| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. мижчад̇д̇аваг̇г̇аван̣н̣анаа
3. Micchattavaggavaṇṇanā
21-30. д̇ад̇ияаваг̇г̇асса батамз мижчад̇д̇анд̇и мижчаасабхаавам̣. саммад̇д̇анд̇и саммаасабхаавам̣. мижчаабадибад̇д̇аад̇хигаран̣ахзд̇ууд̇и мижчаабадибад̇д̇игаран̣ахзд̇у. яасмаа мижчаабадибад̇д̇им̣ гарод̇и, д̇асмаад̇и ад̇т̇о. наараад̇хагод̇и на самбаад̣̇аго. н̃ааяам̣ д̇хамманд̇и арияамаг̇г̇ад̇хаммам̣. мижчаан̃аан̣ийд̇и мижчаавин̃н̃аан̣о мижчаабажжавзгкан̣о. мижчаавимуд̇д̇ийд̇и аяаат̇аававимуд̇д̇и, анияяаанигавимуд̇д̇и. имзсу д̇ад̇ияаад̣̇ийсу жад̇уусу суд̇д̇зсу ваддавиваддам̣ гат̇ид̇ам̣, бажчимзсу банзд̇т̇а д̣̇вийсу буг̇г̇ало бужчид̇о д̇хаммо вибхад̇д̇о, звам̣ д̇хаммзна буг̇г̇ало д̣̇ассид̇од̇и. суббавад̇д̇ияод̇и суббавад̇д̇анияо. яат̇аа ижчид̇ижчид̇ам̣ д̣̇исам̣ бавад̇д̇знд̇о д̇хаавад̇и, звам̣ бавад̇д̇зд̇ум̣ саггаа ход̇ийд̇и ад̇т̇о. саубанисам̣ сабаригкааранд̇и саббажжаяам̣ сабариваарам̣. сзсам̣ саб̣б̣ад̇т̇а уд̇д̇аанад̇т̇амзваад̇и.
21-30. Tatiyavaggassa paṭhame micchattanti micchāsabhāvaṃ. Sammattanti sammāsabhāvaṃ. Micchāpaṭipattādhikaraṇahetūti micchāpaṭipattikaraṇahetu. Yasmā micchāpaṭipattiṃ karoti, tasmāti attho. Nārādhakoti na sampādako. Ñāyaṃ dhammanti ariyamaggadhammaṃ. Micchāñāṇīti micchāviññāṇo micchāpaccavekkhaṇo. Micchāvimuttīti ayāthāvavimutti, aniyyānikavimutti. Imesu tatiyādīsu catūsu suttesu vaṭṭavivaṭṭaṃ kathitaṃ, pacchimesu panettha dvīsu puggalo pucchito dhammo vibhatto, evaṃ dhammena puggalo dassitoti. Suppavattiyoti suppavattaniyo. Yathā icchiticchitaṃ disaṃ pavattento dhāvati, evaṃ pavattetuṃ sakkā hotīti attho. Saupanisaṃ saparikkhāranti sappaccayaṃ saparivāraṃ. Sesaṃ sabbattha uttānatthamevāti.
мижчад̇д̇аваг̇г̇о д̇ад̇ияо.
Micchattavaggo tatiyo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
1. мижчад̇д̇асуд̇д̇ам̣ • 1. Micchattasuttaṃ
2. агусалад̇хаммасуд̇д̇ам̣ • 2. Akusaladhammasuttaṃ
3. батамабадибад̣̇аасуд̇д̇ам̣ • 3. Paṭhamapaṭipadāsuttaṃ
4. д̣̇уд̇ияабадибад̣̇аасуд̇д̇ам̣ • 4. Dutiyapaṭipadāsuttaṃ
5. батамаасаббурисасуд̇д̇ам̣ • 5. Paṭhamaasappurisasuttaṃ
6. д̣̇уд̇ияаасаббурисасуд̇д̇ам̣ • 6. Dutiyaasappurisasuttaṃ
7. гумбхасуд̇д̇ам̣ • 7. Kumbhasuttaṃ
8. самаад̇хисуд̇д̇ам̣ • 8. Samādhisuttaṃ
9. взд̣̇анаасуд̇д̇ам̣ • 9. Vedanāsuttaṃ
10. уд̇д̇ияасуд̇д̇ам̣ • 10. Uttiyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. мижчад̇д̇аваг̇г̇аван̣н̣анаа • 3. Micchattavaggavaṇṇanā
