Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā)

३. मिच्छत्तवग्गवण्णना

3. Micchattavaggavaṇṇanā

२१-३०. ततियवग्गस्स पठमे मिच्छत्तन्ति मिच्छासभावं। सम्मत्तन्ति सम्मासभावं। मिच्छापटिपत्ताधिकरणहेतूति मिच्छापटिपत्तिकरणहेतु। यस्मा मिच्छापटिपत्तिं करोति, तस्माति अत्थो। नाराधकोति न सम्पादको। ञायं धम्मन्ति अरियमग्गधम्मं। मिच्छाञाणीति मिच्छाविञ्‍ञाणो मिच्छापच्‍चवेक्खणो। मिच्छाविमुत्तीति अयाथावविमुत्ति, अनिय्यानिकविमुत्ति। इमेसु ततियादीसु चतूसु सुत्तेसु वट्टविवट्टं कथितं, पच्छिमेसु पनेत्थ द्वीसु पुग्गलो पुच्छितो धम्मो विभत्तो, एवं धम्मेन पुग्गलो दस्सितोति। सुप्पवत्तियोति सुप्पवत्तनियो। यथा इच्छितिच्छितं दिसं पवत्तेन्तो धावति, एवं पवत्तेतुं सक्‍का होतीति अत्थो। सउपनिसं सपरिक्खारन्ति सप्पच्‍चयं सपरिवारं। सेसं सब्बत्थ उत्तानत्थमेवाति।

21-30. Tatiyavaggassa paṭhame micchattanti micchāsabhāvaṃ. Sammattanti sammāsabhāvaṃ. Micchāpaṭipattādhikaraṇahetūti micchāpaṭipattikaraṇahetu. Yasmā micchāpaṭipattiṃ karoti, tasmāti attho. Nārādhakoti na sampādako. Ñāyaṃ dhammanti ariyamaggadhammaṃ. Micchāñāṇīti micchāviññāṇo micchāpaccavekkhaṇo. Micchāvimuttīti ayāthāvavimutti, aniyyānikavimutti. Imesu tatiyādīsu catūsu suttesu vaṭṭavivaṭṭaṃ kathitaṃ, pacchimesu panettha dvīsu puggalo pucchito dhammo vibhatto, evaṃ dhammena puggalo dassitoti. Suppavattiyoti suppavattaniyo. Yathā icchiticchitaṃ disaṃ pavattento dhāvati, evaṃ pavattetuṃ sakkā hotīti attho. Saupanisaṃ saparikkhāranti sappaccayaṃ saparivāraṃ. Sesaṃ sabbattha uttānatthamevāti.

मिच्छत्तवग्गो ततियो।

Micchattavaggo tatiyo.

Next: ४. पटिपत्तिवग्गवण्णना • 4. Paṭipattivaggavaṇṇanā

टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ३. मिच्छत्तवग्गवण्णना • 3. Micchattavaggavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact