| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
2. мзд̇д̇асуд̇д̇аван̣н̣анаа
2. Mettasuttavaṇṇanā
22. д̣̇уд̇ияз маа, бхигкавз, бун̃н̃аананд̇и зд̇т̇а маад̇и бадисзд̇хз нибаад̇о. бун̃н̃асад̣̇д̣̇о ‘‘гусалаанам̣, бхигкавз, д̇хаммаанам̣ самаад̣̇аанахзд̇у звамид̣̇ам̣ бун̃н̃ам̣ бавад̣дхад̇ий’’д̇иаад̣̇ийсу (д̣̇ий. ни. 3.380) бун̃н̃апалз ааг̇ад̇о. ‘‘авиж̇ж̇ааг̇ад̇ояам̣, бхигкавз, бурисабуг̇г̇ало бун̃н̃ан̃жз сан̇каарам̣ абхисан̇карод̇ий’’д̇иаад̣̇ийсу (сам̣. ни. 2.51) гаамаруубааважарасужарид̇з. ‘‘бун̃н̃уубаг̇ам̣ бхавад̇и вин̃н̃аан̣а’’нд̇иаад̣̇ийсу суг̇ад̇ивисзсабхууд̇з убабад̇д̇ибхавз. ‘‘д̇ийн̣имаани, бхигкавз, бун̃н̃агирияавад̇т̇ууни – д̣̇аанамаяам̣ бун̃н̃агирияавад̇т̇у, сийламаяам̣ бун̃н̃агирияавад̇т̇у, бхааванаамаяам̣ бун̃н̃агирияавад̇т̇уу’’д̇иаад̣̇ийсу (ид̇иву. 60; а. ни. 8.36) гусалажзд̇анааяам̣. ид̇ха бана д̇збхуумагагусалад̇хаммз взд̣̇ид̇аб̣б̣о. бхааяид̇т̇аад̇и зд̇т̇а д̣̇увид̇хам̣ бхаяам̣ н̃аан̣абхаяам̣, саараж̇ж̇абхаяанд̇и. д̇ад̇т̇а ‘‘язби д̇з, бхигкавз, д̣̇зваа д̣̇ийгхааяугаа ван̣н̣аванд̇о сукаб̣ахулаа ужжзсу вимаанзсу жирадтид̇игаа , д̇зби д̇ат̇ааг̇ад̇асса д̇хаммад̣̇зсанам̣ суд̇ваа язбхуяязна бхаяам̣ сам̣взг̇ам̣ санд̇аасам̣ аабаж̇ж̇анд̇ий’’д̇иаад̣̇ийсу (а. ни. 4.33) ааг̇ад̇ам̣ н̃аан̣абхаяам̣. ‘‘ахуд̣̇зва бхаяам̣, аху чамбхид̇ад̇д̇ам̣, аху ломахам̣со’’д̇иаад̣̇ийсу (д̣̇ий. ни. 2.318) ааг̇ад̇ам̣ саараж̇ж̇абхаяам̣. ид̇хааби саараж̇ж̇абхаяамзва. аяан̃хзд̇т̇а ад̇т̇о – бхигкавз, д̣̇ийгхарад̇д̇ам̣ гааяаважийсам̣яамо вад̇д̇абадивад̇д̇абууран̣ам̣ згаасанам̣, згасзяяам̣, инд̣̇рияад̣̇амо, д̇худ̇ад̇хаммзхи жид̇д̇асса ниг̇г̇ахо, сад̇исамбаж̇ан̃н̃ам̣, гаммадтаанаануяог̇авасзна вийрияаарамбход̇и звамаад̣̇ийни яаани бхигкунаа, ниранд̇арам̣ бавад̇д̇зд̇аб̣б̣аани бун̃н̃аани, д̇зхи маа бхааяид̇т̇а, маа бхаяам̣ санд̇аасам̣ аабаж̇ж̇ид̇т̇а, згажжасса д̣̇идтад̇хаммасукасса убарод̇хабхаязна самбарааяиганиб̣б̣аанасукад̣̇ааяагзхи бун̃н̃зхи маа бхааяид̇т̇аад̇и. ниссаггз хи ид̣̇ам̣ саамиважанам̣.
22. Dutiye mā, bhikkhave, puññānanti ettha māti paṭisedhe nipāto. Puññasaddo ‘‘kusalānaṃ, bhikkhave, dhammānaṃ samādānahetu evamidaṃ puññaṃ pavaḍḍhatī’’tiādīsu (dī. ni. 3.380) puññaphale āgato. ‘‘Avijjāgatoyaṃ, bhikkhave, purisapuggalo puññañce saṅkhāraṃ abhisaṅkharotī’’tiādīsu (saṃ. ni. 2.51) kāmarūpāvacarasucarite. ‘‘Puññūpagaṃ bhavati viññāṇa’’ntiādīsu sugativisesabhūte upapattibhave. ‘‘Tīṇimāni, bhikkhave, puññakiriyavatthūni – dānamayaṃ puññakiriyavatthu, sīlamayaṃ puññakiriyavatthu, bhāvanāmayaṃ puññakiriyavatthū’’tiādīsu (itivu. 60; a. ni. 8.36) kusalacetanāyaṃ. Idha pana tebhūmakakusaladhamme veditabbo. Bhāyitthāti ettha duvidhaṃ bhayaṃ ñāṇabhayaṃ, sārajjabhayanti. Tattha ‘‘yepi te, bhikkhave, devā dīghāyukā vaṇṇavanto sukhabahulā uccesu vimānesu ciraṭṭhitikā , tepi tathāgatassa dhammadesanaṃ sutvā yebhuyyena bhayaṃ saṃvegaṃ santāsaṃ āpajjantī’’tiādīsu (a. ni. 4.33) āgataṃ ñāṇabhayaṃ. ‘‘Ahudeva bhayaṃ, ahu chambhitattaṃ, ahu lomahaṃso’’tiādīsu (dī. ni. 2.318) āgataṃ sārajjabhayaṃ. Idhāpi sārajjabhayameva. Ayañhettha attho – bhikkhave, dīgharattaṃ kāyavacīsaṃyamo vattapaṭivattapūraṇaṃ ekāsanaṃ, ekaseyyaṃ, indriyadamo, dhutadhammehi cittassa niggaho, satisampajaññaṃ, kammaṭṭhānānuyogavasena vīriyārambhoti evamādīni yāni bhikkhunā, nirantaraṃ pavattetabbāni puññāni, tehi mā bhāyittha, mā bhayaṃ santāsaṃ āpajjittha, ekaccassa diṭṭhadhammasukhassa uparodhabhayena samparāyikanibbānasukhadāyakehi puññehi mā bhāyitthāti. Nissakke hi idaṃ sāmivacanaṃ.
ид̣̇аани д̇ад̇о абхааяид̇аб̣б̣абхаавз гааран̣ам̣ д̣̇ассзнд̇о ‘‘сукассзд̇а’’нд̇иаад̣̇имааха. д̇ад̇т̇а сукасад̣̇д̣̇о ‘‘суко б̣уд̣̇д̇хаанам̣ уббаад̣̇о, сукаа вирааг̇ад̇аа логз’’д̇иаад̣̇ийсу (д̇ха. ба. 194) сукамуулз ааг̇ад̇о. ‘‘яасмаа жа ко, махаали, руубам̣ сукам̣ сукаанубад̇ид̇ам̣ сукаавагганд̇а’’нд̇иаад̣̇ийсу (сам̣. ни. 3.60) сукаарамман̣з. ‘‘яааван̃жид̣̇ам̣, бхигкавз, на сугарам̣ агкаанзна баабун̣ид̇ум̣ яаава сукаа саг̇г̇аа’’д̇иаад̣̇ийсу (ма. ни. 3.255) сукабажжаяадтаанз. ‘‘суко бун̃н̃асса ужжаяо’’д̇иаад̣̇ийсу (д̇ха. ба. 118) сукахзд̇умхи. ‘‘д̣̇идтад̇хаммасукавихаараа зд̇з д̇хаммаа’’д̇иаад̣̇ийсу (ма. ни. 1.82) аб̣яаабаж̇ж̇з. ‘‘ниб̣б̣аанам̣ барамам̣ сука’’нд̇иаад̣̇ийсу (д̇ха. ба. 204; ма. ни. 2.215) ниб̣б̣аанз. ‘‘сукасса жа бахаанаа’’д̇иаад̣̇ийсу (жуул̣ани. каг̇г̇ависаан̣асуд̇д̇анид̣̇д̣̇зса 125) сукавзд̣̇анааяам̣. ‘‘ад̣̇угкамасукам̣ санд̇ам̣, сукамижжзва бхаасид̇а’’нд̇иаад̣̇ийсу (сам̣. ни. 4.253; ид̇иву. 53) убзгкаавзд̣̇анааяам̣. ‘‘д̣̇взби маяаа, аананд̣̇а, взд̣̇анаа вуд̇д̇аа барияааязна сукаа взд̣̇анаа, д̣̇угкаа взд̣̇анаа’’д̇иаад̣̇ийсу (ма. ни. 2.89) идтасукз. ‘‘суко вибааго бун̃н̃аана’’нд̇иаад̣̇ийсу (бздаго. 23) сукавибаагз. ид̇хааби идтавибаагз зва д̣̇адтаб̣б̣о. идтассаад̇иаад̣̇ийсу зсид̇аб̣б̣ад̇о анидтабадигкзбад̇о жа идтасса, гаманийяад̇о манасмин̃жа гаманад̇о бависанад̇о ганд̇асса, бияааяид̇аб̣б̣ад̇о санд̇аббанад̇о жа бияасса, маананийяад̇о манасса бавад̣дханад̇о жа манаабассаад̇и ад̇т̇о взд̣̇ид̇аб̣б̣о. яад̣̇ид̣̇ам̣ бун̃н̃аанийд̇и ‘‘бун̃н̃ааний’’д̇и яад̣̇ид̣̇ам̣ важанам̣, зд̇ам̣ сукасса идтасса вибаагасса ад̇хиважанам̣ наамам̣, сукамзва д̇ам̣ яад̣̇ид̣̇ам̣ бун̃н̃анд̇и палзна гааран̣асса абхзд̣̇уубажаарам̣ вад̣̇ад̇и. д̇зна гад̇уубажид̇аанам̣ бун̃н̃аанам̣ авассам̣бхаавипалам̣ суд̇ваа аббамад̇д̇зна саггажжам̣ бун̃н̃аани гаад̇аб̣б̣аанийд̇и бун̃н̃агирияааяам̣ нияож̇зд̇и, аад̣̇аран̃жа нзсам̣ д̇ад̇т̇а уббаад̣̇зд̇и.
Idāni tato abhāyitabbabhāve kāraṇaṃ dassento ‘‘sukhasseta’’ntiādimāha. Tattha sukhasaddo ‘‘sukho buddhānaṃ uppādo, sukhā virāgatā loke’’tiādīsu (dha. pa. 194) sukhamūle āgato. ‘‘Yasmā ca kho, mahāli, rūpaṃ sukhaṃ sukhānupatitaṃ sukhāvakkanta’’ntiādīsu (saṃ. ni. 3.60) sukhārammaṇe. ‘‘Yāvañcidaṃ, bhikkhave, na sukaraṃ akkhānena pāpuṇituṃ yāva sukhā saggā’’tiādīsu (ma. ni. 3.255) sukhapaccayaṭṭhāne. ‘‘Sukho puññassa uccayo’’tiādīsu (dha. pa. 118) sukhahetumhi. ‘‘Diṭṭhadhammasukhavihārā ete dhammā’’tiādīsu (ma. ni. 1.82) abyāpajje. ‘‘Nibbānaṃ paramaṃ sukha’’ntiādīsu (dha. pa. 204; ma. ni. 2.215) nibbāne. ‘‘Sukhassa ca pahānā’’tiādīsu (cūḷani. khaggavisāṇasuttaniddesa 125) sukhavedanāyaṃ. ‘‘Adukkhamasukhaṃ santaṃ, sukhamicceva bhāsita’’ntiādīsu (saṃ. ni. 4.253; itivu. 53) upekkhāvedanāyaṃ. ‘‘Dvepi mayā, ānanda, vedanā vuttā pariyāyena sukhā vedanā, dukkhā vedanā’’tiādīsu (ma. ni. 2.89) iṭṭhasukhe. ‘‘Sukho vipāko puññāna’’ntiādīsu (peṭako. 23) sukhavipāke. Idhāpi iṭṭhavipāke eva daṭṭhabbo. Iṭṭhassātiādīsu esitabbato aniṭṭhapaṭikkhepato ca iṭṭhassa, kamanīyato manasmiñca kamanato pavisanato kantassa, piyāyitabbato santappanato ca piyassa, mānanīyato manassa pavaḍḍhanato ca manāpassāti attho veditabbo. Yadidaṃ puññānīti ‘‘puññānī’’ti yadidaṃ vacanaṃ, etaṃ sukhassa iṭṭhassa vipākassa adhivacanaṃ nāmaṃ, sukhameva taṃ yadidaṃ puññanti phalena kāraṇassa abhedūpacāraṃ vadati. Tena katūpacitānaṃ puññānaṃ avassaṃbhāviphalaṃ sutvā appamattena sakkaccaṃ puññāni kātabbānīti puññakiriyāyaṃ niyojeti, ādarañca nesaṃ tattha uppādeti.
ид̣̇аани ад̇д̇анаа сунзд̇д̇агаалз гад̇зна бун̃н̃агаммзна д̣̇ийгхарад̇д̇ам̣ бажжанубхууд̇ам̣ бхаванд̇арабадижчаннам̣ ул̣аарад̇амам̣ бун̃н̃авибаагам̣ уд̣̇аахарид̇ваа д̇амад̇т̇ам̣ баагадам̣ гаронд̇о ‘‘абхиж̇аанаами ко банааха’’нд̇иаад̣̇имааха. д̇ад̇т̇а абхиж̇аанаамийд̇и абхивисидтзна н̃аан̣зна ж̇аанаами, бажжагкад̇о б̣уж̇жхаами. д̣̇ийгхарад̇д̇анд̇и жирагаалам̣. бун̃н̃аананд̇и д̣̇аанаад̣̇игусалад̇хаммаанам̣. сад̇д̇а вассаанийд̇и сад̇д̇а сам̣важчараани . мзд̇д̇ажид̇д̇анд̇и миж̇ж̇ад̇ийд̇и мзд̇д̇аа, синияхад̇ийд̇и ад̇т̇о. мид̇д̇з бхаваа, мид̇д̇асса ваа зсаа бавад̇д̇ийд̇иби мзд̇д̇аа. лагкан̣аад̣̇ид̇о бана хид̇аагаараббавад̇д̇илагкан̣аа, хид̇уубасам̣хаарарасаа, аагхаад̇авинаяабажжубадтаанаа, сад̇д̇аанам̣ манаабабхаавад̣̇ассанабад̣̇адтаанаа. б̣яаабаад̣̇уубасамо зд̇иссаа самбад̇д̇и, синзхаасамбхаво вибад̇д̇и. саа зд̇асса ад̇т̇ийд̇и мзд̇д̇ажид̇д̇ам̣. бхаавзд̇ваад̇и мзд̇д̇аасахаг̇ад̇ам̣ жид̇д̇ам̣, жид̇д̇асийсзна самаад̇хи вуд̇д̇од̇и мзд̇д̇аасамаад̇хим̣ мзд̇д̇ааб̣рахмавихаарам̣ уббаад̣̇зд̇ваа жзва вад̣дхзд̇ваа жа. сад̇д̇а сам̣ваддавиваддагаббзд̇и сад̇д̇а махаагаббз. сам̣вадда-виваддаг̇г̇ахан̣знзва хи сам̣ваддадтааяи-виваддадтааяиноби г̇ахид̇аа. имам̣ логанд̇и гаамалогам̣. сам̣ваддамаанз суд̣̇анд̇и сам̣ваддамаанз. суд̣̇анд̇и нибаад̇амад̇д̇ам̣ винассамаанзд̇и ад̇т̇о. ‘‘сам̣вад̇д̇амаанз суд̣̇а’’нд̇и жа батанд̇и. габбзд̇и гаалз. габбасийсзна хи гаало вуд̇д̇о. гаалз кийяамаанз габбоби кийяад̇зва. яат̇ааха –
Idāni attanā sunettakāle katena puññakammena dīgharattaṃ paccanubhūtaṃ bhavantarapaṭicchannaṃ uḷāratamaṃ puññavipākaṃ udāharitvā tamatthaṃ pākaṭaṃ karonto ‘‘abhijānāmi kho panāha’’ntiādimāha. Tattha abhijānāmīti abhivisiṭṭhena ñāṇena jānāmi, paccakkhato bujjhāmi. Dīgharattanti cirakālaṃ. Puññānanti dānādikusaladhammānaṃ. Satta vassānīti satta saṃvaccharāni . Mettacittanti mijjatīti mettā, siniyhatīti attho. Mitte bhavā, mittassa vā esā pavattītipi mettā. Lakkhaṇādito pana hitākārappavattilakkhaṇā, hitūpasaṃhārarasā, āghātavinayapaccupaṭṭhānā, sattānaṃ manāpabhāvadassanapadaṭṭhānā. Byāpādūpasamo etissā sampatti, sinehāsambhavo vipatti. Sā etassa atthīti mettacittaṃ. Bhāvetvāti mettāsahagataṃ cittaṃ, cittasīsena samādhi vuttoti mettāsamādhiṃ mettābrahmavihāraṃ uppādetvā ceva vaḍḍhetvā ca. Satta saṃvaṭṭavivaṭṭakappeti satta mahākappe. Saṃvaṭṭa-vivaṭṭaggahaṇeneva hi saṃvaṭṭaṭṭhāyi-vivaṭṭaṭṭhāyinopi gahitā. Imaṃ lokanti kāmalokaṃ. Saṃvaṭṭamāne sudanti saṃvaṭṭamāne. Sudanti nipātamattaṃ vinassamāneti attho. ‘‘Saṃvattamāne suda’’nti ca paṭhanti. Kappeti kāle. Kappasīsena hi kālo vutto. Kāle khīyamāne kappopi khīyateva. Yathāha –
‘‘гаало гхасад̇и бхууд̇аани, саб̣б̣аанзва сахад̇д̇анаа’’д̇и. (ж̇аа. 1.2.190);
‘‘Kālo ghasati bhūtāni, sabbāneva sahattanā’’ti. (jā. 1.2.190);
‘‘аабхассаруубаг̇о хомий’’д̇и вуд̇д̇ад̇д̇аа д̇зж̇осам̣ваддавасзнзд̇т̇а габбавудтаанам̣ взд̣̇ид̇аб̣б̣ам̣. аабхассаруубаг̇од̇и д̇ад̇т̇а бадисанд̇хиг̇г̇ахан̣авасзна аабхассараб̣рахмалогам̣ убаг̇ажчаамийд̇и аабхассаруубаг̇о хоми. виваддамаанзд̇и сан̣тахамаанз, ж̇ааяамаанзд̇и ад̇т̇о. сун̃н̃ам̣ б̣рахмавимаанам̣ убабаж̇ж̇аамийд̇и гассажи сад̇д̇асса д̇ад̇т̇а ниб̣б̣ад̇д̇асса абхаавад̇о сун̃н̃ам̣, яам̣ батамаж̇жхаанабхуумисан̇каад̇ам̣ б̣рахмавимаанам̣ аад̣̇ид̇о ниб̣б̣ад̇д̇ам̣, д̇ам̣ бадисанд̇хиг̇г̇ахан̣авасзна убабаж̇ж̇аами убзми. б̣рахмаад̇и гаамааважарасад̇д̇зхи сздтадтзна д̇ат̇аа д̇ат̇аа б̣руухид̇аг̇ун̣ад̇ааяа б̣рахмавихаарад̇о ниб̣б̣ад̇д̇адтзна жа б̣рахмаа. б̣рахмабаарисаж̇ж̇аб̣рахмабурохид̇зхи маханд̇о б̣рахмаад̇и махааб̣рахмаа. д̇ад̇о зва д̇з абхибхавид̇ваа тид̇ад̇д̇аа абхибхуу. д̇зхи гзнажи г̇ун̣зна на абхибхууд̇од̇и анабхибхууд̇о. ан̃н̃ад̣̇ад̇т̇ууд̇и згам̣саважанз нибаад̇о. д̣̇асод̇и д̣̇ассанасийло, со ад̇ийд̇аанааг̇ад̇абажжуббаннаанам̣ д̣̇ассанасамад̇т̇о, абхин̃н̃аан̣зна бассид̇аб̣б̣ам̣ бассаамийд̇и ад̇т̇о. сзсаб̣рахмаанам̣ ид̣̇д̇хибаад̣̇абхааванааб̣алзна ад̇д̇ано жид̇д̇ан̃жа мама васз вад̇д̇змийд̇и васавад̇д̇ий хомийд̇и яож̇зд̇аб̣б̣ам̣. д̇ад̣̇аа гира б̣од̇хисад̇д̇о адтасамаабад̇д̇илаабхийби самаано д̇ат̇аа сад̇д̇ахид̇ам̣ ад̇д̇ано баарамибарибууран̣ан̃жа ологзнд̇о д̇аасу зва д̣̇вийсу жхаанабхуумийсу ниганд̇им̣ уббаад̣̇зд̇ваа мзд̇д̇ааб̣рахмавихааравасзна абараабарам̣ сам̣сари. д̇зна вуд̇д̇ам̣ ‘‘сад̇д̇авассаани…бз… васавад̇д̇ий’’д̇и.
‘‘Ābhassarūpago homī’’ti vuttattā tejosaṃvaṭṭavasenettha kappavuṭṭhānaṃ veditabbaṃ. Ābhassarūpagoti tattha paṭisandhiggahaṇavasena ābhassarabrahmalokaṃ upagacchāmīti ābhassarūpago homi. Vivaṭṭamāneti saṇṭhahamāne, jāyamāneti attho. Suññaṃ brahmavimānaṃ upapajjāmīti kassaci sattassa tattha nibbattassa abhāvato suññaṃ, yaṃ paṭhamajjhānabhūmisaṅkhātaṃ brahmavimānaṃ ādito nibbattaṃ, taṃ paṭisandhiggahaṇavasena upapajjāmi upemi. Brahmāti kāmāvacarasattehi seṭṭhaṭṭhena tathā tathā brūhitaguṇatāya brahmavihārato nibbattaṭṭhena ca brahmā. Brahmapārisajjabrahmapurohitehi mahanto brahmāti mahābrahmā. Tato eva te abhibhavitvā ṭhitattā abhibhū. Tehi kenaci guṇena na abhibhūtoti anabhibhūto. Aññadatthūti ekaṃsavacane nipāto. Dasoti dassanasīlo, so atītānāgatapaccuppannānaṃ dassanasamattho, abhiññāṇena passitabbaṃ passāmīti attho. Sesabrahmānaṃ iddhipādabhāvanābalena attano cittañca mama vase vattemīti vasavattī homīti yojetabbaṃ. Tadā kira bodhisatto aṭṭhasamāpattilābhīpi samāno tathā sattahitaṃ attano pāramiparipūraṇañca olokento tāsu eva dvīsu jhānabhūmīsu nikantiṃ uppādetvā mettābrahmavihāravasena aparāparaṃ saṃsari. Tena vuttaṃ ‘‘sattavassāni…pe… vasavattī’’ti.
звам̣ бхаг̇аваа руубааважарабун̃н̃асса вибаагамаханд̇ад̇ам̣ багаасзд̇ваа ид̣̇аани гаамааважарабун̃н̃ассааби д̇ам̣ д̣̇ассзнд̇о ‘‘чад̇д̇им̣сагкад̇д̇у’’нд̇иаад̣̇имааха. д̇ад̇т̇а сагго ахосинд̇и чад̇д̇им̣са ваарз ан̃н̃ад̇т̇а анубабаж̇ж̇ид̇ваа ниранд̇арам̣ сагго д̣̇зваанаминд̣̇о д̇аавад̇им̣сад̣̇зварааж̇аа ахоси. рааж̇аа ахосинд̇иаад̣̇ийсу жад̇уухи ажчарияад̇хаммзхи жад̇уухи жа сан̇г̇ахавад̇т̇уухи логам̣ ран̃ж̇зд̇ийд̇и рааж̇аа. жаггарад̇анам̣ вад̇д̇зд̇и, жад̇уухи самбад̇д̇ижаггзхи вад̇д̇ад̇и, д̇зхи жа барам̣ вад̇д̇зд̇и, барахид̇ааяа жа ирияаабат̇ажаггаанам̣ вад̇д̇о зд̇асмим̣ ад̇т̇ийд̇и жаггавад̇д̇ий. рааж̇аад̇и жзд̇т̇а сааман̃н̃ам̣, жаггавад̇д̇ийд̇и висзсам̣. д̇хаммзна жарад̇ийд̇и д̇хаммиго. н̃ааязна самзна вад̇д̇ад̇ийд̇и ад̇т̇о. д̇хаммзнзва раж̇ж̇ам̣ лабхид̇ваа рааж̇аа ж̇аад̇од̇и д̇хаммарааж̇аа. барахид̇ад̇хаммажаран̣зна ваа д̇хаммиго, ад̇д̇ахид̇ад̇хаммажаран̣зна д̇хаммарааж̇аа, жад̇уранд̇ааяа иссарод̇и жаад̇уранд̇о, жад̇усамуд̣̇д̣̇анд̇ааяа жад̇уб̣б̣ид̇хад̣̇ийбавибхуусид̇ааяа жа бат̇авияаа иссарод̇и ад̇т̇о. аж̇жхад̇д̇ам̣ гобаад̣̇ибажжад̇т̇игз, б̣ахид̣̇д̇хаа жа саб̣б̣арааж̇аано ад̣̇ан̣д̣зна асад̇т̇зна виж̇зсийд̇и виж̇ид̇аавий. ж̇анабад̣̇з т̇ааварабхаавам̣ д̇хувабхаавам̣ бад̇д̇о, на саггаа гзнажи д̇ад̇о жаалзд̇ум̣ ж̇анабад̣̇о ваа д̇амхи т̇ааварияаббад̇д̇о ануяуд̇д̇о сагамманирад̇о ажало асамбавзд̇хийд̇и ж̇анабад̣̇ад̇т̇ааварияаббад̇д̇о.
Evaṃ bhagavā rūpāvacarapuññassa vipākamahantataṃ pakāsetvā idāni kāmāvacarapuññassāpi taṃ dassento ‘‘chattiṃsakkhattu’’ntiādimāha. Tattha sakko ahosinti chattiṃsa vāre aññattha anupapajjitvā nirantaraṃ sakko devānamindo tāvatiṃsadevarājā ahosi. Rājā ahosintiādīsu catūhi acchariyadhammehi catūhi ca saṅgahavatthūhi lokaṃ rañjetīti rājā. Cakkaratanaṃ vatteti, catūhi sampatticakkehi vattati, tehi ca paraṃ vatteti, parahitāya ca iriyāpathacakkānaṃ vatto etasmiṃ atthīti cakkavattī. Rājāti cettha sāmaññaṃ, cakkavattīti visesaṃ. Dhammena caratīti dhammiko. Ñāyena samena vattatīti attho. Dhammeneva rajjaṃ labhitvā rājā jātoti dhammarājā. Parahitadhammacaraṇena vā dhammiko, attahitadhammacaraṇena dhammarājā, caturantāya issaroti cāturanto, catusamuddantāya catubbidhadīpavibhūsitāya ca pathaviyā issaroti attho. Ajjhattaṃ kopādipaccatthike, bahiddhā ca sabbarājāno adaṇḍena asatthena vijesīti vijitāvī. Janapade thāvarabhāvaṃ dhuvabhāvaṃ patto, na sakkā kenaci tato cāletuṃ janapado vā tamhi thāvariyappatto anuyutto sakammanirato acalo asampavedhīti janapadatthāvariyappatto.
жаггарад̇анам̣, хад̇т̇ирад̇анам̣, ассарад̇анам̣, ман̣ирад̇анам̣, ид̇т̇ирад̇анам̣, г̇ахабад̇ирад̇анам̣, барин̣ааяагарад̇ананд̇и имзхи сад̇д̇ахи рад̇анзхи самубзд̇од̇и сад̇д̇арад̇анасаманнааг̇ад̇о. д̇зсу хи рааж̇аа жаггавад̇д̇и жаггарад̇анзна аж̇ид̇ам̣ ж̇инаад̇и, хад̇т̇иассарад̇анзхи виж̇ид̇з сукзнзва анувижарад̇и, барин̣ааяагарад̇анзна виж̇ид̇аманурагкад̇и, сзсзхи убабхог̇асукаманубхавад̇и. батамзна жасса уссаахасад̇д̇ияог̇о , бажчимзна манд̇асад̇д̇ияог̇о, хад̇т̇иассаг̇ахабад̇ирад̇анзхи бабхуусад̇д̇ияог̇о субарибун̣н̣о ход̇и, ид̇т̇иман̣ирад̇анзхи д̇ивид̇хасад̇д̇ияог̇апалам̣. со ид̇т̇иман̣ирад̇анзхи барибхог̇асукаманубхавад̇и, сзсзхи убабхог̇асукам̣. висзсад̇о жасса буримаани д̇ийн̣и ад̣̇осагусаламуулаж̇анид̇агаммаанубхаавзна самбаж̇ж̇анд̇и, маж̇жхимаани алобхагусаламуулаж̇анид̇агаммаанубхаавзна, бажчимамзгам̣ амохагусаламуулаж̇анид̇агаммаанубхаавзнаад̇и взд̣̇ид̇аб̣б̣ам̣ бад̣̇зсараж̇ж̇ассаад̇и куд̣̇д̣̇агараж̇ж̇асса.
Cakkaratanaṃ, hatthiratanaṃ, assaratanaṃ, maṇiratanaṃ, itthiratanaṃ, gahapatiratanaṃ, pariṇāyakaratananti imehi sattahi ratanehi samupetoti sattaratanasamannāgato. Tesu hi rājā cakkavatti cakkaratanena ajitaṃ jināti, hatthiassaratanehi vijite sukheneva anuvicarati, pariṇāyakaratanena vijitamanurakkhati, sesehi upabhogasukhamanubhavati. Paṭhamena cassa ussāhasattiyogo , pacchimena mantasattiyogo, hatthiassagahapatiratanehi pabhūsattiyogo suparipuṇṇo hoti, itthimaṇiratanehi tividhasattiyogaphalaṃ. So itthimaṇiratanehi paribhogasukhamanubhavati, sesehi upabhogasukhaṃ. Visesato cassa purimāni tīṇi adosakusalamūlajanitakammānubhāvena sampajjanti, majjhimāni alobhakusalamūlajanitakammānubhāvena, pacchimamekaṃ amohakusalamūlajanitakammānubhāvenāti veditabbaṃ padesarajjassāti khuddakarajjassa.
зд̇ад̣̇ахосийд̇и ад̇д̇ано самбад̇д̇ияо бажжавзгканд̇асса бажчимз жаггавад̇д̇игаалз зд̇ам̣ ‘‘гисса ну ко мз ид̣̇ам̣ гаммасса пала’’нд̇иаад̣̇игам̣ ахоси. саб̣б̣ад̇т̇агамзва д̇асмим̣ д̇асмимби бхавз зд̇ад̣̇ахосиязва. д̇ад̇т̇ааяам̣ жаггавад̇д̇игаалавасзна яож̇анаа. звам̣махид̣̇д̇хигод̇и ман̣ирад̇анахад̇т̇ирад̇анаад̣̇иббамукааяа госавааханасамбад̇д̇ияаа ж̇анабад̣̇ад̇т̇ааварияаббад̇д̇ияаа жа звам̣махид̣̇д̇хиго. звам̣махаанубхаавод̇и жаггарад̇анаад̣̇исаманнааг̇амзна гассажиби бийл̣ам̣ агаронд̇ова саб̣б̣арааж̇уухи сирасаа самбадижчид̇асаасанавзхаасаг̇аманаад̣̇ийхи звам̣ махаанубхааво. д̣̇аанассаад̇и аннаад̣̇ид̣̇зяяад̇хаммабарижжааг̇асса. д̣̇амассаад̇и жагкаад̣̇иинд̣̇рияад̣̇аманасса жзва самаад̇хаанавасзна рааг̇аад̣̇игилзсад̣̇аманасса жа. сам̣яамассаад̇и гааяаважийсам̣яамасса. д̇ад̇т̇а яам̣ самаад̇хаанавасзна гилзсад̣̇аманам̣, д̇ам̣ бхааванаамаяам̣ бун̃н̃ам̣ , д̇ан̃жа ко мзд̇д̇ааб̣рахмавихаарабхууд̇ам̣ ид̇хаад̇хиббзд̇ам̣. д̇асмин̃жа убажаараббанаабхзд̣̇зна д̣̇увид̇хз яам̣ аббанааббад̇д̇ам̣, д̇знасса яат̇аавуд̇д̇аасу д̣̇вийсу жхаанабхуумийсу убабад̇д̇и ахоси. ид̇арзна д̇ивид̇хзнааби яат̇аарахам̣ бад̇д̇ажаггавад̇д̇иаад̣̇ибхаавод̇и взд̣̇ид̇аб̣б̣ам̣.
Etadahosīti attano sampattiyo paccavekkhantassa pacchime cakkavattikāle etaṃ ‘‘kissa nu kho me idaṃ kammassa phala’’ntiādikaṃ ahosi. Sabbatthakameva tasmiṃ tasmimpi bhave etadahosiyeva. Tatthāyaṃ cakkavattikālavasena yojanā. Evaṃmahiddhikoti maṇiratanahatthiratanādippamukhāya kosavāhanasampattiyā janapadatthāvariyappattiyā ca evaṃmahiddhiko. Evaṃmahānubhāvoti cakkaratanādisamannāgamena kassacipi pīḷaṃ akarontova sabbarājūhi sirasā sampaṭicchitasāsanavehāsagamanādīhi evaṃ mahānubhāvo. Dānassāti annādideyyadhammapariccāgassa. Damassāti cakkhādiindriyadamanassa ceva samādhānavasena rāgādikilesadamanassa ca. Saṃyamassāti kāyavacīsaṃyamassa. Tattha yaṃ samādhānavasena kilesadamanaṃ, taṃ bhāvanāmayaṃ puññaṃ , tañca kho mettābrahmavihārabhūtaṃ idhādhippetaṃ. Tasmiñca upacārappanābhedena duvidhe yaṃ appanāppattaṃ, tenassa yathāvuttāsu dvīsu jhānabhūmīsu upapatti ahosi. Itarena tividhenāpi yathārahaṃ pattacakkavattiādibhāvoti veditabbaṃ.
ид̇и бхаг̇аваа ад̇д̇аанам̣ гааяасагки гад̇ваа бун̃н̃аанам̣ вибаагамаханд̇ад̇ам̣ багаасзд̇ваа ид̣̇аани д̇амзвад̇т̇ам̣ г̇аат̇ааб̣анд̇хзна д̣̇ассзнд̇о ‘‘бун̃н̃амзваа’’д̇иаад̣̇имааха. д̇ад̇т̇а бун̃н̃амзва со сигкзяяаад̇и яо ад̇т̇агаамо гулабуд̇д̇о, со бун̃н̃апаланиб̣б̣ад̇д̇анад̇о, ад̇д̇ано санд̇аанам̣ бунанад̇о жа ‘‘бун̃н̃а’’нд̇и лад̣̇д̇ханаамам̣ д̇ивид̇хам̣ гусаламзва сигкзяяа нивзсзяяа убажинзяяа басавзяяаад̇и ад̇т̇о. ааяад̇аг̇г̇анд̇и вибулапалад̇ааяа ул̣аарапалад̇ааяа ааяад̇аг̇г̇ам̣, бияаманаабапалад̇ааяа ваа ааяад̇им̣ уд̇д̇аманд̇и ааяад̇аг̇г̇ам̣, ааязна ваа яонисоманасигаараад̣̇иббажжаязна ул̣аарад̇амзна аг̇г̇анд̇и ааяад̇аг̇г̇ам̣ . д̇агааро бад̣̇асанд̇хигаро. ат̇а ваа ааязна бун̃н̃апалзна аг̇г̇ам̣ бад̇хаананд̇и ааяад̇аг̇г̇ам̣. д̇ад̇о зва сукуд̣̇раяам̣ сукавибааганд̇и ад̇т̇о.
Iti bhagavā attānaṃ kāyasakkhi katvā puññānaṃ vipākamahantataṃ pakāsetvā idāni tamevatthaṃ gāthābandhena dassento ‘‘puññamevā’’tiādimāha. Tattha puññameva so sikkheyyāti yo atthakāmo kulaputto, so puññaphalanibbattanato, attano santānaṃ punanato ca ‘‘puñña’’nti laddhanāmaṃ tividhaṃ kusalameva sikkheyya niveseyya upacineyya pasaveyyāti attho. Āyatagganti vipulaphalatāya uḷāraphalatāya āyataggaṃ, piyamanāpaphalatāya vā āyatiṃ uttamanti āyataggaṃ, āyena vā yonisomanasikārādippaccayena uḷāratamena agganti āyataggaṃ . Takāro padasandhikaro. Atha vā āyena puññaphalena aggaṃ padhānanti āyataggaṃ. Tato eva sukhudrayaṃ sukhavipākanti attho.
гад̇амам̣ бана д̇ам̣ бун̃н̃ам̣, гат̇ан̃жа нам̣ сигкзяяаад̇и ааха ‘‘д̣̇аанан̃жа самажарияан̃жа, мзд̇д̇ажид̇д̇ан̃жа бхааваяз’’д̇и. д̇ад̇т̇а самажарияанд̇и гааяависамаад̣̇ийни важ̇ж̇зд̇ваа гааяасамаад̣̇ижарид̇ам̣ , сувисуд̣̇д̇хам̣ сийланд̇и ад̇т̇о. бхааваязд̇и ад̇д̇ано санд̇аанз уббаад̣̇зяяа вад̣дхзяяа. зд̇з д̇хаммзд̇и зд̇з д̣̇аанаад̣̇игз сужарид̇ад̇хаммз. сукасамуд̣̇д̣̇аязд̇и сукаанисам̣сз, аанисам̣сапаламби нзсам̣ сукамзваад̇и д̣̇ассзд̇и. аб̣яаабаж̇ж̇ам̣ сукам̣ логанд̇и гаамажчанд̣̇аад̣̇иб̣яаабаад̣̇авирахид̇ад̇д̇аа аб̣яаабаж̇ж̇ам̣ нид̣̇д̣̇угкам̣, барабийл̣аабхаавз бана вад̇д̇аб̣б̣ам̣ над̇т̇и. жхаанасамаабад̇д̇ивасзна сукаб̣ахулад̇д̇аа сукам̣, зганд̇асукан̃жа б̣рахмалогам̣ жхаанабун̃н̃аанам̣, ид̇арабун̃н̃аанам̣ бана д̇ад̣̇ан̃н̃ам̣ самбад̇д̇ибхавасан̇каад̇ам̣ сукам̣ логам̣ бан̣д̣ид̇о саббан̃н̃о убабаж̇ж̇ад̇и убзд̇и. ид̇и имасмим̣ суд̇д̇з г̇аат̇аасу жа ваддасамбад̇д̇и зва гат̇ид̇аа.
Katamaṃ pana taṃ puññaṃ, kathañca naṃ sikkheyyāti āha ‘‘dānañca samacariyañca, mettacittañca bhāvaye’’ti. Tattha samacariyanti kāyavisamādīni vajjetvā kāyasamādicaritaṃ , suvisuddhaṃ sīlanti attho. Bhāvayeti attano santāne uppādeyya vaḍḍheyya. Ete dhammeti ete dānādike sucaritadhamme. Sukhasamuddayeti sukhānisaṃse, ānisaṃsaphalampi nesaṃ sukhamevāti dasseti. Abyāpajjaṃ sukhaṃ lokanti kāmacchandādibyāpādavirahitattā abyāpajjaṃ niddukkhaṃ, parapīḷābhāve pana vattabbaṃ natthi. Jhānasamāpattivasena sukhabahulattā sukhaṃ, ekantasukhañca brahmalokaṃ jhānapuññānaṃ, itarapuññānaṃ pana tadaññaṃ sampattibhavasaṅkhātaṃ sukhaṃ lokaṃ paṇḍito sappañño upapajjati upeti. Iti imasmiṃ sutte gāthāsu ca vaṭṭasampatti eva kathitā.
д̣̇уд̇ияасуд̇д̇аван̣н̣анаа нидтид̇аа.
Dutiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 2. мзд̇д̇асуд̇д̇ам̣ • 2. Mettasuttaṃ
