| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
5-10. මිගසාලාසුත්‌තාදිවණ්‌ණනා
5-10. Migasālāsuttādivaṇṇanā
75-80. පඤ්‌චමෙ ඉමස්‌ස හි පුග්‌ගලස්‌ස සීලවිරහිතස්‌ස පඤ්‌ඤා සීලං පරිධොවතීති අඛණ්‌ඩාදිභාවාපාදනෙන සීලං ආදිමජ්‌ඣපරියොසානෙසු පඤ්‌ඤාය සුවිසොධිතං කරොති. යස්‌ස හි අබ්‌භන්‌තරෙ සීලසංවරො නත්‌ථි, උග්‌ඝටිතඤ්‌ඤුතාය පන චාතුප්‌පදිකගාථාපරියොසානෙ පඤ්‌ඤාය සීලං ධොවිත්‌වා සහ පටිසම්‌භිදාහි අරහත්‌තං පාපුණාති, අයං පඤ්‌ඤාය සීලං ධොවති නාම සෙය්‍යථාපි සන්‌තතිමහාමත්‌තො.
75-80. Pañcame imassa hi puggalassa sīlavirahitassa paññā sīlaṃ paridhovatīti akhaṇḍādibhāvāpādanena sīlaṃ ādimajjhapariyosānesu paññāya suvisodhitaṃ karoti. Yassa hi abbhantare sīlasaṃvaro natthi, ugghaṭitaññutāya pana cātuppadikagāthāpariyosāne paññāya sīlaṃ dhovitvā saha paṭisambhidāhi arahattaṃ pāpuṇāti, ayaṃ paññāya sīlaṃ dhovati nāma seyyathāpi santatimahāmatto.
සීලවා පන පඤ්‌ඤං ධොවති. යස්‌ස (දී. නි. අට්‌ඨ. 1.317) හි පුථුජ්‌ජනස්‌ස සීලං සට්‌ඨිඅසීතිවස්‌සානි අඛණ්‌ඩං හොති, සො මරණකාලෙපි සබ්‌බකිලෙසෙ ඝාතෙත්‌වා සීලෙන පඤ්‌ඤං ධොවිත්‌වා අරහත්‌තං ගණ්‌හාති කන්‌දරසාලපරිවෙණෙ මහාසට්‌ඨිවස්‌සත්‌ථෙරො විය. ථෙරෙ කිර මරණමඤ්‌චෙ නිපජ්‌ජිත්‌වා බලවවෙදනාය නිත්‌ථුනන්‌තෙ තිස්‌සමහාරාජා ‘‘ථෙරං පස්‌සිස්‌සාමී’’ති ගන්‌ත්‌වා පරිවෙණද්‌වාරෙ ඨිතො තං සද්‌දං සුත්‌වා පුච්‌ඡි ‘‘කස්‌ස සද්‌දො අය’’න්‌ති. ථෙරස්‌ස නිත්‌ථුනනසද්‌දොති. ‘‘පබ්‌බජ්‌ජාය සට්‌ඨිවස්‌සෙන වෙදනාපරිග්‌ගහමත්‌තම්‌පි න කතං, ඉදානි න තං වන්‌දිස්‌සාමී’’ති නිවත්‌තිත්‌වා මහාබොධිං වන්‌දිතුං ගතො. තතො උපට්‌ඨාකදහරො ථෙරං ආහ ‘‘කිං නො, භන්‌තෙ, ලජ්‌ජාපෙථ, සද්‌ධොපි රාජා විප්‌පටිසාරී හුත්‌වා ‘න වන්‌දිස්‌සාමී’ති ගතො’’ති. කස්‌මා, ආවුසොති? තුම්‌හාකං නිත්‌ථුනනසද්‌දං සුත්‌වාති. ‘‘තෙන හි මෙ ඔකාසං කරොථා’’ති වත්‌වා වෙදනං වික්‌ඛම්‌භෙත්‌වා අරහත්‌තං පත්‌වා දහරස්‌ස සඤ්‌ඤං අදාසි ‘‘ගච්‌ඡාවුසො, ඉදානි රාජානං අම්‌හෙ වන්‌දාපෙහී’’ති. දහරො ගන්‌ත්‌වා ‘‘ඉදානි කිර ථෙරං වන්‌දථා’’ති ආහ. රාජා සුසුමාරපතිතෙන ථෙරං වන්‌දන්‌තො ‘‘නාහං අය්‍යස්‌ස අරහත්‌තං වන්‌දාමි, පුථුජ්‌ජනභූමියං පන ඨත්‌වා රක්‌ඛිතසීලමෙව වන්‌දාමී’’ති ආහ. එවං සීලෙන පඤ්‌ඤං ධොවති නාම. සෙසං වුත්‌තමෙව. ඡට්‌ඨාදීසු නත්‌ථි වත්‌තබ්‌බං.
Sīlavā pana paññaṃ dhovati. Yassa (dī. ni. aṭṭha. 1.317) hi puthujjanassa sīlaṃ saṭṭhiasītivassāni akhaṇḍaṃ hoti, so maraṇakālepi sabbakilese ghātetvā sīlena paññaṃ dhovitvā arahattaṃ gaṇhāti kandarasālapariveṇe mahāsaṭṭhivassatthero viya. There kira maraṇamañce nipajjitvā balavavedanāya nitthunante tissamahārājā ‘‘theraṃ passissāmī’’ti gantvā pariveṇadvāre ṭhito taṃ saddaṃ sutvā pucchi ‘‘kassa saddo aya’’nti. Therassa nitthunanasaddoti. ‘‘Pabbajjāya saṭṭhivassena vedanāpariggahamattampi na kataṃ, idāni na taṃ vandissāmī’’ti nivattitvā mahābodhiṃ vandituṃ gato. Tato upaṭṭhākadaharo theraṃ āha ‘‘kiṃ no, bhante, lajjāpetha, saddhopi rājā vippaṭisārī hutvā ‘na vandissāmī’ti gato’’ti. Kasmā, āvusoti? Tumhākaṃ nitthunanasaddaṃ sutvāti. ‘‘Tena hi me okāsaṃ karothā’’ti vatvā vedanaṃ vikkhambhetvā arahattaṃ patvā daharassa saññaṃ adāsi ‘‘gacchāvuso, idāni rājānaṃ amhe vandāpehī’’ti. Daharo gantvā ‘‘idāni kira theraṃ vandathā’’ti āha. Rājā susumārapatitena theraṃ vandanto ‘‘nāhaṃ ayyassa arahattaṃ vandāmi, puthujjanabhūmiyaṃ pana ṭhatvā rakkhitasīlameva vandāmī’’ti āha. Evaṃ sīlena paññaṃ dhovati nāma. Sesaṃ vuttameva. Chaṭṭhādīsu natthi vattabbaṃ.
මිගසාලාසුත්‌තාදිවණ්‌ණනා නිට්‌ඨිතා.
Migasālāsuttādivaṇṇanā niṭṭhitā.
ආකඞ්‌ඛවග්‌ගවණ්‌ණනා නිට්‌ඨිතා.
Ākaṅkhavaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
5. මිගසාලාසුත්‌තං • 5. Migasālāsuttaṃ
6. තයොධම්‌මසුත්‌තං • 6. Tayodhammasuttaṃ
7. කාකසුත්‌තං • 7. Kākasuttaṃ
8. නිගණ්‌ඨසුත්‌තං • 8. Nigaṇṭhasuttaṃ
9. ආඝාතවත්‌ථුසුත්‌තං • 9. Āghātavatthusuttaṃ
10. ආඝාතපටිවිනයසුත්‌තං • 10. Āghātapaṭivinayasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā)
5. මිගසාලාසුත්‌තවණ්‌ණනා • 5. Migasālāsuttavaṇṇanā
7. කාකසුත්‌තවණ්‌ණනා • 7. Kākasuttavaṇṇanā
9. ආඝාතවත්‌ථුසුත්‌තවණ්‌ණනා • 9. Āghātavatthusuttavaṇṇanā
