| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੨੯. ਮਿਚ੍ਛਾਜੀવવਿવਜ੍ਜਨਾਨਿਦ੍ਦੇਸવਣ੍ਣਨਾ
29. Micchājīvavivajjanāniddesavaṇṇanā
੨੦੯. ਚੁਣ੍ਣਨ੍ਤਿ ਸਿਰੀਸਚੁਣ੍ਣਾਦਿਕਨ੍ਤਿ ਅਤ੍ਥੋ। ਮਤ੍ਤਿਕਾਤਿ ਪਕਤਿਮਤ੍ਤਿਕਾ વਾ ਪਞ੍ਚવਣ੍ਣਾ વਾ ਸੁਦ੍ਧਾ ਕੁਙ੍ਕੁਟ੍ਠਆਦਿਕਾ વਾ। ਕੁਲਸਙ੍ਗਹਾਤਿ ਏਤੇਹਿ ਸਙ੍ਗਹਿਤਾਨਂ ਸਨ੍ਤਿਕੇ ਲਾਭਾਸਾਯ ਕੁਲਸਙ੍ਗਹਤ੍ਥਨ੍ਤਿ ਅਤ੍ਥੋ। ਏਤ੍ਥ ਪਨ ਇਮੇਹਿ ਸਙ੍ਗਹਿਤਾਨਂ ਸਨ੍ਤਿਕੇ ‘‘ਕਿਞ੍ਚਿ ਲਭਿਸ੍ਸਾਮੀ’’ਤਿ ਸਙ੍ਘਿਕਂ વਾ ਪੁਗ੍ਗਲਿਕਂ વਾ ਦਾਤੁਂ ਨ વਟ੍ਟਤਿ ਏવ। ਇਮਿਨਾ ਪਨ ਨਯੇਨ ਲਦ੍ਧਂ ਪਞ੍ਚਨ੍ਨਮ੍ਪਿ ਸਹਧਮ੍ਮਿਕਾਨਂ ਨ વਟ੍ਟਤਿ, ਮਿਚ੍ਛਾਜੀવਞ੍ਚ ਹੋਤਿ।
209.Cuṇṇanti sirīsacuṇṇādikanti attho. Mattikāti pakatimattikā vā pañcavaṇṇā vā suddhā kuṅkuṭṭhaādikā vā. Kulasaṅgahāti etehi saṅgahitānaṃ santike lābhāsāya kulasaṅgahatthanti attho. Ettha pana imehi saṅgahitānaṃ santike ‘‘kiñci labhissāmī’’ti saṅghikaṃ vā puggalikaṃ vā dātuṃ na vaṭṭati eva. Iminā pana nayena laddhaṃ pañcannampi sahadhammikānaṃ na vaṭṭati, micchājīvañca hoti.
੨੧੦-੨੧੧. ਲਾਭਾਸਾਯ ਦਾਯਕਾਨਂ ਦਾਰਕੇ ਉਕ੍ਖਿਪਿਤ੍વਾ ਪਰਿਭਟਭਾવੋ ਪਾਰਿਭਟਕਤਾ, ਤਾਯ ਪਾਰਿਭਟਕਤਾਯ ਨ ਜੀવਯੇਤਿ ਸਮ੍ਬਨ੍ਧੋ। ਸੇਸੇਸੁਪਿ ਏਸੇવ ਨਯੋ। ਖੇਤ੍ਤਾਦੀਸੁ ਪੇਸਿਤਸ੍ਸ ਗਮਨਂ ਪਹੇਣਕਮ੍ਮਂ। ਸਾਸਨਪ੍ਪਟਿਸਾਸਨਹਰਣਂ ਦੂਤਕਮ੍ਮਂ। ਪੇਸਿਤਸ੍ਸ ਗੇਹਤੋ ਗੇਹਗਮਨਂ ਜਙ੍ਘਪੇਸਨਿਯਂ। ਲਾਭਾਸਾਯ ਲਞ੍ਜਦਾਨਮਨੁਪ੍ਪਦਾਨਂ। ਅਞ੍ਞੇਨ વਾਪੀਤਿ ਅਙ੍ਗવਿਜ੍ਜਾਦਿਨਾ।
210-211. Lābhāsāya dāyakānaṃ dārake ukkhipitvā paribhaṭabhāvo pāribhaṭakatā, tāya pāribhaṭakatāya na jīvayeti sambandho. Sesesupi eseva nayo. Khettādīsu pesitassa gamanaṃ paheṇakammaṃ. Sāsanappaṭisāsanaharaṇaṃ dūtakammaṃ. Pesitassa gehato gehagamanaṃ jaṅghapesaniyaṃ. Lābhāsāya lañjadānamanuppadānaṃ. Aññena vāpīti aṅgavijjādinā.
੨੧੨. વਿਞ੍ਞਤ੍ਤੀਤਿ (ਪਾਰਾ॰ ੫੧੫ ਆਦਯੋ; ਪਾਰਾ॰ ਅਟ੍ਠ॰ ੨.੫੧੫ ਆਦਯੋ) ਅਞ੍ਞਾਤਕવਿਞ੍ਞਤ੍ਤਿ। ਅਨੇਸਨਾਤਿ ਪੁਬ੍ਬੇ વੁਤ੍ਤੇਨ ਪੁਪ੍ਫਦਾਨਾਦਿਨਾ ਪਚ੍ਚਯੇਸਨਾ। ਕੁਹਨਾਦੀਹੀਤਿ (વਿਭ॰ ੮੬੧; વਿਭ॰ ਅਟ੍ਠ॰ ੮੬੧; ਮਹਾਨਿ॰ ੮੭) ਕੁਹਨਾ ਲਪਨਾ ਨੇਮਿਤ੍ਤਕਤਾ ਨਿਪ੍ਪੇਸਿਕਤਾ ਲਾਭੇਨ ਲਾਭਂ ਨਿਜਿਗੀਸਨਤਾਤਿ ਇਮੇਹਿ ਪਞ੍ਚਹਿ વਤ੍ਥੂਹੀਤਿ ਅਤ੍ਥੋ। ਮਿਚ੍ਛਾਜੀવવਿਨਿਚ੍ਛਯੋ।
212.Viññattīti (pārā. 515 ādayo; pārā. aṭṭha. 2.515 ādayo) aññātakaviññatti. Anesanāti pubbe vuttena pupphadānādinā paccayesanā. Kuhanādīhīti (vibha. 861; vibha. aṭṭha. 861; mahāni. 87) kuhanā lapanā nemittakatā nippesikatā lābhena lābhaṃ nijigīsanatāti imehi pañcahi vatthūhīti attho. Micchājīvavinicchayo.
ਮਿਚ੍ਛਾਜੀવવਿવਜ੍ਜਨਾਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Micchājīvavivajjanāniddesavaṇṇanā niṭṭhitā.
