| Library / Tipiṭaka / තිපිටක • Tipiṭaka / අපදානපාළි • Apadānapāḷi |
8. මිඤ්‌ජවටංසකියත්‌ථෙරඅපදානං
8. Miñjavaṭaṃsakiyattheraapadānaṃ
39.
39.
‘‘නිබ්‌බුතෙ ලොකනාථම්‌හි, සිඛිම්‌හි වදතං වරෙ;
‘‘Nibbute lokanāthamhi, sikhimhi vadataṃ vare;
වටංසකෙහි ආකිණ්‌ණං, බොධිපූජං අකාසහං.
Vaṭaṃsakehi ākiṇṇaṃ, bodhipūjaṃ akāsahaṃ.
40.
40.
‘‘එකත්‌තිංසෙ ඉතො කප්‌පෙ, යං පූජමකරිං තදා;
‘‘Ekattiṃse ito kappe, yaṃ pūjamakariṃ tadā;
දුග්‌ගතිං නාභිජානාමි, බොධිපූජායිදං ඵලං.
Duggatiṃ nābhijānāmi, bodhipūjāyidaṃ phalaṃ.
41.
41.
‘‘ඉතො ඡබ්‌බීසතිකප්‌පෙ, අහුං මෙඝබ්‌භනාමකො;
‘‘Ito chabbīsatikappe, ahuṃ meghabbhanāmako;
සත්‌තරතනසම්‌පන්‌නො, චක්‌කවත්‌තී මහබ්‌බලො.
Sattaratanasampanno, cakkavattī mahabbalo.
42.
42.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා මිඤ්‌ජවටංසකියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā miñjavaṭaṃsakiyo thero imā gāthāyo abhāsitthāti.
මිඤ්‌ජවටංසකියත්‌ථෙරස්‌සාපදානං අට්‌ඨමං.
Miñjavaṭaṃsakiyattherassāpadānaṃ aṭṭhamaṃ.
