| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. миг̇асаалаасуд̇д̇аван̣н̣анаа
5. Migasālāsuttavaṇṇanā
75. бан̃жамасса аад̣̇имхи д̇аава яам̣ вад̇д̇аб̣б̣ам̣, д̇ам̣ чагганибаад̇з вуд̇д̇амзва. д̣̇уссийло ход̇ийд̇иаад̣̇ийсу бана д̣̇уссийлод̇и ниссийло. жзд̇овимуд̇д̇инд̇и паласамаад̇хим̣. бан̃н̃аавимуд̇д̇инд̇и палан̃аан̣ам̣. наббаж̇аанаад̇ийд̇и уг̇г̇ахабарибужчаавасзна на ж̇аанаад̇и. д̣̇уссийляам̣ абарисзсам̣ нируж̇жхад̇ийд̇и зд̇т̇а бан̃жа д̣̇уссийляаани д̇аава сод̇аабад̇д̇имаг̇г̇зна бахийяанд̇и, д̣̇аса арахад̇д̇амаг̇г̇зна. палагкан̣з д̇аани бахийнаани наама хонд̇и. палагкан̣ам̣ санд̇хааяа ид̇ха ‘‘нируж̇жхад̇ий’’д̇и вуд̇д̇ам̣. бут̇уж̇ж̇анасса сийлам̣ бан̃жахи гааран̣зхи бхиж̇ж̇ад̇и баарааж̇игаабаж̇ж̇анзна сигкаабажжагкаанзна д̇ид̇т̇ияабагканд̣̇анзна арахад̇д̇зна маран̣знаад̇и. д̇ад̇т̇а буримаа д̇аяо бхааванаабарихаанааяа сам̣вад̇д̇анд̇и, жад̇уд̇т̇о вад̣дхияаа, бан̃жамо нзва хаанааяа на вад̣дхияаа. гат̇ам̣ банзд̇ам̣ арахад̇д̇зна сийлам̣ бхиж̇ж̇ад̇ийд̇и? бут̇уж̇ж̇анасса хи сийлам̣ ажжанд̇агусаламзва ход̇и, арахад̇д̇амаг̇г̇о жа гусалаагусалагаммагкаяааяа сам̣вад̇д̇ад̇ийд̇и звам̣ д̇зна д̇ам̣ бхиж̇ж̇ад̇и. саванзнаби агад̇ам̣ ход̇ийд̇и сод̇аб̣б̣аяуд̇д̇агам̣ ассуд̇ам̣ ход̇и. б̣аахусажжзнаби агад̇ам̣ ход̇ийд̇и зд̇т̇а б̣аахусажжанд̇и вийрияам̣. вийриязна гад̇д̇аб̣б̣аяуд̇д̇агам̣ агад̇ам̣ ход̇и, д̇асса агад̇ад̇д̇аа саг̇г̇ад̇оби маг̇г̇ад̇оби барихааяад̇и. д̣̇идтияааби аббадивид̣̇д̇хам̣ ход̇ийд̇и д̣̇идтияаа бадивиж̇жхид̇аб̣б̣ам̣ аббадивид̣̇д̇хам̣ ход̇и абажжагкагад̇ам̣. саамаяигамби вимуд̇д̇им̣ на лабхад̇ийд̇и гаалаанугаалам̣ д̇хаммассаванам̣ ниссааяа бийд̇ибаамож̇ж̇ам̣ на лабхад̇и. хаанааяа барзд̇ийд̇и хаанааяа бавад̇д̇ад̇и.
75. Pañcamassa ādimhi tāva yaṃ vattabbaṃ, taṃ chakkanipāte vuttameva. Dussīlo hotītiādīsu pana dussīloti nissīlo. Cetovimuttinti phalasamādhiṃ. Paññāvimuttinti phalañāṇaṃ. Nappajānātīti uggahaparipucchāvasena na jānāti. Dussīlyaṃ aparisesaṃ nirujjhatīti ettha pañca dussīlyāni tāva sotāpattimaggena pahīyanti, dasa arahattamaggena. Phalakkhaṇe tāni pahīnāni nāma honti. Phalakkhaṇaṃ sandhāya idha ‘‘nirujjhatī’’ti vuttaṃ. Puthujjanassa sīlaṃ pañcahi kāraṇehi bhijjati pārājikāpajjanena sikkhāpaccakkhānena titthiyapakkhandanena arahattena maraṇenāti. Tattha purimā tayo bhāvanāparihānāya saṃvattanti, catuttho vaḍḍhiyā, pañcamo neva hānāya na vaḍḍhiyā. Kathaṃ panetaṃ arahattena sīlaṃ bhijjatīti? Puthujjanassa hi sīlaṃ accantakusalameva hoti, arahattamaggo ca kusalākusalakammakkhayāya saṃvattatīti evaṃ tena taṃ bhijjati. Savanenapiakataṃ hotīti sotabbayuttakaṃ assutaṃ hoti. Bāhusaccenapi akataṃ hotīti ettha bāhusaccanti vīriyaṃ. Vīriyena kattabbayuttakaṃ akataṃ hoti, tassa akatattā saggatopi maggatopi parihāyati. Diṭṭhiyāpi appaṭividdhaṃ hotīti diṭṭhiyā paṭivijjhitabbaṃ appaṭividdhaṃ hoti apaccakkhakataṃ. Sāmayikampi vimuttiṃ na labhatīti kālānukālaṃ dhammassavanaṃ nissāya pītipāmojjaṃ na labhati. Hānāya paretīti hānāya pavattati.
яат̇аабхууд̇ам̣ баж̇аанаад̇ийд̇и ‘‘сод̇аабад̇д̇ипалам̣ бад̇ваа бан̃жавид̇хам̣ д̣̇уссийляам̣ абарисзсам̣ нируж̇жхад̇ий’’д̇и уг̇г̇ахабарибужчаавасзна ж̇аанаад̇и. д̇асса саванзнаби гад̇ам̣ ход̇ийд̇и сод̇аб̣б̣аяуд̇д̇агам̣ суд̇ам̣ ход̇и. б̣аахусажжзнаби гад̇ам̣ ход̇ийд̇и вийриязна гад̇д̇аб̣б̣аяуд̇д̇агам̣ анд̇амасо д̣̇уб̣б̣алавибассанаамад̇д̇агамби гад̇ам̣ ход̇и. д̣̇идтияааби суббадивид̣̇д̇хам̣ ход̇ийд̇и анд̇амасо логияабан̃н̃ааяаби бажжаяабадивзд̇хо гад̇о ход̇и. имасса хи буг̇г̇аласса бан̃н̃аа сийлам̣ барид̇ховад̇и, со бан̃н̃аабарид̇ход̇зна висзсам̣ баабун̣аад̇и.
Yathābhūtaṃ pajānātīti ‘‘sotāpattiphalaṃ patvā pañcavidhaṃ dussīlyaṃ aparisesaṃ nirujjhatī’’ti uggahaparipucchāvasena jānāti. Tassa savanenapi kataṃ hotīti sotabbayuttakaṃ sutaṃ hoti. Bāhusaccenapi kataṃ hotīti vīriyena kattabbayuttakaṃ antamaso dubbalavipassanāmattakampi kataṃ hoti. Diṭṭhiyāpi suppaṭividdhaṃ hotīti antamaso lokiyapaññāyapi paccayapaṭivedho kato hoti. Imassa hi puggalassa paññā sīlaṃ paridhovati, so paññāparidhotena visesaṃ pāpuṇāti.
бамаан̣игаад̇и буг̇г̇алзсу бамаан̣аг̇г̇аахагаа. бамин̣анд̇ийд̇и бамзд̇ум̣ д̇улзд̇ум̣ араханд̇и. зго хийнод̇и зго г̇ун̣зхи хийно. бан̣ийд̇од̇и зго г̇ун̣зхи бан̣ийд̇о уд̇д̇амо. д̇ам̣ хийд̇и д̇ам̣ бамаан̣агаран̣ам̣. абхигганд̇ад̇арод̇и сунд̣̇арад̇аро. бан̣ийд̇ад̇арод̇и уд̇д̇амад̇аро. д̇хаммасод̇о ниб̣б̣ахад̇ийд̇и суурам̣ худ̇ваа бавад̇д̇амаанам̣ вибассанаан̃аан̣ам̣ ниб̣б̣ахад̇и, арияабхуумим̣ баабзд̇и. д̇ад̣̇анд̇арам̣ го ж̇аанзяяаад̇и д̇ам̣ звам̣ гааран̣ам̣ го ж̇аанзяяа. сийлаваа ход̇ийд̇и логияасийлзна сийлаваа ход̇и. яад̇т̇асса д̇ам̣ сийланд̇и арахад̇д̇авимуд̇д̇им̣ бад̇ваа сийлам̣ абарисзсамби нируж̇жхад̇и наама, д̇ад̇т̇а яуд̇д̇и вуд̇д̇ааязва. ид̇о барзсу д̣̇вийсу ан̇г̇зсу анааг̇аамипалам̣ вимуд̇д̇и наама, бан̃жамз арахад̇д̇амзва. сзсамзд̇т̇а вуд̇д̇анаяаанусаарзнзва взд̣̇ид̇аб̣б̣ам̣. чадтам̣ уд̇д̇аанад̇т̇амзва.
Pamāṇikāti puggalesu pamāṇaggāhakā. Pamiṇantīti pametuṃ tuletuṃ arahanti. Eko hīnoti eko guṇehi hīno. Paṇītoti eko guṇehi paṇīto uttamo. Taṃ hīti taṃ pamāṇakaraṇaṃ. Abhikkantataroti sundarataro. Paṇītataroti uttamataro. Dhammasoto nibbahatīti sūraṃ hutvā pavattamānaṃ vipassanāñāṇaṃ nibbahati, ariyabhūmiṃ pāpeti. Tadantaraṃko jāneyyāti taṃ evaṃ kāraṇaṃ ko jāneyya. Sīlavā hotīti lokiyasīlena sīlavā hoti. Yatthassa taṃ sīlanti arahattavimuttiṃ patvā sīlaṃ aparisesampi nirujjhati nāma, tattha yutti vuttāyeva. Ito paresu dvīsu aṅgesu anāgāmiphalaṃ vimutti nāma, pañcame arahattameva. Sesamettha vuttanayānusāreneva veditabbaṃ. Chaṭṭhaṃ uttānatthameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. миг̇асаалаасуд̇д̇ам̣ • 5. Migasālāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-10. миг̇асаалаасуд̇д̇аад̣̇иван̣н̣анаа • 5-10. Migasālāsuttādivaṇṇanā
