8. Mettasuttaṃ

143.

Karaṇīyamatthakusalena, yanta santaṃ padaṃ abhisamecca;

Sakko ujū ca suhujū ² ca, sūvaco cassa mudu anatimānī.

144.

Santussako ca subharo ca, appakicco ca sallahukavutti;

Santindriyo ca nipako ca, appagabbho kulesvananugiddho.

145.

Na ca khuddamācare kiñci, yena viññū pare upavadeyyuṃ;

Sukhino va khemino hontu, sabbasattā ⁴ bhavantu sukhitattā.

146.

Ye keci pāṇabhūtatthi, tasā vā thāvarā vanavasesā;

Dīghā vā ye va mahantā ⁶, majjhimā rassakā aṇukathūlā.

147.

Diṭṭhā vā ye va adiṭṭhā ⁹, ye va ¹⁰ dūre vasanti avidūre;

Bhūtā va sambhavesī va ¹², sabbasattā bhavantu sukhitattā.

148.

Na paro paraṃ nikubbetha, nātimaññetha katthaci na kañci ¹⁴;

Byārosanā paṭighasaññā, nāññamaññassa dukkhamiccheyya.

149.

Mātā yathā niyaṃ puttamāyusā ekaputtamanurakkhe;

Evampi sabbabhūtesu, mānasaṃ bhāvaye aparimāṇaṃ.

150.

Mettañca sabbalokasmi, mānasaṃ bhāvaye aparimāṇaṃ;

Uddhaṃ adho ca tiriyañca, asambādhaṃ averamasapattaṃ.

151.

Tiṭṭhaṃ caraṃ nisinno va ¹⁷, sayāno yāvatāssa vitamiddho ¹⁸;

Etaṃ satiṃ adhiṭṭheyya, brahmametaṃ vihāramidhamāhu.

152.

Diṭṭhiñca anupaggamma, sīlavā dassanena sampanno;

Kāmesu vinaya ²⁰ gedhaṃ, na hi jātuggabbhaseyya punaretīti.

Mettasuttaṃ aṭṭhamaṃ niṭṭhitaṃ.