| Library / Tipiṭaka / д̇ибидага • Tipiṭaka / т̇зрийг̇аат̇аа-адтагат̇аа • Therīgāthā-aṭṭhakathā |
6. мзд̇д̇игаат̇зрийг̇аат̇ааван̣н̣анаа
6. Mettikātherīgāthāvaṇṇanā
гин̃жааби комхи д̣̇угкид̇аад̇иаад̣̇игаа мзд̇д̇игааяа т̇зрияаа г̇аат̇аа. аяамби буримаб̣уд̣̇д̇хзсу гад̇аад̇хигаараа д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинанд̇ий сид̣̇д̇хад̇т̇асса бхаг̇авад̇о гаалз г̇ахабад̇игулз ниб̣б̣ад̇д̇ид̇ваа вин̃н̃уд̇ам̣ бад̇ваа сад̇т̇у жзд̇ияз рад̇анзна бадиман̣д̣ид̇ааяа мзкалааяа бууж̇ам̣ агааси. саа д̇зна бун̃н̃агаммзна д̣̇звамануссзсу сам̣саранд̇ий имасмим̣ б̣уд̣̇д̇хуббаад̣̇з рааж̇аг̇ахз б̣раахман̣амахаасаалагулз ниб̣б̣ад̇д̇и. сзсам̣ ананд̇арз вуд̇д̇асад̣̇исам̣. аяам̣ бана бадибхааг̇агуудам̣ абхирухид̇ваа саман̣ад̇хаммам̣ гаронд̇ий вибассанам̣ вад̣дхзд̇ваа саха бадисамбхид̣̇аахи арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зрий 2.1.20-25) –
Kiñcāpi khomhi dukkhitātiādikā mettikāya theriyā gāthā. Ayampi purimabuddhesu katādhikārā tattha tattha bhave vivaṭṭūpanissayaṃ puññaṃ upacinantī siddhatthassa bhagavato kāle gahapatikule nibbattitvā viññutaṃ patvā satthu cetiye ratanena paṭimaṇḍitāya mekhalāya pūjaṃ akāsi. Sā tena puññakammena devamanussesu saṃsarantī imasmiṃ buddhuppāde rājagahe brāhmaṇamahāsālakule nibbatti. Sesaṃ anantare vuttasadisaṃ. Ayaṃ pana paṭibhāgakūṭaṃ abhiruhitvā samaṇadhammaṃ karontī vipassanaṃ vaḍḍhetvā saha paṭisambhidāhi arahattaṃ pāpuṇi. Tena vuttaṃ apadāne (apa. therī 2.1.20-25) –
‘‘сид̣̇д̇хад̇т̇асса бхаг̇авад̇о, т̇уубагаараабигаа ахум̣;
‘‘Siddhatthassa bhagavato, thūpakārāpikā ahuṃ;
мзкалигаа маяаа д̣̇иннаа, навагаммааяа сад̇т̇уно.
Mekhalikā mayā dinnā, navakammāya satthuno.
‘‘нидтид̇з жа махаат̇уубз, мзкалам̣ бунад̣̇аасахам̣;
‘‘Niṭṭhite ca mahāthūpe, mekhalaṃ punadāsahaṃ;
логанаат̇асса мунино, басаннаа сзхи баан̣ибхи.
Lokanāthassa munino, pasannā sehi pāṇibhi.
‘‘жад̇уннавуд̇ид̇о габбз, яам̣ мзкаламад̣̇ам̣ д̇ад̣̇аа;
‘‘Catunnavutito kappe, yaṃ mekhalamadaṃ tadā;
д̣̇уг̇г̇ад̇им̣ наабхиж̇аанаами, т̇уубагаарассид̣̇ам̣ палам̣.
Duggatiṃ nābhijānāmi, thūpakārassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа ад̇д̇ано бадибад̇д̇им̣ бажжавзгкид̇ваа уд̣̇аанавасзна –
Arahattaṃ pana patvā attano paṭipattiṃ paccavekkhitvā udānavasena –
29.
29.
‘‘гин̃жааби комхи д̣̇угкид̇аа, д̣̇уб̣б̣алаа г̇ад̇аяоб̣б̣анаа;
‘‘Kiñcāpi khomhi dukkhitā, dubbalā gatayobbanā;
д̣̇ан̣д̣амолуб̣бха г̇ажчаами, баб̣б̣ад̇ам̣ абхируухияа.
Daṇḍamolubbha gacchāmi, pabbataṃ abhirūhiya.
30.
30.
‘‘нигкибид̇ваана сан̇гхаадим̣, бад̇д̇аган̃жа нигуж̇ж̇ияа;
‘‘Nikkhipitvāna saṅghāṭiṃ, pattakañca nikujjiya;
нисиннаа жамхи сзламхи, ат̇а жид̇д̇ам̣ вимужжи мз;
Nisinnā camhi selamhi, atha cittaṃ vimucci me;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасана’’нд̇и. –
Tisso vijjā anuppattā, kataṃ buddhassa sāsana’’nti. –
имаа д̣̇вз г̇аат̇аа абхааси.
Imā dve gāthā abhāsi.
д̇ад̇т̇а д̣̇угкид̇аад̇и рог̇аабхибхавзна д̣̇угкид̇аа сан̃ж̇аад̇ад̣̇угкаа д̣̇угкаббад̇д̇аа. д̣̇уб̣б̣алаад̇и д̇ааяа жзва д̣̇угкаббад̇д̇ияаа, ж̇арааж̇ин̣н̣ад̇ааяа жа б̣алавирахид̇аа. д̇знааха ‘‘г̇ад̇аяоб̣б̣анаа’’д̇и, ад̣̇д̇хаг̇ад̇аад̇и ад̇т̇о.
Tattha dukkhitāti rogābhibhavena dukkhitā sañjātadukkhā dukkhappattā. Dubbalāti tāya ceva dukkhappattiyā, jarājiṇṇatāya ca balavirahitā. Tenāha ‘‘gatayobbanā’’ti, addhagatāti attho.
ат̇а жид̇д̇ам̣ вимужжи мзд̇и сзламхи баасаан̣з нисиннаа жамхи, ат̇а д̇ад̣̇ананд̇арам̣ вийрияасамад̇ааяа саммад̣̇зва яож̇ид̇ад̇д̇аа маг̇г̇абадибаадияаа саб̣б̣зхиби аасавзхи мама жид̇д̇ам̣ вимужжи. сзсам̣ вуд̇д̇анаяамзва.
Atha cittaṃ vimucci meti selamhi pāsāṇe nisinnā camhi, atha tadanantaraṃ vīriyasamatāya sammadeva yojitattā maggapaṭipāṭiyā sabbehipi āsavehi mama cittaṃ vimucci. Sesaṃ vuttanayameva.
мзд̇д̇игаат̇зрийг̇аат̇ааван̣н̣анаа нидтид̇аа.
Mettikātherīgāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зрийг̇аат̇аабаал̣и • Therīgāthāpāḷi / 6. мзд̇д̇игаат̇зрийг̇аат̇аа • 6. Mettikātherīgāthā
