| Library / Tipiṭaka / តិបិដក • Tipiṭaka / សំយុត្តនិកាយ • Saṃyuttanikāya |
៣. មិច្ឆត្តវគ្គោ
3. Micchattavaggo
១. មិច្ឆត្តសុត្តំ
1. Micchattasuttaṃ
២១. សាវត្ថិនិទានំ ។ ‘‘មិច្ឆត្តញ្ច វោ, ភិក្ខវេ, ទេសេស្សាមិ, សម្មត្តញ្ច។ តំ សុណាថ។ កតមញ្ច , ភិក្ខវេ, មិច្ឆត្តំ? សេយ្យថិទំ – មិច្ឆាទិដ្ឋិ…បេ.… មិច្ឆាសមាធិ ។ ឥទំ វុច្ចតិ, ភិក្ខវេ, មិច្ឆត្តំ។ កតមញ្ច, ភិក្ខវេ, សម្មត្តំ? សេយ្យថិទំ – សម្មាទិដ្ឋិ…បេ.… សម្មាសមាធិ។ ឥទំ វុច្ចតិ, ភិក្ខវេ, សម្មត្ត’’ន្តិ។ បឋមំ។
21. Sāvatthinidānaṃ . ‘‘Micchattañca vo, bhikkhave, desessāmi, sammattañca. Taṃ suṇātha. Katamañca , bhikkhave, micchattaṃ? Seyyathidaṃ – micchādiṭṭhi…pe… micchāsamādhi . Idaṃ vuccati, bhikkhave, micchattaṃ. Katamañca, bhikkhave, sammattaṃ? Seyyathidaṃ – sammādiṭṭhi…pe… sammāsamādhi. Idaṃ vuccati, bhikkhave, sammatta’’nti. Paṭhamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៣. មិច្ឆត្តវគ្គវណ្ណនា • 3. Micchattavaggavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៣. មិច្ឆត្តវគ្គវណ្ណនា • 3. Micchattavaggavaṇṇanā
