| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[381] 6. миг̇аалобаж̇аад̇агаван̣н̣анаа
[381] 6. Migālopajātakavaṇṇanā
на мз ружжийд̇и ид̣̇ам̣ сад̇т̇аа ж̇зд̇аванз вихаранд̇о згам̣ д̣̇уб̣б̣ажабхигкум̣ аараб̣бха гат̇зси. сад̇т̇аа д̇ам̣ бхигкум̣ баггосаабзд̇ваа ‘‘сажжам̣ гира д̇вам̣ бхигку д̣̇уб̣б̣ажо’’д̇и бужчид̇ваа ‘‘аама, бханд̇з’’д̇и вуд̇д̇з ‘‘на ко бхигку ид̣̇аанзва, буб̣б̣зби д̇вам̣ д̣̇уб̣б̣ажоязва, д̣̇уб̣б̣ажабхааван̃жа бана ниссааяа бан̣д̣ид̇аанам̣ важанам̣ агаронд̇о взрамбхаваад̇амукз б̣яасанам̣ г̇ад̇осий’’д̇и вад̇ваа ад̇ийд̇ам̣ аахари.
Name ruccīti idaṃ satthā jetavane viharanto ekaṃ dubbacabhikkhuṃ ārabbha kathesi. Satthā taṃ bhikkhuṃ pakkosāpetvā ‘‘saccaṃ kira tvaṃ bhikkhu dubbaco’’ti pucchitvā ‘‘āma, bhante’’ti vutte ‘‘na kho bhikkhu idāneva, pubbepi tvaṃ dubbacoyeva, dubbacabhāvañca pana nissāya paṇḍitānaṃ vacanaṃ akaronto verambhavātamukhe byasanaṃ gatosī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о г̇иж̇жхаяонияам̣ ниб̣б̣ад̇д̇ид̇ваа абананд̣̇аг̇иж̇жхо наама ахоси. со г̇иж̇жхаг̇ан̣абаривуд̇о г̇иж̇жхагуудабаб̣б̣ад̇з васи. буд̇д̇о банасса миг̇аалобо наама т̇аамаб̣аласамбанно ахоси, со ан̃н̃зсам̣ г̇иж̇жхаанам̣ сиймам̣ ад̇иггамид̇ваа ад̇иужжам̣ уббад̇и. г̇иж̇жхаа ‘‘буд̇д̇о д̇з ад̇ид̣̇уурам̣ уббад̇ад̇ий’’д̇и г̇иж̇жхаран̃н̃о аажигким̣су. со д̇ам̣ баггосзд̇ваа ‘‘д̇вам̣ гира, д̇аад̇а, ад̇иужжам̣ г̇ажчаси, ад̇иужжам̣ г̇ажчанд̇о ж̇ийвид̇агкаяам̣ баабун̣иссасий’’д̇и вад̇ваа д̇иссо г̇аат̇аа абхааси –
Atīte bārāṇasiyaṃ brahmadatte rajjaṃ kārente bodhisatto gijjhayoniyaṃ nibbattitvā apanandagijjho nāma ahosi. So gijjhagaṇaparivuto gijjhakūṭapabbate vasi. Putto panassa migālopo nāma thāmabalasampanno ahosi, so aññesaṃ gijjhānaṃ sīmaṃ atikkamitvā atiuccaṃ uppati. Gijjhā ‘‘putto te atidūraṃ uppatatī’’ti gijjharañño ācikkhiṃsu. So taṃ pakkosetvā ‘‘tvaṃ kira, tāta, atiuccaṃ gacchasi, atiuccaṃ gacchanto jīvitakkhayaṃ pāpuṇissasī’’ti vatvā tisso gāthā abhāsi –
34.
34.
‘‘на мз ружжи миг̇аалоба, яасса д̇з д̇аад̣̇исий г̇ад̇ий;
‘‘Na me rucci migālopa, yassa te tādisī gatī;
ад̇ужжам̣ д̇аад̇а бад̇аси, абхуумим̣ д̇аад̇а сзваси.
Atuccaṃ tāta patasi, abhūmiṃ tāta sevasi.
35.
35.
‘‘жад̇угган̣н̣ам̣ва гзд̣̇аарам̣, яад̣̇аа д̇з бат̇авий сияаа;
‘‘Catukkaṇṇaṃva kedāraṃ, yadā te pathavī siyā;
д̇ад̇о д̇аад̇а нивад̇д̇ассу, маассу зд̇д̇о барам̣ г̇ами.
Tato tāta nivattassu, māssu etto paraṃ gami.
36.
36.
‘‘санд̇и ан̃н̃зби сагун̣аа, бад̇д̇аяаанаа вихан̇г̇амаа;
‘‘Santi aññepi sakuṇā, pattayānā vihaṅgamā;
агкид̇д̇аа ваад̇авзг̇зна, надтаа д̇з сассад̇ийсамаа’’д̇и.
Akkhittā vātavegena, naṭṭhā te sassatīsamā’’ti.
д̇ад̇т̇а миг̇аалобаад̇и буд̇д̇ам̣ наамзна аалабад̇и. ад̇ужжам̣ д̇аад̇а бад̇асийд̇и д̇аад̇а, д̇вам̣ ан̃н̃зсам̣ г̇иж̇жхаанам̣ сиймам̣ ад̇иггамид̇ваа ад̇иужжам̣ г̇ажчаси. жад̇угган̣н̣ам̣ва гзд̣̇ааранд̇и иминаасса сиймам̣ аажигкад̇и. ид̣̇ам̣ вуд̇д̇ам̣ ход̇и – д̇аад̇а, яад̣̇аа д̇з аяам̣ махаабат̇авий жад̇угган̣н̣ам̣ гзд̣̇аарам̣ вияа сияаа, звам̣ куд̣̇д̣̇игаа вияа худ̇ваа бан̃н̃ааязт̇а, ат̇а д̇вам̣ зд̇д̇агаа таанаа нивад̇д̇зяяааси, зд̇д̇о барам̣ маа г̇амийд̇и. санд̇и ан̃н̃збийд̇и на гзвалам̣ д̇вамзва, ан̃н̃зби г̇иж̇жхаа звам̣ гарим̣сууд̇и д̣̇ийбзд̇и. агкид̇д̇аад̇и д̇зби г̇иж̇жхаа амхаагам̣ сиймам̣ ад̇иггамид̇ваа г̇ад̇аа ваад̇авзг̇зна аагад̣дхид̇аа нассим̣су. сассад̇ийсамаад̇и сассад̇ийхи бат̇авийбаб̣б̣ад̇аад̣̇ийхи самам̣ ад̇д̇аанам̣ ман̃н̃амаанаа ад̇д̇ано вассасахассабаримаан̣ам̣ ааяум̣ абуурзд̇вааби анд̇араа надтаад̇и ад̇т̇о.
Tattha migālopāti puttaṃ nāmena ālapati. Atuccaṃ tāta patasīti tāta, tvaṃ aññesaṃ gijjhānaṃ sīmaṃ atikkamitvā atiuccaṃ gacchasi. Catukkaṇṇaṃva kedāranti imināssa sīmaṃ ācikkhati. Idaṃ vuttaṃ hoti – tāta, yadā te ayaṃ mahāpathavī catukkaṇṇaṃ kedāraṃ viya siyā, evaṃ khuddikā viya hutvā paññāyetha, atha tvaṃ ettakā ṭhānā nivatteyyāsi, etto paraṃ mā gamīti. Santi aññepīti na kevalaṃ tvameva, aññepi gijjhā evaṃ kariṃsūti dīpeti. Akkhittāti tepi gijjhā amhākaṃ sīmaṃ atikkamitvā gatā vātavegena ākaḍḍhitā nassiṃsu. Sassatīsamāti sassatīhi pathavīpabbatādīhi samaṃ attānaṃ maññamānā attano vassasahassaparimāṇaṃ āyuṃ apūretvāpi antarā naṭṭhāti attho.
миг̇аалобо ановаад̣̇агад̇д̇аа бид̇у важанам̣ агад̇ваа лан̇гханд̇о бид̇араа агкаад̇ам̣ сиймам̣ д̣̇исваа д̇ам̣ ад̇иггамма гаалаваад̇з бад̇ваа д̇зби чинд̣̇ид̇ваа уббад̇ид̇о взрамбхаваад̇амукам̣ багканд̣̇и, ат̇а нам̣ взрамбхаваад̇аа бахарим̣су. со д̇зхи бахадамад̇д̇ова кан̣д̣аакан̣д̣ам̣ худ̇ваа аагаасзязва анд̇арад̇хааяи.
Migālopo anovādakattā pitu vacanaṃ akatvā laṅghanto pitarā akkhātaṃ sīmaṃ disvā taṃ atikkamma kālavāte patvā tepi chinditvā uppatito verambhavātamukhaṃ pakkhandi, atha naṃ verambhavātā pahariṃsu. So tehi pahaṭamattova khaṇḍākhaṇḍaṃ hutvā ākāseyeva antaradhāyi.
37.
37.
‘‘агад̇ваа абананд̣̇асса, бид̇у вуд̣̇д̇хасса саасанам̣;
‘‘Akatvā apanandassa, pitu vuddhassa sāsanaṃ;
гаалаваад̇з ад̇иггамма, взрамбхаанам̣ васам̣ аг̇аа.
Kālavāte atikkamma, verambhānaṃ vasaṃ agā.
38.
38.
‘‘д̇асса буд̇д̇аа жа д̣̇аараа жа, яз жан̃н̃з ануж̇ийвино;
‘‘Tassa puttā ca dārā ca, ye caññe anujīvino;
саб̣б̣з б̣яасанамаабаад̣̇ум̣, ановаад̣̇агарз д̣̇иж̇з.
Sabbe byasanamāpāduṃ, anovādakare dije.
39.
39.
‘‘звамби ид̇ха вуд̣̇д̇хаанам̣, яо ваагяам̣ нааваб̣уж̇жхад̇и;
‘‘Evampi idha vuddhānaṃ, yo vākyaṃ nāvabujjhati;
ад̇исиймажаро д̣̇ид̇д̇о, г̇иж̇жховаад̇ийд̇асаасано;
Atisīmacaro ditto, gijjhovātītasāsano;
саб̣б̣з б̣яасанам̣ баббонд̇и, агад̇ваа вуд̣̇д̇хасаасана’’нд̇и. –
Sabbe byasanaṃ papponti, akatvā vuddhasāsana’’nti. –
имаа д̇иссо абхисамб̣уд̣̇д̇хаг̇аат̇аа.
Imā tisso abhisambuddhagāthā.
д̇ад̇т̇а ануж̇ийвинод̇и д̇ам̣ ниссааяа ж̇ийванагаа. ановаад̣̇агарз д̣̇иж̇зд̇и д̇асмим̣ миг̇аалобз г̇иж̇жхз оваад̣̇ам̣ аг̇ан̣ханд̇з саб̣б̣зби д̇з д̇зна сад̣̇д̇хим̣ ад̇исиймам̣ г̇анд̇ваа винаасам̣ баабун̣им̣су. звамбийд̇и, бхигкавз, яат̇аа со г̇иж̇жхо, звам̣ яо ан̃н̃оби г̇ахадто ваа баб̣б̣аж̇ид̇о ваа хид̇аанугамбагаанам̣ вуд̣̇д̇хаанам̣ важанам̣ на г̇ан̣хаад̇и, соби аяам̣ сиймам̣ ад̇иггамид̇ваа жаранд̇о д̣̇ид̇д̇о г̇аб̣б̣ид̇о г̇иж̇жхова б̣яасанам̣ баабун̣аад̇ийд̇и.
Tattha anujīvinoti taṃ nissāya jīvanakā. Anovādakare dijeti tasmiṃ migālope gijjhe ovādaṃ agaṇhante sabbepi te tena saddhiṃ atisīmaṃ gantvā vināsaṃ pāpuṇiṃsu. Evampīti, bhikkhave, yathā so gijjho, evaṃ yo aññopi gahaṭṭho vā pabbajito vā hitānukampakānaṃ vuddhānaṃ vacanaṃ na gaṇhāti, sopi ayaṃ sīmaṃ atikkamitvā caranto ditto gabbito gijjhova byasanaṃ pāpuṇātīti.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси – ‘‘д̇ад̣̇аа миг̇аалобо д̣̇уб̣б̣ажабхигку ахоси, абананд̣̇о бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi – ‘‘tadā migālopo dubbacabhikkhu ahosi, apanando pana ahameva ahosi’’nti.
миг̇аалобаж̇аад̇агаван̣н̣анаа чадтаа.
Migālopajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 381. миг̇аалобаж̇аад̇агам̣ • 381. Migālopajātakaṃ
