| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੯. ਮੇਤ੍ਤਸੁਤ੍ਤવਣ੍ਣਨਾ
9. Mettasuttavaṇṇanā
੬੨. ਨવਮੇ ਮਾ, ਭਿਕ੍ਖવੇ, ਪੁਞ੍ਞਾਨਂ ਭਾਯਿਤ੍ਥਾਤਿ ਪੁਞ੍ਞਾਨਿ ਕਰੋਨ੍ਤਾ ਤੇਸਂ ਮਾ ਭਾਯਿਤ੍ਥ। ਮੇਤ੍ਤਚਿਤ੍ਤਂ ਭਾવੇਸਿਨ੍ਤਿ ਤਿਕਚਤੁਕ੍ਕਜ੍ਝਾਨਿਕਾਯ ਮੇਤ੍ਤਾਯ ਸਮ੍ਪਯੁਤ੍ਤਂ ਪਣੀਤਂ ਕਤ੍વਾ ਚਿਤ੍ਤਂ ਭਾવੇਸਿਨ੍ਤਿ ਦਸ੍ਸੇਤਿ। ਸਂવਟ੍ਟਮਾਨੇ ਸੁਦਾਹਨ੍ਤਿ ਸਂવਟ੍ਟਮਾਨੇ ਸੁਦਂ ਅਹਂ। ਸਂવਟ੍ਟਮਾਨੇਤਿ ਝਾਯਮਾਨੇ વਿਪਜ੍ਜਮਾਨੇ। ਧਮ੍ਮਿਕੋਤਿ ਦਸਕੁਸਲਧਮ੍ਮਸਮਨ੍ਨਾਗਤੋ। ਧਮ੍ਮਰਾਜਾਤਿ ਤਸ੍ਸੇવ વੇવਚਨਂ। ਧਮ੍ਮੇਨ વਾ ਲਦ੍ਧਰਜ੍ਜਤ੍ਤਾ ਧਮ੍ਮਰਾਜਾ। ਚਾਤੁਰਨ੍ਤੋਤਿ ਪੁਰਤ੍ਥਿਮਸਮੁਦ੍ਦਾਦੀਨਂ ਚਤੁਨ੍ਨਂ ਸਮੁਦ੍ਦਾਨਂ વਸੇਨ ਚਾਤੁਰਨ੍ਤਾਯ ਪਥવਿਯਾ ਇਸ੍ਸਰੋ। વਿਜਿਤਾવੀਤਿ વਿਜਿਤਸਙ੍ਗਾਮੋ। ਜਨਪਦੋ ਤਸ੍ਮਿਂ ਥਾવਰਿਯਂ ਥਿਰਭਾવਂ ਪਤ੍ਤੋਤਿ ਜਨਪਦਤ੍ਥਾવਰਿਯਪ੍ਪਤ੍ਤੋ। ਪਰੋਸਹਸ੍ਸਨ੍ਤਿ ਅਤਿਰੇਕਸਹਸ੍ਸਂ। ਸੂਰਾਤਿ ਅਭੀਰੁਨੋ। વੀਰਙ੍ਗਰੂਪਾਤਿ વੀਰਾਨਂ ਅਙ੍ਗਂ વੀਰਙ੍ਗਂ, વੀਰਿਯਸ੍ਸੇਤਂ ਨਾਮਂ। વੀਰਙ੍ਗਰੂਪਮੇਤੇਸਨ੍ਤਿ વੀਰਙ੍ਗਰੂਪਾ। વੀਰਿਯਜਾਤਿਕਾ વੀਰਿਯਸਭਾવਾ વੀਰਿਯਮਯਾ વਿਯ ਅਕਿਲਾਸੁਨੋ ਦਿવਸਮ੍ਪਿ ਯੁਜ੍ਝਨ੍ਤਾ ਨ ਕਿਲਮਨ੍ਤੀਤਿ વੁਤ੍ਤਂ ਹੋਤਿ। ਸਾਗਰਪਰਿਯਨ੍ਤਨ੍ਤਿ ਚਕ੍ਕવਾਲ਼ਪਬ੍ਬਤਂ ਸੀਮਂ ਕਤ੍વਾ ਠਿਤਸਮੁਦ੍ਦਪਰਿਯਨ੍ਤਂ। ਅਦਣ੍ਡੇਨਾਤਿ ਧਨਦਣ੍ਡੇਨਪਿ ਛੇਜ੍ਜਭੇਜ੍ਜਾਨੁਸਾਸਨੇਨ ਸਤ੍ਥਦਣ੍ਡੇਨਪਿ વਿਨਾਯੇવ। ਅਸਤ੍ਥੇਨਾਤਿ ਏਕਤੋਧਾਰਾਦਿਨਾ ਪਰવਿਹੇਠਨਸਤ੍ਥੇਨਪਿ વਿਨਾਯੇવ। ਧਮ੍ਮੇਨ ਅਭਿવਿਜਿਯਾਤਿ ਏਹਿ ਖੋ, ਮਹਾਰਾਜਾਤਿ ਏવਂ ਪਟਿਰਾਜੂਹਿ ਸਮ੍ਪਟਿਚ੍ਛਿਤਾਗਮਨੋ ‘‘ਪਾਣੋ ਨ ਹਨ੍ਤਬ੍ਬੋ’’ਤਿਆਦਿਨਾ ਧਮ੍ਮੇਨੇવ વੁਤ੍ਤਪ੍ਪਕਾਰਂ ਪਥવਿਂ ਅਭਿવਿਜਿਨਿਤ੍વਾ।
62. Navame mā, bhikkhave, puññānaṃ bhāyitthāti puññāni karontā tesaṃ mā bhāyittha. Mettacittaṃ bhāvesinti tikacatukkajjhānikāya mettāya sampayuttaṃ paṇītaṃ katvā cittaṃ bhāvesinti dasseti. Saṃvaṭṭamāne sudāhanti saṃvaṭṭamāne sudaṃ ahaṃ. Saṃvaṭṭamāneti jhāyamāne vipajjamāne. Dhammikoti dasakusaladhammasamannāgato. Dhammarājāti tasseva vevacanaṃ. Dhammena vā laddharajjattā dhammarājā. Cāturantoti puratthimasamuddādīnaṃ catunnaṃ samuddānaṃ vasena cāturantāya pathaviyā issaro. Vijitāvīti vijitasaṅgāmo. Janapado tasmiṃ thāvariyaṃ thirabhāvaṃ pattoti janapadatthāvariyappatto. Parosahassanti atirekasahassaṃ. Sūrāti abhīruno. Vīraṅgarūpāti vīrānaṃ aṅgaṃ vīraṅgaṃ, vīriyassetaṃ nāmaṃ. Vīraṅgarūpametesanti vīraṅgarūpā. Vīriyajātikā vīriyasabhāvā vīriyamayā viya akilāsuno divasampi yujjhantā na kilamantīti vuttaṃ hoti. Sāgarapariyantanti cakkavāḷapabbataṃ sīmaṃ katvā ṭhitasamuddapariyantaṃ. Adaṇḍenāti dhanadaṇḍenapi chejjabhejjānusāsanena satthadaṇḍenapi vināyeva. Asatthenāti ekatodhārādinā paraviheṭhanasatthenapi vināyeva. Dhammena abhivijiyāti ehi kho, mahārājāti evaṃ paṭirājūhi sampaṭicchitāgamano ‘‘pāṇo na hantabbo’’tiādinā dhammeneva vuttappakāraṃ pathaviṃ abhivijinitvā.
ਸੁਖੇਸਿਨੋਤਿ ਸੁਖਪਰਿਯੇਸਕੇ ਸਤ੍ਤੇ ਆਮਨ੍ਤੇਤਿ। ਸੁਞ੍ਞਬ੍ਰਹ੍ਮੂਪਗੋਤਿ ਸੁਞ੍ਞਬ੍ਰਹ੍ਮવਿਮਾਨੂਪਗੋ। ਪਥવਿਂ ਇਮਨ੍ਤਿ ਇਮਂ ਸਾਗਰਪਰਿਯਨ੍ਤਂ ਮਹਾਪਥવਿਂ। ਅਸਾਹਸੇਨਾਤਿ ਨ ਸਾਹਸਿਕਕਮ੍ਮੇਨ। ਸਮੇਨ ਮਨੁਸਾਸਿਤਨ੍ਤਿ ਸਮੇਨ ਕਮ੍ਮੇਨ ਅਨੁਸਾਸਿਂ। ਤੇਹਿ ਏਤਂ ਸੁਦੇਸਿਤਨ੍ਤਿ ਤੇਹਿ ਸਙ੍ਗਾਹਕੇਹਿ ਮਹਾਕਾਰੁਣਿਕੇਹਿ ਬੁਦ੍ਧੇਹਿ ਏਤਂ ਏਤ੍ਤਕਂ ਠਾਨਂ ਸੁਦੇਸਿਤਂ ਸੁਕਥਿਤਂ। ਪਥਬ੍ਯੋਤਿ ਪੁਥવਿਸਾਮਿਕੋ।
Sukhesinoti sukhapariyesake satte āmanteti. Suññabrahmūpagoti suññabrahmavimānūpago. Pathaviṃ imanti imaṃ sāgarapariyantaṃ mahāpathaviṃ. Asāhasenāti na sāhasikakammena. Samena manusāsitanti samena kammena anusāsiṃ. Tehi etaṃ sudesitanti tehi saṅgāhakehi mahākāruṇikehi buddhehi etaṃ ettakaṃ ṭhānaṃ sudesitaṃ sukathitaṃ. Pathabyoti puthavisāmiko.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੯. ਮੇਤ੍ਤਸੁਤ੍ਤਂ • 9. Mettasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੯. ਮੇਤ੍ਤਸੁਤ੍ਤવਣ੍ਣਨਾ • 9. Mettasuttavaṇṇanā
