| Library / Tipiṭaka / తిపిటక • Tipiṭaka / పటిసమ్భిదామగ్గపాళి • Paṭisambhidāmaggapāḷi |
౩. మిచ్ఛాదిట్ఠినిద్దేసో
3. Micchādiṭṭhiniddeso
౧౩౬. మిచ్ఛాదిట్ఠియా కతమేహి దసహాకారేహి అభినివేసో హోతి? ‘‘నత్థి దిన్న’’న్తి – వత్థు 1. ఏవంవాదో మిచ్ఛాభినివేసపరామాసో 2 దిట్ఠి. దిట్ఠి న వత్థు, వత్థు న దిట్ఠి. అఞ్ఞా దిట్ఠి, అఞ్ఞం వత్థు. యా చ దిట్ఠి యఞ్చ వత్థు – అయం పఠమా మిచ్ఛావత్థుకా మిచ్ఛాదిట్ఠి. మిచ్ఛాదిట్ఠి దిట్ఠివిపత్తి…పే॰… ఇమాని సఞ్ఞోజనాని, న చ దిట్ఠియో. ‘‘నత్థి యిట్ఠ’’న్తి – వత్థు…పే॰… ‘‘నత్థి హుత’’న్తి – వత్థు… ‘‘నత్థి సుకతదుక్కటానం కమ్మానం ఫలం విపాకో’’తి – వత్థు… ‘‘నత్థి అయం లోకో’’తి – వత్థు… ‘‘నత్థి పరో లోకో’’తి – వత్థు… ‘‘నత్థి మాతా’’తి – వత్థు… ‘‘నత్థి పితా’’తి – వత్థు… ‘‘నత్థి సత్తా ఓపపాతికా’’తి – వత్థు… ‘‘నత్థి లోకే సమణబ్రాహ్మణా సమ్మగ్గతా 3 సమ్మాపటిపన్నా, యే ఇమఞ్చ లోకం, పరఞ్చ లోకం సయం అభిఞ్ఞా సచ్ఛికత్వా పవేదేన్తీ’’తి – వత్థు. ఏవంవాదో మిచ్ఛాభినివేసపరామాసో దిట్ఠి. దిట్ఠి న వత్థు, వత్థు న దిట్ఠి. అఞ్ఞా దిట్ఠి, అఞ్ఞం వత్థు. యా చ దిట్ఠి యఞ్చ వత్థు – అయం దసమా మిచ్ఛావత్థుకా మిచ్ఛాదిట్ఠి. మిచ్ఛాదిట్ఠి దిట్ఠివిపత్తి…పే॰… మిచ్ఛాదిట్ఠికస్స పురిసపుగ్గలస్స ద్వేవ గతియో…పే॰… ఇమాని సఞ్ఞోజనాని, న చ దిట్ఠియో. మిచ్ఛాదిట్ఠియా ఇమేహి దసహాకారేహి అభినివేసో హోతి.
136. Micchādiṭṭhiyā katamehi dasahākārehi abhiniveso hoti? ‘‘Natthi dinna’’nti – vatthu 4. Evaṃvādo micchābhinivesaparāmāso 5 diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā micchāvatthukā micchādiṭṭhi. Micchādiṭṭhi diṭṭhivipatti…pe… imāni saññojanāni, na ca diṭṭhiyo. ‘‘Natthi yiṭṭha’’nti – vatthu…pe… ‘‘natthi huta’’nti – vatthu… ‘‘natthi sukatadukkaṭānaṃ kammānaṃ phalaṃ vipāko’’ti – vatthu… ‘‘natthi ayaṃ loko’’ti – vatthu… ‘‘natthi paro loko’’ti – vatthu… ‘‘natthi mātā’’ti – vatthu… ‘‘natthi pitā’’ti – vatthu… ‘‘natthi sattā opapātikā’’ti – vatthu… ‘‘natthi loke samaṇabrāhmaṇā sammaggatā 6 sammāpaṭipannā, ye imañca lokaṃ, parañca lokaṃ sayaṃ abhiññā sacchikatvā pavedentī’’ti – vatthu. Evaṃvādo micchābhinivesaparāmāso diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ dasamā micchāvatthukā micchādiṭṭhi. Micchādiṭṭhi diṭṭhivipatti…pe… micchādiṭṭhikassa purisapuggalassa dveva gatiyo…pe… imāni saññojanāni, na ca diṭṭhiyo. Micchādiṭṭhiyā imehi dasahākārehi abhiniveso hoti.
మిచ్ఛాదిట్ఠినిద్దేసో తతియో.
Micchādiṭṭhiniddeso tatiyo.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / ఖుద్దకనికాయ (అట్ఠకథా) • Khuddakanikāya (aṭṭhakathā) / పటిసమ్భిదామగ్గ-అట్ఠకథా • Paṭisambhidāmagga-aṭṭhakathā / ౩. మిచ్ఛాదిట్ఠినిద్దేసవణ్ణనా • 3. Micchādiṭṭhiniddesavaṇṇanā
