| Library / Tipiṭaka / д̇ибидага • Tipiṭaka / куд̣̇д̣̇агабаата-адтагат̇аа • Khuddakapāṭha-aṭṭhakathā |
9. мзд̇д̇асуд̇д̇аван̣н̣анаа
9. Mettasuttavaṇṇanā
нигкзбаббаяож̇анам̣
Nikkhepappayojanaṃ
ид̣̇аани нид̇хиган̣д̣аананд̇арам̣ нигкид̇д̇асса мзд̇д̇асуд̇д̇асса ван̣н̣анааггамо ануббад̇д̇о. д̇асса ид̇ха нигкзбаббаяож̇анам̣ вад̇ваа д̇ад̇о барам̣ –
Idāni nidhikaṇḍānantaraṃ nikkhittassa mettasuttassa vaṇṇanākkamo anuppatto. Tassa idha nikkhepappayojanaṃ vatvā tato paraṃ –
‘‘язна вуд̇д̇ам̣ яад̣̇аа яад̇т̇а, яасмаа жзд̇зса д̣̇ийбанаа;
‘‘Yena vuttaṃ yadā yattha, yasmā cetesa dīpanā;
нид̣̇аанам̣ сод̇хаяид̇ваасса, гариссаамад̇т̇аван̣н̣анам̣’’.
Nidānaṃ sodhayitvāssa, karissāmatthavaṇṇanaṃ’’.
д̇ад̇т̇а яасмаа нид̇хиган̣д̣зна д̣̇аанасийлаад̣̇ибун̃н̃асамбад̣̇аа вуд̇д̇аа, саа жа сад̇д̇зсу мзд̇д̇ааяа гад̇ааяа махабпалаа ход̇и яаава б̣уд̣̇д̇хабхуумим̣ баабзд̇ум̣ самад̇т̇аа, д̇асмаа д̇ассаа бун̃н̃асамбад̣̇ааяа убагаарад̣̇ассанад̇т̇ам̣, яасмаа ваа саран̣зхи саасанз од̇арид̇ваа сигкаабад̣̇зхи сийлз бад̇идтид̇аанам̣ д̣̇вад̇д̇им̣саагаарзна рааг̇аббахаанасамад̇т̇ам̣, гумаарабан̃хзна мохаббахаанасамад̇т̇ан̃жа гаммадтаанам̣ д̣̇ассзд̇ваа, ман̇г̇аласуд̇д̇зна д̇асса бавад̇д̇ияаа ман̇г̇алабхааво ад̇д̇арагкаа жа, рад̇анасуд̇д̇зна д̇ассаануруубаа барарагкаа, д̇ирогуддзна рад̇д̇анасуд̇д̇з вуд̇д̇абхууд̇зсу згажжабхууд̇ад̣̇ассанам̣ вуд̇д̇аббагаарааяа бун̃н̃асамбад̇д̇ияаа бамаж̇ж̇анд̇аанам̣ вибад̇д̇и жа, нид̇хиган̣д̣зна д̇ирогуддз вуд̇д̇авибад̇д̇ибадибагкабхууд̇аа самбад̇д̇и жа д̣̇ассид̇аа, д̣̇осаббахаанасамад̇т̇ам̣ бана гаммадтаанам̣ ад̣̇ассид̇амзва, д̇асмаа д̇ам̣ д̣̇осаббахаанасамад̇т̇ам̣ гаммадтаанам̣ д̣̇ассзд̇ум̣ ид̣̇ам̣ мзд̇д̇асуд̇д̇ам̣ ид̇ха нигкид̇д̇ам̣. зван̃хи субарибууро ход̇и куд̣̇д̣̇агабаатод̇и ид̣̇амасса ид̇ха нигкзбаббаяож̇анам̣.
Tattha yasmā nidhikaṇḍena dānasīlādipuññasampadā vuttā, sā ca sattesu mettāya katāya mahapphalā hoti yāva buddhabhūmiṃ pāpetuṃ samatthā, tasmā tassā puññasampadāya upakāradassanatthaṃ, yasmā vā saraṇehi sāsane otaritvā sikkhāpadehi sīle patiṭṭhitānaṃ dvattiṃsākārena rāgappahānasamatthaṃ, kumārapañhena mohappahānasamatthañca kammaṭṭhānaṃ dassetvā, maṅgalasuttena tassa pavattiyā maṅgalabhāvo attarakkhā ca, ratanasuttena tassānurūpā pararakkhā, tirokuṭṭena rattanasutte vuttabhūtesu ekaccabhūtadassanaṃ vuttappakārāya puññasampattiyā pamajjantānaṃ vipatti ca, nidhikaṇḍena tirokuṭṭe vuttavipattipaṭipakkhabhūtā sampatti ca dassitā, dosappahānasamatthaṃ pana kammaṭṭhānaṃ adassitameva, tasmā taṃ dosappahānasamatthaṃ kammaṭṭhānaṃ dassetuṃ idaṃ mettasuttaṃ idha nikkhittaṃ. Evañhi suparipūro hoti khuddakapāṭhoti idamassa idha nikkhepappayojanaṃ.
нид̣̇аанасод̇ханам̣
Nidānasodhanaṃ
ид̣̇аани яааяам̣ –
Idāni yāyaṃ –
‘‘язна вуд̇д̇ам̣ яад̣̇аа яад̇т̇а, яасмаа жзд̇зса д̣̇ийбанаа;
‘‘Yena vuttaṃ yadā yattha, yasmā cetesa dīpanā;
нид̣̇аанам̣ сод̇хаяид̇ваасса, гариссаамад̇т̇аван̣н̣ана’’нд̇и. –
Nidānaṃ sodhayitvāssa, karissāmatthavaṇṇana’’nti. –
маад̇игаа нигкид̇д̇аа, д̇ад̇т̇а ид̣̇ам̣ мзд̇д̇асуд̇д̇ам̣ бхаг̇авад̇аава вуд̇д̇ам̣, на саавагаад̣̇ийхи, д̇ан̃жа бана яад̣̇аа химаванд̇абассад̇о д̣̇звад̇аахи уб̣б̣аал̣хаа бхигкуу бхаг̇авад̇о санд̇игам̣ ааг̇ад̇аа, д̇ад̣̇аа саавад̇т̇ияам̣ д̇зсам̣ бхигкуунам̣ барид̇д̇ад̇т̇ааяа гаммадтаанад̇т̇ааяа жа вуд̇д̇анд̇и звам̣ д̇аава сан̇кзбад̇о зд̇зсам̣ бад̣̇аанам̣ д̣̇ийбанаа нид̣̇аанасод̇ханаа взд̣̇ид̇аб̣б̣аа.
Mātikā nikkhittā, tattha idaṃ mettasuttaṃ bhagavatāva vuttaṃ, na sāvakādīhi, tañca pana yadā himavantapassato devatāhi ubbāḷhā bhikkhū bhagavato santikaṃ āgatā, tadā sāvatthiyaṃ tesaṃ bhikkhūnaṃ parittatthāya kammaṭṭhānatthāya ca vuttanti evaṃ tāva saṅkhepato etesaṃ padānaṃ dīpanā nidānasodhanā veditabbā.
вид̇т̇аарад̇о бана звам̣ взд̣̇ид̇аб̣б̣аа – згам̣ самаяам̣ бхаг̇аваа саавад̇т̇ияам̣ вихарад̇и убагадтааяа вассуубанааяигааяа, д̇зна ко бана самаязна самб̣ахулаа наанаавзраж̇ж̇агаа бхигкуу бхаг̇авад̇о санд̇игз гаммадтаанам̣ г̇ахзд̇ваа д̇ад̇т̇а д̇ад̇т̇а вассам̣ убаг̇анд̇угаамаа бхаг̇аванд̇ам̣ убасан̇гаманд̇и. д̇ад̇ра суд̣̇ам̣ бхаг̇аваа рааг̇ажарид̇аанам̣ савин̃н̃аан̣агаавин̃н̃аан̣агавасзна згаад̣̇асавид̇хам̣ асубхагаммадтаанам̣, д̣̇осажарид̇аанам̣ жад̇уб̣б̣ид̇хам̣ мзд̇д̇аад̣̇игаммадтаанам̣, мохажарид̇аанам̣ маран̣ассад̇игаммадтаанаад̣̇ийни, вид̇аггажарид̇аанам̣ аанаабаанассад̇ибат̇авийгасин̣аад̣̇ийни, сад̣̇д̇хаажарид̇аанам̣ б̣уд̣̇д̇хаануссад̇игаммадтаанаад̣̇ийни, б̣уд̣̇д̇хижарид̇аанам̣ жад̇уд̇хаад̇увавад̇т̇аанаад̣̇ийнийд̇и иминаа наязна жад̇ураасийд̇исахассаббабхзд̣̇ажарид̇аанугуулаани гаммадтаанаани гат̇зд̇и.
Vitthārato pana evaṃ veditabbā – ekaṃ samayaṃ bhagavā sāvatthiyaṃ viharati upakaṭṭhāya vassūpanāyikāya, tena kho pana samayena sambahulā nānāverajjakā bhikkhū bhagavato santike kammaṭṭhānaṃ gahetvā tattha tattha vassaṃ upagantukāmā bhagavantaṃ upasaṅkamanti. Tatra sudaṃ bhagavā rāgacaritānaṃ saviññāṇakaaviññāṇakavasena ekādasavidhaṃ asubhakammaṭṭhānaṃ, dosacaritānaṃ catubbidhaṃ mettādikammaṭṭhānaṃ, mohacaritānaṃ maraṇassatikammaṭṭhānādīni, vitakkacaritānaṃ ānāpānassatipathavīkasiṇādīni, saddhācaritānaṃ buddhānussatikammaṭṭhānādīni, buddhicaritānaṃ catudhātuvavatthānādīnīti iminā nayena caturāsītisahassappabhedacaritānukūlāni kammaṭṭhānāni katheti.
ат̇а ко бан̃жамад̇д̇аани бхигкусад̇аани бхаг̇авад̇о санд̇игз гаммадтаанам̣ уг̇г̇ахзд̇ваа саббааяасзнаасанан̃жа г̇ожараг̇ааман̃жа бариязсамаанаани анубуб̣б̣зна г̇анд̇ваа бажжанд̇з химаванд̇зна сад̣̇д̇хим̣ згааб̣ад̣̇д̇хам̣ нийлагаажаман̣исаннибхасилаад̇алам̣ сийд̇алагханажчааяанийлаванасан̣д̣аман̣д̣ид̇ам̣ муд̇д̇ааж̇аалараж̇ад̇абаддасад̣̇исаваалугаагин̣н̣абхуумибхааг̇ам̣ сужисаад̇асийд̇алаж̇алаасаяабариваарид̇ам̣ баб̣б̣ад̇амад̣̇д̣̇асам̣су. ат̇а д̇з бхигкуу д̇ад̇т̇згарад̇д̇им̣ васид̇ваа бабхаад̇ааяа рад̇д̇ияаа сарийрабаригаммам̣ гад̇ваа д̇асса авид̣̇уурз ан̃н̃ад̇арам̣ г̇аамам̣ бин̣д̣ааяа бависим̣су. г̇аамо гхананивзсанасаннивидтагуласахассаяуд̇д̇о, мануссаа жзд̇т̇а сад̣̇д̇хаа басаннаа д̇з бажжанд̇з баб̣б̣аж̇ид̇ад̣̇ассанасса д̣̇уллабхад̇ааяа бхигкуу д̣̇исваа зва бийд̇исоманассаж̇аад̇аа худ̇ваа д̇з бхигкуу бхож̇зд̇ваа ‘‘ид̇хзва, бханд̇з, д̇змаасам̣ васат̇аа’’д̇и яаажид̇ваа бан̃жа бад̇хаанагудисад̇аани гаарзд̇ваа д̇ад̇т̇а ман̃жабийтабаанийяабарибхож̇анийяагхадаад̣̇ийни саб̣б̣уубагаран̣аани бадияаад̣̇зсум̣.
Atha kho pañcamattāni bhikkhusatāni bhagavato santike kammaṭṭhānaṃ uggahetvā sappāyasenāsanañca gocaragāmañca pariyesamānāni anupubbena gantvā paccante himavantena saddhiṃ ekābaddhaṃ nīlakācamaṇisannibhasilātalaṃ sītalaghanacchāyanīlavanasaṇḍamaṇḍitaṃ muttājālarajatapaṭṭasadisavālukākiṇṇabhūmibhāgaṃ sucisātasītalajalāsayaparivāritaṃ pabbatamaddasaṃsu. Atha te bhikkhū tatthekarattiṃ vasitvā pabhātāya rattiyā sarīraparikammaṃ katvā tassa avidūre aññataraṃ gāmaṃ piṇḍāya pavisiṃsu. Gāmo ghananivesanasanniviṭṭhakulasahassayutto, manussā cettha saddhā pasannā te paccante pabbajitadassanassa dullabhatāya bhikkhū disvā eva pītisomanassajātā hutvā te bhikkhū bhojetvā ‘‘idheva, bhante, temāsaṃ vasathā’’ti yācitvā pañca padhānakuṭisatāni kāretvā tattha mañcapīṭhapānīyaparibhojanīyaghaṭādīni sabbūpakaraṇāni paṭiyādesuṃ.
бхигкуу д̣̇уд̇ияад̣̇ивасз ан̃н̃ам̣ г̇аамам̣ бин̣д̣ааяа бависим̣су. д̇ад̇т̇аби мануссаа д̇ат̇зва убадтахид̇ваа вассааваасам̣ яаажим̣су. бхигкуу ‘‘асад̇и анд̇арааяз’’д̇и ад̇хиваасзд̇ваа д̇ам̣ ванасан̣д̣ам̣ бависид̇ваа саб̣б̣арад̇д̇инд̣̇ивам̣ аарад̣̇д̇хавийрияаа яаамагхан̣д̣игам̣ годдзд̇ваа яонисоманасигаараб̣ахулаа вихаранд̇аа ругкамуулаани убаг̇анд̇ваа нисийд̣̇им̣су. сийлаванд̇аанам̣ бхигкуунам̣ д̇зж̇зна вихад̇ад̇зж̇аа ругкад̣̇звад̇аа ад̇д̇ано ад̇д̇ано вимаанаа оруяха д̣̇аарагз г̇ахзд̇ваа ид̇о жид̇о вижаранд̇и. сзяяат̇ааби наама рааж̇уухи ваа рааж̇амахаамад̇д̇зхи ваа г̇аамагааваасам̣ г̇ад̇зхи г̇аамаваасийнам̣ гхарзсу огаасз г̇ахид̇з гхарамануссагаа гхараа нигкамид̇ваа ан̃н̃ад̇ра васанд̇аа ‘‘гад̣̇аа ну г̇амиссанд̇ий’’д̇и д̣̇уурад̇ова ологзнд̇и, звамзва д̣̇звад̇аа ад̇д̇ано ад̇д̇ано вимаанаани чад̣д̣зд̇ваа ид̇о жид̇о жа вижаранд̇ияо д̣̇уурад̇ова ологзнд̇и ‘‘гад̣̇аа ну бхад̣̇анд̇аа г̇амиссанд̇ий’’д̇и. д̇ад̇о звам̣ самажинд̇зсум̣ ‘‘батамавассуубаг̇ад̇аа бхигкуу авассам̣ д̇змаасам̣ васиссанд̇и, маяам̣ бана д̇аава жирам̣ д̣̇аарагз г̇ахзд̇ваа оггамма васид̇ум̣ на саггома, ханд̣̇а маяам̣ бхигкуунам̣ бхаяаанагам̣ аарамман̣ам̣ д̣̇ассзмаа’’д̇и. д̇аа рад̇д̇им̣ бхигкуунам̣ саман̣ад̇хаммагаран̣авзлааяа бхим̣санагаани яагкаруубаани нимминид̇ваа бурад̇о бурад̇о д̇идтанд̇и, бхзравасад̣̇д̣̇ан̃жа гаронд̇и. бхигкуунам̣ д̇аани руубаани д̣̇исваа д̇ан̃жа сад̣̇д̣̇ам̣ суд̇ваа хад̣̇аяам̣ панд̣̇и, д̣̇уб̣б̣ан̣н̣аа жа ахзсум̣ уббан̣д̣уббан̣д̣угаж̇аад̇аа. д̇зна д̇з бхигкуу жид̇д̇ам̣ згаг̇г̇ам̣ гаад̇ум̣ наасагким̣су, д̇зсам̣ анзгаг̇г̇ажид̇д̇аанам̣ бхаязна жа бунаббунам̣ сам̣виг̇г̇аанам̣ сад̇и саммусси, д̇ад̇о д̇зсам̣ мудтасад̇ийнам̣ д̣̇уг̇г̇анд̇хаани аарамман̣аани баяож̇зсум̣, д̇зсам̣ д̇зна д̣̇уг̇г̇анд̇хзна ниммат̇ияамаанамива мад̇т̇алун̇г̇ам̣ ахоси, г̇аал̣хаа сийсавзд̣̇анаа уббаж̇ж̇им̣су, на жа д̇ам̣ бавад̇д̇им̣ ан̃н̃аман̃н̃асса аарожзсум̣.
Bhikkhū dutiyadivase aññaṃ gāmaṃ piṇḍāya pavisiṃsu. Tatthapi manussā tatheva upaṭṭhahitvā vassāvāsaṃ yāciṃsu. Bhikkhū ‘‘asati antarāye’’ti adhivāsetvā taṃ vanasaṇḍaṃ pavisitvā sabbarattindivaṃ āraddhavīriyā yāmaghaṇḍikaṃ koṭṭetvā yonisomanasikārabahulā viharantā rukkhamūlāni upagantvā nisīdiṃsu. Sīlavantānaṃ bhikkhūnaṃ tejena vihatatejā rukkhadevatā attano attano vimānā oruyha dārake gahetvā ito cito vicaranti. Seyyathāpi nāma rājūhi vā rājamahāmattehi vā gāmakāvāsaṃ gatehi gāmavāsīnaṃ gharesu okāse gahite gharamanussakā gharā nikkhamitvā aññatra vasantā ‘‘kadā nu gamissantī’’ti dūratova olokenti, evameva devatā attano attano vimānāni chaḍḍetvā ito cito ca vicarantiyo dūratova olokenti ‘‘kadā nu bhadantā gamissantī’’ti. Tato evaṃ samacintesuṃ ‘‘paṭhamavassūpagatā bhikkhū avassaṃ temāsaṃ vasissanti, mayaṃ pana tāva ciraṃ dārake gahetvā okkamma vasituṃ na sakkoma, handa mayaṃ bhikkhūnaṃ bhayānakaṃ ārammaṇaṃ dassemā’’ti. Tā rattiṃ bhikkhūnaṃ samaṇadhammakaraṇavelāya bhiṃsanakāni yakkharūpāni nimminitvā purato purato tiṭṭhanti, bheravasaddañca karonti. Bhikkhūnaṃ tāni rūpāni disvā tañca saddaṃ sutvā hadayaṃ phandi, dubbaṇṇā ca ahesuṃ uppaṇḍuppaṇḍukajātā. Tena te bhikkhū cittaṃ ekaggaṃ kātuṃ nāsakkhiṃsu, tesaṃ anekaggacittānaṃ bhayena ca punappunaṃ saṃviggānaṃ sati sammussi, tato tesaṃ muṭṭhasatīnaṃ duggandhāni ārammaṇāni payojesuṃ, tesaṃ tena duggandhena nimmathiyamānamiva matthaluṅgaṃ ahosi, gāḷhā sīsavedanā uppajjiṃsu, na ca taṃ pavattiṃ aññamaññassa ārocesuṃ.
ат̇згад̣̇ивасам̣ сан̇гхад̇т̇зрасса убадтаанагаалз саб̣б̣зсу саннибад̇ид̇зсу сан̇гхад̇т̇зро бужчи ‘‘д̇умхаагам̣, аавусо, имам̣ ванасан̣д̣ам̣ бавидтаанам̣ гад̇ибаахам̣ ад̇ивияа барисуд̣̇д̇хо чавиван̣н̣о ахоси барияод̣̇аад̇о, виббасаннаани жа инд̣̇рияаани, зд̇арахи банад̇т̇а гисаа д̣̇уб̣б̣ан̣н̣аа уббан̣д̣уббан̣д̣угаж̇аад̇аа, гим̣ во ид̇ха асаббааяа’’нд̇и. д̇ад̇о зго бхигку ааха – ‘‘ахам̣, бханд̇з, рад̇д̇им̣ ийд̣̇исан̃жа ийд̣̇исан̃жа бхзраваарамман̣ам̣ бассаами жа сун̣аами жа, ийд̣̇исан̃жа г̇анд̇хам̣ гхааяаами, д̇зна мз жид̇д̇ам̣ на самаад̇хияад̇ий’’д̇и, зд̇знзва убааязна саб̣б̣зва д̇з д̇ам̣ бавад̇д̇им̣ аарожзсум̣. сан̇гхад̇т̇зро ааха – ‘‘бхаг̇авад̇аа, аавусо, д̣̇вз вассуубанааяигаа бан̃н̃ад̇д̇аа, амхааган̃жа ид̣̇ам̣ сзнаасанам̣ асаббааяам̣, ааяаамаавусо, бхаг̇авад̇о санд̇игам̣ г̇анд̇ваа ан̃н̃ам̣ саббааяасзнаасанам̣ бужчаамаа’’д̇и. ‘‘саад̇ху, бханд̇з’’д̇и д̇з бхигкуу т̇зрасса бадиссун̣ид̇ваа саб̣б̣зва сзнаасанам̣ сам̣саамзд̇ваа бад̇д̇ажийварамаад̣̇ааяа анубалид̇д̇ад̇д̇аа гулзсу ган̃жи анааманд̇зд̇ваа зва язна саавад̇т̇и д̇зна жааригам̣ баггамим̣су. анубуб̣б̣зна саавад̇т̇им̣ г̇анд̇ваа бхаг̇авад̇о санд̇игам̣ ааг̇амим̣су.
Athekadivasaṃ saṅghattherassa upaṭṭhānakāle sabbesu sannipatitesu saṅghatthero pucchi ‘‘tumhākaṃ, āvuso, imaṃ vanasaṇḍaṃ paviṭṭhānaṃ katipāhaṃ ativiya parisuddho chavivaṇṇo ahosi pariyodāto, vippasannāni ca indriyāni, etarahi panattha kisā dubbaṇṇā uppaṇḍuppaṇḍukajātā, kiṃ vo idha asappāya’’nti. Tato eko bhikkhu āha – ‘‘ahaṃ, bhante, rattiṃ īdisañca īdisañca bheravārammaṇaṃ passāmi ca suṇāmi ca, īdisañca gandhaṃ ghāyāmi, tena me cittaṃ na samādhiyatī’’ti, eteneva upāyena sabbeva te taṃ pavattiṃ ārocesuṃ. Saṅghatthero āha – ‘‘bhagavatā, āvuso, dve vassūpanāyikā paññattā, amhākañca idaṃ senāsanaṃ asappāyaṃ, āyāmāvuso, bhagavato santikaṃ gantvā aññaṃ sappāyasenāsanaṃ pucchāmā’’ti. ‘‘Sādhu, bhante’’ti te bhikkhū therassa paṭissuṇitvā sabbeva senāsanaṃ saṃsāmetvā pattacīvaramādāya anupalittattā kulesu kañci anāmantetvā eva yena sāvatthi tena cārikaṃ pakkamiṃsu. Anupubbena sāvatthiṃ gantvā bhagavato santikaṃ āgamiṃsu.
бхаг̇аваа д̇з бхигкуу д̣̇исваа зд̇ад̣̇авожа – ‘‘на, бхигкавз, анд̇овассам̣ жааригаа жарид̇аб̣б̣аад̇и маяаа сигкаабад̣̇ам̣ бан̃н̃ад̇д̇ам̣, гисса д̇умхз жааригам̣ жарат̇аа’’д̇и. д̇з бхаг̇авад̇о саб̣б̣амаарожзсум̣. бхаг̇аваа ааваж̇ж̇знд̇о сагалаж̇амб̣уд̣̇ийбз анд̇амасо жад̇убаад̣̇абийтагадтаанамад̇д̇амби д̇зсам̣ саббааяасзнаасанам̣ наад̣̇д̣̇аса. ат̇а д̇з бхигкуу ааха – ‘‘на, бхигкавз, д̇умхаагам̣ ан̃н̃ам̣ саббааяасзнаасанам̣ ад̇т̇и, д̇ад̇т̇зва д̇умхз вихаранд̇аа аасавагкаяам̣ баабун̣иссат̇а, г̇ажчат̇а, бхигкавз, д̇амзва сзнаасанам̣ убаниссааяа вихарат̇а, сажз бана д̣̇звад̇аахи абхаяам̣ ижчат̇а, имам̣ барид̇д̇ам̣ уг̇г̇ан̣хат̇а. зд̇ан̃хи во барид̇д̇ан̃жа гаммадтаанан̃жа бхависсад̇ий’’д̇и ид̣̇ам̣ суд̇д̇амабхааси.
Bhagavā te bhikkhū disvā etadavoca – ‘‘na, bhikkhave, antovassaṃ cārikā caritabbāti mayā sikkhāpadaṃ paññattaṃ, kissa tumhe cārikaṃ carathā’’ti. Te bhagavato sabbamārocesuṃ. Bhagavā āvajjento sakalajambudīpe antamaso catupādapīṭhakaṭṭhānamattampi tesaṃ sappāyasenāsanaṃ nāddasa. Atha te bhikkhū āha – ‘‘na, bhikkhave, tumhākaṃ aññaṃ sappāyasenāsanaṃ atthi, tattheva tumhe viharantā āsavakkhayaṃ pāpuṇissatha, gacchatha, bhikkhave, tameva senāsanaṃ upanissāya viharatha, sace pana devatāhi abhayaṃ icchatha, imaṃ parittaṃ uggaṇhatha. Etañhi vo parittañca kammaṭṭhānañca bhavissatī’’ti idaṃ suttamabhāsi.
абарз банааху – ‘‘г̇ажчат̇а, бхигкавз, д̇амзва сзнаасанам̣ убаниссааяа вихарат̇аа’’д̇и ид̣̇ан̃жа вад̇ваа бхаг̇аваа ааха – ‘‘абижа ко ааран̃н̃агзна барихаран̣ам̣ н̃аад̇аб̣б̣ам̣. сзяяат̇ид̣̇ам̣ – сааяам̣ баад̇ам̣ гаран̣авасзна д̣̇вз мзд̇д̇аа д̣̇вз барид̇д̇аа д̣̇вз асубхаа д̣̇вз маран̣ассад̇ий адтамахаасам̣взг̇авад̇т̇усамааваж̇ж̇анан̃жа, адта махаасам̣взг̇авад̇т̇ууни наама ж̇аад̇иж̇арааб̣яаад̇химаран̣ам̣ жад̇д̇аари абааяад̣̇угкаанийд̇и, ат̇а ваа ж̇аад̇иж̇арааб̣яаад̇химаран̣аани жад̇д̇аари, абааяад̣̇угкам̣ бан̃жамам̣, ад̇ийд̇з ваддамуулагам̣ д̣̇угкам̣, анааг̇ад̇з ваддамуулагам̣ д̣̇угкам̣, бажжуббаннз аахаарабарияздтимуулагам̣ д̣̇угка’’нд̇и. звам̣ бхаг̇аваа барихаран̣ам̣ аажигкид̇ваа д̇зсам̣ бхигкуунам̣ мзд̇д̇ад̇т̇ан̃жа барид̇д̇ад̇т̇ан̃жа вибассанаабаад̣̇агаж̇жхаанад̇т̇ан̃жа ид̣̇ам̣ суд̇д̇амабхаасийд̇и. звам̣ вид̇т̇аарад̇оби ‘‘язна вуд̇д̇ам̣ яад̣̇аа яад̇т̇а, яасмаа жз’’д̇и зд̇зсам̣ бад̣̇аанам̣ д̣̇ийбанаа нид̣̇аанасод̇ханаа взд̣̇ид̇аб̣б̣аа.
Apare panāhu – ‘‘gacchatha, bhikkhave, tameva senāsanaṃ upanissāya viharathā’’ti idañca vatvā bhagavā āha – ‘‘apica kho āraññakena pariharaṇaṃ ñātabbaṃ. Seyyathidaṃ – sāyaṃ pātaṃ karaṇavasena dve mettā dve parittā dve asubhā dve maraṇassatī aṭṭhamahāsaṃvegavatthusamāvajjanañca, aṭṭha mahāsaṃvegavatthūni nāma jātijarābyādhimaraṇaṃ cattāri apāyadukkhānīti, atha vā jātijarābyādhimaraṇāni cattāri, apāyadukkhaṃ pañcamaṃ, atīte vaṭṭamūlakaṃ dukkhaṃ, anāgate vaṭṭamūlakaṃ dukkhaṃ, paccuppanne āhārapariyeṭṭhimūlakaṃ dukkha’’nti. Evaṃ bhagavā pariharaṇaṃ ācikkhitvā tesaṃ bhikkhūnaṃ mettatthañca parittatthañca vipassanāpādakajjhānatthañca idaṃ suttamabhāsīti. Evaṃ vitthāratopi ‘‘yena vuttaṃ yadā yattha, yasmā ce’’ti etesaṃ padānaṃ dīpanā nidānasodhanā veditabbā.
зд̇д̇аавад̇аа жа яаа саа ‘‘язна вуд̇д̇ам̣ яад̣̇аа яад̇т̇а, яасмаа жзд̇зса д̣̇ийбанаа. нид̣̇аанам̣ сод̇хаяид̇ваа’’д̇и маад̇игаа табид̇аа, саа саб̣б̣аагаарзна вид̇т̇аарид̇аа ход̇и.
Ettāvatā ca yā sā ‘‘yena vuttaṃ yadā yattha, yasmā cetesa dīpanā. Nidānaṃ sodhayitvā’’ti mātikā ṭhapitā, sā sabbākārena vitthāritā hoti.
батамаг̇аат̇ааван̣н̣анаа
Paṭhamagāthāvaṇṇanā
1. ид̣̇аани ‘‘асса гариссаамад̇т̇аван̣н̣ана’’нд̇и вуд̇д̇ад̇д̇аа звам̣ гад̇анид̣̇аанасод̇ханасса асса суд̇д̇асса ад̇т̇аван̣н̣анаа аараб̣бхад̇з. д̇ад̇т̇а гаран̣ийяамад̇т̇агусалзнаад̇и имиссаа батамаг̇аат̇ааяа д̇аава аяам̣ бад̣̇аван̣н̣анаа – гаран̣ийяанд̇и гаад̇аб̣б̣ам̣, гаран̣аараханд̇и ад̇т̇о. ад̇т̇од̇и бадибад̣̇аа, яам̣ ваа гин̃жи ад̇д̇ано хид̇ам̣, д̇ам̣ саб̣б̣ам̣ аран̣ийяад̇о ад̇т̇од̇и вужжад̇и, аран̣ийяад̇о наама убаг̇анд̇аб̣б̣ад̇о. ад̇т̇з гусалзна ад̇т̇агусалзна ад̇т̇ачзгзнаад̇и вуд̇д̇ам̣ ход̇и. яанд̇и анияамид̇абажжад̇д̇ам̣. нд̇и нияамид̇аубаяог̇ам̣, убхаяамби ваа яам̣ д̇анд̇и бажжад̇д̇аважанам̣. санд̇ам̣ бад̣̇анд̇и убаяог̇аважанам̣, д̇ад̇т̇а лагкан̣ад̇о санд̇ам̣, бад̇д̇аб̣б̣ад̇о бад̣̇ам̣, ниб̣б̣аанассзд̇ам̣ ад̇хиважанам̣. абхисамзжжаад̇и абхисамааг̇анд̇ваа. саггод̇ийд̇и сагго, самад̇т̇о бадиб̣алод̇и вуд̇д̇ам̣ ход̇и. уж̇ууд̇и аж̇ж̇аваяуд̇д̇о. судту уж̇ууд̇и сухуж̇у. сукам̣ важо д̇асминд̇и суважо. ассаад̇и бхавзяяа. муд̣̇ууд̇и мад̣̇д̣̇аваяуд̇д̇о. на ад̇имаанийд̇и анад̇имаани.
1. Idāni ‘‘assa karissāmatthavaṇṇana’’nti vuttattā evaṃ katanidānasodhanassa assa suttassa atthavaṇṇanā ārabbhate. Tattha karaṇīyamatthakusalenāti imissā paṭhamagāthāya tāva ayaṃ padavaṇṇanā – karaṇīyanti kātabbaṃ, karaṇārahanti attho. Atthoti paṭipadā, yaṃ vā kiñci attano hitaṃ, taṃ sabbaṃ araṇīyato atthoti vuccati, araṇīyato nāma upagantabbato. Atthe kusalena atthakusalena atthachekenāti vuttaṃ hoti. Yanti aniyamitapaccattaṃ. Nti niyamitaupayogaṃ, ubhayampi vā yaṃ tanti paccattavacanaṃ. Santaṃ padanti upayogavacanaṃ, tattha lakkhaṇato santaṃ, pattabbato padaṃ, nibbānassetaṃ adhivacanaṃ. Abhisameccāti abhisamāgantvā. Sakkotīti sakko, samattho paṭibaloti vuttaṃ hoti. Ujūti ajjavayutto. Suṭṭhu ujūti suhuju. Sukhaṃ vaco tasminti suvaco. Assāti bhaveyya. Mudūti maddavayutto. Na atimānīti anatimāni.
аяам̣ банзд̇т̇а ад̇т̇аван̣н̣анаа – гаран̣ийяамад̇т̇агусалзна, яанд̇ам̣ санд̇ам̣ бад̣̇ам̣ абхисамзжжаад̇и зд̇т̇а д̇аава ад̇т̇и гаран̣ийяам̣, ад̇т̇и агаран̣ийяам̣. д̇ад̇т̇а сан̇кзбад̇о сигкад̇д̇аяам̣ гаран̣ийяам̣. сийлавибад̇д̇и, д̣̇идтивибад̇д̇и, аажааравибад̇д̇и, ааж̇ийвавибад̇д̇ийд̇и звамаад̣̇и агаран̣ийяам̣. д̇ат̇аа ад̇т̇и ад̇т̇агусало, ад̇т̇и анад̇т̇агусало. д̇ад̇т̇а яо имасмим̣ саасанз баб̣б̣аж̇ид̇ваа на ад̇д̇аанам̣ саммаа баяож̇зд̇и, кан̣д̣асийло ход̇и, згавийсад̇ивид̇хам̣ анзсанам̣ ниссааяа ж̇ийвигам̣ габбзд̇и. сзяяат̇ид̣̇ам̣ – взл̣уд̣̇аанам̣ бад̇д̇ад̣̇аанам̣ бубпад̣̇аанам̣ палад̣̇аанам̣ д̣̇анд̇агадтад̣̇аанам̣ мукод̣̇агад̣̇аанам̣ синаанад̣̇аанам̣ жун̣н̣ад̣̇аанам̣ мад̇д̇игаад̣̇аанам̣ жаадугамяад̇ам̣ муг̇г̇асуубяад̇ам̣ баарибхадаяад̇ам̣ ж̇ан̇гхабзсанигам̣ взж̇ж̇агаммам̣ д̣̇ууд̇агаммам̣ бахин̣аг̇аманам̣ бин̣д̣абадибин̣д̣ам̣ д̣̇аанаануббад̣̇аанам̣ вад̇т̇увиж̇ж̇ам̣ нагкад̇д̇авиж̇ж̇ам̣ ан̇г̇авиж̇ж̇анд̇и. чаб̣б̣ид̇хз жа аг̇ожарз жарад̇и. сзяяат̇ид̣̇ам̣ – взсияааг̇ожарз вид̇хават̇уллагумааригабан̣д̣агабхигкунийбаанааг̇аараг̇ожарзд̇и. сам̣садто жа вихарад̇и рааж̇уухи рааж̇амахаамад̇д̇зхи д̇ид̇т̇иязхи д̇ид̇т̇ияасаавагзхи анануломигзна г̇ихисам̣саг̇г̇зна, яаани ваа бана д̇аани гулаани ассад̣̇д̇хаани аббасаннаани анобаанабхууд̇аани аггосагабарибхаасагаани анад̇т̇агаамаани ахид̇аапаасугаяог̇агкзмагаамаани бхигкуунам̣…бз… убаасигаанам̣, д̇ат̇ааруубаани гулаани сзвад̇и бхаж̇ад̇и баяирубаасад̇и. аяам̣ анад̇т̇агусало.
Ayaṃ panettha atthavaṇṇanā – karaṇīyamatthakusalena, yantaṃ santaṃ padaṃ abhisameccāti ettha tāva atthi karaṇīyaṃ, atthi akaraṇīyaṃ. Tattha saṅkhepato sikkhattayaṃ karaṇīyaṃ. Sīlavipatti, diṭṭhivipatti, ācāravipatti, ājīvavipattīti evamādi akaraṇīyaṃ. Tathā atthi atthakusalo, atthi anatthakusalo. Tattha yo imasmiṃ sāsane pabbajitvā na attānaṃ sammā payojeti, khaṇḍasīlo hoti, ekavīsatividhaṃ anesanaṃ nissāya jīvikaṃ kappeti. Seyyathidaṃ – veḷudānaṃ pattadānaṃ pupphadānaṃ phaladānaṃ dantakaṭṭhadānaṃ mukhodakadānaṃ sinānadānaṃ cuṇṇadānaṃ mattikādānaṃ cāṭukamyataṃ muggasūpyataṃ pāribhaṭayataṃ jaṅghapesanikaṃ vejjakammaṃ dūtakammaṃ pahiṇagamanaṃ piṇḍapaṭipiṇḍaṃ dānānuppadānaṃ vatthuvijjaṃ nakkhattavijjaṃ aṅgavijjanti. Chabbidhe ca agocare carati. Seyyathidaṃ – vesiyāgocare vidhavathullakumārikapaṇḍakabhikkhunīpānāgāragocareti. Saṃsaṭṭho ca viharati rājūhi rājamahāmattehi titthiyehi titthiyasāvakehi ananulomikena gihisaṃsaggena, yāni vā pana tāni kulāni assaddhāni appasannāni anopānabhūtāni akkosakaparibhāsakāni anatthakāmāni ahitaaphāsukayogakkhemakāmāni bhikkhūnaṃ…pe… upāsikānaṃ, tathārūpāni kulāni sevati bhajati payirupāsati. Ayaṃ anatthakusalo.
яо бана имасмим̣ саасанз баб̣б̣аж̇ид̇ваа ад̇д̇аанам̣ саммаа баяож̇зд̇и, анзсанам̣ бахааяа жад̇убаарисуд̣̇д̇хисийлз бад̇идтаад̇угаамо сад̣̇д̇хаасийсзна баад̇имогкасам̣варам̣ сад̇исийсзна инд̣̇рияасам̣варам̣ вийрияасийсзна ааж̇ийвабаарисуд̣̇д̇хим̣, бан̃н̃аасийсзна бажжаяабадисзванам̣ буурзд̇и. аяам̣ ад̇т̇агусало.
Yo pana imasmiṃ sāsane pabbajitvā attānaṃ sammā payojeti, anesanaṃ pahāya catupārisuddhisīle patiṭṭhātukāmo saddhāsīsena pātimokkhasaṃvaraṃ satisīsena indriyasaṃvaraṃ vīriyasīsena ājīvapārisuddhiṃ, paññāsīsena paccayapaṭisevanaṃ pūreti. Ayaṃ atthakusalo.
яо ваа сад̇д̇аабад̇д̇игканд̇хасод̇ханавасзна баад̇имогкасам̣варам̣, чад̣̇ваарз гхаддид̇аарамман̣зсу абхиж̇жхаад̣̇ийнам̣ ануббад̇д̇ивасзна инд̣̇рисам̣варам̣, анзсанабариваж̇ж̇анавасзна вин̃н̃уббасад̇т̇аб̣уд̣̇д̇хаб̣уд̣̇д̇хасаавагаван̣н̣ид̇абажжаяабадисзванзна жа ааж̇ийвабаарисуд̣̇д̇хим̣, яат̇аавуд̇д̇абажжавзгкан̣авасзна бажжаяабадисзванам̣, жад̇уирияаабат̇абаривад̇д̇анз саад̇т̇агад̇аад̣̇ибажжавзгкан̣авасзна самбаж̇ан̃н̃ан̃жа сод̇хзд̇и. аяамби ад̇т̇агусало.
Yo vā sattāpattikkhandhasodhanavasena pātimokkhasaṃvaraṃ, chadvāre ghaṭṭitārammaṇesu abhijjhādīnaṃ anuppattivasena indrisaṃvaraṃ, anesanaparivajjanavasena viññuppasatthabuddhabuddhasāvakavaṇṇitapaccayapaṭisevanena ca ājīvapārisuddhiṃ, yathāvuttapaccavekkhaṇavasena paccayapaṭisevanaṃ, catuiriyāpathaparivattane sātthakatādipaccavekkhaṇavasena sampajaññañca sodheti. Ayampi atthakusalo.
яо ваа яат̇аа уусод̣̇агам̣ бадижжа сам̣гилидтам̣ вад̇т̇ам̣ барияод̣̇аабаяад̇и, чааригам̣ бадижжа аад̣̇аасо, уггаамукам̣ бадижжа ж̇аад̇аруубам̣, д̇ат̇аа н̃аан̣ам̣ бадижжа сийлам̣ вод̣̇ааяад̇ийд̇и н̃ад̇ваа н̃аан̣од̣̇агзна д̇хованд̇о сийлам̣ барияод̣̇аабзд̇и. яат̇аа жа гигий сагун̣игаа ан̣д̣ам̣, жамарий миг̇о ваалад̇хим̣, згабуд̇д̇игаа наарий бияам̣ згабуд̇д̇агам̣, зганаяано бурисо д̇ам̣ зганаяанан̃жа рагкад̇и, д̇ат̇аа ад̇ивияа аббамад̇д̇о ад̇д̇ано сийлагканд̇хам̣ рагкад̇и, сааяам̣ баад̇ам̣ бажжавзгкамаано ан̣умад̇д̇амби важ̇ж̇ам̣ на бассад̇и. аяамби ад̇т̇агусало.
Yo vā yathā ūsodakaṃ paṭicca saṃkiliṭṭhaṃ vatthaṃ pariyodāpayati, chārikaṃ paṭicca ādāso, ukkāmukhaṃ paṭicca jātarūpaṃ, tathā ñāṇaṃ paṭicca sīlaṃ vodāyatīti ñatvā ñāṇodakena dhovanto sīlaṃ pariyodāpeti. Yathā ca kikī sakuṇikā aṇḍaṃ, camarī migo vāladhiṃ, ekaputtikā nārī piyaṃ ekaputtakaṃ, ekanayano puriso taṃ ekanayanañca rakkhati, tathā ativiya appamatto attano sīlakkhandhaṃ rakkhati, sāyaṃ pātaṃ paccavekkhamāno aṇumattampi vajjaṃ na passati. Ayampi atthakusalo.
яо ваа бана авиббадисаарагарз сийлз бад̇идтааяа гилзсавигкамбханабадибад̣̇ам̣ баг̇г̇ан̣хаад̇и, д̇ам̣ баг̇г̇ан̣хид̇ваа гасин̣абаригаммам̣ гарод̇и, гасин̣абаригаммам̣ гад̇ваа самаабад̇д̇ияо ниб̣б̣ад̇д̇зд̇и. аяамби ад̇т̇агусало.
Yo vā pana avippaṭisārakare sīle patiṭṭhāya kilesavikkhambhanapaṭipadaṃ paggaṇhāti, taṃ paggaṇhitvā kasiṇaparikammaṃ karoti, kasiṇaparikammaṃ katvā samāpattiyo nibbatteti. Ayampi atthakusalo.
яо ваа бана самаабад̇д̇ид̇о вудтааяа сан̇каарз саммасид̇ваа арахад̇д̇ам̣ баабун̣аад̇и, аяам̣ ад̇т̇агусалаанам̣ аг̇г̇о. д̇ад̇т̇а яз имз яаава авиббадисаарагарз сийлз бад̇идтаанзна яаава ваа гилзсавигкамбханабадибад̣̇ааяабаг̇г̇ахан̣зна ван̣н̣ид̇аа ад̇т̇агусалаа, д̇з имасмим̣ ад̇т̇з ад̇т̇агусалаад̇и ад̇хиббзд̇аа. д̇ат̇аа вид̇хаа жа д̇з бхигкуу. д̇зна бхаг̇аваа д̇з бхигкуу санд̇хааяа згабуг̇г̇алаад̇хидтаанааяа д̣̇зсанааяа ‘‘гаран̣ийяамад̇т̇агусалзнаа’’д̇и ааха.
Yo vā pana samāpattito vuṭṭhāya saṅkhāre sammasitvā arahattaṃ pāpuṇāti, ayaṃ atthakusalānaṃ aggo. Tattha ye ime yāva avippaṭisārakare sīle patiṭṭhānena yāva vā kilesavikkhambhanapaṭipadāyapaggahaṇena vaṇṇitā atthakusalā, te imasmiṃ atthe atthakusalāti adhippetā. Tathā vidhā ca te bhikkhū. Tena bhagavā te bhikkhū sandhāya ekapuggalādhiṭṭhānāya desanāya ‘‘karaṇīyamatthakusalenā’’ti āha.
д̇ад̇о ‘‘гим̣ гаран̣ийяа’’нд̇и д̇зсам̣ сан̃ж̇аад̇аган̇каанам̣ ааха ‘‘яанд̇ам̣ санд̇ам̣ бад̣̇ам̣ абхисамзжжаа’’д̇и. аяамзд̇т̇а ад̇хиббааяо – д̇ам̣ б̣уд̣̇д̇хаануб̣уд̣̇д̇хзхи ван̣н̣ид̇ам̣ санд̇ам̣ ниб̣б̣аанабад̣̇ам̣ бадивзд̇хавасзна абхисамзжжа вихарид̇угаамзна яам̣ гаран̣ийяанд̇и. зд̇т̇а жа яанд̇и имасса г̇аат̇аабад̣̇асса аад̣̇ид̇о вуд̇д̇амзва гаран̣ийяанд̇и ад̇хигаарад̇о анувад̇д̇ад̇и, д̇ам̣ санд̇ам̣ бад̣̇ам̣ абхисамзжжаад̇и. аяам̣ бана яасмаа саавасзсабаато ад̇т̇о, д̇асмаа вихарид̇угаамзнаад̇и вуд̇д̇анд̇и взд̣̇ид̇аб̣б̣ам̣.
Tato ‘‘kiṃ karaṇīya’’nti tesaṃ sañjātakaṅkhānaṃ āha ‘‘yantaṃ santaṃ padaṃ abhisameccā’’ti. Ayamettha adhippāyo – taṃ buddhānubuddhehi vaṇṇitaṃ santaṃ nibbānapadaṃ paṭivedhavasena abhisamecca viharitukāmena yaṃ karaṇīyanti. Ettha ca yanti imassa gāthāpadassa ādito vuttameva karaṇīyanti adhikārato anuvattati, taṃ santaṃ padaṃ abhisameccāti. Ayaṃ pana yasmā sāvasesapāṭho attho, tasmā viharitukāmenāti vuttanti veditabbaṃ.
ат̇а ваа санд̇ам̣ бад̣̇ам̣ абхисамзжжаад̇и ануссаваад̣̇ивасзна логияабан̃н̃ааяа ниб̣б̣аанабад̣̇ам̣ ‘‘санд̇а’’нд̇и н̃ад̇ваа д̇ам̣ ад̇хиг̇анд̇угаамзна яанд̇ам̣ гаран̣ийяанд̇и ад̇хигаарад̇о анувад̇д̇ад̇и, д̇ам̣ гаран̣ийяамад̇т̇агусалзнаад̇и звамбзд̇т̇а ад̇хиббааяо взд̣̇ид̇аб̣б̣о. ат̇а ваа ‘‘гаран̣ийяамад̇т̇агусалзнаа’’д̇и вуд̇д̇з ‘‘ги’’нд̇и жинд̇знд̇аанам̣ ааха ‘‘яанд̇ам̣ санд̇ам̣ бад̣̇ам̣ абхисамзжжаа’’д̇и. д̇ассзвам̣ ад̇хиббааяо взд̣̇ид̇аб̣б̣о – логияабан̃н̃ааяа санд̇ам̣ бад̣̇ам̣ абхисамзжжа яам̣ гаран̣ийяам̣ гаад̇аб̣б̣ам̣, д̇ам̣ гаран̣ийяам̣, гаран̣аарахамзва д̇анд̇и вуд̇д̇ам̣ ход̇и.
Atha vā santaṃ padaṃ abhisameccāti anussavādivasena lokiyapaññāya nibbānapadaṃ ‘‘santa’’nti ñatvā taṃ adhigantukāmena yantaṃ karaṇīyanti adhikārato anuvattati, taṃ karaṇīyamatthakusalenāti evampettha adhippāyo veditabbo. Atha vā ‘‘karaṇīyamatthakusalenā’’ti vutte ‘‘ki’’nti cintentānaṃ āha ‘‘yantaṃ santaṃ padaṃ abhisameccā’’ti. Tassevaṃ adhippāyo veditabbo – lokiyapaññāya santaṃ padaṃ abhisamecca yaṃ karaṇīyaṃ kātabbaṃ, taṃ karaṇīyaṃ, karaṇārahameva tanti vuttaṃ hoti.
гим̣ бана д̇анд̇и ? гиман̃н̃ам̣ сияаа ан̃н̃ад̇ра д̇ад̣̇ад̇хиг̇амубааяад̇о, гааман̃жзд̇ам̣ гаран̣аарахадтзна сигкад̇д̇аяад̣̇ийбагзна аад̣̇ибад̣̇знзва вуд̇д̇ам̣. д̇ат̇аа хи д̇асса ад̇т̇аван̣н̣анааяам̣ авожумхаа ‘‘ад̇т̇и гаран̣ийяам̣, ад̇т̇и агаран̣ийяам̣. д̇ад̇т̇а сан̇кзбад̇о сигкад̇д̇аяам̣ гаран̣ийяа’’нд̇и. ад̇исан̇кзбзна д̣̇зсид̇ад̇д̇аа бана д̇зсам̣ бхигкуунам̣ гзхижи вин̃н̃аад̇ам̣, гзхижи на вин̃н̃аад̇ам̣. д̇ад̇о язхи на вин̃н̃аад̇ам̣, д̇зсам̣ вин̃н̃аабанад̇т̇ам̣ яам̣ висзсад̇о ааран̃н̃агзна бхигкунаа гаад̇аб̣б̣ам̣, д̇ам̣ вид̇т̇аарзнд̇о ‘‘сагго уж̇уу жа сухуж̇уу жа, суважо жасса муд̣̇у анад̇имааний’’д̇и имам̣ д̇аава убад̣дхаг̇аат̇амааха.
Kiṃ pana tanti ? Kimaññaṃ siyā aññatra tadadhigamupāyato, kāmañcetaṃ karaṇārahaṭṭhena sikkhattayadīpakena ādipadeneva vuttaṃ. Tathā hi tassa atthavaṇṇanāyaṃ avocumhā ‘‘atthi karaṇīyaṃ, atthi akaraṇīyaṃ. Tattha saṅkhepato sikkhattayaṃ karaṇīya’’nti. Atisaṅkhepena desitattā pana tesaṃ bhikkhūnaṃ kehici viññātaṃ, kehici na viññātaṃ. Tato yehi na viññātaṃ, tesaṃ viññāpanatthaṃ yaṃ visesato āraññakena bhikkhunā kātabbaṃ, taṃ vitthārento ‘‘sakko ujū ca suhujū ca, suvaco cassa mudu anatimānī’’ti imaṃ tāva upaḍḍhagāthamāha.
гим̣ вуд̇д̇ам̣ ход̇и? санд̇ам̣ бад̣̇ам̣ абхисамзжжа вихарид̇угаамо, логияабан̃н̃ааяа ваа д̇ам̣ абхисамзжжа д̇ад̣̇ад̇хиг̇амааяа бадибаж̇ж̇амаано ааран̃н̃аго бхигку д̣̇уд̇ияажад̇уд̇т̇абад̇хаанияан̇г̇асаманнааг̇амзна гааяз жа ж̇ийвид̇з жа анабзгко худ̇ваа сажжаббадивзд̇хааяа бадибаж̇ж̇ид̇ум̣ сагго асса, д̇ат̇аа гасин̣абаригаммавад̇д̇асамаад̣̇аанаад̣̇ийсу ад̇д̇ано бад̇д̇ажийвараббадисан̇каран̣аад̣̇ийсу жа яаани д̇аани саб̣рахмажаарийнам̣ ужжааважаани гим̣ гаран̣ийяаани, д̇зсу ан̃н̃зсу жа зваруубзсу сагго асса д̣̇агко аналасо самад̇т̇о. сагго хонд̇оби жа д̇ад̇ияабад̇хаанияан̇г̇асаманнааг̇амзна уж̇у асса. уж̇у хонд̇оби жа сагим̣ уж̇убхаавзна д̣̇ахарагаалз ваа уж̇убхаавзна санд̇осам̣ анаабаж̇ж̇ид̇ваа яааваж̇ийвам̣ бунаббунам̣ асит̇илагаран̣зна судтуд̇арам̣ уж̇у асса. асатад̇ааяа ваа уж̇у, амааяаавид̇ааяа сухуж̇у. гааяаважийван̇габбахаанзна ваа уж̇у, манован̇габбахаанзна сухуж̇у. асанд̇аг̇ун̣асса ваа анаавигаран̣зна уж̇у, асанд̇аг̇ун̣зна уббаннасса лаабхасса анад̇хиваасанзна сухуж̇у. звам̣ аарамман̣алагкан̣уубаниж̇жхаанзхи буримад̣̇ваяад̇ад̇ияасигкаахи баяог̇аасаяасуд̣̇д̇хийхи жа уж̇у жа сухуж̇у жа асса.
Kiṃ vuttaṃ hoti? Santaṃ padaṃ abhisamecca viharitukāmo, lokiyapaññāya vā taṃ abhisamecca tadadhigamāya paṭipajjamāno āraññako bhikkhu dutiyacatutthapadhāniyaṅgasamannāgamena kāye ca jīvite ca anapekkho hutvā saccappaṭivedhāya paṭipajjituṃ sakko assa, tathā kasiṇaparikammavattasamādānādīsu attano pattacīvarappaṭisaṅkharaṇādīsu ca yāni tāni sabrahmacārīnaṃ uccāvacāni kiṃ karaṇīyāni, tesu aññesu ca evarūpesu sakko assa dakkho analaso samattho. Sakko hontopi ca tatiyapadhāniyaṅgasamannāgamena uju assa. Uju hontopi ca sakiṃ ujubhāvena daharakāle vā ujubhāvena santosaṃ anāpajjitvā yāvajīvaṃ punappunaṃ asithilakaraṇena suṭṭhutaraṃ uju assa. Asaṭhatāya vā uju, amāyāvitāya suhuju. Kāyavacīvaṅkappahānena vā uju, manovaṅkappahānena suhuju. Asantaguṇassa vā anāvikaraṇena uju, asantaguṇena uppannassa lābhassa anadhivāsanena suhuju. Evaṃ ārammaṇalakkhaṇūpanijjhānehi purimadvayatatiyasikkhāhi payogāsayasuddhīhi ca uju ca suhuju ca assa.
на гзвалан̃жа уж̇у жа сухуж̇у жа, абижа бана суважо жа асса. яо хи буг̇г̇ало ‘‘ид̣̇ам̣ на гад̇д̇аб̣б̣а’’нд̇и вуд̇д̇о ‘‘гим̣ д̇з д̣̇идтам̣, гим̣ д̇з суд̇ам̣, го мз суд̇ваа вад̣̇аси, гим̣ убаж̇жхааяо аажарияо санд̣̇идто самбхад̇д̇о ваа’’д̇и вад̣̇зд̇и, д̇ун̣хийбхаавзна ваа д̇ам̣ вихзсзд̇и, самбадижчид̇ваа ваа на д̇ат̇аа гарод̇и, со висзсаад̇хиг̇амасса д̣̇уурз ход̇и. яо бана овад̣̇ияамаано ‘‘саад̇ху, бханд̇з судту вуд̇д̇ам̣, ад̇д̇ано важ̇ж̇ам̣ наама д̣̇уд̣̇д̣̇асам̣ ход̇и, бунаби мам̣ зваруубам̣ д̣̇исваа вад̣̇зяяаат̇а анугамбам̣ убаад̣̇ааяа, жирассам̣ мз д̇умхаагам̣ санд̇игаа оваад̣̇о лад̣̇д̇хо’’д̇и вад̣̇ад̇и, яат̇аанусидтан̃жа бадибаж̇ж̇ад̇и, со висзсаад̇хиг̇амасса авид̣̇уурз ход̇и. д̇асмаа звам̣ барасса важанам̣ самбадижчид̇ваа гаронд̇о суважо жа асса.
Na kevalañca uju ca suhuju ca, apica pana suvaco ca assa. Yo hi puggalo ‘‘idaṃ na kattabba’’nti vutto ‘‘kiṃ te diṭṭhaṃ, kiṃ te sutaṃ, ko me sutvā vadasi, kiṃ upajjhāyo ācariyo sandiṭṭho sambhatto vā’’ti vadeti, tuṇhībhāvena vā taṃ viheseti, sampaṭicchitvā vā na tathā karoti, so visesādhigamassa dūre hoti. Yo pana ovadiyamāno ‘‘sādhu, bhante suṭṭhu vuttaṃ, attano vajjaṃ nāma duddasaṃ hoti, punapi maṃ evarūpaṃ disvā vadeyyātha anukampaṃ upādāya, cirassaṃ me tumhākaṃ santikā ovādo laddho’’ti vadati, yathānusiṭṭhañca paṭipajjati, so visesādhigamassa avidūre hoti. Tasmā evaṃ parassa vacanaṃ sampaṭicchitvā karonto suvaco ca assa.
яат̇аа жа суважо, звам̣ муд̣̇у асса. муд̣̇ууд̇и г̇ахадтзхи д̣̇ууд̇аг̇аманабахин̣аг̇аманаад̣̇ийсу нияуж̇ж̇амаано д̇ад̇т̇а муд̣̇убхаавам̣ агад̇ваа т̇ад̣̇д̇хо худ̇ваа вад̇д̇абадибад̇д̇ияам̣ сагалаб̣рахмажарияз жа муд̣̇у асса субаригаммагад̇асуван̣н̣ам̣ вияа д̇ад̇т̇а д̇ад̇т̇а винияог̇агкамо. ат̇а ваа муд̣̇ууд̇и абхаагудиго уд̇д̇аанамуко сукасамбхаасо бадисант̇ааравуд̇д̇и суд̇ид̇т̇ам̣ вияа сукааваг̇аахо асса. на гзвалан̃жа муд̣̇у, абижа бана анад̇имааний асса, ж̇аад̇иг̇од̇д̇аад̣̇ийхи ад̇имаанавад̇т̇уухи барз наад̇иман̃н̃зяяа, саарибуд̇д̇ад̇т̇зро вияа жан̣д̣аалагумаарагасамзна жзд̇асаа вихарзяяаад̇и.
Yathā ca suvaco, evaṃ mudu assa. Mudūti gahaṭṭhehi dūtagamanapahiṇagamanādīsu niyujjamāno tattha mudubhāvaṃ akatvā thaddho hutvā vattapaṭipattiyaṃ sakalabrahmacariye ca mudu assa suparikammakatasuvaṇṇaṃ viya tattha tattha viniyogakkhamo. Atha vā mudūti abhākuṭiko uttānamukho sukhasambhāso paṭisanthāravutti sutitthaṃ viya sukhāvagāho assa. Na kevalañca mudu, apica pana anatimānī assa, jātigottādīhi atimānavatthūhi pare nātimaññeyya, sāriputtatthero viya caṇḍālakumārakasamena cetasā vihareyyāti.
д̣̇уд̇ияаг̇аат̇ааван̣н̣анаа
Dutiyagāthāvaṇṇanā
2. звам̣ бхаг̇аваа санд̇ам̣ бад̣̇ам̣ абхисамзжжа вихарид̇угаамасса д̇ад̣̇ад̇хиг̇амааяа ваа бадибаж̇ж̇амаанасса висзсад̇о ааран̃н̃агасса бхигкуно згажжам̣ гаран̣ийяам̣ вад̇ваа буна д̇ад̇уд̇д̇ариби вад̇д̇угаамо ‘‘санд̇уссаго жаа’’д̇и д̣̇уд̇ияаг̇аат̇амааха.
2. Evaṃ bhagavā santaṃ padaṃ abhisamecca viharitukāmassa tadadhigamāya vā paṭipajjamānassa visesato āraññakassa bhikkhuno ekaccaṃ karaṇīyaṃ vatvā puna tatuttaripi vattukāmo ‘‘santussako cā’’ti dutiyagāthamāha.
д̇ад̇т̇а ‘‘санд̇удтий жа гад̇ан̃н̃уд̇аа’’д̇и зд̇т̇а вуд̇д̇аббабхзд̣̇зна д̣̇ваад̣̇асавид̇хзна санд̇осзна санд̇уссад̇ийд̇и санд̇уссаго. ат̇а ваа д̇уссад̇ийд̇и д̇уссаго, сагзна д̇уссаго, санд̇зна д̇уссаго, самзна д̇уссагод̇и санд̇уссаго. д̇ад̇т̇а сагам̣ наама ‘‘бин̣д̣ияаалобабхож̇анам̣ ниссааяаа’’д̇и звам̣ убасамбад̣̇аман̣д̣алз уд̣̇д̣̇идтам̣ ад̇д̇анаа жа самбадижчид̇ам̣ жад̇убажжаяаж̇аад̇ам̣, д̇зна сунд̣̇арзна ваа асунд̣̇арзна ваа саггажжам̣ ваа асаггажжам̣ ваа д̣̇иннзна бадиг̇г̇ахан̣агаалз барибхог̇агаалз жа вигаарам̣ ад̣̇ассзд̇ваа яаабзнд̇о ‘‘сагзна д̇уссаго’’д̇и вужжад̇и. санд̇ам̣ наама яам̣ лад̣̇д̇хам̣ ход̇и ад̇д̇ано ‘виж̇ж̇амаанам̣ , д̇зна санд̇знзва д̇уссанд̇о д̇ад̇о барам̣ на бад̇т̇знд̇о ад̇рижчад̇ам̣ баж̇аханд̇о ‘‘санд̇зна д̇уссаго’’д̇и вужжад̇и. самам̣ наама идтаанидтзсу анунаяабадигхаббахаанам̣, д̇зна самзна саб̣б̣аарамман̣зсу д̇уссанд̇о ‘‘самзна д̇уссаго’’д̇и вужжад̇и.
Tattha ‘‘santuṭṭhī ca kataññutā’’ti ettha vuttappabhedena dvādasavidhena santosena santussatīti santussako. Atha vā tussatīti tussako, sakena tussako, santena tussako, samena tussakoti santussako. Tattha sakaṃ nāma ‘‘piṇḍiyālopabhojanaṃ nissāyā’’ti evaṃ upasampadamaṇḍale uddiṭṭhaṃ attanā ca sampaṭicchitaṃ catupaccayajātaṃ, tena sundarena vā asundarena vā sakkaccaṃ vā asakkaccaṃ vā dinnena paṭiggahaṇakāle paribhogakāle ca vikāraṃ adassetvā yāpento ‘‘sakena tussako’’ti vuccati. Santaṃ nāma yaṃ laddhaṃ hoti attano ‘vijjamānaṃ , tena santeneva tussanto tato paraṃ na patthento atricchataṃ pajahanto ‘‘santena tussako’’ti vuccati. Samaṃ nāma iṭṭhāniṭṭhesu anunayapaṭighappahānaṃ, tena samena sabbārammaṇesu tussanto ‘‘samena tussako’’ti vuccati.
сукзна бхарийяад̇ийд̇и субхаро, субосод̇и вуд̇д̇ам̣ ход̇и. яо хи бхигку мануссзхи саалимам̣сод̣̇анаад̣̇ийнам̣ бад̇д̇з буурзд̇ваа д̣̇иннзби д̣̇уммукабхаавам̣ анад̇д̇аманабхаавамзва жа д̣̇ассзд̇и, д̇зсам̣ ваа саммукаава д̇ам̣ бин̣д̣абаад̇ам̣ ‘‘гим̣ д̇умхзхи д̣̇инна’’нд̇и абасаад̣̇знд̇о сааман̣зраг̇ахадтаад̣̇ийнам̣ д̣̇зд̇и, зса д̣̇уб̣бхаро. зд̇ам̣ д̣̇исваа мануссаа д̣̇уурад̇ова бариваж̇ж̇знд̇и ‘‘д̣̇уб̣бхаро бхигку на саггаа босзд̇у’’нд̇и . яо бана яам̣ гин̃жи луукам̣ ваа бан̣ийд̇ам̣ ваа аббам̣ ваа б̣ахум̣ ваа лабхид̇ваа ад̇д̇амано виббасаннамуко худ̇ваа яаабзд̇и, зса субхаро. зд̇ам̣ д̣̇исваа мануссаа ад̇ивияа виссад̇т̇аа хонд̇и, ‘‘амхаагам̣ бхад̣̇анд̇о субхаро, т̇огат̇огзнааби д̇уссад̇и, маяамзва нам̣ босзссаамаа’’д̇и бадин̃н̃ам̣ гад̇ваа босзнд̇и. зваруубо ид̇ха субхарод̇и ад̇хиббзд̇о.
Sukhena bharīyatīti subharo, suposoti vuttaṃ hoti. Yo hi bhikkhu manussehi sālimaṃsodanādīnaṃ patte pūretvā dinnepi dummukhabhāvaṃ anattamanabhāvameva ca dasseti, tesaṃ vā sammukhāva taṃ piṇḍapātaṃ ‘‘kiṃ tumhehi dinna’’nti apasādento sāmaṇeragahaṭṭhādīnaṃ deti, esa dubbharo. Etaṃ disvā manussā dūratova parivajjenti ‘‘dubbharo bhikkhu na sakkā posetu’’nti . Yo pana yaṃ kiñci lūkhaṃ vā paṇītaṃ vā appaṃ vā bahuṃ vā labhitvā attamano vippasannamukho hutvā yāpeti, esa subharo. Etaṃ disvā manussā ativiya vissatthā honti, ‘‘amhākaṃ bhadanto subharo, thokathokenāpi tussati, mayameva naṃ posessāmā’’ti paṭiññaṃ katvā posenti. Evarūpo idha subharoti adhippeto.
аббам̣ гижжамассаад̇и аббагижжо, на гаммаараамад̇аабхассаараамад̇аасан̇г̇ан̣игаараамад̇аад̣̇ианзгагижжаб̣яаавадо, ат̇а ваа сагалавихаарз навагаммасан̇гхабарибхог̇асааман̣зрааараамигавосаасанаад̣̇игижжавирахид̇о, ад̇д̇ано гзсанакажчзд̣̇анабад̇д̇ажийварагаммаад̣̇им̣ гад̇ваа саман̣ад̇хаммагижжабаро ход̇ийд̇и вуд̇д̇ам̣ ход̇и.
Appaṃ kiccamassāti appakicco, na kammārāmatābhassārāmatāsaṅgaṇikārāmatādianekakiccabyāvaṭo, atha vā sakalavihāre navakammasaṅghaparibhogasāmaṇeraārāmikavosāsanādikiccavirahito, attano kesanakhacchedanapattacīvarakammādiṃ katvā samaṇadhammakiccaparo hotīti vuttaṃ hoti.
саллахугаа вуд̇д̇и ассаад̇и саллахугавуд̇д̇и. яат̇аа згажжо б̣ахубхан̣д̣о бхигку д̣̇исаабаггаманагаалз б̣ахум̣ бад̇д̇ажийварабажжад̇т̇аран̣ад̇злаг̇ул̣аад̣̇им̣ махааж̇анзна сийсабхаарагадибхаараад̣̇ийхи уб̣б̣ахаабзд̇ваа баггамад̇и, звам̣ ахуд̇ваа яо аббабаригкааро ход̇и, бад̇д̇ажийвараад̣̇иадтасаман̣абаригкаарамад̇д̇амзва барихарад̇и, д̣̇исаабаггаманагаалз багкий сагун̣о вияа самаад̣̇ааязва баггамад̇и , зваруубо ид̇ха саллахугавуд̇д̇ийд̇и ад̇хиббзд̇о. санд̇аани инд̣̇рияаани ассаад̇и санд̇инд̣̇рияо, идтаарамман̣аад̣̇ийсу рааг̇аад̣̇ивасзна ануд̣̇д̇хад̇инд̣̇рияод̇и вуд̇д̇ам̣ ход̇и. нибагод̇и вин̃н̃уу вибхаавий бан̃н̃аваа, сийлаанурагкан̣абан̃н̃ааяа жийвараад̣̇ивижааран̣абан̃н̃ааяа ааваасаад̣̇исад̇д̇асаббааяабариж̇аананабан̃н̃ааяа жа саманнааг̇ад̇од̇и ад̇хиббааяо.
Sallahukā vutti assāti sallahukavutti. Yathā ekacco bahubhaṇḍo bhikkhu disāpakkamanakāle bahuṃ pattacīvarapaccattharaṇatelaguḷādiṃ mahājanena sīsabhārakaṭibhārādīhi ubbahāpetvā pakkamati, evaṃ ahutvā yo appaparikkhāro hoti, pattacīvarādiaṭṭhasamaṇaparikkhāramattameva pariharati, disāpakkamanakāle pakkhī sakuṇo viya samādāyeva pakkamati , evarūpo idha sallahukavuttīti adhippeto. Santāni indriyāni assāti santindriyo, iṭṭhārammaṇādīsu rāgādivasena anuddhatindriyoti vuttaṃ hoti. Nipakoti viññū vibhāvī paññavā, sīlānurakkhaṇapaññāya cīvarādivicāraṇapaññāya āvāsādisattasappāyaparijānanapaññāya ca samannāgatoti adhippāyo.
на баг̇аб̣бход̇и аббаг̇аб̣бхо, адтадтаанзна гааяабааг̇аб̣бхиязна жад̇удтаанзна важийбааг̇аб̣бхиязна анзгзна таанзна манобааг̇аб̣бхиязна жа вирахид̇од̇и ад̇т̇о.
Na pagabbhoti appagabbho, aṭṭhaṭṭhānena kāyapāgabbhiyena catuṭṭhānena vacīpāgabbhiyena anekena ṭhānena manopāgabbhiyena ca virahitoti attho.
адтадтаанам̣ гааяабааг̇аб̣бхияам̣ (махаани. 87) наама сан̇гхаг̇ан̣абуг̇г̇алабхож̇анасаалааж̇анд̇аагхаранхаанад̇ид̇т̇абхигкаажаарамаг̇г̇аанд̇арагхараббавзсанзсу гааязна аббад̇ируубагаран̣ам̣. сзяяат̇ид̣̇ам̣ – ид̇хзгажжо сан̇гхамаж̇жхз баллад̇т̇игааяа ваа нисийд̣̇ад̇и баад̣̇з баад̣̇амод̣̇ахид̇ваа ваад̇и звамаад̣̇и. д̇ат̇аа г̇ан̣амаж̇жхз жад̇убарисасаннибаад̇з, д̇ат̇аа вуд̣дхад̇арз буг̇г̇алз. бхож̇анасаалааяам̣ бана вуд̣дхаанам̣ аасанам̣ на д̣̇зд̇и, наваанам̣ аасанам̣ бадиб̣аахад̇и. д̇ат̇аа ж̇анд̇аагхарз, вуд̣дхз жзд̇т̇а анаабужчаа аг̇г̇иж̇ааланаад̣̇ийни гарод̇и. нхаанад̇ид̇т̇з жа яад̣̇ид̣̇ам̣ ‘‘д̣̇ахаро вуд̣дход̇и бамаан̣ам̣ агад̇ваа ааг̇ад̇абадибаадияаа нхааяид̇аб̣б̣а’’нд̇и вуд̇д̇ам̣, д̇амби анаад̣̇ияанд̇о бажчаа ааг̇анд̇ваа уд̣̇агам̣ од̇арид̇ваа вуд̣дхз жа навз жа б̣аад̇хзд̇и. бхигкаажаарамаг̇г̇з бана аг̇г̇аасанааг̇г̇од̣̇агааг̇г̇абин̣д̣ад̇т̇ам̣ вуд̣дхаанам̣ бурад̇о бурад̇о яаад̇и, б̣аахааяа б̣аахам̣ бахаранд̇о. анд̇арагхараббавзсанз вуд̣дхаанам̣ батамад̇арам̣ бависад̇и, д̣̇ахарзхи гааяагийл̣анам̣ гарод̇ийд̇и звамаад̣̇и.
Aṭṭhaṭṭhānaṃ kāyapāgabbhiyaṃ (mahāni. 87) nāma saṅghagaṇapuggalabhojanasālājantāgharanhānatitthabhikkhācāramaggaantaragharappavesanesu kāyena appatirūpakaraṇaṃ. Seyyathidaṃ – idhekacco saṅghamajjhe pallatthikāya vā nisīdati pāde pādamodahitvā vāti evamādi. Tathā gaṇamajjhe catuparisasannipāte, tathā vuḍḍhatare puggale. Bhojanasālāyaṃ pana vuḍḍhānaṃ āsanaṃ na deti, navānaṃ āsanaṃ paṭibāhati. Tathā jantāghare, vuḍḍhe cettha anāpucchā aggijālanādīni karoti. Nhānatitthe ca yadidaṃ ‘‘daharo vuḍḍhoti pamāṇaṃ akatvā āgatapaṭipāṭiyā nhāyitabba’’nti vuttaṃ, tampi anādiyanto pacchā āgantvā udakaṃ otaritvā vuḍḍhe ca nave ca bādheti. Bhikkhācāramagge pana aggāsanaaggodakaaggapiṇḍatthaṃ vuḍḍhānaṃ purato purato yāti, bāhāya bāhaṃ paharanto. Antaragharappavesane vuḍḍhānaṃ paṭhamataraṃ pavisati, daharehi kāyakīḷanaṃ karotīti evamādi.
жад̇удтаанам̣ важийбааг̇аб̣бхияам̣ (махаани. 87) наама сан̇гхаг̇ан̣абуг̇г̇алаанд̇арагхарзсу аббад̇ируубаваажаанижчааран̣ам̣. сзяяат̇ид̣̇ам̣ – ид̇хзгажжо сан̇гхамаж̇жхз анаабужчаа д̇хаммам̣ бхаасад̇и, д̇ат̇аа буб̣б̣з вуд̇д̇аббагаарз г̇ан̣з вуд̣дхад̇арз буг̇г̇алз жа, д̇ад̇т̇а мануссзхи бан̃хам̣ будто вуд̣дхад̇арам̣ анаабужчаа виссаж̇ж̇зд̇и, анд̇арагхарз бана ‘‘ид̇т̇аннаамз гим̣ ад̇т̇и, гим̣ яааг̇у уд̣̇ааху каад̣̇анийяам̣ ваа бхож̇анийяам̣ ваа, гим̣ мз д̣̇ассаси, гим̣ аж̇ж̇а каад̣̇иссаами, гим̣ бхун̃ж̇иссаами, гим̣ бивиссаамий’’д̇и звамаад̣̇им̣ бхаасад̇и.
Catuṭṭhānaṃ vacīpāgabbhiyaṃ (mahāni. 87) nāma saṅghagaṇapuggalaantaragharesu appatirūpavācānicchāraṇaṃ. Seyyathidaṃ – idhekacco saṅghamajjhe anāpucchā dhammaṃ bhāsati, tathā pubbe vuttappakāre gaṇe vuḍḍhatare puggale ca, tattha manussehi pañhaṃ puṭṭho vuḍḍhataraṃ anāpucchā vissajjeti, antaraghare pana ‘‘itthannāme kiṃ atthi, kiṃ yāgu udāhu khādanīyaṃ vā bhojanīyaṃ vā, kiṃ me dassasi, kiṃ ajja khādissāmi, kiṃ bhuñjissāmi, kiṃ pivissāmī’’ti evamādiṃ bhāsati.
анзгадтаанам̣ манобааг̇аб̣бхияам̣ (махаани. 87) наама д̇зсу д̇зсу таанзсу гааяаваажаахи аж̇жхаажаарам̣ анаабаж̇ж̇ид̇вааби манасаа зва гаамавид̇аггаад̣̇инаанаббагаарам̣ аббад̇ируубавид̇агганам̣.
Anekaṭṭhānaṃ manopāgabbhiyaṃ (mahāni. 87) nāma tesu tesu ṭhānesu kāyavācāhi ajjhācāraṃ anāpajjitvāpi manasā eva kāmavitakkādinānappakāraṃ appatirūpavitakkanaṃ.
гулзсванануг̇ид̣̇д̇ход̇и яаани д̇аани гулаани убасан̇гамад̇и, д̇зсу бажжаяад̇ан̣хааяа ваа анануломигаг̇ихисам̣саг̇г̇авасзна ваа анануг̇ид̣̇д̇хо, на сахасогий, на сахананд̣̇ий, на сукид̇зсу сукид̇о, на д̣̇угкид̇зсу д̣̇угкид̇о, на уббаннзсу гижжагаран̣ийязсу ад̇д̇анаа ваа уяяог̇амаабаж̇ж̇ид̇аад̇и вуд̇д̇ам̣ ход̇и. имиссааяа жа г̇аат̇ааяа яам̣ ‘‘суважо жассаа’’д̇и зд̇т̇а вуд̇д̇ам̣ ассаад̇и важанам̣, д̇ам̣ саб̣б̣абад̣̇зхи сад̣̇д̇хим̣ санд̇уссаго жа асса, субхаро жа ассаад̇и звам̣ яож̇зд̇аб̣б̣ам̣.
Kulesvananugiddhoti yāni tāni kulāni upasaṅkamati, tesu paccayataṇhāya vā ananulomikagihisaṃsaggavasena vā ananugiddho, na sahasokī, na sahanandī, na sukhitesu sukhito, na dukkhitesu dukkhito, na uppannesu kiccakaraṇīyesu attanā vā uyyogamāpajjitāti vuttaṃ hoti. Imissāya ca gāthāya yaṃ ‘‘suvaco cassā’’ti ettha vuttaṃ assāti vacanaṃ, taṃ sabbapadehi saddhiṃ santussako ca assa, subharo ca assāti evaṃ yojetabbaṃ.
д̇ад̇ияаг̇аат̇ааван̣н̣анаа
Tatiyagāthāvaṇṇanā
3. звам̣ бхаг̇аваа санд̇ам̣ бад̣̇ам̣ абхисамзжжа вихарид̇угаамасса д̇ад̣̇ад̇хиг̇амааяа ваа бадибаж̇ж̇ид̇угаамасса висзсад̇о ааран̃н̃агасса бхигкуно д̇ад̣̇уд̇д̇ариби гаран̣ийяам̣ аажигкид̇ваа ид̣̇аани агаран̣ийяамби аажигкид̇угаамо ‘‘на жа куд̣̇д̣̇амаажарз гин̃жи, язна вин̃н̃уу барз убавад̣̇зяяу’’нд̇и имам̣ убад̣дхаг̇аат̇амааха.
3. Evaṃ bhagavā santaṃ padaṃ abhisamecca viharitukāmassa tadadhigamāya vā paṭipajjitukāmassa visesato āraññakassa bhikkhuno taduttaripi karaṇīyaṃ ācikkhitvā idāni akaraṇīyampi ācikkhitukāmo ‘‘na ca khuddamācare kiñci, yena viññū pare upavadeyyu’’nti imaṃ upaḍḍhagāthamāha.
д̇ассад̇т̇о – звамимам̣ гаран̣ийяам̣ гаронд̇о яам̣ д̇ам̣ гааяаважийманод̣̇ужжарид̇ам̣ куд̣̇д̣̇ам̣ лаамаганд̇и вужжад̇и, д̇ам̣ на жа куд̣̇д̣̇ам̣ самаажарз, асамаажаранд̇о жа на гзвалам̣ ол̣ааригам̣, гинд̇у гин̃жи на самаажарз, аббамад̇д̇агамби ан̣умад̇д̇агамби на самаажарзд̇и вуд̇д̇ам̣ ход̇и.
Tassattho – evamimaṃ karaṇīyaṃ karonto yaṃ taṃ kāyavacīmanoduccaritaṃ khuddaṃ lāmakanti vuccati, taṃ na ca khuddaṃ samācare, asamācaranto ca na kevalaṃ oḷārikaṃ, kintu kiñci na samācare, appamattakampi aṇumattakampi na samācareti vuttaṃ hoti.
д̇ад̇о д̇асса самаажаарз санд̣̇идтигамзваад̣̇ийнавам̣ д̣̇ассзд̇и ‘‘язна вин̃н̃уу барз убавад̣̇зяяу’’нд̇и. зд̇т̇а жа яасмаа авин̃н̃уу барз аббамаан̣ам̣. д̇з хи анаваж̇ж̇ам̣ ваа сааваж̇ж̇ам̣ гаронд̇и, аббасааваж̇ж̇ам̣ ваа махаасааваж̇ж̇ам̣. вин̃н̃уу зва бана бамаан̣ам̣. д̇з хи анувижжа барияог̇аахзд̇ваа аван̣н̣аарахасса аван̣н̣ам̣ бхаасанд̇и, ван̣н̣аарахасса ван̣н̣ам̣ бхаасанд̇и. д̇асмаа ‘‘вин̃н̃уу барз’’д̇и вуд̇д̇ам̣.
Tato tassa samācāre sandiṭṭhikamevādīnavaṃ dasseti ‘‘yena viññū pare upavadeyyu’’nti. Ettha ca yasmā aviññū pare appamāṇaṃ. Te hi anavajjaṃ vā sāvajjaṃ karonti, appasāvajjaṃ vā mahāsāvajjaṃ. Viññū eva pana pamāṇaṃ. Te hi anuvicca pariyogāhetvā avaṇṇārahassa avaṇṇaṃ bhāsanti, vaṇṇārahassa vaṇṇaṃ bhāsanti. Tasmā ‘‘viññū pare’’ti vuttaṃ.
звам̣ бхаг̇аваа имаахи ад̣дхад̇зяяаахи г̇аат̇аахи санд̇ам̣ бад̣̇ам̣ абхисамзжжа вихарид̇угаамасса д̇ад̣̇ад̇хиг̇амааяа ваа бадибаж̇ж̇ид̇угаамасса висзсад̇о ааран̃н̃агасса, ааран̃н̃агасийсзна жа саб̣б̣зсамби гаммадтаанам̣ г̇ахзд̇ваа вихарид̇угаамаанам̣ гаран̣ийяаагаран̣ийяабхзд̣̇ам̣ гаммадтаануубажаарам̣ вад̇ваа ид̣̇аани д̇зсам̣ бхигкуунам̣ д̇асса д̣̇звад̇аабхаяасса бадигхаад̇ааяа барид̇д̇ад̇т̇ам̣ вибассанаабаад̣̇агаж̇жхаанавасзна гаммадтаанад̇т̇ан̃жа ‘‘сукинова кзмино хонд̇уу’’д̇иаад̣̇инаа наязна мзд̇д̇агат̇ам̣ гат̇зд̇умаарад̣̇д̇хо.
Evaṃ bhagavā imāhi aḍḍhateyyāhi gāthāhi santaṃ padaṃ abhisamecca viharitukāmassa tadadhigamāya vā paṭipajjitukāmassa visesato āraññakassa, āraññakasīsena ca sabbesampi kammaṭṭhānaṃ gahetvā viharitukāmānaṃ karaṇīyākaraṇīyabhedaṃ kammaṭṭhānūpacāraṃ vatvā idāni tesaṃ bhikkhūnaṃ tassa devatābhayassa paṭighātāya parittatthaṃ vipassanāpādakajjhānavasena kammaṭṭhānatthañca ‘‘sukhinova khemino hontū’’tiādinā nayena mettakathaṃ kathetumāraddho.
д̇ад̇т̇а сукинод̇и сукасамбаннаа. кзминод̇и кзмаванд̇о, абхаяаа нирубад̣̇д̣̇аваад̇и вуд̇д̇ам̣ ход̇и. саб̣б̣зд̇и анавасзсаа. сад̇д̇аад̇и баан̣ино. сукид̇ад̇д̇аад̇и сукид̇ажид̇д̇аа. зд̇т̇а жа гааяигзна сукзна сукино, маанасзна сукид̇ад̇д̇аа, д̇ад̣̇убхаязнааби саб̣б̣абхаяубад̣̇д̣̇ававиг̇амзна ваа кзминод̇и взд̣̇ид̇аб̣б̣о. гасмаа бана звам̣ вуд̇д̇ам̣? мзд̇д̇аабхааванаагаарад̣̇ассанад̇т̇ам̣. зван̃хи мзд̇д̇аа бхаавзд̇аб̣б̣аа ‘‘саб̣б̣з сад̇д̇аа сукино хонд̇уу’’д̇и ваа, ‘‘кзмино хонд̇уу’’д̇и ваа, ‘‘сукид̇ад̇д̇аа хонд̇уу’’д̇и ваа.
Tattha sukhinoti sukhasampannā. Kheminoti khemavanto, abhayā nirupaddavāti vuttaṃ hoti. Sabbeti anavasesā. Sattāti pāṇino. Sukhitattāti sukhitacittā. Ettha ca kāyikena sukhena sukhino, mānasena sukhitattā, tadubhayenāpi sabbabhayupaddavavigamena vā kheminoti veditabbo. Kasmā pana evaṃ vuttaṃ? Mettābhāvanākāradassanatthaṃ. Evañhi mettā bhāvetabbā ‘‘sabbe sattā sukhino hontū’’ti vā, ‘‘khemino hontū’’ti vā, ‘‘sukhitattā hontū’’ti vā.
жад̇уд̇т̇аг̇аат̇ааван̣н̣анаа
Catutthagāthāvaṇṇanā
4. звам̣ яаава убажаарад̇о аббанаагоди, д̇аава сан̇кзбзна мзд̇д̇аабхааванам̣ д̣̇ассзд̇ваа ид̣̇аани вид̇т̇аарад̇оби д̇ам̣ д̣̇ассзд̇ум̣ ‘‘яз гзжий’’д̇и г̇аат̇аад̣̇ваяамааха. ат̇а ваа яасмаа бут̇уд̇д̇аарамман̣з барижид̇ам̣ жид̇д̇ам̣ на аад̣̇игзнзва згад̇д̇з сан̣таад̇и аарамман̣аббабхзд̣̇ам̣ бана ануг̇анд̇ваа ануг̇анд̇ваа гамзна сан̣таад̇и, д̇асмаа д̇асса д̇асат̇аавараад̣̇ид̣̇угад̇игаббабхзд̣̇з аарамман̣з ануг̇анд̇ваа ануг̇анд̇ваа сан̣таанад̇т̇амби ‘‘яз гзжий’’д̇и г̇аат̇аад̣̇ваяамааха. ат̇а ваа яасмаа яасса яам̣ аарамман̣ам̣ вибхууд̇ам̣ ход̇и, д̇асса д̇ад̇т̇а жид̇д̇ам̣ сукам̣ д̇идтад̇и, д̇асмаа д̇зсам̣ бхигкуунам̣ яасса яам̣ вибхууд̇ам̣ аарамман̣ам̣, д̇асса д̇ад̇т̇а жид̇д̇ам̣ сан̣таабзд̇угаамо д̇асат̇аавараад̣̇ид̣̇угад̇игаарамман̣абхзд̣̇ад̣̇ийбагам̣ ‘‘яз гзжий’’д̇и имам̣ г̇аат̇аад̣̇ваяамааха.
4. Evaṃ yāva upacārato appanākoṭi, tāva saṅkhepena mettābhāvanaṃ dassetvā idāni vitthāratopi taṃ dassetuṃ ‘‘ye kecī’’ti gāthādvayamāha. Atha vā yasmā puthuttārammaṇe paricitaṃ cittaṃ na ādikeneva ekatte saṇṭhāti ārammaṇappabhedaṃ pana anugantvā anugantvā kamena saṇṭhāti, tasmā tassa tasathāvarādidukatikappabhede ārammaṇe anugantvā anugantvā saṇṭhānatthampi ‘‘ye kecī’’ti gāthādvayamāha. Atha vā yasmā yassa yaṃ ārammaṇaṃ vibhūtaṃ hoti, tassa tattha cittaṃ sukhaṃ tiṭṭhati, tasmā tesaṃ bhikkhūnaṃ yassa yaṃ vibhūtaṃ ārammaṇaṃ, tassa tattha cittaṃ saṇṭhāpetukāmo tasathāvarādidukatikārammaṇabhedadīpakaṃ ‘‘ye kecī’’ti imaṃ gāthādvayamāha.
зд̇т̇а хи д̇асат̇ааварад̣̇угам̣ д̣̇идтаад̣̇идтад̣̇угам̣ д̣̇уурасанд̇игад̣̇угам̣ бхууд̇асамбхавзсид̣̇уганд̇и жад̇д̇ааро д̣̇угз, д̣̇ийгхаад̣̇ийхи жа чахи бад̣̇зхи маж̇жхимабад̣̇асса д̇ийсу ан̣угабад̣̇асса жа д̣̇вийсу д̇игзсу ад̇т̇асамбхавад̇о д̣̇ийгхарассамаж̇жхимад̇игам̣ маханд̇аан̣угамаж̇жхимад̇игам̣ т̇уулаан̣угамаж̇жхимад̇иганд̇и д̇аяо д̇игз жа д̣̇ийбзд̇и. д̇ад̇т̇а яз гзжийд̇и анавасзсаважанам̣. баан̣аа зва бхууд̇аа баан̣абхууд̇аа. ат̇а ваа баан̣анд̇ийд̇и баан̣аа, зд̇зна ассаасабассаасаббадиб̣ад̣̇д̇хз бан̃жавогаарасад̇д̇з г̇ан̣хаад̇и. бхаванд̇ийд̇и бхууд̇аа, зд̇зна згавогааражад̇увогаарасад̇д̇з г̇ан̣хаад̇и. ад̇т̇ийд̇и санд̇и сам̣виж̇ж̇анд̇и.
Ettha hi tasathāvaradukaṃ diṭṭhādiṭṭhadukaṃ dūrasantikadukaṃ bhūtasambhavesidukanti cattāro duke, dīghādīhi ca chahi padehi majjhimapadassa tīsu aṇukapadassa ca dvīsu tikesu atthasambhavato dīgharassamajjhimatikaṃ mahantāṇukamajjhimatikaṃ thūlāṇukamajjhimatikanti tayo tike ca dīpeti. Tattha ye kecīti anavasesavacanaṃ. Pāṇā eva bhūtā pāṇabhūtā. Atha vā pāṇantīti pāṇā, etena assāsapassāsappaṭibaddhe pañcavokārasatte gaṇhāti. Bhavantīti bhūtā, etena ekavokāracatuvokārasatte gaṇhāti. Atthīti santi saṃvijjanti.
звам̣ ‘‘яз гзжи баан̣абхууд̇ад̇т̇ий’’д̇и иминаа важанзна д̣̇угад̇игзхи сан̇г̇ахзд̇аб̣б̣з саб̣б̣асад̇д̇з згад̇о д̣̇ассзд̇ваа ид̣̇аани саб̣б̣зби д̇з д̇асаа ваа т̇аавараа ва навасзсаад̇и иминаа д̣̇угзна сан̇г̇ахзд̇ваа д̣̇ассзд̇и.
Evaṃ ‘‘ye keci pāṇabhūtatthī’’ti iminā vacanena dukatikehi saṅgahetabbe sabbasatte ekato dassetvā idāni sabbepi te tasā vā thāvarā va navasesāti iminā dukena saṅgahetvā dasseti.
д̇ад̇т̇а д̇асанд̇ийд̇и д̇асаа, сад̇ан̣хаанам̣ сабхаяаанан̃жзд̇ам̣ ад̇хиважанам̣. д̇идтанд̇ийд̇и т̇аавараа, бахийнад̇ан̣хаабхаяаанам̣ арахад̇ам̣ зд̇ам̣ ад̇хиважанам̣. над̇т̇и д̇зсам̣ авасзсанд̇и анавасзсаа, саб̣б̣збийд̇и вуд̇д̇ам̣ ход̇и. яан̃жа д̣̇уд̇ияаг̇аат̇ааяа анд̇з вуд̇д̇ам̣, д̇ам̣ саб̣б̣ад̣̇угад̇игзхи самб̣анд̇хид̇аб̣б̣ам̣ ‘‘яз гзжи баан̣абхууд̇ад̇т̇и д̇асаа ваа т̇аавараа ваа анавасзсаа, имзби саб̣б̣з сад̇д̇аа бхаванд̇у сукид̇ад̇д̇аа. звам̣ яаава бхууд̇аа ваа самбхавзсий ваа, имзби саб̣б̣з сад̇д̇аа бхаванд̇у сукид̇ад̇д̇аа’’д̇и.
Tattha tasantīti tasā, sataṇhānaṃ sabhayānañcetaṃ adhivacanaṃ. Tiṭṭhantīti thāvarā, pahīnataṇhābhayānaṃ arahataṃ etaṃ adhivacanaṃ. Natthi tesaṃ avasesanti anavasesā, sabbepīti vuttaṃ hoti. Yañca dutiyagāthāya ante vuttaṃ, taṃ sabbadukatikehi sambandhitabbaṃ ‘‘ye keci pāṇabhūtatthi tasā vā thāvarā vā anavasesā, imepi sabbe sattā bhavantu sukhitattā. Evaṃ yāva bhūtā vā sambhavesī vā, imepi sabbe sattā bhavantu sukhitattā’’ti.
ид̣̇аани д̣̇ийгхарассамаж̇жхимаад̣̇ид̇игад̇д̇аяад̣̇ийбагзсу д̣̇ийгхаа ваад̇иаад̣̇ийсу часу бад̣̇зсу д̣̇ийгхаад̇и д̣̇ийгхад̇д̇абхааваа нааг̇амажчаг̇од̇хаад̣̇аяо. анзгаб̣яаамасад̇аббамаан̣ааби хи махаасамуд̣̇д̣̇з нааг̇аанам̣ ад̇д̇абхааваа анзгаяож̇анаббамаан̣аа жа мажчаг̇од̇хаад̣̇ийнам̣ ад̇д̇абхааваа хонд̇и. маханд̇аад̇и маханд̇ад̇д̇абхааваа ж̇алз мажчагажчабаад̣̇аяо, т̇алз хад̇т̇инааг̇аад̣̇аяо, амануссзсу д̣̇аанаваад̣̇аяо . ааха жа ‘‘раахуг̇г̇ам̣ ад̇д̇абхаавийна’’нд̇и (а. ни. 4.15). д̇асса хи ад̇д̇абхааво уб̣б̣зд̇хзна жад̇д̇аари яож̇анасахассаани адта жа яож̇анасад̇аани, б̣аахуу д̣̇ваад̣̇асаяож̇анасад̇абаримаан̣аа, бан̃н̃аасаяож̇анам̣ бхамуганд̇арам̣, д̇ат̇аа ан̇г̇уланд̇аригаа, хад̇т̇ад̇алаани д̣̇вз яож̇анасад̇аанийд̇и. маж̇жхимаад̇и ассаг̇он̣амахим̣сасуугараад̣̇ийнам̣ ад̇д̇абхааваа. рассагаад̇и д̇аасу д̇аасу ж̇аад̇ийсу вааманаад̣̇аяо д̣̇ийгхамаж̇жхимзхи омагаббамаан̣аа сад̇д̇аа. ан̣угаад̇и мам̣сажагкусса аг̇ожараа д̣̇иб̣б̣ажагкувисаяаа уд̣̇агаад̣̇ийсу ниб̣б̣ад̇д̇аа сукумад̇д̇абхааваа сад̇д̇аа уугаад̣̇аяо ваа. абижа яз д̇аасу д̇аасу ж̇аад̇ийсу маханд̇амаж̇жхимзхи т̇ууламаж̇жхимзхи жа омагаббамаан̣аа сад̇д̇аа, д̇з ан̣угаад̇и взд̣̇ид̇аб̣б̣аа. т̇уулаад̇и бариман̣д̣алад̇д̇абхааваа сиббигасамб̣угаад̣̇аяо сад̇д̇аа.
Idāni dīgharassamajjhimāditikattayadīpakesu dīghā vātiādīsu chasu padesu dīghāti dīghattabhāvā nāgamacchagodhādayo. Anekabyāmasatappamāṇāpi hi mahāsamudde nāgānaṃ attabhāvā anekayojanappamāṇā ca macchagodhādīnaṃ attabhāvā honti. Mahantāti mahantattabhāvā jale macchakacchapādayo, thale hatthināgādayo, amanussesu dānavādayo . Āha ca ‘‘rāhuggaṃ attabhāvīna’’nti (a. ni. 4.15). Tassa hi attabhāvo ubbedhena cattāri yojanasahassāni aṭṭha ca yojanasatāni, bāhū dvādasayojanasataparimāṇā, paññāsayojanaṃ bhamukantaraṃ, tathā aṅgulantarikā, hatthatalāni dve yojanasatānīti. Majjhimāti assagoṇamahiṃsasūkarādīnaṃ attabhāvā. Rassakāti tāsu tāsu jātīsu vāmanādayo dīghamajjhimehi omakappamāṇā sattā. Aṇukāti maṃsacakkhussa agocarā dibbacakkhuvisayā udakādīsu nibbattā sukhumattabhāvā sattā ūkādayo vā. Apica ye tāsu tāsu jātīsu mahantamajjhimehi thūlamajjhimehi ca omakappamāṇā sattā, te aṇukāti veditabbā. Thūlāti parimaṇḍalattabhāvā sippikasambukādayo sattā.
бан̃жамаг̇аат̇ааван̣н̣анаа
Pañcamagāthāvaṇṇanā
5. звам̣ д̇ийхи д̇игзхи анавасзсад̇о сад̇д̇з д̣̇ассзд̇ваа ид̣̇аани ‘‘д̣̇идтаа ваа яз ва ад̣̇идтаа’’д̇иаад̣̇ийхи д̇ийхи д̣̇угзхиби д̇з сан̇г̇ахзд̇ваа д̣̇ассзд̇и.
5. Evaṃ tīhi tikehi anavasesato satte dassetvā idāni ‘‘diṭṭhā vā ye va adiṭṭhā’’tiādīhi tīhi dukehipi te saṅgahetvā dasseti.
д̇ад̇т̇а д̣̇идтаад̇и яз ад̇д̇ано жагкусса аабаат̇амааг̇ад̇авасзна д̣̇идтабуб̣б̣аа. ад̣̇идтаад̇и яз барасамуд̣̇д̣̇абарасзлабаражаггаваал̣аад̣̇ийсу тид̇аа. ‘‘яз ваа д̣̇уурз васанд̇и авид̣̇уурз’’д̇и иминаа бана д̣̇угзна ад̇д̇ано ад̇д̇абхаавасса д̣̇уурз жа авид̣̇уурз жа васанд̇з сад̇д̇з д̣̇ассзд̇и, д̇з абад̣̇ад̣̇вибад̣̇авасзна взд̣̇ид̇аб̣б̣аа. ад̇д̇ано хи гааяз васанд̇аа сад̇д̇аа авид̣̇уурз, б̣ахигааяз васанд̇аа сад̇д̇аа д̣̇уурз. д̇ат̇аа анд̇оубажаарз васанд̇аа авид̣̇уурз, б̣ахиубажаарз васанд̇аа д̣̇уурз. ад̇д̇ано вихаарз г̇аамз ж̇анабад̣̇з д̣̇ийбз жаггаваал̣з васанд̇аа авид̣̇уурз, баражаггаваал̣з васанд̇аа д̣̇уурз васанд̇ийд̇и вужжанд̇и.
Tattha diṭṭhāti ye attano cakkhussa āpāthamāgatavasena diṭṭhapubbā. Adiṭṭhāti ye parasamuddaparaselaparacakkavāḷādīsu ṭhitā. ‘‘Ye vā dūre vasanti avidūre’’ti iminā pana dukena attano attabhāvassa dūre ca avidūre ca vasante satte dasseti, te apadadvipadavasena veditabbā. Attano hi kāye vasantā sattā avidūre, bahikāye vasantā sattā dūre. Tathā antoupacāre vasantā avidūre, bahiupacāre vasantā dūre. Attano vihāre gāme janapade dīpe cakkavāḷe vasantā avidūre, paracakkavāḷe vasantā dūre vasantīti vuccanti.
бхууд̇аад̇и ж̇аад̇аа абхиниб̣б̣ад̇д̇аа. яз бхууд̇аа зва, на буна бхависсанд̇ийд̇и сан̇кяам̣ г̇ажчанд̇и, д̇зсам̣ кийн̣аасаваанам̣ зд̇ам̣ ад̇хиважанам̣. самбхавамзсанд̇ийд̇и самбхавзсий. аббахийнабхавасам̣яож̇анад̇д̇аа ааяад̇имби самбхавам̣ зсанд̇аанам̣ сзкабут̇уж̇ж̇анаанамзд̇ам̣ ад̇хиважанам̣. ат̇а ваа жад̇уусу яонийсу ан̣д̣аж̇аж̇алааб̣уж̇аа сад̇д̇аа яаава ан̣д̣агосам̣ вад̇т̇игосан̃жа на бхинд̣̇анд̇и, д̇аава самбхавзсий наама, ан̣д̣агосам̣ вад̇т̇игосан̃жа бхинд̣̇ид̇ваа б̣ахи нигканд̇аа бхууд̇аа наама . сам̣сзд̣̇аж̇аа обабаад̇игаа жа батамажид̇д̇агкан̣з самбхавзсий наама, д̣̇уд̇ияажид̇д̇агкан̣ад̇о бабхуд̇и бхууд̇аа наама. язна ваа ирияаабат̇зна ж̇ааяанд̇и, яаава д̇ад̇о ан̃н̃ам̣ на баабун̣анд̇и, д̇аава самбхавзсий наама, д̇ад̇о барам̣ бхууд̇аад̇и.
Bhūtāti jātā abhinibbattā. Ye bhūtā eva, na puna bhavissantīti saṅkhyaṃ gacchanti, tesaṃ khīṇāsavānaṃ etaṃ adhivacanaṃ. Sambhavamesantīti sambhavesī. Appahīnabhavasaṃyojanattā āyatimpi sambhavaṃ esantānaṃ sekhaputhujjanānametaṃ adhivacanaṃ. Atha vā catūsu yonīsu aṇḍajajalābujā sattā yāva aṇḍakosaṃ vatthikosañca na bhindanti, tāva sambhavesī nāma, aṇḍakosaṃ vatthikosañca bhinditvā bahi nikkhantā bhūtā nāma . Saṃsedajā opapātikā ca paṭhamacittakkhaṇe sambhavesī nāma, dutiyacittakkhaṇato pabhuti bhūtā nāma. Yena vā iriyāpathena jāyanti, yāva tato aññaṃ na pāpuṇanti, tāva sambhavesī nāma, tato paraṃ bhūtāti.
чадтаг̇аат̇ааван̣н̣анаа
Chaṭṭhagāthāvaṇṇanā
6. звам̣ бхаг̇аваа ‘‘сукино ваа’’д̇иаад̣̇ийхи ад̣дхад̇зяяаахи г̇аат̇аахи наанаббагаарад̇о д̇зсам̣ бхигкуунам̣ хид̇асукааг̇амабад̇т̇анаавасзна сад̇д̇зсу мзд̇д̇аабхааванам̣ д̣̇ассзд̇ваа ид̣̇аани ахид̇ад̣̇угкаанааг̇амабад̇т̇анаавасзнааби д̇ам̣ д̣̇ассзнд̇о ааха ‘‘на баро барам̣ нигуб̣б̣зт̇аа’’д̇и. зса бораан̣о баато, ид̣̇аани бана ‘‘барам̣ хий’’д̇иби батанд̇и, аяам̣ на собхано.
6. Evaṃ bhagavā ‘‘sukhino vā’’tiādīhi aḍḍhateyyāhi gāthāhi nānappakārato tesaṃ bhikkhūnaṃ hitasukhāgamapatthanāvasena sattesu mettābhāvanaṃ dassetvā idāni ahitadukkhānāgamapatthanāvasenāpi taṃ dassento āha ‘‘na paro paraṃ nikubbethā’’ti. Esa porāṇo pāṭho, idāni pana ‘‘paraṃ hī’’tipi paṭhanti, ayaṃ na sobhano.
д̇ад̇т̇а барод̇и бараж̇ано. баранд̇и бараж̇анам̣. на нигуб̣б̣зт̇аад̇и на ван̃жзяяа. наад̇иман̃н̃зт̇аад̇и на ад̇иггамид̇ваа ман̃н̃зяяа. гад̇т̇ажийд̇и гад̇т̇ажи огаасз, г̇аамз ваа г̇аамакзд̇д̇з ваа н̃аад̇имаж̇жхз ваа бууг̇амаж̇жхз ваад̇иаад̣̇и. нанд̇и зд̇ам̣. ган̃жийд̇и яам̣ ган̃жи кад̇д̇ияам̣ ваа б̣раахман̣ам̣ ваа г̇ахадтам̣ ваа баб̣б̣аж̇ид̇ам̣ ваа сукид̇ам̣ ваа д̣̇угкид̇ам̣ ваад̇иаад̣̇и. б̣яааросанаа бадигхасан̃н̃аад̇и гааяаважийвигаарзхи б̣яааросанааяа жа мановигаарзна бадигхасан̃н̃ааяа жа. ‘‘б̣яааросанааяа бадигхасан̃н̃ааяаа’’д̇и хи вад̇д̇аб̣б̣з ‘‘б̣яааросанаа бадигхасан̃н̃аа’’д̇и вужжад̇и, яат̇аа ‘‘саммад̣̇ан̃н̃ааяа вимуд̇д̇аа’’д̇и вад̇д̇аб̣б̣з ‘‘саммад̣̇ан̃н̃аа вимуд̇д̇аа’’д̇и, яат̇аа жа ‘‘анубуб̣б̣асигкааяа анубуб̣б̣агирияааяа анубуб̣б̣абадибад̣̇ааяаа’’д̇и вад̇д̇аб̣б̣з ‘‘анубуб̣б̣асигкаа анубуб̣б̣агирияаа анубуб̣б̣абадибад̣̇аа’’д̇и. наан̃н̃аман̃н̃асса д̣̇угкамижчзяяаад̇и ан̃н̃аман̃н̃асса д̣̇угкам̣ на ижчзяяа . гим̣ вуд̇д̇ам̣ ход̇и? на гзвалам̣ ‘‘сукино ваа кзмино ваа хонд̇уу’’д̇иаад̣̇иманасигааравасзнзва мзд̇д̇ам̣ бхаавзяяа, гинд̇у ‘‘аховад̇а яо гожи барабуг̇г̇ало яам̣ ган̃жи барабуг̇г̇алам̣ ван̃жанаад̣̇ийхи нигад̇ийхи на нигуб̣б̣зт̇а, ж̇аад̇иаад̣̇ийхи жа навахи маанавад̇т̇уухи гад̇т̇ажи бад̣̇зсз ган̃жи барабуг̇г̇алам̣ наад̇иман̃н̃зяяа, ан̃н̃аман̃н̃асса жа б̣яааросанааяа ваа бадигхасан̃н̃ааяа ваа д̣̇угкам̣ на ижчзяяаа’’д̇и звамби манасигаронд̇о бхаавзяяаад̇и.
Tattha paroti parajano. Paranti parajanaṃ. Na nikubbethāti na vañceyya. Nātimaññethāti na atikkamitvā maññeyya. Katthacīti katthaci okāse, gāme vā gāmakhette vā ñātimajjhe vā pūgamajjhe vātiādi. Nanti etaṃ. Kañcīti yaṃ kañci khattiyaṃ vā brāhmaṇaṃ vā gahaṭṭhaṃ vā pabbajitaṃ vā sukhitaṃ vā dukkhitaṃ vātiādi. Byārosanā paṭighasaññāti kāyavacīvikārehi byārosanāya ca manovikārena paṭighasaññāya ca. ‘‘Byārosanāya paṭighasaññāyā’’ti hi vattabbe ‘‘byārosanā paṭighasaññā’’ti vuccati, yathā ‘‘sammadaññāya vimuttā’’ti vattabbe ‘‘sammadaññā vimuttā’’ti, yathā ca ‘‘anupubbasikkhāya anupubbakiriyāya anupubbapaṭipadāyā’’ti vattabbe ‘‘anupubbasikkhā anupubbakiriyā anupubbapaṭipadā’’ti. Nāññamaññassa dukkhamiccheyyāti aññamaññassa dukkhaṃ na iccheyya . Kiṃ vuttaṃ hoti? Na kevalaṃ ‘‘sukhino vā khemino vā hontū’’tiādimanasikāravaseneva mettaṃ bhāveyya, kintu ‘‘ahovata yo koci parapuggalo yaṃ kañci parapuggalaṃ vañcanādīhi nikatīhi na nikubbetha, jātiādīhi ca navahi mānavatthūhi katthaci padese kañci parapuggalaṃ nātimaññeyya, aññamaññassa ca byārosanāya vā paṭighasaññāya vā dukkhaṃ na iccheyyā’’ti evampi manasikaronto bhāveyyāti.
сад̇д̇амаг̇аат̇ааван̣н̣анаа
Sattamagāthāvaṇṇanā
7. звам̣ ахид̇ад̣̇угкаанааг̇амабад̇т̇анаавасзна ад̇т̇ад̇о мзд̇д̇аабхааванам̣ д̣̇ассзд̇ваа ид̣̇аани д̇амзва убамааяа д̣̇ассзнд̇о ааха ‘‘маад̇аа яат̇аа нияам̣буд̇д̇а’’нд̇и.
7. Evaṃ ahitadukkhānāgamapatthanāvasena atthato mettābhāvanaṃ dassetvā idāni tameva upamāya dassento āha ‘‘mātā yathā niyaṃputta’’nti.
д̇ассад̇т̇о – яат̇аа маад̇аа нияам̣ буд̇д̇ам̣ ад̇д̇ани ж̇аад̇ам̣ орасам̣ буд̇д̇ам̣, д̇ан̃жа згабуд̇д̇амзва ааяусаа анурагкз, д̇асса д̣̇угкааг̇амаббадиб̣ааханад̇т̇ам̣ ад̇д̇ано ааяумби жаж̇ид̇ваа д̇ам̣ анурагкз, звамби саб̣б̣абхууд̇зсу ид̣̇ам̣ мзд̇д̇аакяам̣ маанасам̣ бхааваяз, бунаббунам̣ ж̇анаяз вад̣дхаяз, д̇ан̃жа абаримаан̣асад̇д̇аарамман̣авасзна згасмим̣ ваа сад̇д̇з анавасзсапаран̣авасзна абаримаан̣ам̣ бхааваязд̇и.
Tassattho – yathā mātā niyaṃ puttaṃ attani jātaṃ orasaṃ puttaṃ, tañca ekaputtameva āyusā anurakkhe, tassa dukkhāgamappaṭibāhanatthaṃ attano āyumpi cajitvā taṃ anurakkhe, evampi sabbabhūtesu idaṃ mettākhyaṃ mānasaṃ bhāvaye, punappunaṃ janaye vaḍḍhaye, tañca aparimāṇasattārammaṇavasena ekasmiṃ vā satte anavasesapharaṇavasena aparimāṇaṃ bhāvayeti.
адтамаг̇аат̇ааван̣н̣анаа
Aṭṭhamagāthāvaṇṇanā
8. звам̣ саб̣б̣аагаарзна мзд̇д̇аабхааванам̣ д̣̇ассзд̇ваа ид̣̇аани д̇ассзва вад̣дханам̣ д̣̇ассзнд̇о ааха ‘‘мзд̇д̇ан̃жа саб̣б̣алогасмий’’д̇и.
8. Evaṃ sabbākārena mettābhāvanaṃ dassetvā idāni tasseva vaḍḍhanaṃ dassento āha ‘‘mettañca sabbalokasmī’’ti.
д̇ад̇т̇а миж̇ж̇ад̇и д̇ааяад̇и жаад̇и мид̇д̇о, хид̇аж̇жхаасаяад̇ааяа синияхад̇и, ахид̇ааг̇амад̇о рагкад̇и жаад̇и ад̇т̇о. мид̇д̇асса бхааво мзд̇д̇ам̣. саб̣б̣алогасмийд̇и анавасзсз сад̇д̇алогз. манаси бхаванд̇и маанасам̣. д̇ан̃хи жид̇д̇асамбаяуд̇д̇ад̇д̇аа звам̣ вуд̇д̇ам̣. бхааваязд̇и вад̣дхаяз. на асса баримаан̣анд̇и абаримаан̣ам̣, аббамаан̣асад̇д̇аарамман̣ад̇ааяа звам̣ вуд̇д̇ам̣. уд̣̇д̇ханд̇и убари, д̇зна аруубабхавам̣ г̇ан̣хаад̇и. ад̇ход̇и хздтаа, д̇зна гаамабхавам̣ г̇ан̣хаад̇и. д̇ирияанд̇и взмаж̇жхам̣, д̇зна руубабхавам̣ г̇ан̣хаад̇и. асамб̣аад̇ханд̇и самб̣аад̇хавирахид̇ам̣, бхиннасийманд̇и вуд̇д̇ам̣ ход̇и. сиймаа наама бажжад̇т̇иго вужжад̇и, д̇асмимби бавад̇д̇анд̇и ад̇т̇о. авзранд̇и взравирахид̇ам̣ , анд̇аранд̇арааби взражзд̇анаабаад̇убхаававирахид̇анд̇и ад̇т̇о. асабад̇д̇анд̇и виг̇ад̇абажжад̇т̇игам̣. мзд̇д̇аавихаарий хи буг̇г̇ало мануссаанам̣ бияо ход̇и, амануссаанам̣ бияо ход̇и, наасса гожи бажжад̇т̇иго ход̇и, д̇знасса д̇ам̣ маанасам̣ виг̇ад̇абажжад̇т̇игад̇д̇аа асабад̇д̇анд̇и вужжад̇и. барияааяаважанан̃хи зд̇ам̣, яад̣̇ид̣̇ам̣ бажжад̇т̇иго сабад̇д̇од̇и. аяам̣ анубад̣̇ад̇о ад̇т̇аван̣н̣анаа.
Tattha mijjati tāyati cāti mitto, hitajjhāsayatāya siniyhati, ahitāgamato rakkhati cāti attho. Mittassa bhāvo mettaṃ. Sabbalokasmīti anavasese sattaloke. Manasi bhavanti mānasaṃ. Tañhi cittasampayuttattā evaṃ vuttaṃ. Bhāvayeti vaḍḍhaye. Na assa parimāṇanti aparimāṇaṃ, appamāṇasattārammaṇatāya evaṃ vuttaṃ. Uddhanti upari, tena arūpabhavaṃ gaṇhāti. Adhoti heṭṭhā, tena kāmabhavaṃ gaṇhāti. Tiriyanti vemajjhaṃ, tena rūpabhavaṃ gaṇhāti. Asambādhanti sambādhavirahitaṃ, bhinnasīmanti vuttaṃ hoti. Sīmā nāma paccatthiko vuccati, tasmimpi pavattanti attho. Averanti veravirahitaṃ , antarantarāpi veracetanāpātubhāvavirahitanti attho. Asapattanti vigatapaccatthikaṃ. Mettāvihārī hi puggalo manussānaṃ piyo hoti, amanussānaṃ piyo hoti, nāssa koci paccatthiko hoti, tenassa taṃ mānasaṃ vigatapaccatthikattā asapattanti vuccati. Pariyāyavacanañhi etaṃ, yadidaṃ paccatthiko sapattoti. Ayaṃ anupadato atthavaṇṇanā.
аяам̣ банзд̇т̇а ад̇хиббзд̇ад̇т̇ад̣̇ийбанаа – яад̣̇ид̣̇ам̣ ‘‘звамби саб̣б̣абхууд̇зсу маанасам̣ бхааваяз абаримаан̣а’’нд̇и вуд̇д̇ам̣, д̇ан̃жзд̇ам̣ абаримаан̣ам̣ мзд̇д̇ам̣ маанасам̣ саб̣б̣алогасмим̣ бхааваяз вад̣дхаяз, вуд̣дхим̣ вируул̣хим̣ взбуллам̣ г̇амаяз баабаяз. гат̇ам̣? уд̣̇д̇хам̣ ад̇хо жа д̇ирияан̃жа, уд̣̇д̇хам̣ яаава бхаваг̇г̇аа, ад̇хо яаава авийжид̇о, д̇ирияам̣ яаава авасзсад̣̇исаа. уд̣̇д̇хам̣ ваа ааруббам̣, ад̇хо гаамад̇хаад̇ум̣, д̇ирияам̣ руубад̇хаад̇ум̣ анавасзсам̣ паранд̇о. звам̣ бхаавзнд̇оби жа д̇ам̣ яат̇аа асамб̣аад̇хам̣ авзрам̣ асабад̇д̇ан̃жа ход̇и, д̇ат̇аа самб̣аад̇хавзрасабад̇д̇аанам̣ абхаавам̣ гаронд̇о бхааваяз. яам̣ ваа д̇ам̣ бхааванаасамбад̣̇ам̣ бад̇д̇ам̣ саб̣б̣ад̇т̇а огаасалогавасзна асамб̣аад̇хам̣, ад̇д̇ано барзсу аагхаад̇аббадивинаяанзна авзрам̣, ад̇д̇ани жа барзсам̣ аагхаад̇авинаяанзна асабад̇д̇ам̣ ход̇и. д̇ам̣ асамб̣аад̇хамавзрамасабад̇д̇ам̣ абаримаан̣ам̣ мзд̇д̇ам̣ маанасам̣ уд̣̇д̇хам̣ ад̇хо д̇ирияан̃жаад̇и д̇ивид̇хабарижчзд̣̇з саб̣б̣алогасмим̣ бхааваяз вад̣дхаязд̇и.
Ayaṃ panettha adhippetatthadīpanā – yadidaṃ ‘‘evampi sabbabhūtesu mānasaṃ bhāvaye aparimāṇa’’nti vuttaṃ, tañcetaṃ aparimāṇaṃ mettaṃ mānasaṃ sabbalokasmiṃ bhāvaye vaḍḍhaye, vuḍḍhiṃ virūḷhiṃ vepullaṃ gamaye pāpaye. Kathaṃ? Uddhaṃ adho ca tiriyañca, uddhaṃ yāva bhavaggā, adho yāva avīcito, tiriyaṃ yāva avasesadisā. Uddhaṃ vā āruppaṃ, adho kāmadhātuṃ, tiriyaṃ rūpadhātuṃ anavasesaṃ pharanto. Evaṃ bhāventopi ca taṃ yathā asambādhaṃ averaṃ asapattañca hoti, tathā sambādhaverasapattānaṃ abhāvaṃ karonto bhāvaye. Yaṃ vā taṃ bhāvanāsampadaṃ pattaṃ sabbattha okāsalokavasena asambādhaṃ, attano paresu āghātappaṭivinayanena averaṃ, attani ca paresaṃ āghātavinayanena asapattaṃ hoti. Taṃ asambādhamaveramasapattaṃ aparimāṇaṃ mettaṃ mānasaṃ uddhaṃ adho tiriyañcāti tividhaparicchede sabbalokasmiṃ bhāvaye vaḍḍhayeti.
навамаг̇аат̇ааван̣н̣анаа
Navamagāthāvaṇṇanā
9. звам̣ мзд̇д̇аабхааванааяа вад̣дханам̣ д̣̇ассзд̇ваа ид̣̇аани д̇ам̣ бхааванамануяуд̇д̇асса вихарад̇о ирияаабат̇анияамаабхаавам̣ д̣̇ассзнд̇о ааха ‘‘д̇идтам̣ жарам̣…бз… ад̇хидтзяяаа’’д̇и.
9. Evaṃ mettābhāvanāya vaḍḍhanaṃ dassetvā idāni taṃ bhāvanamanuyuttassa viharato iriyāpathaniyamābhāvaṃ dassento āha ‘‘tiṭṭhaṃ caraṃ…pe… adhiṭṭheyyā’’ti.
д̇ассад̇т̇о – звамзд̇ам̣ мзд̇д̇ам̣ маанасам̣ бхаавзнд̇о со ‘‘нисийд̣̇ад̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяаа’’д̇иаад̣̇ийсу вияа ирияаабат̇анияамам̣ агад̇ваа яат̇аасукам̣ ан̃н̃ад̇аран̃н̃ад̇араирияаабат̇аб̣аад̇ханавинод̣̇анам̣ гаронд̇о д̇идтам̣ ваа жарам̣ ваа нисинно ваа саяаано ваа яаавад̇аа виг̇ад̇амид̣̇д̇хо асса, ат̇а зд̇ам̣ мзд̇д̇аажхаанасад̇им̣ ад̇хидтзяяа.
Tassattho – evametaṃ mettaṃ mānasaṃ bhāvento so ‘‘nisīdati pallaṅkaṃ ābhujitvā ujuṃ kāyaṃ paṇidhāyā’’tiādīsu viya iriyāpathaniyamaṃ akatvā yathāsukhaṃ aññataraññatarairiyāpathabādhanavinodanaṃ karonto tiṭṭhaṃ vā caraṃ vā nisinno vā sayāno vā yāvatā vigatamiddho assa, atha etaṃ mettājhānasatiṃ adhiṭṭheyya.
ат̇а ваа звам̣ мзд̇д̇аабхааванааяа вад̣дханам̣ д̣̇ассзд̇ваа ид̣̇аани васийбхаавам̣ д̣̇ассзнд̇о ааха ‘‘д̇идтам̣ жара’’нд̇и. васиббад̇д̇о хи д̇идтам̣ ваа жарам̣ ваа нисинно ваа саяаано ваа яаавад̇аа ирияаабат̇зна зд̇ам̣ мзд̇д̇аажхаанасад̇им̣ ад̇хидтаад̇угаамо ход̇и, ат̇а ваа д̇идтам̣ ваа жарам̣ ваа…бз… саяаано ваад̇и на д̇асса таанаад̣̇ийни анд̇арааяагараани хонд̇и, абижа ко яаавад̇аа зд̇ам̣ мзд̇д̇аажхаанасад̇им̣ ад̇хидтаад̇угаамо ход̇и, д̇аавад̇аа виг̇ад̇амид̣̇д̇хо худ̇ваа ад̇хидтаад̇и, над̇т̇и д̇асса д̇ад̇т̇а д̣̇анд̇хааяид̇ад̇д̇ам̣. д̇знааха ‘‘д̇идтам̣ жарам̣ нисинно ва, саяаано яаавад̇аасса вид̇амид̣̇д̇хо. зд̇ам̣ сад̇им̣ ад̇хидтзяяаа’’д̇и.
Atha vā evaṃ mettābhāvanāya vaḍḍhanaṃ dassetvā idāni vasībhāvaṃ dassento āha ‘‘tiṭṭhaṃ cara’’nti. Vasippatto hi tiṭṭhaṃ vā caraṃ vā nisinno vā sayāno vā yāvatā iriyāpathena etaṃ mettājhānasatiṃ adhiṭṭhātukāmo hoti, atha vā tiṭṭhaṃ vā caraṃ vā…pe… sayāno vāti na tassa ṭhānādīni antarāyakarāni honti, apica kho yāvatā etaṃ mettājhānasatiṃ adhiṭṭhātukāmo hoti, tāvatā vigatamiddho hutvā adhiṭṭhāti, natthi tassa tattha dandhāyitattaṃ. Tenāha ‘‘tiṭṭhaṃ caraṃ nisinno va, sayāno yāvatāssa vitamiddho. Etaṃ satiṃ adhiṭṭheyyā’’ti.
д̇ассааяамад̇хиббааяо – яам̣ д̇ам̣ ‘‘мзд̇д̇ан̃жа саб̣б̣алогасми, маанасам̣ бхааваяз’’д̇и вуд̇д̇ам̣, д̇ам̣ яат̇аа бхаавзяяа, яат̇аа таанаад̣̇ийсу яаавад̇аа ирияаабат̇зна таанаад̣̇ийни ваа анаад̣̇ияид̇ваа яаавад̇аа зд̇ам̣ мзд̇д̇аажхаанасад̇им̣ ад̇хидтаад̇угаамо асса, д̇аавад̇аа виг̇ад̇амид̣̇д̇хова худ̇ваа зд̇ам̣ сад̇им̣ ад̇хидтзяяаад̇и.
Tassāyamadhippāyo – yaṃ taṃ ‘‘mettañca sabbalokasmi, mānasaṃ bhāvaye’’ti vuttaṃ, taṃ yathā bhāveyya, yathā ṭhānādīsu yāvatā iriyāpathena ṭhānādīni vā anādiyitvā yāvatā etaṃ mettājhānasatiṃ adhiṭṭhātukāmo assa, tāvatā vigatamiddhova hutvā etaṃ satiṃ adhiṭṭheyyāti.
звам̣ мзд̇д̇аабхааванааяа васийбхаавам̣ д̣̇ассзнд̇о ‘‘зд̇ам̣ сад̇им̣ ад̇хидтзяяаа’’д̇и д̇асмим̣ мзд̇д̇аавихаарз нияож̇зд̇ваа ид̣̇аани д̇ам̣ вихаарам̣ т̇унанд̇о ааха ‘‘б̣рахмамзд̇ам̣ вихаарамид̇хамаахуу’’д̇и.
Evaṃ mettābhāvanāya vasībhāvaṃ dassento ‘‘etaṃ satiṃ adhiṭṭheyyā’’ti tasmiṃ mettāvihāre niyojetvā idāni taṃ vihāraṃ thunanto āha ‘‘brahmametaṃ vihāramidhamāhū’’ti.
д̇ассад̇т̇о – явааяам̣ ‘‘сукино ваа кзмино ваа хонд̇уу’’д̇иаад̣̇и гад̇ваа яаава ‘‘зд̇ам̣ сад̇им̣ ад̇хидтзяяаа’’д̇и ван̣н̣ид̇о мзд̇д̇аавихааро. зд̇ам̣ жад̇уусу д̣̇иб̣б̣аб̣рахмаарияаирияаабат̇авихаарзсу нид̣̇д̣̇осад̇д̇аа ад̇д̇аноби барзсамби ад̇т̇агарад̇д̇аа жа ид̇ха арияасса д̇хаммавинаяз б̣рахмавихаарамааху сздтавихаарамаахууд̇и, яад̇о сад̇ад̇ам̣ самид̇ам̣ аб̣б̣огин̣н̣ам̣ д̇идтам̣ жарам̣ нисинно ваа саяаано ваа яаавад̇аасса виг̇ад̇амид̣̇д̇хо, зд̇ам̣ сад̇им̣ ад̇хидтзяяаад̇и.
Tassattho – yvāyaṃ ‘‘sukhino vā khemino vā hontū’’tiādi katvā yāva ‘‘etaṃ satiṃ adhiṭṭheyyā’’ti vaṇṇito mettāvihāro. Etaṃ catūsu dibbabrahmaariyairiyāpathavihāresu niddosattā attanopi paresampi atthakarattā ca idha ariyassa dhammavinaye brahmavihāramāhu seṭṭhavihāramāhūti, yato satataṃ samitaṃ abbokiṇṇaṃ tiṭṭhaṃ caraṃ nisinno vā sayāno vā yāvatāssa vigatamiddho, etaṃ satiṃ adhiṭṭheyyāti.
д̣̇асамаг̇аат̇ааван̣н̣анаа
Dasamagāthāvaṇṇanā
10. звам̣ бхаг̇аваа д̇зсам̣ бхигкуунам̣ наанаббагаарад̇о мзд̇д̇аабхааванам̣ д̣̇ассзд̇ваа ид̣̇аани яасмаа мзд̇д̇аа сад̇д̇аарамман̣ад̇д̇аа ад̇д̇ад̣̇идтияаа аасаннаа ход̇и, д̇асмаа д̣̇идтиг̇ахананисзд̇ханамукзна д̇зсам̣ бхигкуунам̣ д̇ад̣̇зва мзд̇д̇аажхаанам̣ баад̣̇агам̣ гад̇ваа арияабхуумиббад̇д̇им̣ д̣̇ассзнд̇о ‘‘д̣̇идтин̃жа анубаг̇г̇аммаа’’д̇и имааяа г̇аат̇ааяа д̣̇зсанам̣ самаабзси.
10. Evaṃ bhagavā tesaṃ bhikkhūnaṃ nānappakārato mettābhāvanaṃ dassetvā idāni yasmā mettā sattārammaṇattā attadiṭṭhiyā āsannā hoti, tasmā diṭṭhigahananisedhanamukhena tesaṃ bhikkhūnaṃ tadeva mettājhānaṃ pādakaṃ katvā ariyabhūmippattiṃ dassento ‘‘diṭṭhiñca anupaggammā’’ti imāya gāthāya desanaṃ samāpesi.
д̇ассад̇т̇о – явааяам̣ ‘‘б̣рахмамзд̇ам̣ вихаарамид̇хамаахуу’’д̇и сам̣ван̣н̣ид̇о мзд̇д̇аажхаанавихааро, д̇ад̇о вудтааяа яз д̇ад̇т̇а вид̇аггавижаараад̣̇аяо д̇хаммаа, д̇з д̇зсан̃жа вад̇т̇аад̣̇ианусаарзна руубад̇хаммз бариг̇г̇ахзд̇ваа иминаа наамаруубабарижчзд̣̇зна ‘‘суд̣̇д̇хасан̇каарабун̃ж̇ояам̣, наяид̇ха сад̇д̇уубалаб̣бхад̇ий’’д̇и (сам̣. ни. 1.171; махаани. 186) звам̣ д̣̇идтин̃жа анубаг̇г̇амма анубуб̣б̣зна логуд̇д̇арасийлзна сийлаваа худ̇ваа логуд̇д̇арасийласамбаяуд̇д̇знзва сод̇аабад̇д̇имаг̇г̇асаммаад̣̇идтисан̃н̃ид̇зна д̣̇ассанзна самбанно, д̇ад̇о барам̣ яобааяам̣ вад̇т̇угаамзсу г̇зд̇хо гилзсагаамо аббахийно ход̇и, д̇амби сагад̣̇ааг̇аамианааг̇аамимаг̇г̇зхи д̇анубхаавзна анавасзсаббахаанзна жа гаамзсу г̇зд̇хам̣ винзяяа винаяид̇ваа вуубасамзд̇ваа на хи ж̇аад̇у г̇аб̣бхасзяяам̣ буна рзд̇и згам̣сзнзва буна г̇аб̣бхасзяяам̣ на зд̇и. суд̣̇д̇хааваасзсу ниб̣б̣ад̇д̇ид̇ваа д̇ад̇т̇зва арахад̇д̇ам̣ баабун̣ид̇ваа бариниб̣б̣аад̇ийд̇и.
Tassattho – yvāyaṃ ‘‘brahmametaṃ vihāramidhamāhū’’ti saṃvaṇṇito mettājhānavihāro, tato vuṭṭhāya ye tattha vitakkavicārādayo dhammā, te tesañca vatthādianusārena rūpadhamme pariggahetvā iminā nāmarūpaparicchedena ‘‘suddhasaṅkhārapuñjoyaṃ, nayidha sattūpalabbhatī’’ti (saṃ. ni. 1.171; mahāni. 186) evaṃ diṭṭhiñca anupaggamma anupubbena lokuttarasīlena sīlavā hutvā lokuttarasīlasampayutteneva sotāpattimaggasammādiṭṭhisaññitena dassanena sampanno, tato paraṃ yopāyaṃ vatthukāmesu gedho kilesakāmo appahīno hoti, tampi sakadāgāmianāgāmimaggehi tanubhāvena anavasesappahānena ca kāmesu gedhaṃ vineyya vinayitvā vūpasametvā na hi jātu gabbhaseyyaṃ puna reti ekaṃseneva puna gabbhaseyyaṃ na eti. Suddhāvāsesu nibbattitvā tattheva arahattaṃ pāpuṇitvā parinibbātīti.
звам̣ бхаг̇аваа д̣̇зсанам̣ самаабзд̇ваа д̇з бхигкуу ааха – ‘‘г̇ажчат̇а, бхигкавз, д̇асмим̣язва ванасан̣д̣з вихарат̇а, иман̃жа суд̇д̇ам̣ маасасса адтасу д̇хаммассаванад̣̇ивасзсу гхан̣д̣им̣ аагодзд̇ваа уссаарзт̇а, д̇хаммагат̇ам̣ гарот̇а саагажчат̇а анумод̣̇ат̇а, ид̣̇амзва гаммадтаанам̣ аасзват̇а бхаавзт̇а б̣ахулийгарот̇а, д̇зби во амануссаа д̇ам̣ бхзраваарамман̣ам̣ на д̣̇ассзссанд̇и, ан̃н̃ад̣̇ад̇т̇у ад̇т̇агаамаа хид̇агаамаа бхависсанд̇ий’’д̇и. д̇з ‘‘саад̇хуу’’д̇и бхаг̇авад̇о бадиссун̣ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇а г̇анд̇ваа д̇ат̇аа агам̣су. д̣̇звад̇ааяо жа ‘‘бхад̣̇анд̇аа амхаагам̣ ад̇т̇агаамаа хид̇агаамаа’’д̇и бийд̇исоманассаж̇аад̇аа худ̇ваа саяамзва сзнаасанам̣ саммаж̇ж̇анд̇и, ун̣ход̣̇агам̣ бадияаад̣̇знд̇и , бидтибаригаммам̣ баад̣̇абаригаммам̣ гаронд̇и, аарагкам̣ сам̣вид̣̇аханд̇и. д̇зби бхигкуу д̇амзва мзд̇д̇ам̣ бхаавзд̇ваа д̇амзва жа баад̣̇агам̣ гад̇ваа вибассанам̣ аарабхид̇ваа саб̣б̣з д̇асмим̣язва анд̇од̇змаасз аг̇г̇апалам̣ арахад̇д̇ам̣ баабун̣ид̇ваа махаабавааран̣ааяа висуд̣̇д̇хибавааран̣ам̣ баваарзсунд̇и.
Evaṃ bhagavā desanaṃ samāpetvā te bhikkhū āha – ‘‘gacchatha, bhikkhave, tasmiṃyeva vanasaṇḍe viharatha, imañca suttaṃ māsassa aṭṭhasu dhammassavanadivasesu ghaṇḍiṃ ākoṭetvā ussāretha, dhammakathaṃ karotha sākacchatha anumodatha, idameva kammaṭṭhānaṃ āsevatha bhāvetha bahulīkarotha, tepi vo amanussā taṃ bheravārammaṇaṃ na dassessanti, aññadatthu atthakāmā hitakāmā bhavissantī’’ti. Te ‘‘sādhū’’ti bhagavato paṭissuṇitvā uṭṭhāyāsanā bhagavantaṃ abhivādetvā padakkhiṇaṃ katvā tattha gantvā tathā akaṃsu. Devatāyo ca ‘‘bhadantā amhākaṃ atthakāmā hitakāmā’’ti pītisomanassajātā hutvā sayameva senāsanaṃ sammajjanti, uṇhodakaṃ paṭiyādenti , piṭṭhiparikammaṃ pādaparikammaṃ karonti, ārakkhaṃ saṃvidahanti. Tepi bhikkhū tameva mettaṃ bhāvetvā tameva ca pādakaṃ katvā vipassanaṃ ārabhitvā sabbe tasmiṃyeva antotemāse aggaphalaṃ arahattaṃ pāpuṇitvā mahāpavāraṇāya visuddhipavāraṇaṃ pavāresunti.
звамби ад̇т̇агусалзна д̇ат̇ааг̇ад̇зна,
Evampi atthakusalena tathāgatena,
д̇хаммиссарзна гат̇ид̇ам̣ гаран̣ийяамад̇т̇ам̣;
Dhammissarena kathitaṃ karaṇīyamatthaṃ;
гад̇ваанубхуяяа барамам̣ хад̣̇аяасса санд̇им̣,
Katvānubhuyya paramaṃ hadayassa santiṃ,
санд̇ам̣ бад̣̇ам̣ абхисамзнд̇и самад̇д̇абан̃н̃аа.
Santaṃ padaṃ abhisamenti samattapaññā.
д̇асмаа хи д̇ам̣ амад̇амаб̣бхуд̇амарияаганд̇ам̣,
Tasmā hi taṃ amatamabbhutamariyakantaṃ,
санд̇ам̣ бад̣̇ам̣ абхисамзжжа вихарид̇угаамо;
Santaṃ padaṃ abhisamecca viharitukāmo;
вин̃н̃уу ж̇ано вималасийласамаад̇хибан̃н̃аа-
Viññū jano vimalasīlasamādhipaññā-
бхзд̣̇ам̣ гарзяяа сад̇ад̇ам̣ гаран̣ийяамад̇т̇анд̇и.
Bhedaṃ kareyya satataṃ karaṇīyamatthanti.
барамад̇т̇аж̇од̇игааяа куд̣̇д̣̇агабаата-адтагат̇ааяа
Paramatthajotikāya khuddakapāṭha-aṭṭhakathāya
мзд̇д̇асуд̇д̇аван̣н̣анаа нидтид̇аа.
Mettasuttavaṇṇanā niṭṭhitā.
ниг̇аманагат̇аа
Nigamanakathā
зд̇д̇аавад̇аа жа яам̣ вуд̇д̇ам̣ –
Ettāvatā ca yaṃ vuttaṃ –
‘‘уд̇д̇амам̣ ванд̣̇анзяяаанам̣, ванд̣̇ид̇ваа рад̇анад̇д̇аяам̣;
‘‘Uttamaṃ vandaneyyānaṃ, vanditvā ratanattayaṃ;
куд̣̇д̣̇агаанам̣ гариссаами, гзсан̃жи ад̇т̇аван̣н̣ана’’нд̇и.
Khuddakānaṃ karissāmi, kesañci atthavaṇṇana’’nti.
д̇ад̇т̇а саран̣асигкаабад̣̇ад̣̇вад̇д̇им̣саагаарагумаарабан̃хаман̇г̇аласуд̇д̇арад̇анасуд̇д̇ад̇ирогудданид̇хиган̣д̣амзд̇д̇асуд̇д̇авасзна наваббабхзд̣̇асса куд̣̇д̣̇агабаатасса д̇аава ад̇т̇аван̣н̣анаа гад̇аа ход̇и. д̇знзд̇ам̣ вужжад̇и –
Tattha saraṇasikkhāpadadvattiṃsākārakumārapañhamaṅgalasuttaratanasuttatirokuṭṭanidhikaṇḍamettasuttavasena navappabhedassa khuddakapāṭhassa tāva atthavaṇṇanā katā hoti. Tenetaṃ vuccati –
‘‘имам̣ куд̣̇д̣̇агабаатасса, гаронд̇знад̇т̇аван̣н̣анам̣;
‘‘Imaṃ khuddakapāṭhassa, karontenatthavaṇṇanaṃ;
сад̣̇д̇хаммадтид̇игаамзна, яам̣ бад̇д̇ам̣ гусалам̣ маяаа.
Saddhammaṭṭhitikāmena, yaṃ pattaṃ kusalaṃ mayā.
д̇ассаанубхаавад̇о киббам̣, д̇хаммз арияаббавзд̣̇ид̇з;
Tassānubhāvato khippaṃ, dhamme ariyappavedite;
вуд̣̇д̇хим̣ вируул̣хим̣ взбуллам̣, баабун̣аад̇у аяам̣ ж̇ано’’д̇и.
Vuddhiṃ virūḷhiṃ vepullaṃ, pāpuṇātu ayaṃ jano’’ti.
барамависуд̣̇д̇хасад̣̇д̇хааб̣уд̣̇д̇хивийрияаг̇ун̣аббадиман̣д̣ид̇зна сийлаажаараж̇ж̇авамад̣̇д̣̇аваад̣̇иг̇ун̣асамуд̣̇аяасамуд̣̇ид̇зна сагасамаяасамаяанд̇араг̇аханаж̇жхог̇аахан̣асамад̇т̇зна бан̃н̃аавзяяад̇д̇ияасаманнааг̇ад̇зна д̇ибидагабарияад̇д̇ид̇хаммаббабхзд̣̇з саадтагат̇з сад̇т̇усаасанз аббадихад̇ан̃аан̣аббабхаавзна чамахаавзяяаагаран̣значамахаавзяяаагаран̣зна гаран̣асамбад̇д̇иж̇анид̇асукавиниг̇г̇ад̇амад̇хурод̣̇аараважаналааван̣н̣аяуд̇д̇зна яуд̇д̇амуд̇д̇аваад̣̇инаа ваад̣̇ийварзна махаагавинаа чал̣абхин̃н̃аабадисамбхид̣̇аад̣̇иббабхзд̣̇аг̇ун̣аббадиман̣д̣ид̇з уд̇д̇аримануссад̇хаммз суббад̇идтид̇аб̣уд̣̇д̇хийнам̣ т̇зравам̣саббад̣̇ийбаанам̣ т̇зраанам̣ махаавихаараваасийнам̣ вам̣саалан̇гаарабхууд̇зна вибулависуд̣̇д̇хаб̣уд̣̇д̇хинаа б̣уд̣̇д̇хагхосод̇и г̇аруухи г̇ахид̇анаамад̇хзяязна т̇зрзна гад̇аа аяам̣ барамад̇т̇аж̇од̇игаа наама куд̣̇д̣̇агабаатаван̣н̣анаа –
Paramavisuddhasaddhābuddhivīriyaguṇappaṭimaṇḍitena sīlācārajjavamaddavādiguṇasamudayasamuditena sakasamayasamayantaragahanajjhogāhaṇasamatthena paññāveyyattiyasamannāgatena tipiṭakapariyattidhammappabhede sāṭṭhakathe satthusāsane appaṭihatañāṇappabhāvena chamahāveyyākaraṇenachamahāveyyākaraṇena karaṇasampattijanitasukhaviniggatamadhurodāravacanalāvaṇṇayuttena yuttamuttavādinā vādīvarena mahākavinā chaḷabhiññāpaṭisambhidādippabhedaguṇappaṭimaṇḍite uttarimanussadhamme suppatiṭṭhitabuddhīnaṃ theravaṃsappadīpānaṃ therānaṃ mahāvihāravāsīnaṃ vaṃsālaṅkārabhūtena vipulavisuddhabuddhinā buddhaghosoti garūhi gahitanāmadheyyena therena katā ayaṃ paramatthajotikā nāma khuddakapāṭhavaṇṇanā –
д̇аава д̇идтад̇у логасмим̣, логанид̇т̇аран̣зсинам̣;
Tāva tiṭṭhatu lokasmiṃ, lokanittharaṇesinaṃ;
д̣̇ассзнд̇ий гулабуд̇д̇аанам̣, наяам̣ сийлаад̣̇исуд̣̇д̇хияаа.
Dassentī kulaputtānaṃ, nayaṃ sīlādisuddhiyā.
яаава б̣уд̣̇д̇ход̇и наамамби, суд̣̇д̇хажид̇д̇асса д̇аад̣̇ино;
Yāva buddhoti nāmampi, suddhacittassa tādino;
логамхи логаж̇здтасса, бавад̇д̇ад̇и махзсинод̇и.
Lokamhi lokajeṭṭhassa, pavattati mahesinoti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
куд̣̇д̣̇агабаатаван̣н̣анаа нидтид̇аа.
Khuddakapāṭhavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / куд̣̇д̣̇агабаатабаал̣и • Khuddakapāṭhapāḷi / 9. мзд̇д̇асуд̇д̇ам̣ • 9. Mettasuttaṃ
