| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੧੦. ਮਿਚ੍ਛਾવਾਯਾਮਸੁਤ੍ਤਂ
10. Micchāvāyāmasuttaṃ
੧੨੦. ‘‘ਪਞ੍ਚਹਿ , ਭਿਕ੍ਖવੇ, ਧਮ੍ਮੇਹਿ ਸਮਨ੍ਨਾਗਤਾ ਭਿਕ੍ਖੁਨੀ ਯਥਾਭਤਂ ਨਿਕ੍ਖਿਤ੍ਤਾ ਏવਂ ਨਿਰਯੇ। ਕਤਮੇਹਿ ਪਞ੍ਚਹਿ? ਅਨਨੁવਿਚ੍ਚ ਅਪਰਿਯੋਗਾਹੇਤ੍વਾ ਅવਣ੍ਣਾਰਹਸ੍ਸ વਣ੍ਣਂ ਭਾਸਤਿ, ਅਨਨੁવਿਚ੍ਚ ਅਪਰਿਯੋਗਾਹੇਤ੍વਾ વਣ੍ਣਾਰਹਸ੍ਸ ਅવਣ੍ਣਂ ਭਾਸਤਿ, ਮਿਚ੍ਛਾવਾਯਾਮਾ ਚ ਹੋਤਿ, ਮਿਚ੍ਛਾਸਤਿਨੀ ਚ 1, ਸਦ੍ਧਾਦੇਯ੍ਯਂ વਿਨਿਪਾਤੇਤਿ। ਇਮੇਹਿ ਖੋ, ਭਿਕ੍ਖવੇ, ਪਞ੍ਚਹਿ ਧਮ੍ਮੇਹਿ ਸਮਨ੍ਨਾਗਤਾ ਭਿਕ੍ਖੁਨੀ ਯਥਾਭਤਂ ਨਿਕ੍ਖਿਤ੍ਤਾ ਏવਂ ਨਿਰਯੇ।
120. ‘‘Pañcahi , bhikkhave, dhammehi samannāgatā bhikkhunī yathābhataṃ nikkhittā evaṃ niraye. Katamehi pañcahi? Ananuvicca apariyogāhetvā avaṇṇārahassa vaṇṇaṃ bhāsati, ananuvicca apariyogāhetvā vaṇṇārahassa avaṇṇaṃ bhāsati, micchāvāyāmā ca hoti, micchāsatinī ca 2, saddhādeyyaṃ vinipāteti. Imehi kho, bhikkhave, pañcahi dhammehi samannāgatā bhikkhunī yathābhataṃ nikkhittā evaṃ niraye.
‘‘ਪਞ੍ਚਹਿ, ਭਿਕ੍ਖવੇ, ਧਮ੍ਮੇਹਿ ਸਮਨ੍ਨਾਗਤਾ ਭਿਕ੍ਖੁਨੀ ਯਥਾਭਤਂ ਨਿਕ੍ਖਿਤ੍ਤਾ ਏવਂ ਸਗ੍ਗੇ। ਕਤਮੇਹਿ ਪਞ੍ਚਹਿ? ਅਨੁવਿਚ੍ਚ ਪਰਿਯੋਗਾਹੇਤ੍વਾ ਅવਣ੍ਣਾਰਹਸ੍ਸ ਅવਣ੍ਣਂ ਭਾਸਤਿ, ਅਨੁવਿਚ੍ਚ ਪਰਿਯੋਗਾਹੇਤ੍વਾ વਣ੍ਣਾਰਹਸ੍ਸ વਣ੍ਣਂ ਭਾਸਤਿ, ਸਮ੍ਮਾવਾਯਾਮਾ ਚ ਹੋਤਿ, ਸਮ੍ਮਾਸਤਿਨੀ ਚ, ਸਦ੍ਧਾਦੇਯ੍ਯਂ ਨ વਿਨਿਪਾਤੇਤਿ। ਇਮੇਹਿ ਖੋ, ਭਿਕ੍ਖવੇ, ਪਞ੍ਚਹਿ ਧਮ੍ਮੇਹਿ ਸਮਨ੍ਨਾਗਤਾ ਭਿਕ੍ਖੁਨੀ ਯਥਾਭਤਂ ਨਿਕ੍ਖਿਤ੍ਤਾ ਏવਂ ਸਗ੍ਗੇ’’ਤਿ। ਦਸਮਂ।
‘‘Pañcahi, bhikkhave, dhammehi samannāgatā bhikkhunī yathābhataṃ nikkhittā evaṃ sagge. Katamehi pañcahi? Anuvicca pariyogāhetvā avaṇṇārahassa avaṇṇaṃ bhāsati, anuvicca pariyogāhetvā vaṇṇārahassa vaṇṇaṃ bhāsati, sammāvāyāmā ca hoti, sammāsatinī ca, saddhādeyyaṃ na vinipāteti. Imehi kho, bhikkhave, pañcahi dhammehi samannāgatā bhikkhunī yathābhataṃ nikkhittā evaṃ sagge’’ti. Dasamaṃ.
ਅਨ੍ਧਕવਿਨ੍ਦવਗ੍ਗੋ ਦੁਤਿਯੋ।
Andhakavindavaggo dutiyo.
ਤਸ੍ਸੁਦ੍ਦਾਨਂ –
Tassuddānaṃ –
ਕੁਲੂਪਕੋ ਪਚ੍ਛਾਸਮਣੋ, ਸਮਾਧਿਅਨ੍ਧਕવਿਨ੍ਦਂ।
Kulūpako pacchāsamaṇo, samādhiandhakavindaṃ;
ਮਚ੍ਛਰੀ વਣ੍ਣਨਾ ਇਸ੍ਸਾ, ਦਿਟ੍ਠਿવਾਚਾਯ વਾਯਮਾਤਿ॥
Maccharī vaṇṇanā issā, diṭṭhivācāya vāyamāti.
Footnotes:
Related texts:
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫-੧੩. ਮਚ੍ਛਰਿਨੀਸੁਤ੍ਤਾਦਿવਣ੍ਣਨਾ • 5-13. Maccharinīsuttādivaṇṇanā
