| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੫. ਮੀਲ਼੍ਹਕਸੁਤ੍ਤਂ
5. Mīḷhakasuttaṃ
੧੬੧. ਸਾવਤ੍ਥਿਯਂ વਿਹਰਤਿ…ਪੇ॰… ‘‘ਦਾਰੁਣੋ, ਭਿਕ੍ਖવੇ, ਲਾਭਸਕ੍ਕਾਰਸਿਲੋਕੋ…ਪੇ॰… ਅਧਿਗਮਾਯ। ਸੇਯ੍ਯਥਾਪਿ, ਭਿਕ੍ਖવੇ, ਮੀਲ਼੍ਹਕਾ ਗੂਥਾਦੀ ਗੂਥਪੂਰਾ ਪੁਣ੍ਣਾ ਗੂਥਸ੍ਸ। ਪੁਰਤੋ ਚਸ੍ਸ ਮਹਾਗੂਥਪੁਞ੍ਜੋ। ਸਾ ਤੇਨ ਅਞ੍ਞਾ ਮੀਲ਼੍ਹਕਾ ਅਤਿਮਞ੍ਞੇਯ੍ਯ – ‘ਅਹਮ੍ਹਿ ਗੂਥਾਦੀ ਗੂਥਪੂਰਾ ਪੁਣ੍ਣਾ ਗੂਥਸ੍ਸ, ਪੁਰਤੋ ਚ ਮ੍ਯਾਯਂ ਮਹਾਗੂਥਪੁਞ੍ਜੋ’ਤਿ। ਏવਮੇવ ਖੋ, ਭਿਕ੍ਖવੇ, ਇਧੇਕਚ੍ਚੋ ਭਿਕ੍ਖੁ ਲਾਭਸਕ੍ਕਾਰਸਿਲੋਕੇਨ ਅਭਿਭੂਤੋ ਪਰਿਯਾਦਿਣ੍ਣਚਿਤ੍ਤੋ ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਗਾਮਂ વਾ ਨਿਗਮਂ વਾ ਪਿਣ੍ਡਾਯ ਪવਿਸਤਿ। ਸੋ ਤਤ੍ਥ ਭੁਤ੍ਤਾવੀ ਚ ਹੋਤਿ ਯਾવਦਤ੍ਥੋ, ਨਿਮਨ੍ਤਿਤੋ ਚ ਸ੍વਾਤਨਾਯ, ਪਿਣ੍ਡਪਾਤੋ ਚਸ੍ਸ ਪੂਰੋ। ਸੋ ਆਰਾਮਂ ਗਨ੍ਤ੍વਾ ਭਿਕ੍ਖੁਗਣਸ੍ਸ ਮਜ੍ਝੇ વਿਕਤ੍ਥਤਿ – ‘ਭੁਤ੍ਤਾવੀ ਚਮ੍ਹਿ ਯਾવਦਤ੍ਥੋ, ਨਿਮਨ੍ਤਿਤੋ ਚਮ੍ਹਿ ਸ੍વਾਤਨਾਯ, ਪਿਣ੍ਡਪਾਤੋ ਚ ਮ੍ਯਾਯਂ ਪੂਰੋ, ਲਾਭੀ ਚਮ੍ਹਿ ਚੀવਰ-ਪਿਣ੍ਡਪਾਤ-ਸੇਨਾਸਨ-ਗਿਲਾਨਪ੍ਪਚ੍ਚਯ-ਭੇਸਜ੍ਜਪਰਿਕ੍ਖਾਰਾਨਂ, ਇਮੇ ਪਨਞ੍ਞੇ ਭਿਕ੍ਖੂ ਅਪ੍ਪਪੁਞ੍ਞਾ ਅਪ੍ਪੇਸਕ੍ਖਾ ਨ ਲਾਭਿਨੋ ਚੀવਰ-ਪਿਣ੍ਡਪਾਤਸੇਨਾਸਨ-ਗਿਲਾਨਪ੍ਪਚ੍ਚਯ-ਭੇਸਜ੍ਜ-ਪਰਿਕ੍ਖਾਰਾਨ’ਨ੍ਤਿ। ਸੋ ਤੇਨ ਲਾਭਸਕ੍ਕਾਰਸਿਲੋਕੇਨ ਅਭਿਭੂਤੋ ਪਰਿਯਾਦਿਣ੍ਣਚਿਤ੍ਤੋ ਅਞ੍ਞੇ ਪੇਸਲੇ ਭਿਕ੍ਖੂ ਅਤਿਮਞ੍ਞਤਿ। ਤਞ੍ਹਿ ਤਸ੍ਸ, ਭਿਕ੍ਖવੇ , ਮੋਘਪੁਰਿਸਸ੍ਸ ਹੋਤਿ ਦੀਘਰਤ੍ਤਂ ਅਹਿਤਾਯ ਦੁਕ੍ਖਾਯ। ਏવਂ ਦਾਰੁਣੋ ਖੋ, ਭਿਕ੍ਖવੇ, ਲਾਭਸਕ੍ਕਾਰਸਿਲੋਕੋ…ਪੇ॰… ਏવਞ੍ਹਿ વੋ ਭਿਕ੍ਖવੇ, ਸਿਕ੍ਖਿਤਬ੍ਬ’’ਨ੍ਤਿ। ਪਞ੍ਚਮਂ।
161. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko…pe… adhigamāya. Seyyathāpi, bhikkhave, mīḷhakā gūthādī gūthapūrā puṇṇā gūthassa. Purato cassa mahāgūthapuñjo. Sā tena aññā mīḷhakā atimaññeyya – ‘ahamhi gūthādī gūthapūrā puṇṇā gūthassa, purato ca myāyaṃ mahāgūthapuñjo’ti. Evameva kho, bhikkhave, idhekacco bhikkhu lābhasakkārasilokena abhibhūto pariyādiṇṇacitto pubbaṇhasamayaṃ nivāsetvā pattacīvaramādāya gāmaṃ vā nigamaṃ vā piṇḍāya pavisati. So tattha bhuttāvī ca hoti yāvadattho, nimantito ca svātanāya, piṇḍapāto cassa pūro. So ārāmaṃ gantvā bhikkhugaṇassa majjhe vikatthati – ‘bhuttāvī camhi yāvadattho, nimantito camhi svātanāya, piṇḍapāto ca myāyaṃ pūro, lābhī camhi cīvara-piṇḍapāta-senāsana-gilānappaccaya-bhesajjaparikkhārānaṃ, ime panaññe bhikkhū appapuññā appesakkhā na lābhino cīvara-piṇḍapātasenāsana-gilānappaccaya-bhesajja-parikkhārāna’nti. So tena lābhasakkārasilokena abhibhūto pariyādiṇṇacitto aññe pesale bhikkhū atimaññati. Tañhi tassa, bhikkhave , moghapurisassa hoti dīgharattaṃ ahitāya dukkhāya. Evaṃ dāruṇo kho, bhikkhave, lābhasakkārasiloko…pe… evañhi vo bhikkhave, sikkhitabba’’nti. Pañcamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. ਮੀਲ਼੍ਹਕਸੁਤ੍ਤવਣ੍ਣਨਾ • 5. Mīḷhakasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. ਮੀਲ਼੍ਹਕਸੁਤ੍ਤવਣ੍ਣਨਾ • 5. Mīḷhakasuttavaṇṇanā
