| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
9. мзд̇д̇асуд̇д̇аван̣н̣анаа
9. Mettasuttavaṇṇanā
62. навамз маа, бхигкавз, бун̃н̃аананд̇и (ид̇иву. адта. 62) зд̇т̇а маад̇и бадисзд̇хз нибаад̇о. бун̃н̃а-сад̣̇д̣̇о ‘‘гусалаанам̣, бхигкавз, д̇хаммаанам̣ самаад̣̇аанахзд̇у звамид̣̇ам̣ бун̃н̃ам̣ бавад̣дхад̇ий’’д̇иаад̣̇ийсу (д̣̇ий. ни. 3.80) бун̃н̃апалз ааг̇ад̇о. ‘‘авиж̇ж̇ааг̇ад̇ояам̣, бхигкавз, бурисабуг̇г̇ало бун̃н̃ан̃жз сан̇каарам̣ абхисан̇карод̇ий’’д̇иаад̣̇ийсу (сам̣. ни. 2.51) гаамаруубааважарасужарид̇зсу. ‘‘бун̃н̃уубаг̇ам̣ ход̇и вин̃н̃аан̣а’’нд̇иаад̣̇ийсу (сам̣. ни. 2.51) суг̇ад̇ивисзсабхууд̇з убабад̇д̇ибхавз. ‘‘д̇ийн̣имаани, бхигкавз, бун̃н̃агирияавад̇т̇ууни д̣̇аанамаяам̣ бун̃н̃агирияавад̇т̇у, сийламаяам̣ бун̃н̃агирияавад̇т̇у, бхааванаамаяам̣ бун̃н̃агирияавад̇т̇уу’’д̇иаад̣̇ийсу (ид̇иву. 60; д̣̇ий. ни. 3.305; а. ни. 8.36) гусалажзд̇анааяам̣. ид̇ха бана д̇збхуумагагусалад̇хаммз взд̣̇ид̇аб̣б̣о. бхааяид̇т̇аад̇и зд̇т̇а д̣̇увид̇хам̣ бхаяам̣ н̃аан̣абхаяам̣, саараж̇ж̇абхаяанд̇и. д̇ад̇т̇а ‘‘язби д̇з, бхигкавз, д̣̇зваа д̣̇ийгхааяугаа ван̣н̣аванд̇о сукаб̣ахулаа ужжзсу вимаанзсу жирадтид̇игаа, д̇зби д̇ат̇ааг̇ад̇асса д̇хаммад̣̇зсанам̣ суд̇ваа язбхуяязна бхаяам̣ сам̣взг̇ам̣ санд̇аасам̣ аабаж̇ж̇анд̇ий’’д̇и (а. ни. 4.33) ааг̇ад̇ам̣ н̃аан̣абхаяам̣. ‘‘ахуд̣̇зва бхаяам̣, аху чамбхид̇ад̇д̇ам̣, аху ломахам̣со’’д̇иаад̣̇ийсу (д̣̇ий. ни. 2.318) ааг̇ад̇ам̣ саараж̇ж̇абхаяам̣. ид̇хааби саараж̇ж̇абхаяамзва. аяан̃хзд̇т̇а ад̇т̇о – бхигкавз, д̣̇ийгхарад̇д̇ам̣ гааяаважийсам̣яамо вад̇д̇аббадивад̇д̇абууран̣ам̣ згаасанам̣ згасзяяам̣ инд̣̇рияад̣̇амо д̇худ̇ад̇хаммзхи жид̇д̇асса ниг̇г̇ахо сад̇исамбаж̇ан̃н̃ам̣ гаммадтаанаануяог̇авасзна вийрияаарамбход̇и звамаад̣̇ийни яаани бхигкунаа ниранд̇арам̣ бавад̇д̇зд̇аб̣б̣аани бун̃н̃аани, д̇зхи маа бхааяид̇т̇а, маа бхаяам̣ санд̇аасам̣ аабаж̇ж̇ид̇т̇а. згажжасса д̣̇идтад̇хаммасукасса убарод̇хабхаязна самбарааяиганиб̣б̣аанасукад̣̇ааяагзхи бун̃н̃зхи маа бхааяид̇т̇аад̇и. ниссаггз ид̣̇ам̣ саамиважанам̣.
62. Navame mā, bhikkhave, puññānanti (itivu. aṭṭha. 62) ettha māti paṭisedhe nipāto. Puñña-saddo ‘‘kusalānaṃ, bhikkhave, dhammānaṃ samādānahetu evamidaṃ puññaṃ pavaḍḍhatī’’tiādīsu (dī. ni. 3.80) puññaphale āgato. ‘‘Avijjāgatoyaṃ, bhikkhave, purisapuggalo puññañce saṅkhāraṃ abhisaṅkharotī’’tiādīsu (saṃ. ni. 2.51) kāmarūpāvacarasucaritesu. ‘‘Puññūpagaṃ hoti viññāṇa’’ntiādīsu (saṃ. ni. 2.51) sugativisesabhūte upapattibhave. ‘‘Tīṇimāni, bhikkhave, puññakiriyavatthūni dānamayaṃ puññakiriyavatthu, sīlamayaṃ puññakiriyavatthu, bhāvanāmayaṃ puññakiriyavatthū’’tiādīsu (itivu. 60; dī. ni. 3.305; a. ni. 8.36) kusalacetanāyaṃ. Idha pana tebhūmakakusaladhamme veditabbo. Bhāyitthāti ettha duvidhaṃ bhayaṃ ñāṇabhayaṃ, sārajjabhayanti. Tattha ‘‘yepi te, bhikkhave, devā dīghāyukā vaṇṇavanto sukhabahulā uccesu vimānesu ciraṭṭhitikā, tepi tathāgatassa dhammadesanaṃ sutvā yebhuyyena bhayaṃ saṃvegaṃ santāsaṃ āpajjantī’’ti (a. ni. 4.33) āgataṃ ñāṇabhayaṃ. ‘‘Ahudeva bhayaṃ, ahu chambhitattaṃ, ahu lomahaṃso’’tiādīsu (dī. ni. 2.318) āgataṃ sārajjabhayaṃ. Idhāpi sārajjabhayameva. Ayañhettha attho – bhikkhave, dīgharattaṃ kāyavacīsaṃyamo vattappaṭivattapūraṇaṃ ekāsanaṃ ekaseyyaṃ indriyadamo dhutadhammehi cittassa niggaho satisampajaññaṃ kammaṭṭhānānuyogavasena vīriyārambhoti evamādīni yāni bhikkhunā nirantaraṃ pavattetabbāni puññāni, tehi mā bhāyittha, mā bhayaṃ santāsaṃ āpajjittha. Ekaccassa diṭṭhadhammasukhassa uparodhabhayena samparāyikanibbānasukhadāyakehi puññehi mā bhāyitthāti. Nissakke idaṃ sāmivacanaṃ.
ид̣̇аани д̇ад̇о абхааяид̇аб̣б̣абхаавз гааран̣ам̣ д̣̇ассзнд̇о ‘‘сукассзд̇а’’нд̇иаад̣̇имааха. д̇ад̇т̇а сука-сад̣̇д̣̇о ‘‘суко б̣уд̣̇д̇хаанамуббаад̣̇о, сукаа вирааг̇ад̇аа логз’’д̇иаад̣̇ийсу (д̇ха. ба. 194) сукамуулз ааг̇ад̇о. ‘‘яасмаа жа ко, махаали, руубам̣ сукам̣ сукаанубад̇ид̇ам̣ сукаавагганд̇а’’нд̇иаад̣̇ийсу (сам̣. ни. 3.60) сукаарамман̣з. ‘‘яааван̃жид̣̇ам̣, бхигкавз, на сугарам̣ агкаанзна баабун̣ид̇ум̣ яаава сукаа саг̇г̇аа’’д̇иаад̣̇ийсу (ма. ни. 3.255) сукабажжаяадтаанз. ‘‘суко бун̃н̃асса ужжаяо’’д̇иаад̣̇ийсу (д̇ха. ба. 118) сукахзд̇умхи. ‘‘д̣̇идтад̇хаммасукавихаараа зд̇з д̇хаммаа’’д̇иаад̣̇ийсу (ма. ни. 1.82) аб̣яаабаж̇ж̇з. ‘‘ниб̣б̣аанам̣ барамам̣ сука’’нд̇иаад̣̇ийсу (ма. ни. 2.215; д̇ха. ба. 203, 204) ниб̣б̣аанз. ‘‘сукасса жа бахаанаа’’д̇иаад̣̇ийсу (д̣̇ий. ни. 1.232; ма. ни. 1.271; сам̣. ни. 2.152) сукавзд̣̇анааяам̣. ‘‘ад̣̇угкамасукам̣ санд̇ам̣, сукамижжзва бхаасид̇а’’нд̇иаад̣̇ийсу (сам̣. ни. 4.253; ид̇иву. 53) убзгкаавзд̣̇анааяам̣. ‘‘д̣̇взби маяаа, аананд̣̇а, взд̣̇анаа вуд̇д̇аа барияааязна сукаа взд̣̇анаа д̣̇угкаа взд̣̇анаа’’д̇иаад̣̇ийсу (ма. ни. 2.89) идтасукзсу. ‘‘суко вибааго бун̃н̃аана’’нд̇иаад̣̇ийсу (бздаго. 23) идтавибаагз. ид̇хааби идтавибаагз зва д̣̇адтаб̣б̣о. идтассаад̇иаад̣̇ийсу ижчид̇аб̣б̣ад̇о жзва анидтаббадибагкад̇о жа идтасса. гаманийяад̇о манасмин̃жа гаманад̇о бависанад̇о ганд̇асса. бияааяид̇аб̣б̣ад̇о санд̇аббанад̇о жа бияасса. мананийяад̇о манасса вад̣дханад̇о жа манаабассаад̇и ад̇т̇о взд̣̇ид̇аб̣б̣о. яад̣̇ид̣̇ам̣ бун̃н̃аанийд̇и бун̃н̃аанийд̇и яад̣̇ид̣̇ам̣ важанам̣, зд̇ам̣ сукасса идтасса вибаагасса ад̇хиважанам̣ наамам̣. сукассзд̇ам̣ яад̣̇ид̣̇ам̣ бун̃н̃аанийд̇и палзна гааран̣асса абхзд̣̇обажаарам̣ вад̣̇ад̇и. д̇зна гад̇уубажид̇аанам̣ бун̃н̃аанам̣ авассам̣бхаавипалам̣ суд̇ваа аббамад̇д̇зна саггажжам̣ бун̃н̃аани гад̇д̇аб̣б̣аанийд̇и бун̃н̃агирияааяам̣ нияож̇зд̇и, аад̣̇аран̃жа нзсам̣ д̇ад̇т̇а уббаад̣̇зд̇и.
Idāni tato abhāyitabbabhāve kāraṇaṃ dassento ‘‘sukhasseta’’ntiādimāha. Tattha sukha-saddo ‘‘sukho buddhānamuppādo, sukhā virāgatā loke’’tiādīsu (dha. pa. 194) sukhamūle āgato. ‘‘Yasmā ca kho, mahāli, rūpaṃ sukhaṃ sukhānupatitaṃ sukhāvakkanta’’ntiādīsu (saṃ. ni. 3.60) sukhārammaṇe. ‘‘Yāvañcidaṃ, bhikkhave, na sukaraṃ akkhānena pāpuṇituṃ yāva sukhā saggā’’tiādīsu (ma. ni. 3.255) sukhapaccayaṭṭhāne. ‘‘Sukho puññassa uccayo’’tiādīsu (dha. pa. 118) sukhahetumhi. ‘‘Diṭṭhadhammasukhavihārā ete dhammā’’tiādīsu (ma. ni. 1.82) abyāpajje. ‘‘Nibbānaṃ paramaṃ sukha’’ntiādīsu (ma. ni. 2.215; dha. pa. 203, 204) nibbāne. ‘‘Sukhassa ca pahānā’’tiādīsu (dī. ni. 1.232; ma. ni. 1.271; saṃ. ni. 2.152) sukhavedanāyaṃ. ‘‘Adukkhamasukhaṃ santaṃ, sukhamicceva bhāsita’’ntiādīsu (saṃ. ni. 4.253; itivu. 53) upekkhāvedanāyaṃ. ‘‘Dvepi mayā, ānanda, vedanā vuttā pariyāyena sukhā vedanā dukkhā vedanā’’tiādīsu (ma. ni. 2.89) iṭṭhasukhesu. ‘‘Sukho vipāko puññāna’’ntiādīsu (peṭako. 23) iṭṭhavipāke. Idhāpi iṭṭhavipāke eva daṭṭhabbo. Iṭṭhassātiādīsu icchitabbato ceva aniṭṭhappaṭipakkhato ca iṭṭhassa. Kamanīyato manasmiñca kamanato pavisanato kantassa. Piyāyitabbato santappanato ca piyassa. Mananīyato manassa vaḍḍhanato ca manāpassāti attho veditabbo. Yadidaṃ puññānīti puññānīti yadidaṃ vacanaṃ, etaṃ sukhassa iṭṭhassa vipākassa adhivacanaṃ nāmaṃ. Sukhassetaṃ yadidaṃ puññānīti phalena kāraṇassa abhedopacāraṃ vadati. Tena katūpacitānaṃ puññānaṃ avassaṃbhāviphalaṃ sutvā appamattena sakkaccaṃ puññāni kattabbānīti puññakiriyāyaṃ niyojeti, ādarañca nesaṃ tattha uppādeti.
ид̣̇аани ад̇д̇анаа сунзд̇д̇агаалз гад̇зна бун̃н̃агаммзна д̣̇ийгхарад̇д̇ам̣ бажжанубхууд̇ам̣ бхаванд̇араббадижчаннам̣ ул̣аарад̇арам̣ бун̃н̃авибаагам̣ уд̣̇аахарид̇ваа д̇амад̇т̇ам̣ баагадад̇арам̣ гаронд̇о ‘‘абхиж̇аанаами ко банааха’’нд̇иаад̣̇имааха. д̇ад̇т̇а абхиж̇аанаамийд̇и абхивисидтзна н̃аан̣зна ж̇аанаами, бажжагкад̇о б̣уж̇жхаами. д̣̇ийгхарад̇д̇анд̇и жирагаалам̣. бун̃н̃аананд̇и д̣̇аанаад̣̇ийнам̣ гусалад̇хаммаанам̣. сад̇д̇а вассаанийд̇и сад̇д̇а сам̣важчараани. мзд̇д̇ажид̇д̇анд̇и миж̇ж̇ад̇ийд̇и мзд̇д̇аа, синияхад̇ийд̇и ад̇т̇о. мид̇д̇з бхаваа, мид̇д̇асса ваа зсаа бавад̇д̇ийд̇иби мзд̇д̇аа. лагкан̣аад̣̇ид̇о бана хид̇аагаараббавад̇д̇илагкан̣аа, хид̇уубасам̣хаарарасаа, аагхаад̇авинаяабажжубадтаанаа, сад̇д̇аанам̣ манаабабхаавад̣̇ассанабад̣̇адтаанаа. б̣яаабаад̣̇уубасамо зд̇иссаа самбад̇д̇и, синзхасамбхаво вибад̇д̇и. мзд̇д̇ажид̇д̇ам̣ бхаавзд̇ваад̇и мзд̇д̇аасахаг̇ад̇ам̣ жид̇д̇ам̣, жид̇д̇асийсзна самаад̇хи вуд̇д̇од̇и мзд̇д̇аасамаад̇хим̣ мзд̇ааб̣рахмавихаарам̣ уббаад̣̇зд̇ваа жзва вад̣дхзд̇ваа жа.
Idāni attanā sunettakāle katena puññakammena dīgharattaṃ paccanubhūtaṃ bhavantarappaṭicchannaṃ uḷārataraṃ puññavipākaṃ udāharitvā tamatthaṃ pākaṭataraṃ karonto ‘‘abhijānāmi kho panāha’’ntiādimāha. Tattha abhijānāmīti abhivisiṭṭhena ñāṇena jānāmi, paccakkhato bujjhāmi. Dīgharattanti cirakālaṃ. Puññānanti dānādīnaṃ kusaladhammānaṃ. Satta vassānīti satta saṃvaccharāni. Mettacittanti mijjatīti mettā, siniyhatīti attho. Mitte bhavā, mittassa vā esā pavattītipi mettā. Lakkhaṇādito pana hitākārappavattilakkhaṇā, hitūpasaṃhārarasā, āghātavinayapaccupaṭṭhānā, sattānaṃ manāpabhāvadassanapadaṭṭhānā. Byāpādūpasamo etissā sampatti, sinehasambhavo vipatti. Mettacittaṃ bhāvetvāti mettāsahagataṃ cittaṃ, cittasīsena samādhi vuttoti mettāsamādhiṃ metābrahmavihāraṃ uppādetvā ceva vaḍḍhetvā ca.
сад̇д̇а сам̣ваддавиваддагаббзд̇и сад̇д̇а махаагаббз. сам̣ваддавиваддаг̇г̇ахан̣знзва хи сам̣ваддадтааяививаддадтааяиноби г̇ахид̇аа. имам̣ логанд̇и гаамалогам̣. сам̣ваддамаанз суд̣̇анд̇и сам̣ваддамаанз, суд̣̇анд̇и нибаад̇амад̇д̇ам̣, вибаж̇ж̇амаанзд̇и ад̇т̇о. ‘‘варасам̣вад̇д̇адтаанз суд̣̇а’’нд̇иби батанд̇и. габбзд̇и гаалз. габбасийсзна хи гаало вуд̇д̇о, гаалз кийяамаанз саб̣б̣оби кийяад̇зва. яат̇ааха – ‘‘гаало гхасад̇и бхууд̇аани, саб̣б̣аанзва сахад̇д̇анаа’’д̇и (ж̇аа. 1.2.190). ‘‘аабхассаруубаг̇о хомий’’д̇и вуд̇д̇ад̇д̇аа д̇зж̇осам̣ваддавасзнзд̇т̇а габбавудтаанам̣ взд̣̇ид̇аб̣б̣ам̣. аабхассаруубаг̇од̇и д̇ад̇т̇а бадисанд̇хиг̇г̇ахан̣авасзна аабхассараб̣рахмалогам̣ убаг̇ажчаамийд̇и аабхассаруубаг̇о хоми. виваддамаанзд̇и сан̣тахамаанзд̇и ад̇т̇о. сун̃н̃ам̣ б̣рахмавимаанам̣ убабаж̇ж̇аамийд̇и гассажи сад̇д̇асса д̇ад̇т̇а ниб̣б̣ад̇д̇асса абхаавад̇о сун̃н̃ам̣ яам̣ батамаж̇жхаанабхуумисан̇каад̇ам̣ б̣рахмавимаанам̣ аад̣̇ид̇о ниб̣б̣ад̇д̇ад̇и, д̇ам̣ бадисанд̇хиг̇г̇ахан̣авасзна убабаж̇ж̇аами убзми.
Satta saṃvaṭṭavivaṭṭakappeti satta mahākappe. Saṃvaṭṭavivaṭṭaggahaṇeneva hi saṃvaṭṭaṭṭhāyivivaṭṭaṭṭhāyinopi gahitā. Imaṃ lokanti kāmalokaṃ. Saṃvaṭṭamāne sudanti saṃvaṭṭamāne, sudanti nipātamattaṃ, vipajjamāneti attho. ‘‘Varasaṃvattaṭṭhāne suda’’ntipi paṭhanti. Kappeti kāle. Kappasīsena hi kālo vutto, kāle khīyamāne sabbopi khīyateva. Yathāha – ‘‘kālo ghasati bhūtāni, sabbāneva sahattanā’’ti (jā. 1.2.190). ‘‘Ābhassarūpago homī’’ti vuttattā tejosaṃvaṭṭavasenettha kappavuṭṭhānaṃ veditabbaṃ. Ābhassarūpagoti tattha paṭisandhiggahaṇavasena ābhassarabrahmalokaṃ upagacchāmīti ābhassarūpago homi. Vivaṭṭamāneti saṇṭhahamāneti attho. Suññaṃ brahmavimānaṃ upapajjāmīti kassaci sattassa tattha nibbattassa abhāvato suññaṃ yaṃ paṭhamajjhānabhūmisaṅkhātaṃ brahmavimānaṃ ādito nibbattati, taṃ paṭisandhiggahaṇavasena upapajjāmi upemi.
б̣рахмаад̇и гаамааважарасад̇д̇зхи висидтадтзна д̇ат̇аа д̇ат̇аа б̣руухид̇аг̇ун̣ад̇ааяа б̣рахмавихаарад̇о ниб̣б̣ад̇д̇анадтзна жа б̣рахмаа. б̣рахмабаарисаж̇ж̇аб̣рахмабурохид̇зхи маханд̇о б̣рахмаад̇и махааб̣рахмаа, д̇ад̇о зва д̇з абхибхавид̇ваа тид̇ад̇д̇аа абхибхуу. д̇зхи на гзнажиби г̇ун̣зна абхибхууд̇од̇и анабхибхууд̇о. ан̃н̃ад̣̇ад̇т̇ууд̇и згам̣саважанз нибаад̇о. д̣̇ассанад̇о д̣̇асо, ад̇ийд̇аанааг̇ад̇абажжуббаннаанам̣ д̣̇ассанасамад̇т̇о абхин̃н̃аан̃аан̣зна бассид̇аб̣б̣ам̣ бассаамийд̇и ад̇т̇о. сзсаб̣рахмаанам̣ ид̣̇д̇хибаад̣̇абхааванааб̣алзна ад̇д̇ано жид̇д̇ан̃жа мама васз вад̇д̇змийд̇и васавад̇д̇ий хомийд̇и яож̇зд̇аб̣б̣ам̣. д̇ад̣̇аа гира б̣од̇хисад̇д̇о адтасамаабад̇д̇илаабхийби самаано д̇ат̇аа сад̇д̇ахид̇ам̣ ад̇д̇ано баарамибууран̣ан̃жа ологзнд̇о д̇аасу зва д̣̇вийсу жхаанабхуумийсу ниганд̇и уббаад̣̇зд̇ваа мзд̇д̇ааб̣рахмавихааравасзна абараабарам̣ сам̣сари. д̇зна вуд̇д̇ам̣ ‘‘сад̇д̇а вассаани…бз… васавад̇д̇ий’’д̇и.
Brahmāti kāmāvacarasattehi visiṭṭhaṭṭhena tathā tathā brūhitaguṇatāya brahmavihārato nibbattanaṭṭhena ca brahmā. Brahmapārisajjabrahmapurohitehi mahanto brahmāti mahābrahmā, tato eva te abhibhavitvā ṭhitattā abhibhū. Tehi na kenacipi guṇena abhibhūtoti anabhibhūto. Aññadatthūti ekaṃsavacane nipāto. Dassanato daso, atītānāgatapaccuppannānaṃ dassanasamattho abhiññāñāṇena passitabbaṃ passāmīti attho. Sesabrahmānaṃ iddhipādabhāvanābalena attano cittañca mama vase vattemīti vasavattī homīti yojetabbaṃ. Tadā kira bodhisatto aṭṭhasamāpattilābhīpi samāno tathā sattahitaṃ attano pāramipūraṇañca olokento tāsu eva dvīsu jhānabhūmīsu nikanti uppādetvā mettābrahmavihāravasena aparāparaṃ saṃsari. Tena vuttaṃ ‘‘satta vassāni…pe… vasavattī’’ti.
звам̣ бхаг̇аваа руубааважарабун̃н̃асса вибаагамаханд̇ад̇ам̣ багаасзд̇ваа ид̣̇аани гаамааважарабун̃н̃ассаби вибаагам̣ д̣̇ассзнд̇о ‘‘чад̇д̇им̣сагкад̇д̇у’’нд̇иаад̣̇имааха. д̇ад̇т̇а сагго ахосинд̇и чад̇д̇им̣сагкад̇д̇ум̣ чад̇д̇им̣саваарз ан̃н̃ад̇т̇а анубабаж̇ж̇ид̇ваа ниранд̇арам̣ сагго д̣̇зваанаминд̣̇о д̇аавад̇им̣сад̣̇зварааж̇аа ахосим̣. рааж̇аа ахосинд̇иаад̣̇ийсу жад̇уухи ажчарияад̇хаммзхи жад̇уухи сан̇г̇ахавад̇т̇уухи жа логам̣ ран̃ж̇зд̇ийд̇и рааж̇аа. жаггарад̇анам̣ вад̇д̇зд̇и, жад̇уухи самбад̇д̇ижаггзхи вад̇д̇ад̇и, д̇зхи жа барам̣ вад̇д̇зд̇и, барахид̇ааяа жа ирияаабат̇ажаггаанам̣ вад̇д̇о зд̇асмим̣ ад̇т̇ийд̇и жаггавад̇д̇ий. ‘‘рааж̇аа’’д̇и жзд̇т̇а сааман̃н̃ам̣, ‘‘жаггавад̇д̇ий’’д̇и висзсам̣. д̇хаммзна жарад̇ийд̇и д̇хаммиго, н̃ааязна самзна вад̇д̇ад̇ийд̇и ад̇т̇о. д̇хаммзнзва раж̇ж̇ам̣ лабхид̇ваа рааж̇аа ж̇аад̇од̇и д̇хаммарааж̇аа, д̣̇асавид̇хз гусалад̇хаммз аг̇арахид̇з жа рааж̇ад̇хаммз нияуд̇д̇од̇и д̇хаммиго. д̇зна жа д̇хаммзна сагалам̣ логам̣ ран̃ж̇зд̇ийд̇и д̇хаммарааж̇аа. барахид̇ад̇хаммагаран̣зна ваа д̇хаммиго, ад̇д̇ахид̇ад̇хаммагаран̣зна д̇хаммарааж̇аа. яасмаа жаггавад̇д̇ий д̇хаммзна н̃ааязна раж̇ж̇ам̣ ад̇хиг̇ажчад̇и, на ад̇хаммзна, д̇асмаа вуд̇д̇ам̣ ‘‘д̇хаммзна лад̣̇д̇хараж̇ж̇ад̇д̇аа д̇хаммарааж̇аа’’д̇и.
Evaṃ bhagavā rūpāvacarapuññassa vipākamahantataṃ pakāsetvā idāni kāmāvacarapuññassapi vipākaṃ dassento ‘‘chattiṃsakkhattu’’ntiādimāha. Tattha sakko ahosinti chattiṃsakkhattuṃ chattiṃsavāre aññattha anupapajjitvā nirantaraṃ sakko devānamindo tāvatiṃsadevarājā ahosiṃ. Rājā ahosintiādīsu catūhi acchariyadhammehi catūhi saṅgahavatthūhi ca lokaṃ rañjetīti rājā. Cakkaratanaṃ vatteti, catūhi sampatticakkehi vattati, tehi ca paraṃ vatteti, parahitāya ca iriyāpathacakkānaṃ vatto etasmiṃ atthīti cakkavattī. ‘‘Rājā’’ti cettha sāmaññaṃ, ‘‘cakkavattī’’ti visesaṃ. Dhammena caratīti dhammiko, ñāyena samena vattatīti attho. Dhammeneva rajjaṃ labhitvā rājā jātoti dhammarājā, dasavidhe kusaladhamme agarahite ca rājadhamme niyuttoti dhammiko. Tena ca dhammena sakalaṃ lokaṃ rañjetīti dhammarājā. Parahitadhammakaraṇena vā dhammiko, attahitadhammakaraṇena dhammarājā. Yasmā cakkavattī dhammena ñāyena rajjaṃ adhigacchati, na adhammena, tasmā vuttaṃ ‘‘dhammena laddharajjattā dhammarājā’’ti.
жад̇уусу д̣̇исаасу самуд̣̇д̣̇абарияосаанад̇ааяа жаад̇уранд̇аа наама д̇ад̇т̇а д̇ад̇т̇а д̣̇ийбз махаабат̇авийд̇и ааха ‘‘бурад̇т̇има…бз… иссаро’’д̇и. виж̇ид̇аавийд̇и виж̇зд̇аб̣б̣асса виж̇ид̇аваа, гаамагод̇хаад̣̇игасса аб̣бханд̇арасса бадирааж̇абхууд̇асса б̣аахирасса жа ариг̇ан̣асса виж̇аяий виж̇инид̇ваа тид̇од̇и ад̇т̇о. гаамам̣ жаггавад̇д̇ино гзнажи яуд̣̇д̇хам̣ наама над̇т̇и, яуд̣̇д̇хзна бана саад̇хзд̇аб̣б̣асса виж̇аяасса сид̣̇д̇хияаа ‘‘виж̇ид̇асан̇г̇аамо’’д̇и вуд̇д̇ам̣. ж̇анабад̣̇о ваа жад̇уб̣б̣ид̇хаажчарияад̇хаммзна саманнааг̇ад̇о асмим̣ рааж̇ини т̇ааварияам̣ гзнажи асам̣хаарияам̣ д̣̇ал̣хабхад̇д̇ибхаавам̣ бад̇д̇о, ж̇анабад̣̇з ваа ад̇д̇ано д̇хаммигааяа бадибад̇д̇ияаа т̇ааварияам̣ т̇ирабхаавам̣ бад̇д̇од̇и ж̇анабад̣̇ад̇т̇ааварияаббад̇д̇о. жан̣д̣асса хи ран̃н̃о б̣алид̣̇ан̣д̣аад̣̇ийхи логам̣ бийл̣аяад̇о мануссаа маж̇жхимаж̇анабад̣̇ам̣ чад̣д̣зд̇ваа баб̣б̣ад̇асамуд̣̇д̣̇ад̇ийраганд̣̇араад̣̇ийни ниссааяа бажжанд̇з ваасам̣ габбзнд̇и. ад̇имуд̣̇угасса ран̃н̃о жорзхи саахасигад̇ханавилобабийл̣ид̇аа мануссаа бажжанд̇ам̣ бахааяа ж̇анабад̣̇амаж̇жхз ваасам̣ габбзнд̇и. ид̇и зваруубз рааж̇ини ж̇анабад̣̇о т̇ирабхаавам̣ на баабун̣аад̇и.
Catūsu disāsu samuddapariyosānatāya cāturantā nāma tattha tattha dīpe mahāpathavīti āha ‘‘puratthima…pe… issaro’’ti. Vijitāvīti vijetabbassa vijitavā, kāmakodhādikassa abbhantarassa paṭirājabhūtassa bāhirassa ca arigaṇassa vijayī vijinitvā ṭhitoti attho. Kāmaṃ cakkavattino kenaci yuddhaṃ nāma natthi, yuddhena pana sādhetabbassa vijayassa siddhiyā ‘‘vijitasaṅgāmo’’ti vuttaṃ. Janapado vā catubbidhaacchariyadhammena samannāgato asmiṃ rājini thāvariyaṃ kenaci asaṃhāriyaṃ daḷhabhattibhāvaṃ patto, janapade vā attano dhammikāya paṭipattiyā thāvariyaṃ thirabhāvaṃ pattoti janapadatthāvariyappatto. Caṇḍassa hi rañño balidaṇḍādīhi lokaṃ pīḷayato manussā majjhimajanapadaṃ chaḍḍetvā pabbatasamuddatīrakandarādīni nissāya paccante vāsaṃ kappenti. Atimudukassa rañño corehi sāhasikadhanavilopapīḷitā manussā paccantaṃ pahāya janapadamajjhe vāsaṃ kappenti. Iti evarūpe rājini janapado thirabhāvaṃ na pāpuṇāti.
сад̇д̇арад̇анасаманнааг̇ад̇од̇и жаггарад̇анаад̣̇ийхи сад̇д̇ахи рад̇анзхи самубзд̇о. д̇зсу хи рааж̇аа жаггавад̇д̇ий жаггарад̇анзна аж̇ид̇ам̣ ж̇инаад̇и, хад̇т̇иассарад̇анзхи виж̇ид̇з сукзнзва анувижарад̇и, барин̣ааяагарад̇анзна виж̇ид̇аманурагкад̇и, авасзсзхи убабхог̇асукаманубхавад̇и. батамзна жасса уссаахасад̇д̇ияог̇о, бажчимзна манд̇асад̇д̇ияог̇о, хад̇т̇иассаг̇ахабад̇ирад̇анзхи бабхусад̇д̇ияог̇о субарибун̣н̣о ход̇и. ид̇т̇иман̣ирад̇анзхи убабхог̇асукаманубхавад̇и, сзсзхи иссарияасукам̣. висзсад̇о жасса буримаани д̇ийн̣и ад̣̇осагусаламуулаж̇анид̇агаммаанубхаавзна самбаж̇ж̇анд̇и, маж̇жхимаани алобхагусаламуулаж̇анид̇агаммаанубхаавзна, бажчимамзгам̣ амохагусаламуулаж̇анид̇агаммаанубхаавзнаад̇и.
Sattaratanasamannāgatoti cakkaratanādīhi sattahi ratanehi samupeto. Tesu hi rājā cakkavattī cakkaratanena ajitaṃ jināti, hatthiassaratanehi vijite sukheneva anuvicarati, pariṇāyakaratanena vijitamanurakkhati, avasesehi upabhogasukhamanubhavati. Paṭhamena cassa ussāhasattiyogo, pacchimena mantasattiyogo, hatthiassagahapatiratanehi pabhusattiyogo suparipuṇṇo hoti. Itthimaṇiratanehi upabhogasukhamanubhavati, sesehi issariyasukhaṃ. Visesato cassa purimāni tīṇi adosakusalamūlajanitakammānubhāvena sampajjanti, majjhimāni alobhakusalamūlajanitakammānubhāvena, pacchimamekaṃ amohakusalamūlajanitakammānubhāvenāti.
суураад̇и сад̇д̇иванд̇о, ниб̣бхаяаад̇и ад̇т̇од̇и ааха ‘‘абхийруно’’д̇и. ан̇г̇анд̇и гааран̣ам̣. язна гааран̣зна ‘‘вийраа’’д̇и вужжзяяум̣, д̇ам̣ вийран̇г̇ам̣. д̇знааха ‘‘вийрияассзд̇ам̣ наама’’нд̇и. яаава жаггаваал̣абаб̣б̣ад̇аа жаггасса вад̇д̇анад̇о ‘‘жаггаваал̣абаб̣б̣ад̇ам̣ сиймам̣ гад̇ваа тид̇асамуд̣̇д̣̇абарияанд̇а’’нд̇и вуд̇д̇ам̣. ад̣̇ан̣д̣знаад̇и иминаа д̇ханад̣̇ан̣д̣асса сарийрад̣̇ан̣д̣асса жа агаран̣ам̣ вуд̇д̇ам̣. асад̇т̇знаад̇и иминаа бана сзнааяа яуж̇жханассаад̇и д̇ад̣̇убхаяам̣ д̣̇ассзд̇ум̣ ‘‘на д̣̇ан̣д̣знаа’’д̇иаад̣̇и вуд̇д̇ам̣. ид̣̇ам̣ вуд̇д̇ам̣ ход̇и – яз гад̇аабараад̇хз сад̇д̇з сад̇амби сахассамби г̇ан̣ханд̇и, д̇з д̇ханад̣̇ан̣д̣зна раж̇ж̇ам̣ гаарзнд̇и. яз чзж̇ж̇абхзж̇ж̇ам̣ анусаасанд̇и, д̇з сад̇т̇ад̣̇ан̣д̣зна. ахам̣ бана д̣̇увид̇хамби д̣̇ан̣д̣ам̣ бахааяа ад̣̇ан̣д̣зна аж̇жхаавасим̣. яз згад̇од̇хаараад̣̇инаа сад̇т̇зна барам̣ вихзтзнд̇и, д̇з сад̇т̇зна раж̇ж̇ам̣ гаарзнд̇и наама. ахам̣ бана сад̇т̇зна куд̣̇д̣̇агамагкигааяа биванамад̇д̇амби лохид̇ам̣ гассажи ануббаад̣̇зд̇ваа д̇хаммзнзва ‘‘зхи ко, махаарааж̇аа’’д̇и звам̣ бадирааж̇уухи самбадижчид̇ааг̇амано вуд̇д̇аббагаарам̣ бат̇авим̣ абхиж̇инид̇ваа аж̇жхаавасим̣, абхивиж̇инид̇ваа саамий худ̇ваа васинд̇и.
Sūrāti sattivanto, nibbhayāti atthoti āha ‘‘abhīruno’’ti. Aṅganti kāraṇaṃ. Yena kāraṇena ‘‘vīrā’’ti vucceyyuṃ, taṃ vīraṅgaṃ. Tenāha ‘‘vīriyassetaṃ nāma’’nti. Yāva cakkavāḷapabbatā cakkassa vattanato ‘‘cakkavāḷapabbataṃ sīmaṃ katvā ṭhitasamuddapariyanta’’nti vuttaṃ. Adaṇḍenāti iminā dhanadaṇḍassa sarīradaṇḍassa ca akaraṇaṃ vuttaṃ. Asatthenāti iminā pana senāya yujjhanassāti tadubhayaṃ dassetuṃ ‘‘na daṇḍenā’’tiādi vuttaṃ. Idaṃ vuttaṃ hoti – ye katāparādhe satte satampi sahassampi gaṇhanti, te dhanadaṇḍena rajjaṃ kārenti. Ye chejjabhejjaṃ anusāsanti, te satthadaṇḍena. Ahaṃ pana duvidhampi daṇḍaṃ pahāya adaṇḍena ajjhāvasiṃ. Ye ekatodhārādinā satthena paraṃ viheṭhenti, te satthena rajjaṃ kārenti nāma. Ahaṃ pana satthena khuddakamakkhikāya pivanamattampi lohitaṃ kassaci anuppādetvā dhammeneva ‘‘ehi kho, mahārājā’’ti evaṃ paṭirājūhi sampaṭicchitāgamano vuttappakāraṃ pathaviṃ abhijinitvā ajjhāvasiṃ, abhivijinitvā sāmī hutvā vasinti.
ид̇и бхаг̇аваа ад̇д̇аанам̣ гааяасагким̣ гад̇ваа бун̃н̃аанам̣ вибаагамаханд̇ад̇ам̣ багаасзд̇ваа ид̣̇аани д̇амзвад̇т̇ам̣ г̇аат̇ааб̣анд̇ханзна д̣̇ассзнд̇о ‘‘басса, бун̃н̃аанам̣ вибаага’’нд̇иаад̣̇имааха. сукзсинод̇и аалабанаважанамзд̇ам̣, д̇зна сукабариязсагз сад̇д̇з ааманд̇зд̇и. баал̣ияам̣ бана ‘‘бассат̇аа’’д̇и вад̇д̇аб̣б̣з ‘‘бассаа’’д̇и важанаб̣яад̇д̇аяо гад̇од̇и д̣̇адтаб̣б̣о. мануссаанам̣ урз сад̇т̇ам̣ табзд̇ваа ижчид̇ад̇ханахаран̣аад̣̇инаа ваа саахасагаарид̇ааяа саахасигаа, д̇зсам̣ гаммам̣ саахасигагаммам̣. бат̇авияаа иссаро бат̇аб̣яод̇и ааха ‘‘бут̇ависаамиго’’д̇и.
Iti bhagavā attānaṃ kāyasakkhiṃ katvā puññānaṃ vipākamahantataṃ pakāsetvā idāni tamevatthaṃ gāthābandhanena dassento ‘‘passa, puññānaṃ vipāka’’ntiādimāha. Sukhesinoti ālapanavacanametaṃ, tena sukhapariyesake satte āmanteti. Pāḷiyaṃ pana ‘‘passathā’’ti vattabbe ‘‘passā’’ti vacanabyattayo katoti daṭṭhabbo. Manussānaṃ ure satthaṃ ṭhapetvā icchitadhanaharaṇādinā vā sāhasakāritāya sāhasikā, tesaṃ kammaṃ sāhasikakammaṃ. Pathaviyā issaro pathabyoti āha ‘‘puthavisāmiko’’ti.
мзд̇д̇асуд̇д̇аван̣н̣анаа нидтид̇аа.
Mettasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. мзд̇д̇асуд̇д̇ам̣ • 9. Mettasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. мзд̇д̇асуд̇д̇аван̣н̣анаа • 9. Mettasuttavaṇṇanā
