| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
5. மிச்சா²தி³ட்டி²ஸுத்தங்
5. Micchādiṭṭhisuttaṃ
154. ஸாவத்தி²னிதா³னங் . ‘‘கிஸ்மிங் நு கோ², பி⁴க்க²வே, ஸதி, கிங் உபாதா³ய, கிங் அபி⁴னிவிஸ்ஸ மிச்சா²தி³ட்டி² உப்பஜ்ஜதீ’’தி? ப⁴க³வங்மூலகா நோ, ப⁴ந்தே, த⁴ம்மா…பே॰… ‘‘ரூபே கோ², பி⁴க்க²வே, ஸதி, ரூபங் உபாதா³ய, ரூபங் அபி⁴னிவிஸ்ஸ மிச்சா²தி³ட்டி² உப்பஜ்ஜதி. வேத³னாய ஸதி… மிச்சா²தி³ட்டி² உப்பஜ்ஜதி. ஸஞ்ஞாய ஸதி… ஸங்கா²ரேஸு ஸதி… விஞ்ஞாணே ஸதி, விஞ்ஞாணங் உபாதா³ய, விஞ்ஞாணங் அபி⁴னிவிஸ்ஸ மிச்சா²தி³ட்டி² உப்பஜ்ஜதி. தங் கிங் மஞ்ஞத², பி⁴க்க²வே, ரூபங் நிச்சங் வா அனிச்சங் வா’’தி? ‘‘அனிச்சங் , ப⁴ந்தே’’. ‘‘யங் பனானிச்சங்…பே॰… அபி நு தங் அனுபாதா³ய மிச்சா²தி³ட்டி² உப்பஜ்ஜெய்யா’’தி? ‘‘நோ ஹேதங், ப⁴ந்தே’’. ‘‘வேத³னா… ஸஞ்ஞா… ஸங்கா²ரா… விஞ்ஞாணங் நிச்சங் வா அனிச்சங் வா’’தி? ‘‘அனிச்சங், ப⁴ந்தே’’. ‘‘யங் பனானிச்சங், து³க்க²ங் வா தங் ஸுக²ங் வா’’தி? ‘‘து³க்க²ங், ப⁴ந்தே’’. ‘‘யங் பனானிச்சங் து³க்க²ங் விபரிணாமத⁴ம்மங், அபி நு தங் அனுபாதா³ய மிச்சா²தி³ட்டி² உப்பஜ்ஜெய்யா’’தி? ‘‘நோ ஹேதங், ப⁴ந்தே’’. ‘‘ஏவங் பஸ்ஸங்…பே॰… நாபரங் இத்த²த்தாயாதி பஜானாதீ’’தி.‘பஞ்சமங்.
154. Sāvatthinidānaṃ . ‘‘Kismiṃ nu kho, bhikkhave, sati, kiṃ upādāya, kiṃ abhinivissa micchādiṭṭhi uppajjatī’’ti? Bhagavaṃmūlakā no, bhante, dhammā…pe… ‘‘rūpe kho, bhikkhave, sati, rūpaṃ upādāya, rūpaṃ abhinivissa micchādiṭṭhi uppajjati. Vedanāya sati… micchādiṭṭhi uppajjati. Saññāya sati… saṅkhāresu sati… viññāṇe sati, viññāṇaṃ upādāya, viññāṇaṃ abhinivissa micchādiṭṭhi uppajjati. Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti? ‘‘Aniccaṃ , bhante’’. ‘‘Yaṃ panāniccaṃ…pe… api nu taṃ anupādāya micchādiṭṭhi uppajjeyyā’’ti? ‘‘No hetaṃ, bhante’’. ‘‘Vedanā… saññā… saṅkhārā… viññāṇaṃ niccaṃ vā aniccaṃ vā’’ti? ‘‘Aniccaṃ, bhante’’. ‘‘Yaṃ panāniccaṃ, dukkhaṃ vā taṃ sukhaṃ vā’’ti? ‘‘Dukkhaṃ, bhante’’. ‘‘Yaṃ panāniccaṃ dukkhaṃ vipariṇāmadhammaṃ, api nu taṃ anupādāya micchādiṭṭhi uppajjeyyā’’ti? ‘‘No hetaṃ, bhante’’. ‘‘Evaṃ passaṃ…pe… nāparaṃ itthattāyāti pajānātī’’ti.‘Pañcamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-9. அஜ்ஜ²த்தஸுத்தாதி³வண்ணனா • 1-9. Ajjhattasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-9. அஜ்ஜ²த்தஸுத்தாதி³வண்ணனா • 1-9. Ajjhattasuttādivaṇṇanā
