| Library / Tipiṭaka / තිපිටක • Tipiṭaka / ඛුද්‌දකපාඨපාළි • Khuddakapāṭhapāḷi |
9. මෙත්‌තසුත්‌තං
9. Mettasuttaṃ
1.
1.
කරණීයමත්‌ථකුසලෙන , යන්‌තසන්‌තං පදං අභිසමෙච්‌ච;
Karaṇīyamatthakusalena , yantasantaṃ padaṃ abhisamecca;
සක්‌කො උජූ ච සුහුජූ 1 ච, සුවචො චස්‌ස මුදු අනතිමානී.
Sakko ujū ca suhujū 2 ca, suvaco cassa mudu anatimānī.
2.
2.
සන්‌තුස්‌සකො ච සුභරො ච, අප්‌පකිච්‌චො ච සල්‌ලහුකවුත්‌ති;
Santussako ca subharo ca, appakicco ca sallahukavutti;
සන්‌තින්‌ද්‍රියො ච නිපකො ච, අප්‌පගබ්‌භො කුලෙස්‌වනනුගිද්‌ධො.
Santindriyo ca nipako ca, appagabbho kulesvananugiddho.
3.
3.
න ච ඛුද්‌දමාචරෙ කිඤ්‌චි, යෙන විඤ්‌ඤූ පරෙ උපවදෙය්‍යුං;
Na ca khuddamācare kiñci, yena viññū pare upavadeyyuṃ;
සුඛිනොව ඛෙමිනො හොන්‌තු, සබ්‌බසත්‌තා 3 භවන්‌තු සුඛිතත්‌තා.
Sukhinova khemino hontu, sabbasattā 4 bhavantu sukhitattā.
4.
4.
යෙ කෙචි පාණභූතත්‌ථි, තසා වා ථාවරා වනවසෙසා;
Ye keci pāṇabhūtatthi, tasā vā thāvarā vanavasesā;
දීඝා වා යෙව මහන්‌තා 5, මජ්‌ඣිමා රස්‌සකා අණුකථූලා.
Dīghā vā yeva mahantā 6, majjhimā rassakā aṇukathūlā.
5.
5.
6.
6.
න පරො පරං නිකුබ්‌බෙථ, නාතිමඤ්‌ඤෙථ කත්‌ථචි න කඤ්‌චි 15;
Na paro paraṃ nikubbetha, nātimaññetha katthaci na kañci 16;
බ්‍යාරොසනා පටිඝසඤ්‌ඤා, නාඤ්‌ඤමඤ්‌ඤස්‌ස දුක්‌ඛමිච්‌ඡෙය්‍ය.
Byārosanā paṭighasaññā, nāññamaññassa dukkhamiccheyya.
7.
7.
මාතා යථා නියං පුත්‌තමායුසා එකපුත්‌තමනුරක්‌ඛෙ;
Mātā yathā niyaṃ puttamāyusā ekaputtamanurakkhe;
එවම්‌පි සබ්‌බභූතෙසු, මානසං භාවයෙ අපරිමාණං.
Evampi sabbabhūtesu, mānasaṃ bhāvaye aparimāṇaṃ.
8.
8.
මෙත්‌තඤ්‌ච සබ්‌බලොකස්‌මි, මානසං භාවයෙ අපරිමාණං;
Mettañca sabbalokasmi, mānasaṃ bhāvaye aparimāṇaṃ;
උද්‌ධං අධො ච තිරියඤ්‌ච, අසම්‌බාධං අවෙරමසපත්‌තං.
Uddhaṃ adho ca tiriyañca, asambādhaṃ averamasapattaṃ.
9.
9.
එතං සතිං අධිට්‌ඨෙය්‍ය, බ්‍රහ්‌මමෙතං විහාරමිධමාහු.
Etaṃ satiṃ adhiṭṭheyya, brahmametaṃ vihāramidhamāhu.
10.
10.
දිට්‌ඨිඤ්‌ච අනුපග්‌ගම්‌ම, සීලවා දස්‌සනෙන සම්‌පන්‌නො;
Diṭṭhiñca anupaggamma, sīlavā dassanena sampanno;
කාමෙසු විනය 21 ගෙධං, න හි ජාතුග්‌ගබ්‌භසෙය්‍ය පුන රෙතීති.
Kāmesu vinaya 22 gedhaṃ, na hi jātuggabbhaseyya puna retīti.
මෙත්‌තසුත්‌තං නිට්‌ඨිතං.
Mettasuttaṃ niṭṭhitaṃ.
ඛුද්‌දකපාඨපාළි නිට්‌ඨිතා.
Khuddakapāṭhapāḷi niṭṭhitā.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ඛුද්‌දකපාඨ-අට්‌ඨකථා • Khuddakapāṭha-aṭṭhakathā / 9. මෙත්‌තසුත්‌තවණ්‌ණනා • 9. Mettasuttavaṇṇanā
