| Library / Tipiṭaka / तिपिटक • Tipiṭaka / खुद्दकपाठपाळि • Khuddakapāṭhapāḷi |
९. मेत्तसुत्तं
9. Mettasuttaṃ
१.
1.
करणीयमत्थकुसलेन , यन्तसन्तं पदं अभिसमेच्च।
Karaṇīyamatthakusalena , yantasantaṃ padaṃ abhisamecca;
सक्को उजू च सुहुजू 1 च, सुवचो चस्स मुदु अनतिमानी॥
Sakko ujū ca suhujū 2 ca, suvaco cassa mudu anatimānī.
२.
2.
सन्तुस्सको च सुभरो च, अप्पकिच्चो च सल्लहुकवुत्ति।
Santussako ca subharo ca, appakicco ca sallahukavutti;
सन्तिन्द्रियो च निपको च, अप्पगब्भो कुलेस्वननुगिद्धो॥
Santindriyo ca nipako ca, appagabbho kulesvananugiddho.
३.
3.
न च खुद्दमाचरे किञ्चि, येन विञ्ञू परे उपवदेय्युं।
Na ca khuddamācare kiñci, yena viññū pare upavadeyyuṃ;
सुखिनोव खेमिनो होन्तु, सब्बसत्ता 3 भवन्तु सुखितत्ता॥
Sukhinova khemino hontu, sabbasattā 4 bhavantu sukhitattā.
४.
4.
ये केचि पाणभूतत्थि, तसा वा थावरा वनवसेसा।
Ye keci pāṇabhūtatthi, tasā vā thāvarā vanavasesā;
दीघा वा येव महन्ता 5, मज्झिमा रस्सका अणुकथूला॥
Dīghā vā yeva mahantā 6, majjhimā rassakā aṇukathūlā.
५.
5.
६.
6.
न परो परं निकुब्बेथ, नातिमञ्ञेथ कत्थचि न कञ्चि 15।
Na paro paraṃ nikubbetha, nātimaññetha katthaci na kañci 16;
ब्यारोसना पटिघसञ्ञा, नाञ्ञमञ्ञस्स दुक्खमिच्छेय्य॥
Byārosanā paṭighasaññā, nāññamaññassa dukkhamiccheyya.
७.
7.
माता यथा नियं पुत्तमायुसा एकपुत्तमनुरक्खे।
Mātā yathā niyaṃ puttamāyusā ekaputtamanurakkhe;
एवम्पि सब्बभूतेसु, मानसं भावये अपरिमाणं॥
Evampi sabbabhūtesu, mānasaṃ bhāvaye aparimāṇaṃ.
८.
8.
मेत्तञ्च सब्बलोकस्मि, मानसं भावये अपरिमाणं।
Mettañca sabbalokasmi, mānasaṃ bhāvaye aparimāṇaṃ;
उद्धं अधो च तिरियञ्च, असम्बाधं अवेरमसपत्तं॥
Uddhaṃ adho ca tiriyañca, asambādhaṃ averamasapattaṃ.
९.
9.
एतं सतिं अधिट्ठेय्य, ब्रह्ममेतं विहारमिधमाहु॥
Etaṃ satiṃ adhiṭṭheyya, brahmametaṃ vihāramidhamāhu.
१०.
10.
दिट्ठिञ्च अनुपग्गम्म, सीलवा दस्सनेन सम्पन्नो।
Diṭṭhiñca anupaggamma, sīlavā dassanena sampanno;
कामेसु विनय 21 गेधं, न हि जातुग्गब्भसेय्य पुन रेतीति॥
Kāmesu vinaya 22 gedhaṃ, na hi jātuggabbhaseyya puna retīti.
मेत्तसुत्तं निट्ठितं।
Mettasuttaṃ niṭṭhitaṃ.
खुद्दकपाठपाळि निट्ठिता।
Khuddakapāṭhapāḷi niṭṭhitā.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / खुद्दकपाठ-अट्ठकथा • Khuddakapāṭha-aṭṭhakathā / ९. मेत्तसुत्तवण्णना • 9. Mettasuttavaṇṇanā
