1. миг̇асирад̇т̇зраг̇аат̇ааван̣н̣анаа

1. Migasirattheragāthāvaṇṇanā

яад̇о ахам̣ баб̣б̣аж̇ид̇од̇и ааяасмад̇о миг̇асирад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о гассабасса бхаг̇авад̇о гаалз б̣раахман̣агулз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇аарам̣ д̣̇исваа басаннажид̇д̇о гусадтагам̣ ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з госаларадтз б̣раахман̣агулз бадисанд̇хим̣ г̇ахзд̇ваа миг̇асиранагкад̇д̇зна ж̇аад̇ад̇д̇аа миг̇асирод̇и лад̣̇д̇ханаамо ваяаббад̇д̇о б̣раахман̣аанам̣ виж̇ж̇аасиббзсу нибпад̇д̇им̣ г̇ад̇о чавасийсаманд̇ам̣ наама сигки, яам̣ бариж̇аббзд̇ваа д̇ивассамад̇т̇агз мад̇аанамби сийсам̣ накзна аагодзд̇ваа ‘‘аяам̣ сад̇д̇о асугадтаанз ниб̣б̣ад̇д̇о’’д̇и ж̇аанаад̇и.

Yatoahaṃ pabbajitoti āyasmato migasirattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto kassapassa bhagavato kāle brāhmaṇakule nibbattitvā viññutaṃ patto ekadivasaṃ satthāraṃ disvā pasannacitto kusaṭṭhakaṃ adāsi. So tena puññakammena devamanussesu saṃsaranto imasmiṃ buddhuppāde kosalaraṭṭhe brāhmaṇakule paṭisandhiṃ gahetvā migasiranakkhattena jātattā migasiroti laddhanāmo vayappatto brāhmaṇānaṃ vijjāsippesu nipphattiṃ gato chavasīsamantaṃ nāma sikkhi, yaṃ parijappetvā tivassamatthake matānampi sīsaṃ nakhena ākoṭetvā ‘‘ayaṃ satto asukaṭṭhāne nibbatto’’ti jānāti.

со гхарааваасам̣ анижчанд̇о бариб̣б̣ааж̇агабаб̣б̣аж̇ж̇ам̣ баб̣б̣аж̇ид̇ваа д̇ам̣ виж̇ж̇ам̣ ниссааяа логзна саггад̇о г̇аругад̇о лаабхий худ̇ваа вижаранд̇о саавад̇т̇им̣ убаг̇ад̇о сад̇т̇у санд̇игам̣ г̇анд̇ваа ад̇д̇ано аанубхаавам̣ багаасзнд̇о – ‘‘ахам̣, бхо г̇од̇ама, мад̇аанам̣ ниб̣б̣ад̇д̇адтаанам̣ ж̇аанаамий’’д̇и вад̇ваа, ‘‘гат̇ам̣ бана д̇вам̣ ж̇аанаасий’’д̇и вуд̇д̇з, ‘‘чавасийсаани аахараабзд̇ваа манд̇ам̣ бариж̇аббзд̇ваа накзна сийсам̣ аагодзнд̇о нираяаад̣̇игам̣ д̇зхи д̇зхи ниб̣б̣ад̇д̇адтаанам̣ ж̇аанаамий’’д̇и гат̇зси. ат̇асса бхаг̇аваа бариниб̣б̣уд̇асса бхигкуно сийсагабаалам̣ аахараабзд̇ваа, ‘‘гат̇зхи д̇аава д̇асса г̇ад̇им̣, яассид̣̇ам̣ сийсагабаала’’нд̇и ааха. со д̇ам̣ габаалам̣ манд̇ам̣ бариж̇аббзд̇ваа накзна аагодзд̇ваа нзва анд̇ам̣ на годим̣ бассад̇и. ат̇а сад̇т̇аараа, ‘‘на саггоси бариб̣б̣ааж̇агаа’’д̇и вуд̇д̇з , ‘‘убабаригкиссаами д̇ааваа’’д̇и вад̇ваа бунаббунам̣ баривад̇д̇знд̇оби на бассад̇зва. б̣аахирагаманд̇зна хи кийн̣аасавасса г̇ад̇им̣ гат̇ам̣ ж̇ааниссад̇и, ат̇асса мад̇т̇агад̇о гажчзхи жа сзд̣̇о мужжи. со лаж̇ж̇ид̇ваа д̇ун̣хийбхууд̇о адтааси. сад̇т̇аа ‘‘гиламаси бариб̣б̣ааж̇агаа’’д̇и ааха. со ‘‘аама, гиламаами, на имасса г̇ад̇им̣ ж̇аанаами, д̇умхз бана ж̇аанаат̇аа’’д̇и. ‘‘ахам̣ зд̇ам̣ ж̇аанаами, ид̇о уд̇д̇арид̇арамби ж̇аанаамий’’д̇и вад̇ваа ‘‘ниб̣б̣аанам̣ г̇ад̇о со’’д̇и ааха. бариб̣б̣ааж̇аго ‘‘имам̣ виж̇ж̇ам̣ маяхам̣ д̣̇зт̇аа’’д̇и ааха. ‘‘д̇зна хи баб̣б̣аж̇аа’’д̇и вад̇ваа д̇ам̣ баб̣б̣ааж̇зд̇ваа батамам̣ самат̇агаммадтаанз нияож̇зд̇ваа жхаанаабхин̃н̃аасу бад̇идтид̇асса вибассанааяа гаммам̣ убад̣̇иси. со вибассанааяа гаммам̣ гаронд̇о нажирассзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.48.56-60) –

So gharāvāsaṃ anicchanto paribbājakapabbajjaṃ pabbajitvā taṃ vijjaṃ nissāya lokena sakkato garukato lābhī hutvā vicaranto sāvatthiṃ upagato satthu santikaṃ gantvā attano ānubhāvaṃ pakāsento – ‘‘ahaṃ, bho gotama, matānaṃ nibbattaṭṭhānaṃ jānāmī’’ti vatvā, ‘‘kathaṃ pana tvaṃ jānāsī’’ti vutte, ‘‘chavasīsāni āharāpetvā mantaṃ parijappetvā nakhena sīsaṃ ākoṭento nirayādikaṃ tehi tehi nibbattaṭṭhānaṃ jānāmī’’ti kathesi. Athassa bhagavā parinibbutassa bhikkhuno sīsakapālaṃ āharāpetvā, ‘‘kathehi tāva tassa gatiṃ, yassidaṃ sīsakapāla’’nti āha. So taṃ kapālaṃ mantaṃ parijappetvā nakhena ākoṭetvā neva antaṃ na koṭiṃ passati. Atha satthārā, ‘‘na sakkosi paribbājakā’’ti vutte , ‘‘upaparikkhissāmi tāvā’’ti vatvā punappunaṃ parivattentopi na passateva. Bāhirakamantena hi khīṇāsavassa gatiṃ kathaṃ jānissati, athassa matthakato kacchehi ca sedo mucci. So lajjitvā tuṇhībhūto aṭṭhāsi. Satthā ‘‘kilamasi paribbājakā’’ti āha. So ‘‘āma, kilamāmi, na imassa gatiṃ jānāmi, tumhe pana jānāthā’’ti. ‘‘Ahaṃ etaṃ jānāmi, ito uttaritarampi jānāmī’’ti vatvā ‘‘nibbānaṃ gato so’’ti āha. Paribbājako ‘‘imaṃ vijjaṃ mayhaṃ dethā’’ti āha. ‘‘Tena hi pabbajā’’ti vatvā taṃ pabbājetvā paṭhamaṃ samathakammaṭṭhāne niyojetvā jhānābhiññāsu patiṭṭhitassa vipassanāya kammaṃ upadisi. So vipassanāya kammaṃ karonto nacirasseva arahattaṃ pāpuṇi. Tena vuttaṃ apadāne (apa. thera 2.48.56-60) –

‘‘гассабасса бхаг̇авад̇о, б̣раахман̣асса вусиймад̇о;

‘‘Kassapassa bhagavato, brāhmaṇassa vusīmato;

басаннажид̇д̇о сумано, гусадтагамад̣̇аасахам̣.

Pasannacitto sumano, kusaṭṭhakamadāsahaṃ.

‘‘имасмим̣язва габбасмим̣, гусадтагамад̣̇аасахам̣;

‘‘Imasmiṃyeva kappasmiṃ, kusaṭṭhakamadāsahaṃ;

д̣̇уг̇г̇ад̇им̣ наабхиж̇аанаами, гусадтагассид̣̇ам̣ палам̣.

Duggatiṃ nābhijānāmi, kusaṭṭhakassidaṃ phalaṃ.

‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.

‘‘Kilesā jhāpitā mayhaṃ…pe… kataṃ buddhassa sāsana’’nti.

арахад̇д̇ам̣ бана бад̇ваа ан̃н̃ам̣ б̣яаагаронд̇о –

Arahattaṃ pana patvā aññaṃ byākaronto –

181.

‘‘яад̇о ахам̣ баб̣б̣аж̇ид̇о, саммаасамб̣уд̣̇д̇хасаасанз;

‘‘Yato ahaṃ pabbajito, sammāsambuddhasāsane;

вимужжамаано уг̇г̇ажчим̣, гаамад̇хаад̇ум̣ убажжаг̇ам̣.

Vimuccamāno uggacchiṃ, kāmadhātuṃ upaccagaṃ.

182.

‘‘б̣рахмуно бзгкамаанасса, д̇ад̇о жид̇д̇ам̣ вимужжи мз;

‘‘Brahmuno pekkhamānassa, tato cittaṃ vimucci me;

агуббаа мз вимуд̇д̇ийд̇и, саб̣б̣асам̣яож̇анагкаяаа’’д̇и. – г̇аат̇аад̣̇ваяам̣ абхааси;

Akuppā me vimuttīti, sabbasaṃyojanakkhayā’’ti. – gāthādvayaṃ abhāsi;

д̇ад̇т̇а яад̇о ахам̣ баб̣б̣аж̇ид̇о, саммаасамб̣уд̣̇д̇хасаасанзд̇и яад̇о бабхуд̇и ахам̣ баб̣б̣аж̇ид̇о б̣уд̣̇д̇хасса бхаг̇авад̇о саасанз, баб̣б̣аж̇ид̇агаалад̇о бадтааяа. вимужжамаано уг̇г̇ажчинд̇и сам̣гилзсабагкад̇о батамам̣ д̇аава самат̇авибассанаахи вимужжамаано вод̣̇аанад̇хаммасаванзна удтахим̣. звам̣ уг̇г̇ажчанд̇о гаамад̇хаад̇ум̣ убажжаг̇ам̣ анааг̇аамимаг̇г̇зна ажжанд̇амзва гаамад̇хаад̇ум̣ ад̇иггамим̣.

Tattha yato ahaṃ pabbajito, sammāsambuddhasāsaneti yato pabhuti ahaṃ pabbajito buddhassa bhagavato sāsane, pabbajitakālato paṭṭhāya. Vimuccamāno uggacchinti saṃkilesapakkhato paṭhamaṃ tāva samathavipassanāhi vimuccamāno vodānadhammasavanena uṭṭhahiṃ. Evaṃ uggacchanto kāmadhātuṃ upaccagaṃ anāgāmimaggena accantameva kāmadhātuṃ atikkamiṃ.

б̣рахмуно бзгкамаанасса, д̇ад̇о жид̇д̇ам̣ вимужжи мзд̇и сад̣̇звагасса логасса аг̇г̇абхууд̇ад̇д̇аа сздтадтзна б̣рахмуно б̣уд̣̇д̇хасса бхаг̇авад̇о махаагарун̣ааяог̇зна ‘‘аяам̣ гулабуд̇д̇о мама саасанз баб̣б̣аж̇ид̇ваа гат̇ам̣ ну ко бадибаж̇ж̇ад̇ий’’д̇и бзгканд̇асса д̇ад̇о анааг̇аамимаг̇г̇аад̇хиг̇амад̇о бажчаа аг̇г̇амаг̇г̇аад̇хиг̇амзна мама жид̇д̇ам̣ саб̣б̣асам̣гилзсад̇о ажжанд̇амзва мужжи. агуббаа мз вимуд̇д̇ийд̇и, саб̣б̣асам̣яож̇анагкаяаад̇и д̇ат̇аавимуд̇д̇ажид̇д̇ад̇д̇аа зва саб̣б̣зсам̣ сам̣яож̇анаанам̣ каяаа баригкаяаа ид̇и звам̣ агуббаа мз вимуд̇д̇ийд̇и ан̃н̃ам̣ б̣яаагааси.

Brahmuno pekkhamānassa, tato cittaṃ vimucci meti sadevakassa lokassa aggabhūtattā seṭṭhaṭṭhena brahmuno buddhassa bhagavato mahākaruṇāyogena ‘‘ayaṃ kulaputto mama sāsane pabbajitvā kathaṃ nu kho paṭipajjatī’’ti pekkhantassa tato anāgāmimaggādhigamato pacchā aggamaggādhigamena mama cittaṃ sabbasaṃkilesato accantameva mucci. Akuppāme vimuttīti, sabbasaṃyojanakkhayāti tathāvimuttacittattā eva sabbesaṃ saṃyojanānaṃ khayā parikkhayā iti evaṃ akuppā me vimuttīti aññaṃ byākāsi.

миг̇асирад̇т̇зраг̇аат̇ааван̣н̣анаа нидтид̇аа.

Migasirattheragāthāvaṇṇanā niṭṭhitā.

Next: 2. сивагад̇т̇зраг̇аат̇ааван̣н̣анаа • 2. Sivakattheragāthāvaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 1. миг̇асирад̇т̇зраг̇аат̇аа • 1. Migasirattheragāthā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact