| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā |
੩. ਮਿਚ੍ਛਾਦਿਟ੍ਠਿਨਿਦ੍ਦੇਸવਣ੍ਣਨਾ
3. Micchādiṭṭhiniddesavaṇṇanā
੧੩੬. ਮਿਚ੍ਛਾਦਿਟ੍ਠਿ ਹੇਟ੍ਠਾ વੁਤ੍ਤਤ੍ਥਾਯੇવ। ਅਯਂ ਪਨ ਅਪਰੋ ਨਯੋ – ਨਤ੍ਥਿ ਦਿਨ੍ਨਨ੍ਤਿ ਉਚ੍ਛੇਦਦਿਟ੍ਠਿਕਤ੍ਤਾ ਦਾਨਫਲਂ ਪਟਿਕ੍ਖਿਪਤਿ। ਨਤ੍ਥਿ ਯਿਟ੍ਠਨ੍ਤਿ ਏਤ੍ਥ ਯਿਟ੍ਠਨ੍ਤਿ ਖੁਦ੍ਦਕਯਞ੍ਞੋ। ਹੁਤਨ੍ਤਿ ਮਹਾਯਞ੍ਞੋ। ਦ੍વਿਨ੍ਨਮ੍ਪਿ ਫਲਂ ਪਟਿਕ੍ਖਿਪਤਿ। ਨਤ੍ਥਿ ਸੁਕਤਦੁਕ੍ਕਟਾਨਂ ਕਮ੍ਮਾਨਂ ਫਲਂ વਿਪਾਕੋਤਿ ਦਾਨਫਲਸ੍ਸ ਪਟਿਕ੍ਖਿਤ੍ਤਤ੍ਤਾ ਸੀਲਾਦੀਨਂ ਪੁਞ੍ਞਕਮ੍ਮਾਨਂ, ਪਾਣਾਤਿਪਾਤਾਦੀਨਂ ਪਾਪਕਮ੍ਮਾਨਂ ਫਲਂ ਪਟਿਕ੍ਖਿਪਤਿ। ਨਤ੍ਥਿ ਅਯਂ ਲੋਕੋਤਿ ਪੁਰੇ ਕਤੇਨ ਕਮ੍ਮੁਨਾ। ਨਤ੍ਥਿ ਪਰੋ ਲੋਕੋਤਿ ਇਧ ਕਤੇਨ ਕਮ੍ਮੁਨਾ। ਨਤ੍ਥਿ ਮਾਤਾ, ਨਤ੍ਥਿ ਪਿਤਾਤਿ ਤੇਸੁ ਕਤਕਮ੍ਮਾਨਂ ਫਲਂ ਪਟਿਕ੍ਖਿਪਤਿ। ਨਤ੍ਥਿ ਸਤ੍ਤਾ ਓਪਪਾਤਿਕਾਤਿ ਕਮ੍ਮਹੇਤੁਕਂ ਉਪਪਤ੍ਤਿਂ ਪਟਿਕ੍ਖਿਪਤਿ। ਨਤ੍ਥਿ ਲੋਕੇ ਸਮਣਬ੍ਰਾਹ੍ਮਣਾ…ਪੇ॰… ਪવੇਦੇਨ੍ਤੀਤਿ ਇਧਲੋਕਪਰਲੋਕੇ ਪਸ੍ਸਿਤੁਂ ਅਭਿਞ੍ਞਾਪਟਿਲਾਭਾਯ ਪਟਿਪਦਂ ਪਟਿਕ੍ਖਿਪਤਿ। ਇਧ ਪਾਲ਼ਿਯਂ ਪਨ ਨਤ੍ਥਿ ਦਿਨ੍ਨਨ੍ਤਿ વਤ੍ਥੂਤਿ ਨਤ੍ਥਿ ਦਿਨ੍ਨਨ੍ਤਿ વੁਚ੍ਚਮਾਨਂ ਦਾਨਂ, ਤਸ੍ਸਾ ਦਿਟ੍ਠਿਯਾ વਤ੍ਥੂਤਿ ਅਤ੍ਥੋ । ਏવਂવਾਦੋ ਮਿਚ੍ਛਾਤਿ ਏવਂ ਨਤ੍ਥਿ ਦਿਨ੍ਨਨ੍ਤਿ વਾਦੋ વਚਨਂ ਮਿਚ੍ਛਾ વਿਪਰੀਤੋਤਿ ਅਤ੍ਥੋ।
136.Micchādiṭṭhi heṭṭhā vuttatthāyeva. Ayaṃ pana aparo nayo – natthi dinnanti ucchedadiṭṭhikattā dānaphalaṃ paṭikkhipati. Natthi yiṭṭhanti ettha yiṭṭhanti khuddakayañño. Hutanti mahāyañño. Dvinnampi phalaṃ paṭikkhipati. Natthi sukatadukkaṭānaṃ kammānaṃ phalaṃ vipākoti dānaphalassa paṭikkhittattā sīlādīnaṃ puññakammānaṃ, pāṇātipātādīnaṃ pāpakammānaṃ phalaṃ paṭikkhipati. Natthi ayaṃ lokoti pure katena kammunā. Natthi paro lokoti idha katena kammunā. Natthi mātā, natthi pitāti tesu katakammānaṃ phalaṃ paṭikkhipati. Natthi sattā opapātikāti kammahetukaṃ upapattiṃ paṭikkhipati. Natthi loke samaṇabrāhmaṇā…pe… pavedentīti idhalokaparaloke passituṃ abhiññāpaṭilābhāya paṭipadaṃ paṭikkhipati. Idha pāḷiyaṃ pana natthi dinnanti vatthūti natthi dinnanti vuccamānaṃ dānaṃ, tassā diṭṭhiyā vatthūti attho . Evaṃvādo micchāti evaṃ natthi dinnanti vādo vacanaṃ micchā viparītoti attho.
ਮਿਚ੍ਛਾਦਿਟ੍ਠਿਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Micchādiṭṭhiniddesavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi / ੩. ਮਿਚ੍ਛਾਦਿਟ੍ਠਿਨਿਦ੍ਦੇਸੋ • 3. Micchādiṭṭhiniddeso
