Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā)

3. мижчад̇д̇аваг̇г̇аван̣н̣анаа

3. Micchattavaggavaṇṇanā

21-30. мижчаасабхааванд̇и аяаат̇аавасабхаавам̣ анияяаанигасабхаавам̣. саммаасабхааванд̇и яаат̇аавасабхаавам̣ нияяаанигасабхаавам̣. мижчаабадибад̇д̇аад̇хигаран̣ахзд̇ууд̇и зд̇т̇а ад̇хи-сад̣̇д̣̇о анад̇т̇агод̇и ааха – ‘‘мижчаабадибад̇д̇игаран̣ахзд̇уу’’д̇и. н̃ааяад̇и бадивид̣̇д̇хавасзна ниб̣б̣аанам̣ г̇ажчад̇ийд̇и н̃ааяо. со зва д̇ам̣саман̇г̇ийнам̣ ваддад̣̇угкабаад̇ад̇о д̇хааран̣адтзна д̇хаммод̇и ааха – ‘‘н̃ааяам̣ д̇хамманд̇и арияамаг̇г̇ад̇хамма’’нд̇и. н̃аан̣асса мижчаасабхааво наама над̇т̇ийд̇и вин̃н̃аан̣амзвзд̇т̇а бажжавзгкан̣авасзна бавад̇д̇ам̣ н̃аан̣а-сад̣̇д̣̇зна вужжад̇ийд̇и ааха ‘‘мижчаавин̃н̃аан̣о’’д̇и. мижчаабажжавзгкан̣од̇и гин̃жи баабам̣ гад̇ваа ‘‘ахо маяаа гад̇ам̣ сугад̇а’’нд̇и звам̣ бавад̇д̇о мижчаабажжавзгкан̣о. г̇осийлаг̇овад̇аад̣̇ибууран̣ам̣ муд̇д̇ийд̇и звам̣ г̇ан̣хад̇о мижчаавимуд̇д̇и наама. мижчаабадибад̣̇аад̣̇ийхи вивадданд̇и звам̣ ваддавиваддам̣ гат̇ид̇ам̣. буг̇г̇ало бужчид̇од̇и ниг̇амид̇о жа ‘‘аяам̣ вужжад̇и, бхигкавз, асаббурисо’’д̇иаад̣̇инаа. гин̃жааби ‘‘мижчаад̣̇идтиго ход̇ий’’д̇иаад̣̇инаа буг̇г̇алова нид̣̇д̣̇идто, д̇ат̇ааби буг̇г̇аласийсзнааяам̣ д̇хаммад̣̇зсанаад̇и ааха ‘‘д̇хаммо вибхад̇д̇о’’д̇и. д̇знзвааха ‘‘д̇хаммзна буг̇г̇ало д̣̇ассид̇о’’д̇и. д̇хаммзнаад̇и мижчаад̣̇идтиаад̣̇игзна д̇хаммзна. галяаан̣абут̇уж̇ж̇анад̇о бадтааяа саб̣б̣асо саббурисаа наама, кийн̣аасаво саббурисад̇аро. суббавад̇д̇анияод̇и сукзна бавад̇д̇зд̇ум̣ саггун̣зяяо. д̇хаавад̇ийд̇и г̇ажчад̇и. бажжаяуббаннзна убзжжа ниссид̇аб̣б̣ад̇о убанисаа, бажжаяо, згасса са-гаарасса лобам̣ гад̇ваа ваад̇и ааха – ‘‘саубанисам̣ сабажжаяа’’нд̇и. баригаран̣ад̇о баригкааро, бариваарод̇и ааха – ‘‘сабаригкаарам̣ сабариваара’’нд̇и. сахаж̇аад̇авасзна убаниссаяавасзна жа сабажжаяад̇аа гижжасаад̇ханз нибпаад̣̇анз сахааяабхаавуубаг̇аманз жа сабариваарад̇аа д̣̇адтаб̣б̣аа.

21-30.Micchāsabhāvanti ayāthāvasabhāvaṃ aniyyānikasabhāvaṃ. Sammāsabhāvanti yāthāvasabhāvaṃ niyyānikasabhāvaṃ. Micchāpaṭipattādhikaraṇahetūti ettha adhi-saddo anatthakoti āha – ‘‘micchāpaṭipattikaraṇahetū’’ti. Ñāyati paṭividdhavasena nibbānaṃ gacchatīti ñāyo. So eva taṃsamaṅgīnaṃ vaṭṭadukkhapātato dhāraṇaṭṭhena dhammoti āha – ‘‘ñāyaṃ dhammanti ariyamaggadhamma’’nti. Ñāṇassa micchāsabhāvo nāma natthīti viññāṇamevettha paccavekkhaṇavasena pavattaṃ ñāṇa-saddena vuccatīti āha ‘‘micchāviññāṇo’’ti. Micchāpaccavekkhaṇoti kiñci pāpaṃ katvā ‘‘aho mayā kataṃ sukata’’nti evaṃ pavatto micchāpaccavekkhaṇo. Gosīlagovatādipūraṇaṃ muttīti evaṃ gaṇhato micchāvimutti nāma. Micchāpaṭipadādīhi vivaṭṭanti evaṃ vaṭṭavivaṭṭaṃ kathitaṃ. Puggalo pucchitoti nigamito ca ‘‘ayaṃ vuccati, bhikkhave, asappuriso’’tiādinā. Kiñcāpi ‘‘micchādiṭṭhiko hotī’’tiādinā puggalova niddiṭṭho, tathāpi puggalasīsenāyaṃ dhammadesanāti āha ‘‘dhammo vibhatto’’ti. Tenevāha ‘‘dhammena puggalo dassito’’ti. Dhammenāti micchādiṭṭhiādikena dhammena. Kalyāṇaputhujjanato paṭṭhāya sabbaso sappurisā nāma, khīṇāsavo sappurisataro. Suppavattaniyoti sukhena pavattetuṃ sakkuṇeyyo. Dhāvatīti gacchati. Paccayuppannena upecca nissitabbato upanisā, paccayo, ekassa sa-kārassa lopaṃ katvā vāti āha – ‘‘saupanisaṃ sapaccaya’’nti. Parikaraṇato parikkhāro, parivāroti āha – ‘‘saparikkhāraṃ saparivāra’’nti. Sahajātavasena upanissayavasena ca sapaccayatā kiccasādhane nipphādane sahāyabhāvūpagamane ca saparivāratā daṭṭhabbā.

мижчад̇д̇аваг̇г̇аван̣н̣анаа нидтид̇аа.

Micchattavaggavaṇṇanā niṭṭhitā.

Next: 4. бадибад̇д̇иваг̇г̇аван̣н̣анаа • 4. Paṭipattivaggavaṇṇanā

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. мижчад̇д̇аваг̇г̇аван̣н̣анаа • 3. Micchattavaggavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact