| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၃. မိစ္ဆတ္တဝဂ္ဂဝဏ္ဏနာ
3. Micchattavaggavaṇṇanā
၂၁-၃၀. တတိယဝဂ္ဂသ္သ ပဌမေ မိစ္ဆတ္တန္တိ မိစ္ဆာသဘာဝံ။ သမ္မတ္တန္တိ သမ္မာသဘာဝံ။ မိစ္ဆာပဋိပတ္တာဓိကရဏဟေတူတိ မိစ္ဆာပဋိပတ္တိကရဏဟေတု။ ယသ္မာ မိစ္ဆာပဋိပတ္တိံ ကရောတိ, တသ္မာတိ အတ္ထော။ နာရာဓကောတိ န သမ္ပာဒကော။ ဉာယံ ဓမ္မန္တိ အရိယမဂ္ဂဓမ္မံ။ မိစ္ဆာဉာဏီတိ မိစ္ဆာဝိညာဏော မိစ္ဆာပစ္စဝေက္ခဏော။ မိစ္ဆာဝိမုတ္တီတိ အယာထာဝဝိမုတ္တိ, အနိယ္ယာနိကဝိမုတ္တိ။ ဣမေသု တတိယာဒီသု စတူသု သုတ္တေသု ဝဋ္ဋဝိဝဋ္ဋံ ကထိတံ, ပစ္ဆိမေသု ပနေတ္ထ ဒ္ဝီသု ပုဂ္ဂလော ပုစ္ဆိတော ဓမ္မော ဝိဘတ္တော, ဧဝံ ဓမ္မေန ပုဂ္ဂလော ဒသ္သိတောတိ။ သုပ္ပဝတ္တိယောတိ သုပ္ပဝတ္တနိယော။ ယထာ ဣစ္ဆိတိစ္ဆိတံ ဒိသံ ပဝတ္တေန္တော ဓာဝတိ, ဧဝံ ပဝတ္တေတုံ သက္ကာ ဟောတီတိ အတ္ထော။ သဥပနိသံ သပရိက္ခာရန္တိ သပ္ပစ္စယံ သပရိဝာရံ။ သေသံ သဗ္ဗတ္ထ ဥတ္တာနတ္ထမေဝာတိ။
21-30. Tatiyavaggassa paṭhame micchattanti micchāsabhāvaṃ. Sammattanti sammāsabhāvaṃ. Micchāpaṭipattādhikaraṇahetūti micchāpaṭipattikaraṇahetu. Yasmā micchāpaṭipattiṃ karoti, tasmāti attho. Nārādhakoti na sampādako. Ñāyaṃ dhammanti ariyamaggadhammaṃ. Micchāñāṇīti micchāviññāṇo micchāpaccavekkhaṇo. Micchāvimuttīti ayāthāvavimutti, aniyyānikavimutti. Imesu tatiyādīsu catūsu suttesu vaṭṭavivaṭṭaṃ kathitaṃ, pacchimesu panettha dvīsu puggalo pucchito dhammo vibhatto, evaṃ dhammena puggalo dassitoti. Suppavattiyoti suppavattaniyo. Yathā icchiticchitaṃ disaṃ pavattento dhāvati, evaṃ pavattetuṃ sakkā hotīti attho. Saupanisaṃ saparikkhāranti sappaccayaṃ saparivāraṃ. Sesaṃ sabbattha uttānatthamevāti.
မိစ္ဆတ္တဝဂ္ဂော တတိယော။
Micchattavaggo tatiyo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၁. မိစ္ဆတ္တသုတ္တံ • 1. Micchattasuttaṃ
၂. အကုသလဓမ္မသုတ္တံ • 2. Akusaladhammasuttaṃ
၃. ပဌမပဋိပဒာသုတ္တံ • 3. Paṭhamapaṭipadāsuttaṃ
၄. ဒုတိယပဋိပဒာသုတ္တံ • 4. Dutiyapaṭipadāsuttaṃ
၅. ပဌမအသပ္ပုရိသသုတ္တံ • 5. Paṭhamaasappurisasuttaṃ
၆. ဒုတိယအသပ္ပုရိသသုတ္တံ • 6. Dutiyaasappurisasuttaṃ
၇. ကုမ္ဘသုတ္တံ • 7. Kumbhasuttaṃ
၈. သမာဓိသုတ္တံ • 8. Samādhisuttaṃ
၉. ဝေဒနာသုတ္တံ • 9. Vedanāsuttaṃ
၁၀. ဥတ္တိယသုတ္တံ • 10. Uttiyasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၃. မိစ္ဆတ္တဝဂ္ဂဝဏ္ဏနာ • 3. Micchattavaggavaṇṇanā
