| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
ਖੁਦ੍ਦਕਨਿਕਾਯੇ
Khuddakanikāye
ਮਿਲਿਨ੍ਦਪਞ੍ਹਪਾਲ਼ਿ
Milindapañhapāḷi
੧.
1.
ਮਿਲਿਨ੍ਦੋ ਨਾਮ ਸੋ ਰਾਜਾ, ਸਾਗਲਾਯਂ ਪੁਰੁਤ੍ਤਮੇ।
Milindo nāma so rājā, sāgalāyaṃ puruttame;
ਆਸਜ੍ਜ ਰਾਜਾ ਚਿਤ੍ਰਕਥਿਂ, ਉਕ੍ਕਾਧਾਰਂ ਤਮੋਨੁਦਂ।
Āsajja rājā citrakathiṃ, ukkādhāraṃ tamonudaṃ;
ਅਪੁਚ੍ਛਿ ਨਿਪੁਣੇ ਪਞ੍ਹੇ, ਠਾਨਾਟ੍ਠਾਨਗਤੇ ਪੁਥੂ॥
Apucchi nipuṇe pañhe, ṭhānāṭṭhānagate puthū.
ਹਦਯਙ੍ਗਮਾ ਕਣ੍ਣਸੁਖਾ, ਅਬ੍ਭੁਤਾ ਲੋਮਹਂਸਨਾ॥
Hadayaṅgamā kaṇṇasukhā, abbhutā lomahaṃsanā.
ਅਭਿਧਮ੍ਮવਿਨਯੋਗਾਲ਼੍ਹਾ, ਸੁਤ੍ਤਜਾਲਸਮਤ੍ਤਿਤਾ।
Abhidhammavinayogāḷhā, suttajālasamattitā;
ਨਾਗਸੇਨਕਥਾ ਚਿਤ੍ਰਾ, ਓਪਮ੍ਮੇਹਿ ਨਯੇਹਿ ਚ॥
Nāgasenakathā citrā, opammehi nayehi ca.
ਤਤ੍ਥ ਞਾਣਂ ਪਣਿਧਾਯ, ਹਾਸਯਿਤ੍વਾਨ ਮਾਨਸਂ।
Tattha ñāṇaṃ paṇidhāya, hāsayitvāna mānasaṃ;
ਸੁਣਾਥ ਨਿਪੁਣੇ ਪਞ੍ਹੇ, ਕਙ੍ਖਾਟ੍ਠਾਨવਿਦਾਲਨੇਤਿ॥
Suṇātha nipuṇe pañhe, kaṅkhāṭṭhānavidālaneti.
੨. ਤਂ ਯਥਾਨੁਸੂਯਤੇ – ਅਤ੍ਥਿ ਯੋਨਕਾਨਂ ਨਾਨਾਪੁਟਭੇਦਨਂ ਸਾਗਲਂ ਨਾਮ ਨਗਰਂ ਨਦੀਪਬ੍ਬਤਸੋਭਿਤਂ ਰਮਣੀਯਭੂਮਿਪ੍ਪਦੇਸਭਾਗਂ ਆਰਾਮੁਯ੍ਯਾਨੋਪવਨਤਲ਼ਾਕਪੋਕ੍ਖਰਣਿਸਮ੍ਪਨ੍ਨਂ ਨਦੀਪਬ੍ਬਤવਨਰਾਮਣੇਯ੍ਯਕਂ ਸੁਤવਨ੍ਤਨਿਮ੍ਮਿਤਂ ਨਿਹਤਪਚ੍ਚਤ੍ਥਿਕਂ 5 ਪਚ੍ਚਾਮਿਤ੍ਤਾਨੁਪਪੀਲ਼ਿਤਂ વਿવਿਧવਿਚਿਤ੍ਰਦਲ਼੍ਹਮਟ੍ਟਾਲਕੋਟ੍ਠਕਂ વਰਪવਰਗੋਪੁਰ 6 ਤੋਰਣਂ ਗਮ੍ਭੀਰਪਰਿਖਾਪਣ੍ਡਰਪਾਕਾਰਪਰਿਕ੍ਖਿਤ੍ਤਨ੍ਤੇਪੁਰਂ। ਸੁવਿਭਤ੍ਤવੀਥਿਚਚ੍ਚਰਚਤੁਕ੍ਕਸਿਙ੍ਘਾਟਕਂ ਸੁਪ੍ਪਸਾਰਿਤਾਨੇਕવਿਧવਰਭਣ੍ਡਪਰਿਪੂਰਿਤਨ੍ਤਰਾਪਣਂ વਿવਿਧਦਾਨਗ੍ਗਸਤਸਮੁਪਸੋਭਿਤਂ 7 ਹਿਮਗਿਰਿਸਿਖਰਸਙ੍ਕਾਸવਰਭવਨਸਤਸਹਸ੍ਸਪ੍ਪਟਿਮਣ੍ਡਿਤਂ ਗਜਹਯਰਥਪਤ੍ਤਿਸਮਾਕੁਲਂ ਅਭਿਰੂਪਨਰਨਾਰਿਗਣਾਨੁਚਰਿਤਂ ਆਕਿਣ੍ਣਜਨਮਨੁਸ੍ਸਂ ਪੁਥੁਖਤ੍ਤਿਯਬ੍ਰਾਹ੍ਮਣવੇਸ੍ਸਸੁਦ੍ਦਂ વਿવਿਧਸਮਣਬ੍ਰਾਹ੍ਮਣਸਭਾਜਨ 8 ਸਙ੍ਘਟਿਤਂ ਬਹੁવਿਧવਿਜ੍ਜਾવਨ੍ਤ 9 ਨਰਚਿਰ 10 ਨਿਸੇવਿਤਂ ਕਾਸਿਕਕੋਟੁਮ੍ਬਰਿਕਾਦਿਨਾਨਾવਿਧવਤ੍ਥਾਪਣਸਮ੍ਪਨ੍ਨਂ ਸੁਪ੍ਪਸਾਰਿਤਰੁਚਿਰਬਹੁવਿਧਪੁਪ੍ਫਗਨ੍ਧਾਪਣਂ ਗਨ੍ਧਗਨ੍ਧਿਤਂ ਆਸੀਸਨੀਯਬਹੁਰਤਨਪਰਿਪੂਰਿਤਂ ਦਿਸਾਮੁਖਸੁਪ੍ਪਸਾਰਿਤਾਪਣਂ ਸਿਙ੍ਗਾਰવਾਣਿਜਗਣਾਨੁਚਰਿਤਂ ਕਹਾਪਣਰਜਤਸੁવਣ੍ਣਕਂਸਪਤ੍ਥਰਪਰਿਪੂਰਂ ਪਜ੍ਜੋਤਮਾਨਨਿਧਿਨਿਕੇਤਂ ਪਹੂਤਧਨਧਞ੍ਞવਿਤ੍ਤੂਪਕਰਣਂ ਪਰਿਪੁਣ੍ਣਕੋਸਕੋਟ੍ਠਾਗਾਰਂ ਬਹ੍વਨ੍ਨਪਾਨਂ ਬਹੁવਿਧਖਜ੍ਜਭੋਜ੍ਜਲੇਯ੍ਯਪੇਯ੍ਯਸਾਯਨੀਯਂ ਉਤ੍ਤਰਕੁਰੁਸਙ੍ਕਾਸਂ ਸਮ੍ਪਨ੍ਨਸਸ੍ਸਂ ਆਲ਼ਕਮਨ੍ਦਾ વਿਯ ਦੇવਪੁਰਂ।
2. Taṃ yathānusūyate – atthi yonakānaṃ nānāpuṭabhedanaṃ sāgalaṃ nāma nagaraṃ nadīpabbatasobhitaṃ ramaṇīyabhūmippadesabhāgaṃ ārāmuyyānopavanataḷākapokkharaṇisampannaṃ nadīpabbatavanarāmaṇeyyakaṃ sutavantanimmitaṃ nihatapaccatthikaṃ 11 paccāmittānupapīḷitaṃ vividhavicitradaḷhamaṭṭālakoṭṭhakaṃ varapavaragopura 12 toraṇaṃ gambhīraparikhāpaṇḍarapākāraparikkhittantepuraṃ. Suvibhattavīthicaccaracatukkasiṅghāṭakaṃ suppasāritānekavidhavarabhaṇḍaparipūritantarāpaṇaṃ vividhadānaggasatasamupasobhitaṃ 13 himagirisikharasaṅkāsavarabhavanasatasahassappaṭimaṇḍitaṃ gajahayarathapattisamākulaṃ abhirūpanaranārigaṇānucaritaṃ ākiṇṇajanamanussaṃ puthukhattiyabrāhmaṇavessasuddaṃ vividhasamaṇabrāhmaṇasabhājana 14 saṅghaṭitaṃ bahuvidhavijjāvanta 15 naracira 16 nisevitaṃ kāsikakoṭumbarikādinānāvidhavatthāpaṇasampannaṃ suppasāritarucirabahuvidhapupphagandhāpaṇaṃ gandhagandhitaṃ āsīsanīyabahuratanaparipūritaṃ disāmukhasuppasāritāpaṇaṃ siṅgāravāṇijagaṇānucaritaṃ kahāpaṇarajatasuvaṇṇakaṃsapattharaparipūraṃ pajjotamānanidhiniketaṃ pahūtadhanadhaññavittūpakaraṇaṃ paripuṇṇakosakoṭṭhāgāraṃ bahvannapānaṃ bahuvidhakhajjabhojjaleyyapeyyasāyanīyaṃ uttarakurusaṅkāsaṃ sampannasassaṃ āḷakamandā viya devapuraṃ.
ਏਤ੍ਥ ਠਤ੍વਾ ਤੇਸਂ ਪੁਬ੍ਬਕਮ੍ਮਂ ਕਥੇਤਬ੍ਬਂ, ਕਥੇਨ੍ਤੇਨ ਚ ਛਧਾ વਿਭਜਿਤ੍વਾ ਕਥੇਤਬ੍ਬਂ। ਸੇਯ੍ਯਥੀਦਂ – ਪੁਬ੍ਬਯੋਗੋ ਮਿਲਿਨ੍ਦਪਞ੍ਹਂ ਲਕ੍ਖਣਪਞ੍ਹਂ ਮੇਣ੍ਡਕਪਞ੍ਹਂ ਅਨੁਮਾਨਪਞ੍ਹਂ ਓਪਮ੍ਮਕਥਾਪਞ੍ਹਨ੍ਤਿ।
Ettha ṭhatvā tesaṃ pubbakammaṃ kathetabbaṃ, kathentena ca chadhā vibhajitvā kathetabbaṃ. Seyyathīdaṃ – pubbayogo milindapañhaṃ lakkhaṇapañhaṃ meṇḍakapañhaṃ anumānapañhaṃ opammakathāpañhanti.
ਤਤ੍ਥ ਮਿਲਿਨ੍ਦਪਞ੍ਹੋ ਲਕ੍ਖਣਪਞ੍ਹੋ, વਿਮਤਿਚ੍ਛੇਦਨਪਞ੍ਹੋਤਿ ਦੁવਿਧੋ। ਮੇਣ੍ਡਕਪਞ੍ਹੋਪਿ ਮਹਾવਗ੍ਗੋ, ਯੋਗਿਕਥਾਪਞ੍ਹੋਤਿ ਦੁવਿਧੋ।
Tattha milindapañho lakkhaṇapañho, vimaticchedanapañhoti duvidho. Meṇḍakapañhopi mahāvaggo, yogikathāpañhoti duvidho.
ਪੁਬ੍ਬਯੋਗੋਤਿ ਤੇਸਂ ਪੁਬ੍ਬਕਮ੍ਮਂ।
Pubbayogoti tesaṃ pubbakammaṃ.
Footnotes:
