| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. мзд̇д̇асуд̇д̇аван̣н̣анаа
5. Mettasuttavaṇṇanā
15. бан̃жамз сукам̣ субад̇ийд̇и яат̇аа сзсаж̇анаа самбаривад̇д̇амаанаа гаагажчамаанаа д̣̇угкам̣ субанд̇и, звам̣ асубид̇ваа сукам̣ субад̇и. нид̣̇д̣̇ам̣ оггаманд̇оби самаабад̇д̇им̣ самаабанно вияа ход̇и. сукам̣ бадиб̣уж̇жхад̇ийд̇и яат̇аа ан̃н̃з нид̇т̇унанд̇аа виж̇амбхамаанаа самбаривад̇д̇анд̇аа д̣̇угкам̣ бадиб̣уж̇жханд̇и, звам̣ аббадиб̣уж̇жхид̇ваа вигасамаанам̣ вияа бад̣̇умам̣ сукам̣ ниб̣б̣игааро бадиб̣уж̇жхад̇и. на баабагам̣ субинам̣ бассад̇ийд̇и субинам̣ бассанд̇оби бхад̣̇д̣̇агамзва субинам̣ бассад̇и, жзд̇ияам̣ ванд̣̇анд̇о вияа бууж̇ам̣ гаронд̇о вияа жа д̇хаммам̣ сун̣анд̇о вияа жа ход̇и. яат̇аа банан̃н̃з ад̇д̇аанам̣ жорзхи самбариваарид̇ам̣ вияа ваал̣зхи убад̣̇д̣̇уд̇ам̣ вияа бабаад̇з бад̇анд̇ам̣ вияа жа бассанд̇и, на звам̣ баабагам̣ субинам̣ бассад̇и.
15. Pañcame sukhaṃ supatīti yathā sesajanā samparivattamānā kākacchamānā dukkhaṃ supanti, evaṃ asupitvā sukhaṃ supati. Niddaṃ okkamantopi samāpattiṃ samāpanno viya hoti. Sukhaṃ paṭibujjhatīti yathā aññe nitthunantā vijambhamānā samparivattantā dukkhaṃ paṭibujjhanti, evaṃ appaṭibujjhitvā vikasamānaṃ viya padumaṃ sukhaṃ nibbikāro paṭibujjhati. Na pāpakaṃ supinaṃ passatīti supinaṃ passantopi bhaddakameva supinaṃ passati, cetiyaṃ vandanto viya pūjaṃ karonto viya ca dhammaṃ suṇanto viya ca hoti. Yathā panaññe attānaṃ corehi samparivāritaṃ viya vāḷehi upaddutaṃ viya papāte patantaṃ viya ca passanti, na evaṃ pāpakaṃ supinaṃ passati.
мануссаанам̣ бияо ход̇ийд̇и урз аамуггамуд̇д̇аахааро вияа сийсз бил̣анд̇хид̇амаалаа вияа жа мануссаанам̣ бияо ход̇и манаабо. амануссаанам̣ бияо ход̇ийд̇и яат̇зва мануссаанам̣, амануссаанамби бияо ход̇и висаакад̇т̇зро вияа. вад̇т̇у висуд̣̇д̇химаг̇г̇з (висуд̣̇д̇хи. 1.258) мзд̇д̇аагаммадтаананид̣̇д̣̇зсз вид̇т̇аарид̇амзва. д̣̇звад̇аа рагканд̇ийд̇и буд̇д̇амива маад̇аабид̇аро д̣̇звад̇аа рагканд̇и. наасса аг̇г̇и ваа висам̣ ваа сад̇т̇ам̣ ваа гамад̇ийд̇и мзд̇д̇аавихаарисса гааяз уд̇д̇арааяа убаасигааяа вияа аг̇г̇и ваа, сам̣яуд̇д̇абхаан̣агажуул̣асийвад̇т̇зрассзва висам̣ ваа, сам̣гижжасааман̣зрассзва сад̇т̇ам̣ ваа на гамад̇и наббависад̇и, наасса гааяам̣ вигобзд̇ийд̇и вуд̇д̇ам̣ ход̇и. д̇хзнувад̇т̇умби жзд̇т̇а гат̇аяанд̇и. згаа гира д̇хзну важчагасса кийрад̇хаарам̣ мун̃жамаанаа адтааси. зго луд̣̇д̣̇аго ‘‘д̇ам̣ виж̇жхиссаамий’’д̇и хад̇т̇зна самбаривад̇д̇зд̇ваа д̣̇ийгхад̣̇ан̣д̣ам̣ сад̇д̇им̣ мун̃жи. саа д̇ассаа сарийрам̣ аахажжа д̇аалабан̣н̣ам̣ вияа ваддамаанаа г̇ад̇аа , нзва убажаараб̣алзна на аббанааб̣алзна, гзвалам̣ важчагз б̣алавахид̇ажид̇д̇ад̇ааяа. звам̣ махаанубхааваа мзд̇д̇аа.
Manussānaṃ piyo hotīti ure āmukkamuttāhāro viya sīse piḷandhitamālā viya ca manussānaṃ piyo hoti manāpo. Amanussānaṃpiyo hotīti yatheva manussānaṃ, amanussānampi piyo hoti visākhatthero viya. Vatthu visuddhimagge (visuddhi. 1.258) mettākammaṭṭhānaniddese vitthāritameva. Devatā rakkhantīti puttamiva mātāpitaro devatā rakkhanti. Nāssa aggivā visaṃ vā satthaṃ vā kamatīti mettāvihārissa kāye uttarāya upāsikāya viya aggi vā, saṃyuttabhāṇakacūḷasīvattherasseva visaṃ vā, saṃkiccasāmaṇerasseva satthaṃ vā na kamati nappavisati, nāssa kāyaṃ vikopetīti vuttaṃ hoti. Dhenuvatthumpi cettha kathayanti. Ekā kira dhenu vacchakassa khīradhāraṃ muñcamānā aṭṭhāsi. Eko luddako ‘‘taṃ vijjhissāmī’’ti hatthena samparivattetvā dīghadaṇḍaṃ sattiṃ muñci. Sā tassā sarīraṃ āhacca tālapaṇṇaṃ viya vaṭṭamānā gatā , neva upacārabalena na appanābalena, kevalaṃ vacchake balavahitacittatāya. Evaṃ mahānubhāvā mettā.
д̇увадам̣ жид̇д̇ам̣ самаад̇хияад̇ийд̇и мзд̇д̇аавихаарино киббамзва жид̇д̇ам̣ самаад̇хияад̇и, над̇т̇и д̇асса д̣̇анд̇хааяид̇ад̇д̇ам̣. мукаван̣н̣о виббасийд̣̇ад̇ийд̇и б̣анд̇ханаа бавуд̇д̇ад̇аалабаггам̣ вияа жасса виббасаннаван̣н̣ам̣ мукам̣ ход̇и. асаммуул̣хо гаалам̣ гарод̇ийд̇и мзд̇д̇аавихаарино саммохамаран̣ам̣ наама над̇т̇и, асаммуул̣хо бана нид̣̇д̣̇ам̣ оггаманд̇о вияа гаалам̣ гарод̇и. уд̇д̇ари аббадивиж̇жханд̇од̇и мзд̇д̇аасамаабад̇д̇ид̇о уд̇д̇ари арахад̇д̇ам̣ ад̇хиг̇анд̇ум̣ асаггонд̇о ид̇о жавид̇ваа суд̇д̇аббаб̣уд̣̇д̇хо вияа б̣рахмалогам̣ убабаж̇ж̇ад̇ийд̇и.
Tuvaṭaṃ cittaṃ samādhiyatīti mettāvihārino khippameva cittaṃ samādhiyati, natthi tassa dandhāyitattaṃ. Mukhavaṇṇo vippasīdatīti bandhanā pavuttatālapakkaṃ viya cassa vippasannavaṇṇaṃ mukhaṃ hoti. Asammūḷho kālaṃ karotīti mettāvihārino sammohamaraṇaṃ nāma natthi, asammūḷho pana niddaṃ okkamanto viya kālaṃ karoti. Uttari appaṭivijjhantoti mettāsamāpattito uttari arahattaṃ adhigantuṃ asakkonto ito cavitvā suttappabuddho viya brahmalokaṃ upapajjatīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. мзд̇д̇аасуд̇д̇ам̣ • 5. Mettāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. мзд̇д̇аасуд̇д̇аван̣н̣анаа • 5. Mettāsuttavaṇṇanā
