| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
10. மிச்சா²தி³ட்டி²பஹானஸுத்தங்
10. Micchādiṭṭhipahānasuttaṃ
165. அத² கோ² அஞ்ஞதரோ பி⁴க்கு² யேன ப⁴க³வா தேனுபஸங்கமி…பே॰… ஏகமந்தங் நிஸின்னோ ஸோ பி⁴க்கு² ப⁴க³வந்தங் ஏதத³வோச – ‘‘கத²ங் நு கோ², ப⁴ந்தே, ஜானதோ கத²ங் பஸ்ஸதோ மிச்சா²தி³ட்டி² பஹீயதீ’’தி?
165. Atha kho aññataro bhikkhu yena bhagavā tenupasaṅkami…pe… ekamantaṃ nisinno so bhikkhu bhagavantaṃ etadavoca – ‘‘kathaṃ nu kho, bhante, jānato kathaṃ passato micchādiṭṭhi pahīyatī’’ti?
‘‘சக்கு²ங் கோ², பி⁴க்கு², அனிச்சதோ ஜானதோ பஸ்ஸதோ மிச்சா²தி³ட்டி² பஹீயதி. ரூபே அனிச்சதோ ஜானதோ பஸ்ஸதோ மிச்சா²தி³ட்டி² பஹீயதி. சக்கு²விஞ்ஞாணங் அனிச்சதோ ஜானதோ பஸ்ஸதோ மிச்சா²தி³ட்டி² பஹீயதி. சக்கு²ஸம்ப²ஸ்ஸங் அனிச்சதோ ஜானதோ பஸ்ஸதோ மிச்சா²தி³ட்டி² பஹீயதி…பே॰… யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அனிச்சதோ ஜானதோ பஸ்ஸதோ மிச்சா²தி³ட்டி² பஹீயதி. ஏவங் கோ², பி⁴க்கு², ஜானதோ ஏவங் பஸ்ஸதோ மிச்சா²தி³ட்டி² பஹீயதீ’’தி. த³ஸமங்.
‘‘Cakkhuṃ kho, bhikkhu, aniccato jānato passato micchādiṭṭhi pahīyati. Rūpe aniccato jānato passato micchādiṭṭhi pahīyati. Cakkhuviññāṇaṃ aniccato jānato passato micchādiṭṭhi pahīyati. Cakkhusamphassaṃ aniccato jānato passato micchādiṭṭhi pahīyati…pe… yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccato jānato passato micchādiṭṭhi pahīyati. Evaṃ kho, bhikkhu, jānato evaṃ passato micchādiṭṭhi pahīyatī’’ti. Dasamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 10-12. மிச்சா²தி³ட்டி²பஹானஸுத்தாதி³வண்ணனா • 10-12. Micchādiṭṭhipahānasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 10-12. மிச்சா²தி³ட்டி²பஹானஸுத்தாதி³வண்ணனா • 10-12. Micchādiṭṭhipahānasuttādivaṇṇanā
