| Library / Tipiṭaka / ਤਿਪਿਟਕ • Tipiṭaka / ਸੁਤ੍ਤਨਿਪਾਤਪਾਲ਼ਿ • Suttanipātapāḷi |
੮. ਮੇਤ੍ਤਸੁਤ੍ਤਂ
8. Mettasuttaṃ
੧੪੩.
143.
ਕਰਣੀਯਮਤ੍ਥਕੁਸਲੇਨ, ਯਨ੍ਤ ਸਨ੍ਤਂ ਪਦਂ ਅਭਿਸਮੇਚ੍ਚ।
Karaṇīyamatthakusalena, yanta santaṃ padaṃ abhisamecca;
ਸਕ੍ਕੋ ਉਜੂ ਚ ਸੁਹੁਜੂ 1 ਚ, ਸੂવਚੋ ਚਸ੍ਸ ਮੁਦੁ ਅਨਤਿਮਾਨੀ॥
Sakko ujū ca suhujū 2 ca, sūvaco cassa mudu anatimānī.
੧੪੪.
144.
ਸਨ੍ਤੁਸ੍ਸਕੋ ਚ ਸੁਭਰੋ ਚ, ਅਪ੍ਪਕਿਚ੍ਚੋ ਚ ਸਲ੍ਲਹੁਕવੁਤ੍ਤਿ।
Santussako ca subharo ca, appakicco ca sallahukavutti;
ਸਨ੍ਤਿਨ੍ਦ੍ਰਿਯੋ ਚ ਨਿਪਕੋ ਚ, ਅਪ੍ਪਗਬ੍ਭੋ ਕੁਲੇਸ੍વਨਨੁਗਿਦ੍ਧੋ॥
Santindriyo ca nipako ca, appagabbho kulesvananugiddho.
੧੪੫.
145.
ਨ ਚ ਖੁਦ੍ਦਮਾਚਰੇ ਕਿਞ੍ਚਿ, ਯੇਨ વਿਞ੍ਞੂ ਪਰੇ ਉਪવਦੇਯ੍ਯੁਂ।
Na ca khuddamācare kiñci, yena viññū pare upavadeyyuṃ;
ਸੁਖਿਨੋ વ ਖੇਮਿਨੋ ਹੋਨ੍ਤੁ, ਸਬ੍ਬਸਤ੍ਤਾ 3 ਭવਨ੍ਤੁ ਸੁਖਿਤਤ੍ਤਾ॥
Sukhino va khemino hontu, sabbasattā 4 bhavantu sukhitattā.
੧੪੬.
146.
ਯੇ ਕੇਚਿ ਪਾਣਭੂਤਤ੍ਥਿ, ਤਸਾ વਾ ਥਾવਰਾ વਨવਸੇਸਾ।
Ye keci pāṇabhūtatthi, tasā vā thāvarā vanavasesā;
ਦੀਘਾ વਾ ਯੇ વ ਮਹਨ੍ਤਾ 5, ਮਜ੍ਝਿਮਾ ਰਸ੍ਸਕਾ ਅਣੁਕਥੂਲਾ॥
Dīghā vā ye va mahantā 6, majjhimā rassakā aṇukathūlā.
੧੪੭.
147.
ਭੂਤਾ વ ਸਮ੍ਭવੇਸੀ વ 11, ਸਬ੍ਬਸਤ੍ਤਾ ਭવਨ੍ਤੁ ਸੁਖਿਤਤ੍ਤਾ॥
Bhūtā va sambhavesī va 12, sabbasattā bhavantu sukhitattā.
੧੪੮.
148.
ਨ ਪਰੋ ਪਰਂ ਨਿਕੁਬ੍ਬੇਥ, ਨਾਤਿਮਞ੍ਞੇਥ ਕਤ੍ਥਚਿ ਨ ਕਞ੍ਚਿ 13।
Na paro paraṃ nikubbetha, nātimaññetha katthaci na kañci 14;
ਬ੍ਯਾਰੋਸਨਾ ਪਟਿਘਸਞ੍ਞਾ, ਨਾਞ੍ਞਮਞ੍ਞਸ੍ਸ ਦੁਕ੍ਖਮਿਚ੍ਛੇਯ੍ਯ॥
Byārosanā paṭighasaññā, nāññamaññassa dukkhamiccheyya.
੧੪੯.
149.
ਮਾਤਾ ਯਥਾ ਨਿਯਂ ਪੁਤ੍ਤਮਾਯੁਸਾ ਏਕਪੁਤ੍ਤਮਨੁਰਕ੍ਖੇ।
Mātā yathā niyaṃ puttamāyusā ekaputtamanurakkhe;
ਏવਮ੍ਪਿ ਸਬ੍ਬਭੂਤੇਸੁ, ਮਾਨਸਂ ਭਾવਯੇ ਅਪਰਿਮਾਣਂ॥
Evampi sabbabhūtesu, mānasaṃ bhāvaye aparimāṇaṃ.
੧੫੦.
150.
ਮੇਤ੍ਤਞ੍ਚ ਸਬ੍ਬਲੋਕਸ੍ਮਿ, ਮਾਨਸਂ ਭਾવਯੇ ਅਪਰਿਮਾਣਂ।
Mettañca sabbalokasmi, mānasaṃ bhāvaye aparimāṇaṃ;
ਉਦ੍ਧਂ ਅਧੋ ਚ ਤਿਰਿਯਞ੍ਚ, ਅਸਮ੍ਬਾਧਂ ਅવੇਰਮਸਪਤ੍ਤਂ॥
Uddhaṃ adho ca tiriyañca, asambādhaṃ averamasapattaṃ.
੧੫੧.
151.
ਏਤਂ ਸਤਿਂ ਅਧਿਟ੍ਠੇਯ੍ਯ, ਬ੍ਰਹ੍ਮਮੇਤਂ વਿਹਾਰਮਿਧਮਾਹੁ॥
Etaṃ satiṃ adhiṭṭheyya, brahmametaṃ vihāramidhamāhu.
੧੫੨.
152.
ਦਿਟ੍ਠਿਞ੍ਚ ਅਨੁਪਗ੍ਗਮ੍ਮ, ਸੀਲવਾ ਦਸ੍ਸਨੇਨ ਸਮ੍ਪਨ੍ਨੋ।
Diṭṭhiñca anupaggamma, sīlavā dassanena sampanno;
ਕਾਮੇਸੁ વਿਨਯ 19 ਗੇਧਂ, ਨ ਹਿ ਜਾਤੁਗ੍ਗਬ੍ਭਸੇਯ੍ਯ ਪੁਨਰੇਤੀਤਿ॥
Kāmesu vinaya 20 gedhaṃ, na hi jātuggabbhaseyya punaretīti.
ਮੇਤ੍ਤਸੁਤ੍ਤਂ ਅਟ੍ਠਮਂ ਨਿਟ੍ਠਿਤਂ।
Mettasuttaṃ aṭṭhamaṃ niṭṭhitaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਸੁਤ੍ਤਨਿਪਾਤ-ਅਟ੍ਠਕਥਾ • Suttanipāta-aṭṭhakathā / ੮. ਮੇਤ੍ਤਸੁਤ੍ਤવਣ੍ਣਨਾ • 8. Mettasuttavaṇṇanā
