| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. миг̇асаалаасуд̇д̇аван̣н̣анаа
2. Migasālāsuttavaṇṇanā
44. д̣̇уд̇ияз самасамаг̇ад̇ияаад̇и га-гаарасса яа-гааравасзна нид̣̇д̣̇зсод̇и ааха ‘‘самабхаавзнзва самаг̇ад̇игаа’’д̇и. бхависсанд̇ийд̇и ад̇ийд̇ад̇т̇з анааг̇ад̇аважанам̣ гад̇анд̇и ааха ‘‘бхависсанд̇ийд̇и ж̇аад̇аа’’д̇и. бураан̣асса хи исид̣̇ад̇д̇асса жа самаг̇ад̇игам̣ санд̇хааяа саа звамааха.
44. Dutiye samasamagatiyāti ka-kārassa ya-kāravasena niddesoti āha ‘‘samabhāveneva samagatikā’’ti. Bhavissantīti atītatthe anāgatavacanaṃ katanti āha ‘‘bhavissantīti jātā’’ti. Purāṇassa hi isidattassa ca samagatikaṃ sandhāya sā evamāha.
аммагаад̇и маад̇уг̇аамо. убажаараважанан̃хзд̇ам̣. ид̇т̇ийсу яад̣̇ид̣̇ам̣ аммагаа маад̇уг̇аамо ж̇ананий ж̇анигаад̇и. д̇знааха ‘‘ид̇т̇ий худ̇ваа ид̇т̇исан̃н̃ааяа зва саманнааг̇ад̇аа’’д̇и.
Ammakāti mātugāmo. Upacāravacanañhetaṃ. Itthīsu yadidaṃ ammakā mātugāmo jananī janikāti. Tenāha ‘‘itthī hutvā itthisaññāya eva samannāgatā’’ti.
д̣̇идтияаа бадивиж̇жхид̇аб̣б̣ам̣ аббадивид̣̇д̇хам̣ ход̇ийд̇и ад̇т̇ад̇о гааран̣ад̇о жа бан̃н̃ааяа бадивиж̇жхид̇аб̣б̣ам̣ аббадивид̣̇д̇хам̣ ход̇и, ниж̇ж̇адам̣ ниг̇г̇умб̣ам̣ гад̇ваа яаат̇аавад̇о авид̣̇ид̇ам̣ ход̇и. самаяз самаяз гилзсзхи вимужжанагам̣ бийд̇ибаамож̇ж̇ам̣ ид̇ха саамааяигам̣ ма-гаарз агаарасса д̣̇ийгхам̣ гад̇ваа. д̇знааха – ‘‘саамааяигамби вимуд̇д̇им̣ на лабхад̇ийд̇и гаалаанугаалам̣ д̇хаммассаванам̣ ниссааяа бийд̇ибаамож̇ж̇ам̣ на лабхад̇ий’’д̇и. бамин̣анд̇ийд̇и зд̇т̇а аарамбхад̇т̇о ба-сад̣̇д̣̇од̇и ааха ‘‘д̇улзд̇ум̣ аарабханд̇ий’’д̇и. бан̣ийд̇од̇и висидто.
Diṭṭhiyā paṭivijjhitabbaṃ appaṭividdhaṃ hotīti atthato kāraṇato ca paññāya paṭivijjhitabbaṃ appaṭividdhaṃ hoti, nijjaṭaṃ niggumbaṃ katvā yāthāvato aviditaṃ hoti. Samaye samaye kilesehi vimuccanakaṃ pītipāmojjaṃ idha sāmāyikaṃ ma-kāre akārassa dīghaṃ katvā. Tenāha – ‘‘sāmāyikampi vimuttiṃ na labhatīti kālānukālaṃ dhammassavanaṃ nissāya pītipāmojjaṃ na labhatī’’ti. Pamiṇantīti ettha ārambhattho pa-saddoti āha ‘‘tuletuṃ ārabhantī’’ti. Paṇītoti visiṭṭho.
д̇ад̣̇анд̇аранд̇и важанавибаллаасзна убаяог̇ад̇т̇з саамиважанам̣ гад̇анд̇и ааха ‘‘д̇ам̣ анд̇арам̣ д̇ам̣ гааран̣а’’нд̇и . лобхасса абараабаруббад̇д̇ияаа б̣ахуважанавасзна ‘‘лобхад̇хаммаа’’д̇и вуд̇д̇аа. сийлзна висзсий ахоси мзт̇унад̇хаммавирад̇ияаа саманнааг̇ад̇ад̇д̇аа.
Tadantaranti vacanavipallāsena upayogatthe sāmivacanaṃ katanti āha ‘‘taṃ antaraṃ taṃ kāraṇa’’nti . Lobhassa aparāparuppattiyā bahuvacanavasena ‘‘lobhadhammā’’ti vuttā. Sīlena visesī ahosi methunadhammaviratiyā samannāgatattā.
миг̇асаалаасуд̇д̇аван̣н̣анаа нидтид̇аа.
Migasālāsuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. миг̇асаалаасуд̇д̇ам̣ • 2. Migasālāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. миг̇асаалаасуд̇д̇аван̣н̣анаа • 2. Migasālāsuttavaṇṇanā
