| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৩. মিচ্ছত্তৰগ্গো
3. Micchattavaggo
১. মিচ্ছত্তসুত্তং
1. Micchattasuttaṃ
২১. সাৰত্থিনিদানং । ‘‘মিচ্ছত্তঞ্চ ৰো, ভিক্খৰে, দেসেস্সামি, সম্মত্তঞ্চ। তং সুণাথ। কতমঞ্চ , ভিক্খৰে, মিচ্ছত্তং? সেয্যথিদং – মিচ্ছাদিট্ঠি…পে॰… মিচ্ছাসমাধি । ইদং ৰুচ্চতি, ভিক্খৰে, মিচ্ছত্তং। কতমঞ্চ, ভিক্খৰে, সম্মত্তং? সেয্যথিদং – সম্মাদিট্ঠি…পে॰… সম্মাসমাধি। ইদং ৰুচ্চতি, ভিক্খৰে, সম্মত্ত’’ন্তি। পঠমং।
21. Sāvatthinidānaṃ . ‘‘Micchattañca vo, bhikkhave, desessāmi, sammattañca. Taṃ suṇātha. Katamañca , bhikkhave, micchattaṃ? Seyyathidaṃ – micchādiṭṭhi…pe… micchāsamādhi . Idaṃ vuccati, bhikkhave, micchattaṃ. Katamañca, bhikkhave, sammattaṃ? Seyyathidaṃ – sammādiṭṭhi…pe… sammāsamādhi. Idaṃ vuccati, bhikkhave, sammatta’’nti. Paṭhamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩. মিচ্ছত্তৰগ্গৰণ্ণনা • 3. Micchattavaggavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩. মিচ্ছত্তৰগ্গৰণ্ণনা • 3. Micchattavaggavaṇṇanā
