̇ам̣. сад̇д̇а вассаани мзд̇д̇ажид̇д̇ам̣ бхаавзд̇ваа сад̇д̇а сам̣ваддавиваддагаббз наяимам̣ логам̣ бунарааг̇амаасим̣. сам̣ваддамаанз суд̣̇ам̣, бхигкавз, габбз аабхассаруубаг̇о хоми; виваддамаанз габбз сун̃н̃ам̣ б̣рахмавимаанам̣ убабаж̇ж̇аами.
‘‘Mā, bhikkhave, puññānaṃ bhāyittha . Sukhassetaṃ, bhikkhave, adhivacanaṃ iṭṭhassa kantassa piyassa manāpassa yadidaṃ puññāni 2. Abhijānāmi kho panāhaṃ, bhikkhave, dīgharattaṃ katānaṃ puññānaṃ iṭṭhaṃ kantaṃ piyaṃ manāpaṃ vipākaṃ paccanubhūtaṃ. Satta vassāni mettacittaṃ bhāvetvā satta saṃvaṭṭavivaṭṭakappe nayimaṃ lokaṃ punarāgamāsiṃ. Saṃvaṭṭamāne sudaṃ, bhikkhave, kappe ābhassarūpago homi; vivaṭṭamāne kappe suññaṃ brahmavimānaṃ upapajjāmi.
‘‘д̇ад̇ра суд̣̇ам̣, бхигкавз, б̣рахмаа хоми махааб̣рахмаа абхибхуу анабхибхууд̇о ан̃н̃ад̣̇ад̇т̇уд̣̇асо васавад̇д̇ий. чад̇д̇им̣сагкад̇д̇ум̣ ко банаахам̣, бхигкавз, сагго ахосим̣ д̣̇зваанаминд̣̇о; анзгасад̇агкад̇д̇ум̣ рааж̇аа ахосим̣ жаггавад̇д̇ий д̇хаммиго д̇хаммарааж̇аа жаад̇уранд̇о виж̇ид̇аавий ж̇анабад̣̇ад̇т̇ааварияаббад̇д̇о сад̇д̇арад̇анасаманнааг̇ад̇о. го бана ваад̣̇о бад̣̇зсараж̇ж̇асса!
‘‘Tatra sudaṃ, bhikkhave, brahmā homi mahābrahmā abhibhū anabhibhūto aññadatthudaso vasavattī. Chattiṃsakkhattuṃ kho panāhaṃ, bhikkhave, sakko ahosiṃ devānamindo; anekasatakkhattuṃ rājā ahosiṃ cakkavattī dhammiko dhammarājā cāturanto vijitāvī janapadatthāvariyappatto sattaratanasamannāgato. Ko pana vādo padesarajjassa!
‘‘д̇асса маяхам̣, бхигкавз, зд̇ад̣̇ахоси – ‘гисса ну ко мз ид̣̇ам̣ гаммасса палам̣, гисса гаммасса вибааго, язнаахам̣ зд̇арахи звам̣махид̣̇д̇хиго звам̣махаанубхааво’д̇и? д̇асса маяхам̣, бхигкавз, зд̇ад̣̇ахоси – ‘д̇ин̣н̣ам̣ ко мз ид̣̇ам̣ гаммаанам̣ палам̣, д̇ин̣н̣ам̣ гаммаанам̣ вибааго, язнаахам̣ зд̇арахи звам̣махид̣̇д̇хиго звам̣махаанубхаавод̇и, сзяяат̇ид̣̇ам̣ 3 – д̣̇аанасса, д̣̇амасса, сан̃н̃амассаа’’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Tassa mayhaṃ, bhikkhave, etadahosi – ‘kissa nu kho me idaṃ kammassa phalaṃ, kissa kammassa vipāko, yenāhaṃ etarahi evaṃmahiddhiko evaṃmahānubhāvo’ti? Tassa mayhaṃ, bhikkhave, etadahosi – ‘tiṇṇaṃ kho me idaṃ kammānaṃ phalaṃ, tiṇṇaṃ kammānaṃ vipāko, yenāhaṃ etarahi evaṃmahiddhiko evaṃmahānubhāvoti, seyyathidaṃ 4 – dānassa, damassa, saññamassā’’’ti. Etamatthaṃ bhagavā avoca. Tatthetaṃ iti vuccati –
‘‘бун̃н̃амзва со сигкзяяа, ааяад̇аг̇г̇ам̣ сукуд̣̇раяам̣;
‘‘Puññameva so sikkheyya, āyataggaṃ sukhudrayaṃ;
д̣̇аанан̃жа самажарияан̃жа, мзд̇д̇ажид̇д̇ан̃жа бхааваяз.
Dānañca samacariyañca, mettacittañca bhāvaye.
‘‘зд̇з д̇хаммз бхааваяид̇ваа, д̇аяо сукасамуд̣̇д̣̇аяз 5;
‘‘Ete dhamme bhāvayitvā, tayo sukhasamuddaye 6;
аб̣яаабаж̇жхам̣ 7 сукам̣ логам̣, бан̣д̣ид̇о убабаж̇ж̇ад̇ий’’д̇и.
Abyāpajjhaṃ 8 sukhaṃ lokaṃ, paṇḍito upapajjatī’’ti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. д̣̇уд̇ияам̣.
Ayampi attho vutto bhagavatā, iti me sutanti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 2. мзд̇д̇асуд̇д̇аван̣н̣анаа • 2. Mettasuttavaṇṇanā
