| Library / Tipiṭaka / तिपिटक • Tipiṭaka / सुत्तनिपातपाळि • Suttanipātapāḷi |
८. मेत्तसुत्तं
8. Mettasuttaṃ
१४३.
143.
करणीयमत्थकुसलेन, यन्त सन्तं पदं अभिसमेच्च।
Karaṇīyamatthakusalena, yanta santaṃ padaṃ abhisamecca;
सक्को उजू च सुहुजू 1 च, सूवचो चस्स मुदु अनतिमानी॥
Sakko ujū ca suhujū 2 ca, sūvaco cassa mudu anatimānī.
१४४.
144.
सन्तुस्सको च सुभरो च, अप्पकिच्चो च सल्लहुकवुत्ति।
Santussako ca subharo ca, appakicco ca sallahukavutti;
सन्तिन्द्रियो च निपको च, अप्पगब्भो कुलेस्वननुगिद्धो॥
Santindriyo ca nipako ca, appagabbho kulesvananugiddho.
१४५.
145.
न च खुद्दमाचरे किञ्चि, येन विञ्ञू परे उपवदेय्युं।
Na ca khuddamācare kiñci, yena viññū pare upavadeyyuṃ;
सुखिनो व खेमिनो होन्तु, सब्बसत्ता 3 भवन्तु सुखितत्ता॥
Sukhino va khemino hontu, sabbasattā 4 bhavantu sukhitattā.
१४६.
146.
ये केचि पाणभूतत्थि, तसा वा थावरा वनवसेसा।
Ye keci pāṇabhūtatthi, tasā vā thāvarā vanavasesā;
दीघा वा ये व महन्ता 5, मज्झिमा रस्सका अणुकथूला॥
Dīghā vā ye va mahantā 6, majjhimā rassakā aṇukathūlā.
१४७.
147.
भूता व सम्भवेसी व 11, सब्बसत्ता भवन्तु सुखितत्ता॥
Bhūtā va sambhavesī va 12, sabbasattā bhavantu sukhitattā.
१४८.
148.
न परो परं निकुब्बेथ, नातिमञ्ञेथ कत्थचि न कञ्चि 13।
Na paro paraṃ nikubbetha, nātimaññetha katthaci na kañci 14;
ब्यारोसना पटिघसञ्ञा, नाञ्ञमञ्ञस्स दुक्खमिच्छेय्य॥
Byārosanā paṭighasaññā, nāññamaññassa dukkhamiccheyya.
१४९.
149.
माता यथा नियं पुत्तमायुसा एकपुत्तमनुरक्खे।
Mātā yathā niyaṃ puttamāyusā ekaputtamanurakkhe;
एवम्पि सब्बभूतेसु, मानसं भावये अपरिमाणं॥
Evampi sabbabhūtesu, mānasaṃ bhāvaye aparimāṇaṃ.
१५०.
150.
मेत्तञ्च सब्बलोकस्मि, मानसं भावये अपरिमाणं।
Mettañca sabbalokasmi, mānasaṃ bhāvaye aparimāṇaṃ;
उद्धं अधो च तिरियञ्च, असम्बाधं अवेरमसपत्तं॥
Uddhaṃ adho ca tiriyañca, asambādhaṃ averamasapattaṃ.
१५१.
151.
एतं सतिं अधिट्ठेय्य, ब्रह्ममेतं विहारमिधमाहु॥
Etaṃ satiṃ adhiṭṭheyya, brahmametaṃ vihāramidhamāhu.
१५२.
152.
दिट्ठिञ्च अनुपग्गम्म, सीलवा दस्सनेन सम्पन्नो।
Diṭṭhiñca anupaggamma, sīlavā dassanena sampanno;
कामेसु विनय 19 गेधं, न हि जातुग्गब्भसेय्य पुनरेतीति॥
Kāmesu vinaya 20 gedhaṃ, na hi jātuggabbhaseyya punaretīti.
मेत्तसुत्तं अट्ठमं निट्ठितं।
Mettasuttaṃ aṭṭhamaṃ niṭṭhitaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / सुत्तनिपात-अट्ठकथा • Suttanipāta-aṭṭhakathā / ८. मेत्तसुत्तवण्णना • 8. Mettasuttavaṇṇanā
