| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. мийл̣хагасуд̇д̇ам̣
5. Mīḷhakasuttaṃ
161. саавад̇т̇ияам̣ вихарад̇и…бз… ‘‘д̣̇аарун̣о, бхигкавз, лаабхасаггаарасилого…бз… ад̇хиг̇амааяа. сзяяат̇ааби, бхигкавз, мийл̣хагаа г̇уут̇аад̣̇ий г̇уут̇абуураа бун̣н̣аа г̇уут̇асса. бурад̇о жасса махааг̇уут̇абун̃ж̇о. саа д̇зна ан̃н̃аа мийл̣хагаа ад̇иман̃н̃зяяа – ‘ахамхи г̇уут̇аад̣̇ий г̇уут̇абуураа бун̣н̣аа г̇уут̇асса, бурад̇о жа мяааяам̣ махааг̇уут̇абун̃ж̇о’д̇и. звамзва ко, бхигкавз, ид̇хзгажжо бхигку лаабхасаггаарасилогзна абхибхууд̇о барияаад̣̇ин̣н̣ажид̇д̇о буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа г̇аамам̣ ваа ниг̇амам̣ ваа бин̣д̣ааяа бависад̇и. со д̇ад̇т̇а бхуд̇д̇аавий жа ход̇и яаавад̣̇ад̇т̇о, ниманд̇ид̇о жа сваад̇анааяа, бин̣д̣абаад̇о жасса бууро. со аараамам̣ г̇анд̇ваа бхигкуг̇ан̣асса маж̇жхз вигад̇т̇ад̇и – ‘бхуд̇д̇аавий жамхи яаавад̣̇ад̇т̇о, ниманд̇ид̇о жамхи сваад̇анааяа, бин̣д̣абаад̇о жа мяааяам̣ бууро, лаабхий жамхи жийвара-бин̣д̣абаад̇а-сзнаасана-г̇илаанаббажжаяа-бхзсаж̇ж̇абаригкаараанам̣, имз банан̃н̃з бхигкуу аббабун̃н̃аа аббзсагкаа на лаабхино жийвара-бин̣д̣абаад̇асзнаасана-г̇илаанаббажжаяа-бхзсаж̇ж̇а-баригкаараана’нд̇и. со д̇зна лаабхасаггаарасилогзна абхибхууд̇о барияаад̣̇ин̣н̣ажид̇д̇о ан̃н̃з бзсалз бхигкуу ад̇иман̃н̃ад̇и. д̇ан̃хи д̇асса, бхигкавз , могхабурисасса ход̇и д̣̇ийгхарад̇д̇ам̣ ахид̇ааяа д̣̇угкааяа. звам̣ д̣̇аарун̣о ко, бхигкавз, лаабхасаггаарасилого…бз… зван̃хи во бхигкавз, сигкид̇аб̣б̣а’’нд̇и. бан̃жамам̣.
161. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko…pe… adhigamāya. Seyyathāpi, bhikkhave, mīḷhakā gūthādī gūthapūrā puṇṇā gūthassa. Purato cassa mahāgūthapuñjo. Sā tena aññā mīḷhakā atimaññeyya – ‘ahamhi gūthādī gūthapūrā puṇṇā gūthassa, purato ca myāyaṃ mahāgūthapuñjo’ti. Evameva kho, bhikkhave, idhekacco bhikkhu lābhasakkārasilokena abhibhūto pariyādiṇṇacitto pubbaṇhasamayaṃ nivāsetvā pattacīvaramādāya gāmaṃ vā nigamaṃ vā piṇḍāya pavisati. So tattha bhuttāvī ca hoti yāvadattho, nimantito ca svātanāya, piṇḍapāto cassa pūro. So ārāmaṃ gantvā bhikkhugaṇassa majjhe vikatthati – ‘bhuttāvī camhi yāvadattho, nimantito camhi svātanāya, piṇḍapāto ca myāyaṃ pūro, lābhī camhi cīvara-piṇḍapāta-senāsana-gilānappaccaya-bhesajjaparikkhārānaṃ, ime panaññe bhikkhū appapuññā appesakkhā na lābhino cīvara-piṇḍapātasenāsana-gilānappaccaya-bhesajja-parikkhārāna’nti. So tena lābhasakkārasilokena abhibhūto pariyādiṇṇacitto aññe pesale bhikkhū atimaññati. Tañhi tassa, bhikkhave , moghapurisassa hoti dīgharattaṃ ahitāya dukkhāya. Evaṃ dāruṇo kho, bhikkhave, lābhasakkārasiloko…pe… evañhi vo bhikkhave, sikkhitabba’’nti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. мийл̣хагасуд̇д̇аван̣н̣анаа • 5. Mīḷhakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. мийл̣хагасуд̇д̇аван̣н̣анаа • 5. Mīḷhakasuttavaṇṇanā
