| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
8. миг̇аж̇аалад̇т̇зраг̇аат̇ааван̣н̣анаа
8. Migajālattheragāthāvaṇṇanā
суд̣̇зсид̇од̇иаад̣̇игаа ааяасмад̇о миг̇аж̇аалад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о имасмим̣ б̣уд̣̇д̇хуббаад̣̇з саавад̇т̇ияам̣ висаакааяа махааубаасигааяа буд̇д̇о худ̇ваа ниб̣б̣ад̇д̇и, миг̇аж̇аалод̇исса наамам̣ ахоси. со вихаарам̣ г̇анд̇ваа абхин̣хасо д̇хаммассаванзна бадилад̣̇д̇хасад̣̇д̇хо баб̣б̣аж̇ид̇ваа вибассанам̣ вад̣дхзд̇ваа арахад̇д̇ам̣ бад̇ваа ан̃н̃ам̣ б̣яаагаронд̇о –
Sudesitotiādikā āyasmato migajālattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto imasmiṃ buddhuppāde sāvatthiyaṃ visākhāya mahāupāsikāya putto hutvā nibbatti, migajālotissa nāmaṃ ahosi. So vihāraṃ gantvā abhiṇhaso dhammassavanena paṭiladdhasaddho pabbajitvā vipassanaṃ vaḍḍhetvā arahattaṃ patvā aññaṃ byākaronto –
417.
417.
‘‘суд̣̇зсид̇о жагкумад̇аа, б̣уд̣̇д̇хзнаад̣̇ижжаб̣анд̇хунаа;
‘‘Sudesito cakkhumatā, buddhenādiccabandhunā;
саб̣б̣асам̣яож̇анаад̇ийд̇о, саб̣б̣аваддавинаасано.
Sabbasaṃyojanātīto, sabbavaṭṭavināsano.
418.
418.
‘‘нияяааниго уд̇д̇аран̣о, д̇ан̣хаамуулависосано;
‘‘Niyyāniko uttaraṇo, taṇhāmūlavisosano;
висамуулам̣ аагхаад̇анам̣, чзд̇ваа баабзд̇и ниб̣б̣уд̇им̣.
Visamūlaṃ āghātanaṃ, chetvā pāpeti nibbutiṃ.
419.
419.
‘‘ан̃н̃аан̣амуулабхзд̣̇ааяа, гаммаяанд̇авигхаадано;
‘‘Aññāṇamūlabhedāya, kammayantavighāṭano;
вин̃н̃аан̣аанам̣ бариг̇г̇ахз, н̃аан̣аваж̇иранибаад̇ано.
Viññāṇānaṃ pariggahe, ñāṇavajiranipātano.
420.
420.
‘‘взд̣̇анаанам̣ вин̃н̃аабано, убаад̣̇аанаббаможано;
‘‘Vedanānaṃ viññāpano, upādānappamocano;
бхавам̣ ан̇г̇аарагаасум̣ва, н̃аан̣зна анубассано.
Bhavaṃ aṅgārakāsuṃva, ñāṇena anupassano.
421.
421.
‘‘махаарасо суг̇амбхийро, ж̇араамажжунивааран̣о;
‘‘Mahāraso sugambhīro, jarāmaccunivāraṇo;
арияо адтан̇г̇иго маг̇г̇о, д̣̇угкуубасамано сиво.
Ariyo aṭṭhaṅgiko maggo, dukkhūpasamano sivo.
422.
422.
‘‘гаммам̣ гамманд̇и н̃ад̇ваана, вибааган̃жа вибаагад̇о;
‘‘Kammaṃ kammanti ñatvāna, vipākañca vipākato;
бадижжуббаннад̇хаммаанам̣, яат̇ааваалогад̣̇ассано;
Paṭiccuppannadhammānaṃ, yathāvālokadassano;
махаакзман̇г̇амо санд̇о, барияосаанабхад̣̇д̣̇аго’’д̇и. – имаа г̇аат̇аа абхааси;
Mahākhemaṅgamo santo, pariyosānabhaddako’’ti. – imā gāthā abhāsi;
д̇ад̇т̇а суд̣̇зсид̇од̇и судту д̣̇зсид̇о, взнзяяаж̇жхаасаяаануруубам̣ д̣̇идтад̇хаммигасамбарааяигабарамад̇т̇аанам̣ яаат̇аавад̇о вибхааванавасзна д̣̇зсид̇од̇и ад̇т̇о. ат̇а ваа суд̣̇зсид̇од̇и саммаа д̣̇зсид̇о, бавад̇д̇инивад̇д̇ийнам̣ д̇ад̣̇убхаяахзд̇уунан̃жа авибарийд̇ад̇о багаасанавасзна бхаасид̇о сваакяаад̇од̇и ад̇т̇о. жагкумад̇аад̇и мам̣сажагку, д̣̇иб̣б̣ажагку, бан̃н̃аажагку, б̣уд̣̇д̇хажагку, саманд̇ажагкууд̇и имзхи бан̃жахи жагкуухи жагкумад̇аа. б̣уд̣̇д̇хзнаад̇и саб̣б̣ан̃н̃уб̣уд̣̇д̇хзна. аад̣̇ижжаб̣анд̇хунаад̇и аад̣̇ижжаг̇од̇д̇зна. д̣̇увид̇хо хи логз кад̇д̇ияавам̣со – аад̣̇ижжавам̣со, сомавам̣сод̇и. д̇ад̇т̇а аад̣̇ижжавам̣со, оггаагарааж̇авам̣сод̇и ж̇аанид̇аб̣б̣ам̣. д̇ад̇о сан̃ж̇аад̇ад̇ааяа саагияаа аад̣̇ижжаг̇од̇д̇аад̇и бхаг̇аваа ‘‘аад̣̇ижжаб̣анд̇хуу’’д̇и вужжад̇и. ат̇а ваа аад̣̇ижжасса б̣анд̇хууд̇иби бхаг̇аваа аад̣̇ижжаб̣анд̇ху, свааяамад̇т̇о хздтаа вуд̇д̇оязва. гаамарааг̇асам̣яож̇анаад̣̇ийнам̣ саб̣б̣зсам̣ сам̣яож̇анаанам̣ самад̇иггаманабхаавад̇о саб̣б̣асам̣яож̇анаад̇ийд̇о д̇ад̇о зва гилзсагаммавибаагаваддаанам̣ винаасанад̇о вид̣̇д̇хам̣санад̇о саб̣б̣аваддавинаасано, сам̣сааражаарагад̇о нияяаанад̇о нияяааниго, сам̣саарамахогхад̇о самуд̇д̇аран̣адтзна уд̇д̇аран̣о, гаамад̇ан̣хаад̣̇ийнам̣ саб̣б̣ад̇ан̣хаанам̣ муулам̣ авиж̇ж̇ам̣ аяонисо манасигааран̃жа висосзд̇и сугкаабзд̇ийд̇и д̇ан̣хаамуулависосано, д̇ин̣н̣амби взд̣̇аанам̣ самбадивзд̇хасса вид̣̇д̇хам̣санад̇о висасса д̣̇угкасса гааран̣ад̇д̇аа висамуулам̣, сад̇д̇аанам̣ б̣яасануббад̇д̇идтаанад̇ааяа аагхаад̇анам̣ гаммам̣ гилзсам̣ ваа чзд̇ваа самужчинд̣̇ид̇ваа ниб̣б̣уд̇им̣ ниб̣б̣аанам̣ баабзд̇и.
Tattha sudesitoti suṭṭhu desito, veneyyajjhāsayānurūpaṃ diṭṭhadhammikasamparāyikaparamatthānaṃ yāthāvato vibhāvanavasena desitoti attho. Atha vā sudesitoti sammā desito, pavattinivattīnaṃ tadubhayahetūnañca aviparītato pakāsanavasena bhāsito svākhyātoti attho. Cakkhumatāti maṃsacakkhu, dibbacakkhu, paññācakkhu, buddhacakkhu, samantacakkhūti imehi pañcahi cakkhūhi cakkhumatā. Buddhenāti sabbaññubuddhena. Ādiccabandhunāti ādiccagottena. Duvidho hi loke khattiyavaṃso – ādiccavaṃso, somavaṃsoti. Tattha ādiccavaṃso, okkākarājavaṃsoti jānitabbaṃ. Tato sañjātatāya sākiyā ādiccagottāti bhagavā ‘‘ādiccabandhū’’ti vuccati. Atha vā ādiccassa bandhūtipi bhagavā ādiccabandhu, svāyamattho heṭṭhā vuttoyeva. Kāmarāgasaṃyojanādīnaṃ sabbesaṃ saṃyojanānaṃ samatikkamanabhāvato sabbasaṃyojanātīto tato eva kilesakammavipākavaṭṭānaṃ vināsanato viddhaṃsanato sabbavaṭṭavināsano, saṃsāracārakato niyyānato niyyāniko, saṃsāramahoghato samuttaraṇaṭṭhena uttaraṇo, kāmataṇhādīnaṃ sabbataṇhānaṃ mūlaṃ avijjaṃ ayoniso manasikārañca visoseti sukkhāpetīti taṇhāmūlavisosano, tiṇṇampi vedānaṃ sampaṭivedhassa viddhaṃsanato visassa dukkhassa kāraṇattā visamūlaṃ, sattānaṃ byasanuppattiṭṭhānatāya āghātanaṃ kammaṃ kilesaṃ vā chetvā samucchinditvā nibbutiṃ nibbānaṃ pāpeti.
ан̃н̃аан̣асса муулам̣ аяонисо манасигааро аасаваа жа ‘‘аасавасамуд̣̇аяаа авиж̇ж̇аасамуд̣̇аяо’’д̇и (ма. ни. 1.103) хи вуд̇д̇ам̣, д̇асса бхзд̣̇ааяа важ̇ируубаман̃аан̣зна бхинд̣̇анад̇т̇ааяа. ат̇а ваа ‘‘авиж̇ж̇аабажжаяаа сан̇каараа’’д̇иаад̣̇иважанад̇о (вибха. 225-226; сам̣. ни. 2.1) ан̃н̃аан̣ам̣ муулам̣ зд̇ассаад̇и ан̃н̃аан̣амуулам̣, бхаважаггам̣, д̇асса маг̇г̇ан̃аан̣аваж̇ирзна бад̣̇ааланад̇т̇ам̣ д̣̇зсид̇од̇и самб̣анд̇хо. гаммаяанд̇авигхааданод̇и гаммагхадид̇асса ад̇д̇абхааваяанд̇асса вид̣̇д̇хам̣сано. вин̃н̃аан̣аанам̣ бариг̇г̇ахзд̇и гаамабхаваад̣̇ийсу яат̇аасагагаммунаа вин̃н̃аан̣аг̇г̇ахан̣з убадтид̇зд̇и важанасзсо. д̇ад̇т̇а д̇ад̇т̇а хи бхавз бадисанд̇хияаа г̇ахид̇ааяа д̇ам̣д̇ам̣бхаваниссид̇авин̃н̃аан̣ааниби г̇ахид̇аанзва хонд̇и. н̃аан̣аваж̇иранибаад̇анод̇и н̃аан̣аваж̇ирасса нибаад̇о, н̃аан̣аваж̇ирам̣ нибаад̇зд̇ваа д̇зсам̣ бад̣̇аалзд̇аа. логуд̇д̇арад̇хаммо хи уббаж̇ж̇амаано сад̇д̇амабхаваад̣̇ийсу уббаж̇ж̇анаарахаани вин̃н̃аан̣аани бхинд̣̇ад̇д̇амзва уббаж̇ж̇ад̇ийд̇и.
Aññāṇassa mūlaṃ ayoniso manasikāro āsavā ca ‘‘āsavasamudayā avijjāsamudayo’’ti (ma. ni. 1.103) hi vuttaṃ, tassa bhedāya vajirūpamañāṇena bhindanatthāya. Atha vā ‘‘avijjāpaccayā saṅkhārā’’tiādivacanato (vibha. 225-226; saṃ. ni. 2.1) aññāṇaṃ mūlaṃ etassāti aññāṇamūlaṃ, bhavacakkaṃ, tassa maggañāṇavajirena padālanatthaṃ desitoti sambandho. Kammayantavighāṭanoti kammaghaṭitassa attabhāvayantassa viddhaṃsano. Viññāṇānaṃ pariggaheti kāmabhavādīsu yathāsakakammunā viññāṇaggahaṇe upaṭṭhiteti vacanaseso. Tattha tattha hi bhave paṭisandhiyā gahitāya taṃtaṃbhavanissitaviññāṇānipi gahitāneva honti. Ñāṇavajiranipātanoti ñāṇavajirassa nipāto, ñāṇavajiraṃ nipātetvā tesaṃ padāletā. Lokuttaradhammo hi uppajjamāno sattamabhavādīsu uppajjanārahāni viññāṇāni bhindattameva uppajjatīti.
взд̣̇анаанам̣ вин̃н̃аабанод̇и сукаад̣̇ийнам̣ д̇иссаннам̣ взд̣̇анаанам̣ яат̇ааггамам̣ д̣̇угкасаллаанижжавасзна яаат̇аавад̇о бавзд̣̇аго. убаад̣̇аанаббаможанод̇и гаамубаад̣̇аанаад̣̇ийхи жад̇уухиби убаад̣̇аанзхи жид̇д̇асанд̇аанасса виможаго. бхавам̣ ан̇г̇аарагаасум̣ва, н̃аан̣зна анубассанод̇и гаамабхаваад̣̇инававид̇хамби бхавам̣ згаад̣̇асахи аг̇г̇ийхи аад̣̇ид̇д̇абхаавад̇о саад̇хигаборисам̣ ан̇г̇аарагаасум̣ вияа маг̇г̇ан̃аан̣зна анубажжагкад̇о д̣̇ассзд̇аа.
Vedanānaṃ viññāpanoti sukhādīnaṃ tissannaṃ vedanānaṃ yathākkamaṃ dukkhasallāniccavasena yāthāvato pavedako. Upādānappamocanoti kāmupādānādīhi catūhipi upādānehi cittasantānassa vimocako. Bhavaṃ aṅgārakāsuṃva, ñāṇena anupassanoti kāmabhavādinavavidhampi bhavaṃ ekādasahi aggīhi ādittabhāvato sādhikaporisaṃ aṅgārakāsuṃ viya maggañāṇena anupaccakkhato dassetā.
санд̇абан̣ийд̇абхаавад̇о ад̇ид̇д̇игарадтзна махаарасо барин̃н̃аад̣̇ивасзна ваа махаагижжад̇ааяа сааман̃н̃апалавасзна махаасамбад̇д̇ид̇ааяа жа махаарасо, анубажид̇асамбхаарзхи д̣̇ураваг̇аахад̇ааяа алаб̣бханзяяабад̇идтад̇ааяа жа судту г̇амбхийро ж̇араамажжунивааран̣о, ааяад̇им̣ бхаваабхинибпад̇д̇ияаа нивад̇д̇анзна ж̇арааяа мажжуно жа бадисзд̇хаго. ид̣̇аани яат̇аавуд̇д̇аг̇ун̣ависзсаяуд̇д̇ам̣ д̇хаммам̣ саруубад̇о д̣̇ассзнд̇о ‘‘арияо адтан̇г̇иго’’д̇и вад̇ваа бунаби д̇асса гад̇ибаяз г̇ун̣з вибхаавзд̇ум̣ ‘‘д̣̇угкуубасамано сиво’’д̇иаад̣̇имааха. д̇ассад̇т̇о – барисуд̣̇д̇хадтзна арияо, саммаад̣̇идтиаад̣̇иадтад̇хаммасамод̇хаанад̇ааяа адтан̇г̇иго, ниб̣б̣аанаг̇авзсанадтзна маг̇г̇о сагалаваддад̣̇угкавуубасаманадтзна д̣̇угкавуубасамано, кзмадтзна сиво.
Santapaṇītabhāvato atittikaraṭṭhena mahāraso pariññādivasena vā mahākiccatāya sāmaññaphalavasena mahāsampattitāya ca mahāraso, anupacitasambhārehi duravagāhatāya alabbhaneyyapatiṭṭhatāya ca suṭṭhu gambhīro jarāmaccunivāraṇo, āyatiṃ bhavābhinipphattiyā nivattanena jarāya maccuno ca paṭisedhako. Idāni yathāvuttaguṇavisesayuttaṃ dhammaṃ sarūpato dassento ‘‘ariyo aṭṭhaṅgiko’’ti vatvā punapi tassa katipaye guṇe vibhāvetuṃ ‘‘dukkhūpasamano sivo’’tiādimāha. Tassattho – parisuddhaṭṭhena ariyo, sammādiṭṭhiādiaṭṭhadhammasamodhānatāya aṭṭhaṅgiko, nibbānagavesanaṭṭhena maggo sakalavaṭṭadukkhavūpasamanaṭṭhena dukkhavūpasamano, khemaṭṭhena sivo.
яат̇аа ид̇о б̣аахирагасамаяз асаммаасамб̣уд̣̇д̇хабавзд̣̇ид̇ад̇д̇аа гаммавибааго вибаллаасо сияаад̇и звам̣ авибаллаасзд̇ваа бадижжуббаннад̇хаммаанам̣ бадижжасамуббаннзсу д̇хаммзсу гаммам̣ гамманд̇и вибааган̃жа вибаагад̇о н̃ад̇ваана буб̣б̣абхааг̇ан̃аан̣зна ж̇аананахзд̇у сассад̇ужчзд̣̇аг̇г̇аахаанам̣ вид̇хаманзна яаат̇аавад̇о аалогад̣̇ассано д̇аггарасса логуд̇д̇аран̃аан̣аалогасса д̣̇ассано. гзнажи ган̃жи гад̣̇аажиби анубад̣̇д̣̇уд̇ад̇д̇аа махаакзмам̣ ниб̣б̣аанам̣ г̇ажчад̇и сад̇д̇з г̇амзд̇и жаад̇и махаакзман̇г̇амо, саб̣б̣агилзсад̣̇арат̇абарил̣аахавуубасаманад̇о санд̇о, агуббааяа жзд̇овимуд̇д̇ияаа анубаад̣̇исзсааяа жа ниб̣б̣аанад̇хаад̇уяаа баабанзна барияосаанабхад̣̇д̣̇аго суд̣̇зсид̇о жагкумад̇аад̇и яож̇анаа.
Yathā ito bāhirakasamaye asammāsambuddhapaveditattā kammavipāko vipallāso siyāti evaṃ avipallāsetvā paṭiccuppannadhammānaṃ paṭiccasamuppannesu dhammesu kammaṃ kammanti vipākañca vipākato ñatvāna pubbabhāgañāṇena jānanahetu sassatucchedaggāhānaṃ vidhamanena yāthāvato ālokadassano takkarassa lokuttarañāṇālokassa dassano. Kenaci kañci kadācipi anupaddutattā mahākhemaṃ nibbānaṃ gacchati satte gameti cāti mahākhemaṅgamo, sabbakilesadarathapariḷāhavūpasamanato santo, akuppāya cetovimuttiyā anupādisesāya ca nibbānadhātuyā pāpanena pariyosānabhaddako sudesito cakkhumatāti yojanā.
звам̣ т̇зро наанаанаязхи арияад̇хаммам̣ басам̣санд̇о д̇асса д̇хаммасса ад̇д̇анаа ад̇хиг̇ад̇абхаавам̣ ан̃н̃аабад̣̇зсзна багаасзси.
Evaṃ thero nānānayehi ariyadhammaṃ pasaṃsanto tassa dhammassa attanā adhigatabhāvaṃ aññāpadesena pakāsesi.
миг̇аж̇аалад̇т̇зраг̇аат̇ааван̣н̣анаа нидтид̇аа.
Migajālattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 8. миг̇аж̇аалад̇т̇зраг̇аат̇аа • 8. Migajālattheragāthā
