Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā)

੩. ਮਿਚ੍ਛਤ੍ਤવਗ੍ਗવਣ੍ਣਨਾ

3. Micchattavaggavaṇṇanā

੨੧-੩੦. ਤਤਿਯવਗ੍ਗਸ੍ਸ ਪਠਮੇ ਮਿਚ੍ਛਤ੍ਤਨ੍ਤਿ ਮਿਚ੍ਛਾਸਭਾવਂ। ਸਮ੍ਮਤ੍ਤਨ੍ਤਿ ਸਮ੍ਮਾਸਭਾવਂ। ਮਿਚ੍ਛਾਪਟਿਪਤ੍ਤਾਧਿਕਰਣਹੇਤੂਤਿ ਮਿਚ੍ਛਾਪਟਿਪਤ੍ਤਿਕਰਣਹੇਤੁ। ਯਸ੍ਮਾ ਮਿਚ੍ਛਾਪਟਿਪਤ੍ਤਿਂ ਕਰੋਤਿ, ਤਸ੍ਮਾਤਿ ਅਤ੍ਥੋ। ਨਾਰਾਧਕੋਤਿ ਨ ਸਮ੍ਪਾਦਕੋ। ਞਾਯਂ ਧਮ੍ਮਨ੍ਤਿ ਅਰਿਯਮਗ੍ਗਧਮ੍ਮਂ। ਮਿਚ੍ਛਾਞਾਣੀਤਿ ਮਿਚ੍ਛਾવਿਞ੍ਞਾਣੋ ਮਿਚ੍ਛਾਪਚ੍ਚવੇਕ੍ਖਣੋ। ਮਿਚ੍ਛਾવਿਮੁਤ੍ਤੀਤਿ ਅਯਾਥਾવવਿਮੁਤ੍ਤਿ, ਅਨਿਯ੍ਯਾਨਿਕવਿਮੁਤ੍ਤਿ। ਇਮੇਸੁ ਤਤਿਯਾਦੀਸੁ ਚਤੂਸੁ ਸੁਤ੍ਤੇਸੁ વਟ੍ਟવਿવਟ੍ਟਂ ਕਥਿਤਂ, ਪਚ੍ਛਿਮੇਸੁ ਪਨੇਤ੍ਥ ਦ੍વੀਸੁ ਪੁਗ੍ਗਲੋ ਪੁਚ੍ਛਿਤੋ ਧਮ੍ਮੋ વਿਭਤ੍ਤੋ, ਏવਂ ਧਮ੍ਮੇਨ ਪੁਗ੍ਗਲੋ ਦਸ੍ਸਿਤੋਤਿ। ਸੁਪ੍ਪવਤ੍ਤਿਯੋਤਿ ਸੁਪ੍ਪવਤ੍ਤਨਿਯੋ। ਯਥਾ ਇਚ੍ਛਿਤਿਚ੍ਛਿਤਂ ਦਿਸਂ ਪવਤ੍ਤੇਨ੍ਤੋ ਧਾવਤਿ, ਏવਂ ਪવਤ੍ਤੇਤੁਂ ਸਕ੍ਕਾ ਹੋਤੀਤਿ ਅਤ੍ਥੋ। ਸਉਪਨਿਸਂ ਸਪਰਿਕ੍ਖਾਰਨ੍ਤਿ ਸਪ੍ਪਚ੍ਚਯਂ ਸਪਰਿવਾਰਂ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।

21-30. Tatiyavaggassa paṭhame micchattanti micchāsabhāvaṃ. Sammattanti sammāsabhāvaṃ. Micchāpaṭipattādhikaraṇahetūti micchāpaṭipattikaraṇahetu. Yasmā micchāpaṭipattiṃ karoti, tasmāti attho. Nārādhakoti na sampādako. Ñāyaṃ dhammanti ariyamaggadhammaṃ. Micchāñāṇīti micchāviññāṇo micchāpaccavekkhaṇo. Micchāvimuttīti ayāthāvavimutti, aniyyānikavimutti. Imesu tatiyādīsu catūsu suttesu vaṭṭavivaṭṭaṃ kathitaṃ, pacchimesu panettha dvīsu puggalo pucchito dhammo vibhatto, evaṃ dhammena puggalo dassitoti. Suppavattiyoti suppavattaniyo. Yathā icchiticchitaṃ disaṃ pavattento dhāvati, evaṃ pavattetuṃ sakkā hotīti attho. Saupanisaṃ saparikkhāranti sappaccayaṃ saparivāraṃ. Sesaṃ sabbattha uttānatthamevāti.

ਮਿਚ੍ਛਤ੍ਤવਗ੍ਗੋ ਤਤਿਯੋ।

Micchattavaggo tatiyo.

Next: ੪. ਪਟਿਪਤ੍ਤਿવਗ੍ਗવਣ੍ਣਨਾ • 4. Paṭipattivaggavaṇṇanā

ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਮਿਚ੍ਛਤ੍ਤવਗ੍ਗવਣ੍ਣਨਾ • 3. Micchattavaggavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact