| Library / Tipiṭaka / திபிடக • Tipiṭaka / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā |
3. மிச்சா²தி³ட்டி²னித்³தே³ஸவண்ணனா
3. Micchādiṭṭhiniddesavaṇṇanā
136. மிச்சா²தி³ட்டி² ஹெட்டா² வுத்தத்தா²யேவ. அயங் பன அபரோ நயோ – நத்தி² தி³ன்னந்தி உச்சே²த³தி³ட்டி²கத்தா தா³னப²லங் படிக்கி²பதி. நத்தி² யிட்ட²ந்தி எத்த² யிட்ட²ந்தி கு²த்³த³கயஞ்ஞோ. ஹுதந்தி மஹாயஞ்ஞோ. த்³வின்னம்பி ப²லங் படிக்கி²பதி. நத்தி² ஸுகதது³க்கடானங் கம்மானங் ப²லங் விபாகோதி தா³னப²லஸ்ஸ படிக்கி²த்தத்தா ஸீலாதீ³னங் புஞ்ஞகம்மானங், பாணாதிபாதாதீ³னங் பாபகம்மானங் ப²லங் படிக்கி²பதி. நத்தி² அயங் லோகோதி புரே கதேன கம்முனா. நத்தி² பரோ லோகோதி இத⁴ கதேன கம்முனா. நத்தி² மாதா, நத்தி² பிதாதி தேஸு கதகம்மானங் ப²லங் படிக்கி²பதி. நத்தி² ஸத்தா ஓபபாதிகாதி கம்மஹேதுகங் உபபத்திங் படிக்கி²பதி. நத்தி² லோகே ஸமணப்³ராஹ்மணா…பே॰… பவேதெ³ந்தீதி இத⁴லோகபரலோகே பஸ்ஸிதுங் அபி⁴ஞ்ஞாபடிலாபா⁴ய படிபத³ங் படிக்கி²பதி. இத⁴ பாளியங் பன நத்தி² தி³ன்னந்தி வத்தூ²தி நத்தி² தி³ன்னந்தி வுச்சமானங் தா³னங், தஸ்ஸா தி³ட்டி²யா வத்தூ²தி அத்தோ² . ஏவங்வாதோ³ மிச்சா²தி ஏவங் நத்தி² தி³ன்னந்தி வாதோ³ வசனங் மிச்சா² விபரீதோதி அத்தோ².
136.Micchādiṭṭhi heṭṭhā vuttatthāyeva. Ayaṃ pana aparo nayo – natthi dinnanti ucchedadiṭṭhikattā dānaphalaṃ paṭikkhipati. Natthi yiṭṭhanti ettha yiṭṭhanti khuddakayañño. Hutanti mahāyañño. Dvinnampi phalaṃ paṭikkhipati. Natthi sukatadukkaṭānaṃ kammānaṃ phalaṃ vipākoti dānaphalassa paṭikkhittattā sīlādīnaṃ puññakammānaṃ, pāṇātipātādīnaṃ pāpakammānaṃ phalaṃ paṭikkhipati. Natthi ayaṃ lokoti pure katena kammunā. Natthi paro lokoti idha katena kammunā. Natthi mātā, natthi pitāti tesu katakammānaṃ phalaṃ paṭikkhipati. Natthi sattā opapātikāti kammahetukaṃ upapattiṃ paṭikkhipati. Natthi loke samaṇabrāhmaṇā…pe… pavedentīti idhalokaparaloke passituṃ abhiññāpaṭilābhāya paṭipadaṃ paṭikkhipati. Idha pāḷiyaṃ pana natthi dinnanti vatthūti natthi dinnanti vuccamānaṃ dānaṃ, tassā diṭṭhiyā vatthūti attho . Evaṃvādo micchāti evaṃ natthi dinnanti vādo vacanaṃ micchā viparītoti attho.
மிச்சா²தி³ட்டி²னித்³தே³ஸவண்ணனா நிட்டி²தா.
Micchādiṭṭhiniddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / படிஸம்பி⁴தா³மக்³க³பாளி • Paṭisambhidāmaggapāḷi / 3. மிச்சா²தி³ட்டி²னித்³தே³ஸோ • 3. Micchādiṭṭhiniddeso
