| Library / Tipiṭaka / ཏིཔིཊཀ • Tipiṭaka / པཊིསམྦྷིདཱམགྒ-ཨཊྛཀཐཱ • Paṭisambhidāmagga-aṭṭhakathā |
༣. མིཙྪཱདིཊྛིནིདྡེསཝཎྞནཱ
3. Micchādiṭṭhiniddesavaṇṇanā
༡༣༦. མིཙྪཱདིཊྛི ཧེཊྛཱ ཝུཏྟཏྠཱཡེཝ། ཨཡཾ པན ཨཔརོ ནཡོ – ནཏྠི དིནྣནྟི ཨུཙྪེདདིཊྛིཀཏྟཱ དཱནཕལཾ པཊིཀྑིཔཏི། ནཏྠི ཡིཊྛནྟི ཨེཏྠ ཡིཊྛནྟི ཁུདྡཀཡཉྙོ། ཧུཏནྟི མཧཱཡཉྙོ། དྭིནྣམྤི ཕལཾ པཊིཀྑིཔཏི། ནཏྠི སུཀཏདུཀྐཊཱནཾ ཀམྨཱནཾ ཕལཾ ཝིཔཱཀོཏི དཱནཕལསྶ པཊིཀྑིཏྟཏྟཱ སཱིལཱདཱིནཾ པུཉྙཀམྨཱནཾ, པཱཎཱཏིཔཱཏཱདཱིནཾ པཱཔཀམྨཱནཾ ཕལཾ པཊིཀྑིཔཏི། ནཏྠི ཨཡཾ ལོཀོཏི པུརེ ཀཏེན ཀམྨུནཱ། ནཏྠི པརོ ལོཀོཏི ཨིདྷ ཀཏེན ཀམྨུནཱ། ནཏྠི མཱཏཱ, ནཏྠི པིཏཱཏི ཏེསུ ཀཏཀམྨཱནཾ ཕལཾ པཊིཀྑིཔཏི། ནཏྠི སཏྟཱ ཨོཔཔཱཏིཀཱཏི ཀམྨཧེཏུཀཾ ཨུཔཔཏྟིཾ པཊིཀྑིཔཏི། ནཏྠི ལོཀེ སམཎབྲཱཧྨཎཱ…པེ॰… པཝེདེནྟཱིཏི ཨིདྷལོཀཔརལོཀེ པསྶིཏུཾ ཨབྷིཉྙཱཔཊིལཱབྷཱཡ པཊིཔདཾ པཊིཀྑིཔཏི། ཨིདྷ པཱལི༹ཡཾ པན ནཏྠི དིནྣནྟི ཝཏྠཱུཏི ནཏྠི དིནྣནྟི ཝུཙྩམཱནཾ དཱནཾ, ཏསྶཱ དིཊྛིཡཱ ཝཏྠཱུཏི ཨཏྠོ ། ཨེཝཾཝཱདོ མིཙྪཱཏི ཨེཝཾ ནཏྠི དིནྣནྟི ཝཱདོ ཝཙནཾ མིཙྪཱ ཝིཔརཱིཏོཏི ཨཏྠོ།
136.Micchādiṭṭhi heṭṭhā vuttatthāyeva. Ayaṃ pana aparo nayo – natthi dinnanti ucchedadiṭṭhikattā dānaphalaṃ paṭikkhipati. Natthi yiṭṭhanti ettha yiṭṭhanti khuddakayañño. Hutanti mahāyañño. Dvinnampi phalaṃ paṭikkhipati. Natthi sukatadukkaṭānaṃ kammānaṃ phalaṃ vipākoti dānaphalassa paṭikkhittattā sīlādīnaṃ puññakammānaṃ, pāṇātipātādīnaṃ pāpakammānaṃ phalaṃ paṭikkhipati. Natthi ayaṃ lokoti pure katena kammunā. Natthi paro lokoti idha katena kammunā. Natthi mātā, natthi pitāti tesu katakammānaṃ phalaṃ paṭikkhipati. Natthi sattā opapātikāti kammahetukaṃ upapattiṃ paṭikkhipati. Natthi loke samaṇabrāhmaṇā…pe… pavedentīti idhalokaparaloke passituṃ abhiññāpaṭilābhāya paṭipadaṃ paṭikkhipati. Idha pāḷiyaṃ pana natthi dinnanti vatthūti natthi dinnanti vuccamānaṃ dānaṃ, tassā diṭṭhiyā vatthūti attho . Evaṃvādo micchāti evaṃ natthi dinnanti vādo vacanaṃ micchā viparītoti attho.
མིཙྪཱདིཊྛིནིདྡེསཝཎྞནཱ ནིཊྛིཏཱ།
Micchādiṭṭhiniddesavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / པཊིསམྦྷིདཱམགྒཔཱལི༹ • Paṭisambhidāmaggapāḷi / ༣. མིཙྪཱདིཊྛིནིདྡེསོ • 3. Micchādiṭṭhiniddeso
