| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5. мзд̇д̇аасуд̇д̇аван̣н̣анаа
5. Mettāsuttavaṇṇanā
15. бан̃жамз сзсаж̇анаад̇и мзд̇д̇ааяа жзд̇овимуд̇д̇ияаа алаабхино. самбаривад̇д̇амаанаад̇и д̣̇агкин̣знзва бассзна асаяид̇ваа саб̣б̣асо баривад̇д̇амаанаа. гаагажчамаанаад̇и гхуругхурубассаасавасзна виссарам̣ гаронд̇аа. сукам̣ субад̇ийд̇и зд̇т̇а д̣̇увид̇хаа субанаа саяанз бидтиббасааран̣алагкан̣аа гирияаамаяажид̇д̇зхи авогин̣н̣абхаван̇г̇аббавад̇д̇илагкан̣аа жа. д̇ад̇т̇ааяам̣ убхаяад̇т̇ааби сукамзва субад̇и. яасмаа сан̣игам̣ нибаж̇ж̇ид̇ваа ан̇г̇абажжан̇г̇аани самод̇хааяа баасаад̣̇игзна аагаарзна саяад̇и, нид̣̇д̣̇оггаманзби жхаанам̣ самаабанно вияа ход̇и. д̇знааха ‘‘звам̣ асубид̇ваа’’д̇иаад̣̇и.
15. Pañcame sesajanāti mettāya cetovimuttiyā alābhino. Samparivattamānāti dakkhiṇeneva passena asayitvā sabbaso parivattamānā. Kākacchamānāti ghurughurupassāsavasena vissaraṃ karontā. Sukhaṃ supatīti ettha duvidhā supanā sayane piṭṭhippasāraṇalakkhaṇā kiriyāmayacittehi avokiṇṇabhavaṅgappavattilakkhaṇā ca. Tatthāyaṃ ubhayatthāpi sukhameva supati. Yasmā saṇikaṃ nipajjitvā aṅgapaccaṅgāni samodhāya pāsādikena ākārena sayati, niddokkamanepi jhānaṃ samāpanno viya hoti. Tenāha ‘‘evaṃ asupitvā’’tiādi.
нид̣̇д̣̇аагаалз сукам̣ алабхид̇ваа д̣̇угкзна суд̇д̇ад̇д̇аа зва бадиб̣уж̇жханагаалз сарийракзд̣̇зна нид̇т̇унанам̣ виж̇амбханам̣ ид̇о жид̇о жа вибаривад̇д̇анан̃жа ход̇ийд̇и ааха ‘‘нид̇т̇унанд̇аа виж̇амбханд̇аа самбаривад̇д̇анд̇аа д̣̇угкам̣ бадиб̣уж̇жханд̇ий’’д̇и. аяам̣ бана сукзна суд̇д̇ад̇д̇аа сарийракзд̣̇аабхаавад̇о нид̇т̇унанаад̣̇ивирахид̇ова бадиб̣уж̇жхад̇и. д̇зна вуд̇д̇ам̣ ‘‘звам̣ аббадиб̣уж̇жхид̇ваа’’д̇иаад̣̇и. сукаббадиб̣од̇хо жа сарийравигаараабхаавзнаад̇и ааха ‘‘сукам̣ ниб̣б̣игаара’’нд̇и.
Niddākāle sukhaṃ alabhitvā dukkhena suttattā eva paṭibujjhanakāle sarīrakhedena nitthunanaṃ vijambhanaṃ ito cito ca viparivattanañca hotīti āha ‘‘nitthunantā vijambhantā samparivattantā dukkhaṃ paṭibujjhantī’’ti. Ayaṃ pana sukhena suttattā sarīrakhedābhāvato nitthunanādivirahitova paṭibujjhati. Tena vuttaṃ ‘‘evaṃ appaṭibujjhitvā’’tiādi. Sukhappaṭibodho ca sarīravikārābhāvenāti āha ‘‘sukhaṃ nibbikāra’’nti.
бхад̣̇д̣̇агамзва субинам̣ бассад̇ийд̇и ид̣̇ам̣ анубхууд̇абуб̣б̣авасзна д̣̇звад̇уубасам̣хааравасзна жасса бхад̣̇д̣̇агамзва субинам̣ ход̇и, на баабаганд̇и гад̇ваа вуд̇д̇ам̣. д̇знааха ‘‘жзд̇ияам̣ ванд̣̇анд̇о вияаа’’д̇иаад̣̇и. д̇хаад̇угкобхахзд̇угамби жасса б̣ахулам̣ бхад̣̇д̣̇агамзва сияаа язбхуяязна жид̇д̇аж̇аруубаануг̇ун̣ад̇ааяа уд̇уаахаараж̇аруубаанам̣.
Bhaddakameva supinaṃ passatīti idaṃ anubhūtapubbavasena devatūpasaṃhāravasena cassa bhaddakameva supinaṃ hoti, na pāpakanti katvā vuttaṃ. Tenāha ‘‘cetiyaṃ vandanto viyā’’tiādi. Dhātukkhobhahetukampi cassa bahulaṃ bhaddakameva siyā yebhuyyena cittajarūpānuguṇatāya utuāhārajarūpānaṃ.
урз аамуггамуд̇д̇аахааро вияаад̇и г̇ийвааяа б̣анд̇хид̇ваа урз ламб̣ид̇амуд̇д̇аахааро вияаад̇и гзхижи д̇ам̣ згааваливасзна вуд̇д̇ам̣ сияаа, анзгарад̇анаавалисамуухабхууд̇о бана муд̇д̇аахааро ам̣саббад̣̇зсад̇о бадтааяа яаава гадиббад̣̇зсасса хздтаабхааг̇аа баламб̣анд̇о урз аамуггоязва наама ход̇и.
Ureāmukkamuttāhāro viyāti gīvāya bandhitvā ure lambitamuttāhāro viyāti kehici taṃ ekāvalivasena vuttaṃ siyā, anekaratanāvalisamūhabhūto pana muttāhāro aṃsappadesato paṭṭhāya yāva kaṭippadesassa heṭṭhābhāgā palambanto ure āmukkoyeva nāma hoti.
висаакад̇т̇зро вияаад̇и (висуд̣̇д̇хи. 1.258) со гира баадалибуд̇д̇з гудумб̣ияо ахоси. со д̇ад̇т̇зва васамаано ассоси ‘‘д̇амб̣абан̣н̣ид̣̇ийбо гира жзд̇ияамаалаалан̇гад̇о гаасаавабаж̇ж̇од̇о, ижчид̇ижчид̇адтаанзязвзд̇т̇а саггаа нисийд̣̇ид̇ум̣ ваа нибаж̇ж̇ид̇ум̣ ваа, уд̇усаббааяам̣ сзнаасанасаббааяам̣ буг̇г̇аласаббааяам̣ д̇хаммассаванасаббааяанд̇и саб̣б̣амзд̇т̇а сулабха’’нд̇и. со ад̇д̇ано бхог̇агканд̇хам̣ буд̇д̇ад̣̇аарасса нияяаад̇зд̇ваа д̣̇уссанд̇з б̣ад̣̇д̇хзна згагахаабан̣знзва гхараа нигкамид̇ваа самуд̣̇д̣̇ад̇ийрз наавам̣ уд̣̇игкамаано згам̣ маасам̣ васи. со вохаарагусалад̇ааяа имасмим̣ таанз бхан̣д̣ам̣ гин̣ид̇ваа асугасмим̣ виггин̣анд̇о д̇хаммигааяа ван̣иж̇ж̇ааяа д̇знзванд̇арамаасзна сахассам̣ абхисам̣хари. ид̇и анубуб̣б̣зна махаавихаарам̣ г̇анд̇ваа баб̣б̣аж̇ж̇ам̣ яаажад̇и. со баб̣б̣ааж̇анад̇т̇ааяа сиймам̣ нийд̇о д̇ам̣ сахассад̇т̇авигам̣ оваддиганд̇арзна бхуумияам̣ баад̇зси. ‘‘гимзд̇а’’нд̇и жа вуд̇д̇з ‘‘гахаабан̣асахассам̣, бханд̇з’’д̇и вад̇ваа, ‘‘убаасага, баб̣б̣аж̇ид̇агаалад̇о бадтааяа на саггаа вижаарзд̇ум̣, ид̣̇аанзва нам̣ вижаарзхий’’д̇и вуд̇д̇з ‘‘висаакасса баб̣б̣аж̇ж̇адтаанам̣ ааг̇ад̇аа маа рид̇д̇ахад̇т̇аа г̇амим̣суу’’д̇и мун̃жид̇ваа сиймаамаал̣агз виггирид̇ваа баб̣б̣аж̇ид̇ваа убасамбанно. со бан̃жавассо худ̇ваа д̣̇взмаад̇игаа баг̇ун̣аа гад̇ваа ад̇д̇ано саббааяам̣ гаммадтаанам̣ г̇ахзд̇ваа згзгасмим̣ вихаарз жад̇д̇ааро жад̇д̇ааро маасз самабавад̇д̇аваасам̣ васамаано жари. звам̣ жарамаано –
Visākhatthero viyāti (visuddhi. 1.258) so kira pāṭaliputte kuṭumbiyo ahosi. So tattheva vasamāno assosi ‘‘tambapaṇṇidīpo kira cetiyamālālaṅkato kāsāvapajjoto, icchiticchitaṭṭhāneyevettha sakkā nisīdituṃ vā nipajjituṃ vā, utusappāyaṃ senāsanasappāyaṃ puggalasappāyaṃ dhammassavanasappāyanti sabbamettha sulabha’’nti. So attano bhogakkhandhaṃ puttadārassa niyyātetvā dussante baddhena ekakahāpaṇeneva gharā nikkhamitvā samuddatīre nāvaṃ udikkhamāno ekaṃ māsaṃ vasi. So vohārakusalatāya imasmiṃ ṭhāne bhaṇḍaṃ kiṇitvā asukasmiṃ vikkiṇanto dhammikāya vaṇijjāya tenevantaramāsena sahassaṃ abhisaṃhari. Iti anupubbena mahāvihāraṃ gantvā pabbajjaṃ yācati. So pabbājanatthāya sīmaṃ nīto taṃ sahassatthavikaṃ ovaṭṭikantarena bhūmiyaṃ pātesi. ‘‘Kimeta’’nti ca vutte ‘‘kahāpaṇasahassaṃ, bhante’’ti vatvā, ‘‘upāsaka, pabbajitakālato paṭṭhāya na sakkā vicāretuṃ, idāneva naṃ vicārehī’’ti vutte ‘‘visākhassa pabbajjaṭṭhānaṃ āgatā mā rittahatthā gamiṃsū’’ti muñcitvā sīmāmāḷake vikkiritvā pabbajitvā upasampanno. So pañcavasso hutvā dvemātikā paguṇā katvā attano sappāyaṃ kammaṭṭhānaṃ gahetvā ekekasmiṃ vihāre cattāro cattāro māse samapavattavāsaṃ vasamāno cari. Evaṃ caramāno –
‘‘вананд̇арз тид̇о т̇зро, висаако г̇аж̇ж̇амаанаго;
‘‘Vanantare ṭhito thero, visākho gajjamānako;
ад̇д̇ано г̇ун̣амзсанд̇о, имамад̇т̇ам̣ абхаасат̇а.
Attano guṇamesanto, imamatthaṃ abhāsatha.
‘‘яаавад̇аа убасамбанно, яаавад̇аа ид̇ха мааг̇ад̇о;
‘‘Yāvatā upasampanno, yāvatā idha māgato;
зд̇т̇анд̇арз калид̇ам̣ над̇т̇и, ахо лаабхо д̇з маарисаа’’д̇и. (висуд̣̇д̇хи. 1.258);
Etthantare khalitaṃ natthi, aho lābho te mārisā’’ti. (visuddhi. 1.258);
со жид̇д̇алабаб̣б̣ад̇авихаарам̣ г̇ажчанд̇о д̣̇взд̇хаабат̇ам̣ бад̇ваа ‘‘аяам̣ ну ко маг̇г̇о, уд̣̇ааху аяа’’нд̇и жинд̇аяанд̇о адтааси. ат̇асса баб̣б̣ад̇з ад̇хивад̇т̇аа д̣̇звад̇аа хад̇т̇ам̣ басаарзд̇ваа ‘‘зсо маг̇г̇о’’д̇и д̣̇ассзд̇и. со жид̇д̇алабаб̣б̣ад̇авихаарам̣ г̇анд̇ваа д̇ад̇т̇а жад̇д̇ааро маасз васид̇ваа ‘‘бажжуусз г̇амиссаамий’’д̇и жинд̇зд̇ваа нибаж̇ж̇и. жан̇гамасийсз ман̣иларугкз ад̇хивад̇т̇аа д̣̇звад̇аа собаанапалагз нисийд̣̇ид̇ваа барод̣̇и. т̇зро ‘‘го зсо’’д̇и ааха. ахам̣, бханд̇з, ман̣илияаад̇и. гисса род̣̇асийд̇и? д̇умхаагам̣ г̇аманам̣ бадижжаад̇и. маяи ид̇ха васанд̇з д̇умхаагам̣ го г̇ун̣од̇и? д̇умхзсу, бханд̇з, ид̇ха васанд̇зсу амануссаа ан̃н̃аман̃н̃ам̣ мзд̇д̇ам̣ бадилабханд̇и, д̇з д̣̇аани д̇умхзсу г̇ад̇зсу галахам̣ гариссанд̇и, д̣̇удтулламби гат̇аяиссанд̇ийд̇и. т̇зро ‘‘сажз маяи ид̇ха васанд̇з д̇умхаагам̣ паасувихааро ход̇и, сунд̣̇ара’’нд̇и вад̇ваа ан̃н̃зби жад̇д̇ааро маасз д̇ад̇т̇зва васид̇ваа буна д̇ат̇зва г̇аманажид̇д̇ам̣ уббаад̣̇зси. д̣̇звад̇ааби буна д̇ат̇зва барод̣̇и. зд̇знзва убааязна т̇зро д̇ад̇т̇зва васид̇ваа д̇ад̇т̇зва бариниб̣б̣ааяийд̇и. звам̣ д̇хамад̇д̇аавихаарий бхигку амануссаанам̣ бияо ход̇и.
So cittalapabbatavihāraṃ gacchanto dvedhāpathaṃ patvā ‘‘ayaṃ nu kho maggo, udāhu aya’’nti cintayanto aṭṭhāsi. Athassa pabbate adhivatthā devatā hatthaṃ pasāretvā ‘‘eso maggo’’ti dasseti. So cittalapabbatavihāraṃ gantvā tattha cattāro māse vasitvā ‘‘paccūse gamissāmī’’ti cintetvā nipajji. Caṅkamasīse maṇilarukkhe adhivatthā devatā sopānaphalake nisīditvā parodi. Thero ‘‘ko eso’’ti āha. Ahaṃ, bhante, maṇiliyāti. Kissa rodasīti? Tumhākaṃ gamanaṃ paṭiccāti. Mayi idha vasante tumhākaṃ ko guṇoti? Tumhesu, bhante, idha vasantesu amanussā aññamaññaṃ mettaṃ paṭilabhanti, te dāni tumhesu gatesu kalahaṃ karissanti, duṭṭhullampi kathayissantīti. Thero ‘‘sace mayi idha vasante tumhākaṃ phāsuvihāro hoti, sundara’’nti vatvā aññepi cattāro māse tattheva vasitvā puna tatheva gamanacittaṃ uppādesi. Devatāpi puna tatheva parodi. Eteneva upāyena thero tattheva vasitvā tattheva parinibbāyīti. Evaṃ dhamattāvihārī bhikkhu amanussānaṃ piyo hoti.
б̣алавабияажид̇д̇ад̇ааяаад̇и иминаа б̣алавабияажид̇д̇ад̇аамад̇д̇знаби сад̇т̇ам̣ на гамад̇и, баг̇зва мзд̇д̇ааяа жзд̇овимуд̇д̇ияаад̇и д̣̇ассзд̇и. киббамзва жид̇д̇ам̣ самаад̇хияад̇и, гзнажи барибант̇зна барихийнаж̇жхаанасса б̣яаабаад̣̇асса д̣̇уурасамуссаарид̇абхаавад̇о киббамзва самаад̇хияад̇и, ‘‘аасаваанам̣ каяааяаа’’д̇и гзжи. сзсам̣ сувин̃н̃зяяамзва. зд̇т̇а жа гин̃жааби ид̇о ан̃н̃агаммадтаанавасзна ад̇хиг̇ад̇аж̇жхаанаанамби сукасубанаад̣̇аяо аанисам̣саа лаб̣бханд̇и. яат̇ааха –
Balavapiyacittatāyāti iminā balavapiyacittatāmattenapi satthaṃ na kamati, pageva mettāya cetovimuttiyāti dasseti. Khippameva cittaṃ samādhiyati, kenaci paripanthena parihīnajjhānassa byāpādassa dūrasamussāritabhāvato khippameva samādhiyati, ‘‘āsavānaṃ khayāyā’’ti keci. Sesaṃ suviññeyyameva. Ettha ca kiñcāpi ito aññakammaṭṭhānavasena adhigatajjhānānampi sukhasupanādayo ānisaṃsā labbhanti. Yathāha –
‘‘сукам̣ субанд̇и мунаяо, аж̇жхад̇д̇ам̣ сусамаахид̇аа;
‘‘Sukhaṃ supanti munayo, ajjhattaṃ susamāhitā;
суббаб̣уд̣̇д̇хам̣ баб̣уж̇жханд̇и, сад̣̇аа г̇од̇амасаавагаа’’д̇и. (висуд̣̇д̇хи. махаадий. 1.258); жа аад̣̇и –
Suppabuddhaṃ pabujjhanti, sadā gotamasāvakā’’ti. (visuddhi. mahāṭī. 1.258); Ca ādi –
д̇ат̇аабимз аанисам̣саа б̣рахмавихааралаабхино анавасзсаа лаб̣бханд̇и б̣яаабаад̣̇аад̣̇ийнам̣ уж̇увибажжанийгабхаавад̇о б̣рахмавихаараанам̣. д̇знзвааха ‘‘ниссаран̣ам̣ хзд̇ам̣, аавусо, б̣яаабаад̣̇асса, яад̣̇ид̣̇ам̣ мзд̇д̇аажзд̇овимуд̇д̇ий’’д̇иаад̣̇и (д̣̇ий. ни. 3.326; а. ни. 6.13). б̣яаабаад̣̇аад̣̇ивасзна жа сад̇д̇аанам̣ д̣̇угкасубанаад̣̇аяод̇и д̇аббадибагкабхууд̇зсу б̣рахмавихаарзсу сид̣̇д̇хзсу сукасубанаад̣̇аяо хад̇т̇аг̇ад̇аа зва хонд̇ийд̇и.
Tathāpime ānisaṃsā brahmavihāralābhino anavasesā labbhanti byāpādādīnaṃ ujuvipaccanīkabhāvato brahmavihārānaṃ. Tenevāha ‘‘nissaraṇaṃ hetaṃ, āvuso, byāpādassa, yadidaṃ mettācetovimuttī’’tiādi (dī. ni. 3.326; a. ni. 6.13). Byāpādādivasena ca sattānaṃ dukkhasupanādayoti tappaṭipakkhabhūtesu brahmavihāresu siddhesu sukhasupanādayo hatthagatā eva hontīti.
мзд̇д̇аасуд̇д̇аван̣н̣анаа нидтид̇аа.
Mettāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. мзд̇д̇аасуд̇д̇ам̣ • 5. Mettāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 5. мзд̇д̇асуд̇д̇аван̣н̣анаа • 5. Mettasuttavaṇṇanā
