| Library / Tipiṭaka / ཏིཔིཊཀ • Tipiṭaka / པཊིསམྦྷིདཱམགྒཔཱལི༹ • Paṭisambhidāmaggapāḷi |
༣. མིཙྪཱདིཊྛིནིདྡེསོ
3. Micchādiṭṭhiniddeso
༡༣༦. མིཙྪཱདིཊྛིཡཱ ཀཏམེཧི དསཧཱཀཱརེཧི ཨབྷིནིཝེསོ ཧོཏི? ‘‘ནཏྠི དིནྣ’’ནྟི – ཝཏྠུ 1། ཨེཝཾཝཱདོ མིཙྪཱབྷིནིཝེསཔརཱམཱསོ 2 དིཊྛི། དིཊྛི ན ཝཏྠུ, ཝཏྠུ ན དིཊྛི། ཨཉྙཱ དིཊྛི, ཨཉྙཾ ཝཏྠུ། ཡཱ ཙ དིཊྛི ཡཉྩ ཝཏྠུ – ཨཡཾ པཋམཱ མིཙྪཱཝཏྠུཀཱ མིཙྪཱདིཊྛི། མིཙྪཱདིཊྛི དིཊྛིཝིཔཏྟི…པེ॰… ཨིམཱནི སཉྙོཛནཱནི, ན ཙ དིཊྛིཡོ། ‘‘ནཏྠི ཡིཊྛ’’ནྟི – ཝཏྠུ…པེ॰… ‘‘ནཏྠི ཧུཏ’’ནྟི – ཝཏྠུ… ‘‘ནཏྠི སུཀཏདུཀྐཊཱནཾ ཀམྨཱནཾ ཕལཾ ཝིཔཱཀོ’’ཏི – ཝཏྠུ… ‘‘ནཏྠི ཨཡཾ ལོཀོ’’ཏི – ཝཏྠུ… ‘‘ནཏྠི པརོ ལོཀོ’’ཏི – ཝཏྠུ… ‘‘ནཏྠི མཱཏཱ’’ཏི – ཝཏྠུ… ‘‘ནཏྠི པིཏཱ’’ཏི – ཝཏྠུ… ‘‘ནཏྠི སཏྟཱ ཨོཔཔཱཏིཀཱ’’ཏི – ཝཏྠུ… ‘‘ནཏྠི ལོཀེ སམཎབྲཱཧྨཎཱ སམྨགྒཏཱ 3 སམྨཱཔཊིཔནྣཱ, ཡེ ཨིམཉྩ ལོཀཾ, པརཉྩ ལོཀཾ སཡཾ ཨབྷིཉྙཱ སཙྪིཀཏྭཱ པཝེདེནྟཱི’’ཏི – ཝཏྠུ། ཨེཝཾཝཱདོ མིཙྪཱབྷིནིཝེསཔརཱམཱསོ དིཊྛི། དིཊྛི ན ཝཏྠུ, ཝཏྠུ ན དིཊྛི། ཨཉྙཱ དིཊྛི, ཨཉྙཾ ཝཏྠུ། ཡཱ ཙ དིཊྛི ཡཉྩ ཝཏྠུ – ཨཡཾ དསམཱ མིཙྪཱཝཏྠུཀཱ མིཙྪཱདིཊྛི། མིཙྪཱདིཊྛི དིཊྛིཝིཔཏྟི…པེ॰… མིཙྪཱདིཊྛིཀསྶ པུརིསཔུགྒལསྶ དྭེཝ གཏིཡོ…པེ॰… ཨིམཱནི སཉྙོཛནཱནི, ན ཙ དིཊྛིཡོ། མིཙྪཱདིཊྛིཡཱ ཨིམེཧི དསཧཱཀཱརེཧི ཨབྷིནིཝེསོ ཧོཏི།
136. Micchādiṭṭhiyā katamehi dasahākārehi abhiniveso hoti? ‘‘Natthi dinna’’nti – vatthu 4. Evaṃvādo micchābhinivesaparāmāso 5 diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā micchāvatthukā micchādiṭṭhi. Micchādiṭṭhi diṭṭhivipatti…pe… imāni saññojanāni, na ca diṭṭhiyo. ‘‘Natthi yiṭṭha’’nti – vatthu…pe… ‘‘natthi huta’’nti – vatthu… ‘‘natthi sukatadukkaṭānaṃ kammānaṃ phalaṃ vipāko’’ti – vatthu… ‘‘natthi ayaṃ loko’’ti – vatthu… ‘‘natthi paro loko’’ti – vatthu… ‘‘natthi mātā’’ti – vatthu… ‘‘natthi pitā’’ti – vatthu… ‘‘natthi sattā opapātikā’’ti – vatthu… ‘‘natthi loke samaṇabrāhmaṇā sammaggatā 6 sammāpaṭipannā, ye imañca lokaṃ, parañca lokaṃ sayaṃ abhiññā sacchikatvā pavedentī’’ti – vatthu. Evaṃvādo micchābhinivesaparāmāso diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ dasamā micchāvatthukā micchādiṭṭhi. Micchādiṭṭhi diṭṭhivipatti…pe… micchādiṭṭhikassa purisapuggalassa dveva gatiyo…pe… imāni saññojanāni, na ca diṭṭhiyo. Micchādiṭṭhiyā imehi dasahākārehi abhiniveso hoti.
མིཙྪཱདིཊྛིནིདྡེསོ ཏཏིཡོ།
Micchādiṭṭhiniddeso tatiyo.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / པཊིསམྦྷིདཱམགྒ-ཨཊྛཀཐཱ • Paṭisambhidāmagga-aṭṭhakathā / ༣. མིཙྪཱདིཊྛིནིདྡེསཝཎྞནཱ • 3. Micchādiṭṭhiniddesavaṇṇanā
