| Library / Tipiṭaka / തിപിടക • Tipiṭaka / ഖുദ്ദകപാഠപാളി • Khuddakapāṭhapāḷi |
൯. മേത്തസുത്തം
9. Mettasuttaṃ
൧.
1.
കരണീയമത്ഥകുസലേന , യന്തസന്തം പദം അഭിസമേച്ച;
Karaṇīyamatthakusalena , yantasantaṃ padaṃ abhisamecca;
സക്കോ ഉജൂ ച സുഹുജൂ 1 ച, സുവചോ ചസ്സ മുദു അനതിമാനീ.
Sakko ujū ca suhujū 2 ca, suvaco cassa mudu anatimānī.
൨.
2.
സന്തുസ്സകോ ച സുഭരോ ച, അപ്പകിച്ചോ ച സല്ലഹുകവുത്തി;
Santussako ca subharo ca, appakicco ca sallahukavutti;
സന്തിന്ദ്രിയോ ച നിപകോ ച, അപ്പഗബ്ഭോ കുലേസ്വനനുഗിദ്ധോ.
Santindriyo ca nipako ca, appagabbho kulesvananugiddho.
൩.
3.
ന ച ഖുദ്ദമാചരേ കിഞ്ചി, യേന വിഞ്ഞൂ പരേ ഉപവദേയ്യും;
Na ca khuddamācare kiñci, yena viññū pare upavadeyyuṃ;
സുഖിനോവ ഖേമിനോ ഹോന്തു, സബ്ബസത്താ 3 ഭവന്തു സുഖിതത്താ.
Sukhinova khemino hontu, sabbasattā 4 bhavantu sukhitattā.
൪.
4.
യേ കേചി പാണഭൂതത്ഥി, തസാ വാ ഥാവരാ വനവസേസാ;
Ye keci pāṇabhūtatthi, tasā vā thāvarā vanavasesā;
ദീഘാ വാ യേവ മഹന്താ 5, മജ്ഝിമാ രസ്സകാ അണുകഥൂലാ.
Dīghā vā yeva mahantā 6, majjhimā rassakā aṇukathūlā.
൫.
5.
൬.
6.
ന പരോ പരം നികുബ്ബേഥ, നാതിമഞ്ഞേഥ കത്ഥചി ന കഞ്ചി 15;
Na paro paraṃ nikubbetha, nātimaññetha katthaci na kañci 16;
ബ്യാരോസനാ പടിഘസഞ്ഞാ, നാഞ്ഞമഞ്ഞസ്സ ദുക്ഖമിച്ഛേയ്യ.
Byārosanā paṭighasaññā, nāññamaññassa dukkhamiccheyya.
൭.
7.
മാതാ യഥാ നിയം പുത്തമായുസാ ഏകപുത്തമനുരക്ഖേ;
Mātā yathā niyaṃ puttamāyusā ekaputtamanurakkhe;
ഏവമ്പി സബ്ബഭൂതേസു, മാനസം ഭാവയേ അപരിമാണം.
Evampi sabbabhūtesu, mānasaṃ bhāvaye aparimāṇaṃ.
൮.
8.
മേത്തഞ്ച സബ്ബലോകസ്മി, മാനസം ഭാവയേ അപരിമാണം;
Mettañca sabbalokasmi, mānasaṃ bhāvaye aparimāṇaṃ;
ഉദ്ധം അധോ ച തിരിയഞ്ച, അസമ്ബാധം അവേരമസപത്തം.
Uddhaṃ adho ca tiriyañca, asambādhaṃ averamasapattaṃ.
൯.
9.
ഏതം സതിം അധിട്ഠേയ്യ, ബ്രഹ്മമേതം വിഹാരമിധമാഹു.
Etaṃ satiṃ adhiṭṭheyya, brahmametaṃ vihāramidhamāhu.
൧൦.
10.
ദിട്ഠിഞ്ച അനുപഗ്ഗമ്മ, സീലവാ ദസ്സനേന സമ്പന്നോ;
Diṭṭhiñca anupaggamma, sīlavā dassanena sampanno;
കാമേസു വിനയ 21 ഗേധം, ന ഹി ജാതുഗ്ഗബ്ഭസേയ്യ പുന രേതീതി.
Kāmesu vinaya 22 gedhaṃ, na hi jātuggabbhaseyya puna retīti.
മേത്തസുത്തം നിട്ഠിതം.
Mettasuttaṃ niṭṭhitaṃ.
ഖുദ്ദകപാഠപാളി നിട്ഠിതാ.
Khuddakapāṭhapāḷi niṭṭhitā.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / ഖുദ്ദകപാഠ-അട്ഠകഥാ • Khuddakapāṭha-aṭṭhakathā / ൯. മേത്തസുത്തവണ്ണനാ • 9. Mettasuttavaṇṇanā
