| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5-10. миг̇асаалаасуд̇д̇аад̣̇иван̣н̣анаа
5-10. Migasālāsuttādivaṇṇanā
75-80. бан̃жамз имасса хи буг̇г̇аласса сийлавирахид̇асса бан̃н̃аа сийлам̣ барид̇ховад̇ийд̇и акан̣д̣аад̣̇ибхааваабаад̣̇анзна сийлам̣ аад̣̇имаж̇жхабарияосаанзсу бан̃н̃ааяа сувисод̇хид̇ам̣ гарод̇и. яасса хи аб̣бханд̇арз сийласам̣варо над̇т̇и, уг̇гхадид̇ан̃н̃уд̇ааяа бана жаад̇уббад̣̇игаг̇аат̇аабарияосаанз бан̃н̃ааяа сийлам̣ д̇ховид̇ваа саха бадисамбхид̣̇аахи арахад̇д̇ам̣ баабун̣аад̇и, аяам̣ бан̃н̃ааяа сийлам̣ д̇ховад̇и наама сзяяат̇ааби санд̇ад̇имахаамад̇д̇о.
75-80. Pañcame imassa hi puggalassa sīlavirahitassa paññā sīlaṃ paridhovatīti akhaṇḍādibhāvāpādanena sīlaṃ ādimajjhapariyosānesu paññāya suvisodhitaṃ karoti. Yassa hi abbhantare sīlasaṃvaro natthi, ugghaṭitaññutāya pana cātuppadikagāthāpariyosāne paññāya sīlaṃ dhovitvā saha paṭisambhidāhi arahattaṃ pāpuṇāti, ayaṃ paññāya sīlaṃ dhovati nāma seyyathāpi santatimahāmatto.
сийлаваа бана бан̃н̃ам̣ д̇ховад̇и. яасса (д̣̇ий. ни. адта. 1.317) хи бут̇уж̇ж̇анасса сийлам̣ садтиасийд̇ивассаани акан̣д̣ам̣ ход̇и, со маран̣агаалзби саб̣б̣агилзсз гхаад̇зд̇ваа сийлзна бан̃н̃ам̣ д̇ховид̇ваа арахад̇д̇ам̣ г̇ан̣хаад̇и ганд̣̇арасаалабаривзн̣з махаасадтивассад̇т̇зро вияа. т̇зрз гира маран̣аман̃жз нибаж̇ж̇ид̇ваа б̣алававзд̣̇анааяа нид̇т̇унанд̇з д̇иссамахаарааж̇аа ‘‘т̇зрам̣ бассиссаамий’’д̇и г̇анд̇ваа баривзн̣ад̣̇ваарз тид̇о д̇ам̣ сад̣̇д̣̇ам̣ суд̇ваа бужчи ‘‘гасса сад̣̇д̣̇о аяа’’нд̇и. т̇зрасса нид̇т̇унанасад̣̇д̣̇од̇и. ‘‘баб̣б̣аж̇ж̇ааяа садтивассзна взд̣̇анаабариг̇г̇ахамад̇д̇амби на гад̇ам̣, ид̣̇аани на д̇ам̣ ванд̣̇иссаамий’’д̇и нивад̇д̇ид̇ваа махааб̣од̇хим̣ ванд̣̇ид̇ум̣ г̇ад̇о. д̇ад̇о убадтаагад̣̇ахаро т̇зрам̣ ааха ‘‘гим̣ но, бханд̇з, лаж̇ж̇аабзт̇а, сад̣̇д̇хоби рааж̇аа виббадисаарий худ̇ваа ‘на ванд̣̇иссаамий’д̇и г̇ад̇о’’д̇и. гасмаа, аавусод̇и? д̇умхаагам̣ нид̇т̇унанасад̣̇д̣̇ам̣ суд̇ваад̇и. ‘‘д̇зна хи мз огаасам̣ гарот̇аа’’д̇и вад̇ваа взд̣̇анам̣ вигкамбхзд̇ваа арахад̇д̇ам̣ бад̇ваа д̣̇ахарасса сан̃н̃ам̣ ад̣̇ааси ‘‘г̇ажчаавусо, ид̣̇аани рааж̇аанам̣ амхз ванд̣̇аабзхий’’д̇и. д̣̇ахаро г̇анд̇ваа ‘‘ид̣̇аани гира т̇зрам̣ ванд̣̇ат̇аа’’д̇и ааха. рааж̇аа сусумаарабад̇ид̇зна т̇зрам̣ ванд̣̇анд̇о ‘‘наахам̣ аяяасса арахад̇д̇ам̣ ванд̣̇аами, бут̇уж̇ж̇анабхуумияам̣ бана тад̇ваа рагкид̇асийламзва ванд̣̇аамий’’д̇и ааха. звам̣ сийлзна бан̃н̃ам̣ д̇ховад̇и наама. сзсам̣ вуд̇д̇амзва. чадтаад̣̇ийсу над̇т̇и вад̇д̇аб̣б̣ам̣.
Sīlavā pana paññaṃ dhovati. Yassa (dī. ni. aṭṭha. 1.317) hi puthujjanassa sīlaṃ saṭṭhiasītivassāni akhaṇḍaṃ hoti, so maraṇakālepi sabbakilese ghātetvā sīlena paññaṃ dhovitvā arahattaṃ gaṇhāti kandarasālapariveṇe mahāsaṭṭhivassatthero viya. There kira maraṇamañce nipajjitvā balavavedanāya nitthunante tissamahārājā ‘‘theraṃ passissāmī’’ti gantvā pariveṇadvāre ṭhito taṃ saddaṃ sutvā pucchi ‘‘kassa saddo aya’’nti. Therassa nitthunanasaddoti. ‘‘Pabbajjāya saṭṭhivassena vedanāpariggahamattampi na kataṃ, idāni na taṃ vandissāmī’’ti nivattitvā mahābodhiṃ vandituṃ gato. Tato upaṭṭhākadaharo theraṃ āha ‘‘kiṃ no, bhante, lajjāpetha, saddhopi rājā vippaṭisārī hutvā ‘na vandissāmī’ti gato’’ti. Kasmā, āvusoti? Tumhākaṃ nitthunanasaddaṃ sutvāti. ‘‘Tena hi me okāsaṃ karothā’’ti vatvā vedanaṃ vikkhambhetvā arahattaṃ patvā daharassa saññaṃ adāsi ‘‘gacchāvuso, idāni rājānaṃ amhe vandāpehī’’ti. Daharo gantvā ‘‘idāni kira theraṃ vandathā’’ti āha. Rājā susumārapatitena theraṃ vandanto ‘‘nāhaṃ ayyassa arahattaṃ vandāmi, puthujjanabhūmiyaṃ pana ṭhatvā rakkhitasīlameva vandāmī’’ti āha. Evaṃ sīlena paññaṃ dhovati nāma. Sesaṃ vuttameva. Chaṭṭhādīsu natthi vattabbaṃ.
миг̇асаалаасуд̇д̇аад̣̇иван̣н̣анаа нидтид̇аа.
Migasālāsuttādivaṇṇanā niṭṭhitā.
ааган̇каваг̇г̇аван̣н̣анаа нидтид̇аа.
Ākaṅkhavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
5. миг̇асаалаасуд̇д̇ам̣ • 5. Migasālāsuttaṃ
6. д̇аяод̇хаммасуд̇д̇ам̣ • 6. Tayodhammasuttaṃ
7. гаагасуд̇д̇ам̣ • 7. Kākasuttaṃ
8. ниг̇ан̣тасуд̇д̇ам̣ • 8. Nigaṇṭhasuttaṃ
9. аагхаад̇авад̇т̇усуд̇д̇ам̣ • 9. Āghātavatthusuttaṃ
10. аагхаад̇абадивинаяасуд̇д̇ам̣ • 10. Āghātapaṭivinayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
5. миг̇асаалаасуд̇д̇аван̣н̣анаа • 5. Migasālāsuttavaṇṇanā
7. гаагасуд̇д̇аван̣н̣анаа • 7. Kākasuttavaṇṇanā
9. аагхаад̇авад̇т̇усуд̇д̇аван̣н̣анаа • 9. Āghātavatthusuttavaṇṇanā
