| Library / Tipiṭaka / തിപിടക • Tipiṭaka / പടിസമ്ഭിദാമഗ്ഗപാളി • Paṭisambhidāmaggapāḷi |
൩. മിച്ഛാദിട്ഠിനിദ്ദേസോ
3. Micchādiṭṭhiniddeso
൧൩൬. മിച്ഛാദിട്ഠിയാ കതമേഹി ദസഹാകാരേഹി അഭിനിവേസോ ഹോതി? ‘‘നത്ഥി ദിന്ന’’ന്തി – വത്ഥു 1. ഏവംവാദോ മിച്ഛാഭിനിവേസപരാമാസോ 2 ദിട്ഠി. ദിട്ഠി ന വത്ഥു, വത്ഥു ന ദിട്ഠി. അഞ്ഞാ ദിട്ഠി, അഞ്ഞം വത്ഥു. യാ ച ദിട്ഠി യഞ്ച വത്ഥു – അയം പഠമാ മിച്ഛാവത്ഥുകാ മിച്ഛാദിട്ഠി. മിച്ഛാദിട്ഠി ദിട്ഠിവിപത്തി…പേ॰… ഇമാനി സഞ്ഞോജനാനി, ന ച ദിട്ഠിയോ. ‘‘നത്ഥി യിട്ഠ’’ന്തി – വത്ഥു…പേ॰… ‘‘നത്ഥി ഹുത’’ന്തി – വത്ഥു… ‘‘നത്ഥി സുകതദുക്കടാനം കമ്മാനം ഫലം വിപാകോ’’തി – വത്ഥു… ‘‘നത്ഥി അയം ലോകോ’’തി – വത്ഥു… ‘‘നത്ഥി പരോ ലോകോ’’തി – വത്ഥു… ‘‘നത്ഥി മാതാ’’തി – വത്ഥു… ‘‘നത്ഥി പിതാ’’തി – വത്ഥു… ‘‘നത്ഥി സത്താ ഓപപാതികാ’’തി – വത്ഥു… ‘‘നത്ഥി ലോകേ സമണബ്രാഹ്മണാ സമ്മഗ്ഗതാ 3 സമ്മാപടിപന്നാ, യേ ഇമഞ്ച ലോകം, പരഞ്ച ലോകം സയം അഭിഞ്ഞാ സച്ഛികത്വാ പവേദേന്തീ’’തി – വത്ഥു. ഏവംവാദോ മിച്ഛാഭിനിവേസപരാമാസോ ദിട്ഠി. ദിട്ഠി ന വത്ഥു, വത്ഥു ന ദിട്ഠി. അഞ്ഞാ ദിട്ഠി, അഞ്ഞം വത്ഥു. യാ ച ദിട്ഠി യഞ്ച വത്ഥു – അയം ദസമാ മിച്ഛാവത്ഥുകാ മിച്ഛാദിട്ഠി. മിച്ഛാദിട്ഠി ദിട്ഠിവിപത്തി…പേ॰… മിച്ഛാദിട്ഠികസ്സ പുരിസപുഗ്ഗലസ്സ ദ്വേവ ഗതിയോ…പേ॰… ഇമാനി സഞ്ഞോജനാനി, ന ച ദിട്ഠിയോ. മിച്ഛാദിട്ഠിയാ ഇമേഹി ദസഹാകാരേഹി അഭിനിവേസോ ഹോതി.
136. Micchādiṭṭhiyā katamehi dasahākārehi abhiniveso hoti? ‘‘Natthi dinna’’nti – vatthu 4. Evaṃvādo micchābhinivesaparāmāso 5 diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā micchāvatthukā micchādiṭṭhi. Micchādiṭṭhi diṭṭhivipatti…pe… imāni saññojanāni, na ca diṭṭhiyo. ‘‘Natthi yiṭṭha’’nti – vatthu…pe… ‘‘natthi huta’’nti – vatthu… ‘‘natthi sukatadukkaṭānaṃ kammānaṃ phalaṃ vipāko’’ti – vatthu… ‘‘natthi ayaṃ loko’’ti – vatthu… ‘‘natthi paro loko’’ti – vatthu… ‘‘natthi mātā’’ti – vatthu… ‘‘natthi pitā’’ti – vatthu… ‘‘natthi sattā opapātikā’’ti – vatthu… ‘‘natthi loke samaṇabrāhmaṇā sammaggatā 6 sammāpaṭipannā, ye imañca lokaṃ, parañca lokaṃ sayaṃ abhiññā sacchikatvā pavedentī’’ti – vatthu. Evaṃvādo micchābhinivesaparāmāso diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ dasamā micchāvatthukā micchādiṭṭhi. Micchādiṭṭhi diṭṭhivipatti…pe… micchādiṭṭhikassa purisapuggalassa dveva gatiyo…pe… imāni saññojanāni, na ca diṭṭhiyo. Micchādiṭṭhiyā imehi dasahākārehi abhiniveso hoti.
മിച്ഛാദിട്ഠിനിദ്ദേസോ തതിയോ.
Micchādiṭṭhiniddeso tatiyo.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / പടിസമ്ഭിദാമഗ്ഗ-അട്ഠകഥാ • Paṭisambhidāmagga-aṭṭhakathā / ൩. മിച്ഛാദിട്ഠിനിദ്ദേസവണ്ണനാ • 3. Micchādiṭṭhiniddesavaṇṇanā
